5 سنوات ..لحد الحين موقادرة انسى

[الحسن كله]

إنتي شكلج حيييل تحبينها ولا ما ضلت السالفه بقلبج طول هالسنين .. الله يارب يجمعكم مع بعض مره 2 .. صعب إنك تشوف قسوه من ناس تحبها .. أنا أشوف إن الأمور صعبه ترجع مثل الأول مو عشان إنها ممكن يكون بخاطرها شي منج لا لأنكم كبرتو وصار كل وحده لها بيتها وزوجها أتوقع حتى إهي مع صديقاتها ما يطلعون دايما لأن كل وحده منشغله بحياتها .. أنا أقول حاولي تعدلين العلاقه مع مجموعتكم القديمه كلها مو بس بنت خالتك لأن ممكن يكون هي ودها تكونين معاهم بس صديقاتها لا .. إتصلي فيهم وقوليلهم إنج مشتاقه تطلعون مع بعض قروب نفس قبل وإنشالله بيتقبلونج .. ويارب ترجعون خوات وأكثر من خوات لا يفرقكم رجال ولا غيره

 

[Freakya]

حبيبتي .. انتي لا تخافين .. انتي ما سويتي شي غلط و انتي تدرين بهالشي ..

و لأن اصلا علاقتها بالولد من الاول غلط .. ما له شغل الولد محترم من عالية محترمة ..

اخر شي طلع شنو ؟؟؟؟؟

و اذا اهيا ما تبي ترد العلاقة اللي بينكم .. من الافضل انج تنسينها ..

اهيا بنت خالتج و قريبة منج .. بس الله بعوضج عنها بإنسانه احسن منها ..

 

[om_3kash]

رد : 5 سنوات ..لحد الحين موقادرة انسى

اصلا حتى لو اهي تبي ترد العلاقه
زووجها ماراح يخلييها

البنت تنسى بس الرياال مستحييل ينسى

تلاقين اهي ودها ترد مثل قبل بس ريلها مانعها

انتي غلطتي لماا قلتي حق البنت انه لعووب من غير دلييل جان نطرتيها لما ترد و خليتيها تشوف كل شي بعينهاا
شي طبيعي ماتصدقج الا اذا معاج دليل لانه السالفه مو هينه و ماتتصدق الا بدليل

على العموم الي فات مات والله يعوضج

 

[كتكوته ورديه]

عورتي قلبي خليها علي الله دين يا اختي ودعي الله باتسخير القلوب

 

[يوآش يوآش]

لا حول الله

 

[z8rtia]

السلام عليكم ورحمة الله وبركاته

أبي أقولج شغلة، من البداية إنتي كنتي غلطانة لأنج سكتي عن موضوع علاقتها مع الولد
مهما كان مؤدب ومحترم وخلوق وخوش واحد وولد جيرانكم، الحلال بين والحرام بين !
عموماً الحين شي صار وخلص وإنتي معاج حق إنج قلتيلها وصح اللي سويتيه أصلن ما كان لازم تنطرين لين ترد الديرة
ودامج ما سويتي شي غلط لا تزعلين ولا تتضايقين بالعكس أهما الخسرانين مو إنتي !!!!

وربج يعوضج خير لا تحاتين لكن تقربي من ربج أكثر وأكثر وأكثر، قال تعالى :" ألا بذكر الله تطمئن القلوب"
وإذا تقدرين تخالطين صحبة صالحة بندوات أو دورة تحفيظ قرآن خير وبركة
وبجذي راح تحبين صحبة القرآن وصديقات الخير والدروس الدينية، وتنسين الماضي المؤلم وربج كريم ترى

والله يمسح على قلبج بالإيمان ويشرح صدرج ويعينج على طاعته ويرزقج من حيث لا تحتسبين
والسلام عليكم ورحمة الله وبركاته

 

[z8rtia]

لا حول الله

يزاج الله خير ما يجوز تقولين "لا حول الله" .. بل " لا حول ولا قوة إلا بالله "
لأنك قلبت المعنى بتلك العبارة، والله يعينج على طاعته وترك نواهيه

 

[قلادة]

الله يعينك
خلاص لاتجيبين الطاري لها
لأن الأيام بتعلمها
أنتي اذا شفتيها سلمي عليها ولاتقولين وينك ؟؟ لأنك بسؤالك راح تنحشيها عنك

 

[Tom ♥ Jerry]

.


لآ حول و لا قوة الا بالله العلي العظيمـ :/ !
الحين هاذي يزآته الي يسوي خير بـ هالزمن =* !
غريبه الناس و الله ..

حبيبتي آنتي و الله سالفتج تعـور القلب ..
بس حلها جدآ سهل و الحل بأيدج .. طبعا العشره مآ هانت لا عليج و على عليها .. :| !
على قولتهم العشره مآ تهون الا على عيالالحرآم ..

روحي لها تقربي منهآ و قوليلها و الله آني مآ جذبت و لا زدت حرف زيآده
كل الي شفته و الي سمعته قلتلج اياه و الله كانت نيتي من ورا هاذا
آني آنبهج مو قصدي آخرب بينكمـ و لا شي :/ !
و آنتي آختي و انا آحب لج الخير و دوم آفكر فيج آكثر من نفسي
و صدقيني و لا مره فكرت بيومـ من الآيآم آني آضرج :| !

عمومآ قوليلها / آنتي الحين تزوجتي و الله يهنيج و يوفقج و الله العآلم اني مآ جذبت
و لا قصدي آخرب بينكمـ و اذا تبيني آحلف على القرآن مستعده أحلفلج .. !
قوليلها خل ننسى الي صآر و الله يوفقج و خلينا نرد مثل قبل و آحلى سمن على عسل على قولتهم =*

و صدقيني اذا شآفتج جدآمهآ و تقولين هالـ حجي
آكيد مآ رآح تردجـ .. مآ رآح تهون عليها العشره

 

[om-3abdallah]

الله يعينج

 

[sweet dashttya]

sweet memee
فديتج بس شلون انسى ؟ تدرين عوار القلب اللي يصير على الصداقة وايد اقوى من الزوج .. والله ..
وثقتي في الناس صارت معدومة .. رغم اني اجتماعية وايد وعندي معارف وايد وجذي بس صداقات قوية ماعندي ..
ومو عارفة شلون اقدر اكسب بنت خالتي مرة ثانية .. حرام اللي صار كله ..
مشكورة على ردج ..
الله يرزقج بالزوج الصالح بحق محمد وآل محمد

ياريت اللي قدرت تتجاوز موقف قوي صار بينها وبين صديقتها تقدر تساعدني وتساعد غيري اللي لهم نفس المشكلة ..

اي ادري الموقف حيل صعب عليج عادي هذي الدنيا واذا كلش كلش مو قادرة تنسين حاولي انج تكلمينها واذا شفتيها

ما تبي وقاعده تصد عنج خلاص حاولي انج تنسين لو نفس الوقت قلتيلها انا ابي مصلحتج وراويتيها الدليل جان ما صار كل

هذا وقوليلها انا كنت ابي مصلحتج واحبج عمري ما فكرت اني اضرج بشي والله يشهد على كلامي والله يفرج عليج :eh_s(2):

 

[سمو ذاااتي]

رد : 5 سنوات ..لحد الحين موقادرة انسى

انا مريت بنفس تجربتج بس باختلاف الاحداث اللي صارت وعاااادي دام قدرو يخلوني وينسوني انا هم اقدر انسااااااهم عيشي حياتج واشغلي نفسج بيتج وعيالج وانا عن نفسي دايم اذ خسرت وحده بدون سبب ولا غلط مني اقوول راحت وحده وبدالها الف تعرف قدري وتحترمني فلا تحسسين نفسج بذنب وتاكلين بعمرج على ناس مادرو عنج

 

[بحر الرمال]

اهيا يمكن اللي حز بخاطرها انها حاولت تتصل فيج و انتي كنتي ماتردين عليها و قاطعتيها , هالشي خلاها تاخذ موقف

 

[بولندية]

انتي شكلج طيبة زايدة عن اللزوم نصيحة مني


لا تقولين احد عن أي شي تسمعينه انا جذي اسمع اشيااء واااااايد وكل وحدة تبي تخرب علاقتي بالثانيه و تبيني اوصل حجي

بس انا ادري ان بالنهاية راح يقلب الموضوع ضدي

من جذي اعتبري اللي صار درس لج صج انتي على حق بس لا تقولين فلانه قالت و علانه حشت فيج

ماعليج الا من نفسج يعني الناس بالطقاااااق

 

[صااااحبة السمو]

السالفه ما تسوى انكم تقاطعون بعض يعني هي الحين حمدالله خذيت اللي ببالها وطلع الكلام اللي انقال عن الريال مو صحيح وانتي بعد الله وفقك وتزوجتي
لو انا منج اواجهها ماكو احلى من المواجهه وتفهمينها ان اللي قلتيه لها منقول لج من وحده وان لو انتي مو خايفه عليها ولا يهمج امرها جان ما قلتيه من البدايه ومن هالحجي
اما بالنسبه لرفيجاتج فهم ما عندهم سالفه يزعلون على زعل وحده من قروبكم ... اهم شي حاولي تصلحين الوضع بينج وبين اختج ( بنت خالتج ) والباجي هين امره ان شاء الله
وعسى الله يهدي سركم ويردكم مثل قبل واحسن​

 

[hellokitty3307]

فديت ردودكم بنات مشكورين وماقصرتو بوقفتكم معاي واهتمامكم لمشكلتي ..

آخر تطور صار اني طرشت لها مسج اسأل عنها عقب ما كلمتها عن رفيجتها وخلت لي معلومات في بيت خالتي حق شهر العسل في بيت ابوها .. رحت خذيتهم وطرشت لها المسج اللي قلت طرشته عالأساس اقولها ثانكس واسأل عنها مرة وحدة .. ردها كان جااااااااااااااااااااااامد جمود الثلج .. كالعادة ..
يالله خلنجوف هالعيد شيصير !!


شوي شوي ان شاء الله .. بس والله من يوم كتبت مشكلتي وقريت ردودكم احس اني ارتحت نفسيا وصج احس اني مو غلطانة .. كنت احس بتأنيب ضمير على طول .. لأن جفت ردود من ناس ماعرفها وبعيدة وساندتني صج حسيت بقوة ..


شكرااااا...​

 

[ضايعة بدنيتي]

رد : 5 سنوات ..لحد الحين موقادرة انسى

حبيبتي انتي ... والله شي يقهر حييييل انك تكونين قاصده خير ولكن انتي الي تطلعين بالشينة. ولكن رب العالمين كريم ومايقصر على عباده

اختي البنات كفوا و وفوا ما بزيد على كلامهم شي. بس نصيحتي لك ،

اذا عندك وقت قبل لا تسافرين شهر العسل .. اتصلي لها وعزميها عندك بالبيت ولزمي عليها لااازم تجي كاهو رمضان جاي ربي يبلغنا اياه وهذي فرصة عزميها على فطور عندك . وخليكم بروحكم انتي وهي . واذا عندك صور مالت قبل طلعيها عشان تسترجعون ذكريات طفولتكم . وانغمسي بالكلام عن حياتك وعن خططك وعن الي صار معك بالسنين الي راحت وهم انتي سأليها عن حياتها وشغلها او دراستها عن خططها . سأليها عن اصحابكم ومن هالكلام . ولا تنسين تعتذرين لها عن القصور الي بدر منك . في النهاية انتي خربتيها لما ما حضرتي حفلتها وطلعتي نفسك غلطانة قدام الكل . لازم تعتذرين لها عن هالشي وقولي لها :
انا غلطاااانة وياليت الزمن يعود ما كنت تخليت عنك بأهم يوم بحياتك والايام علمتني اشيا كثير من زود خوفي عليك وحبي لك حاولت اصحح الخطأ بخطأ اكبر منه . بس اوعدك وعد اني ما اتخلى عنك من بعد اليوم وراح اكون معك عالحلوة والمرة . لا تنسين انا اختك مهما فرقت بينا الايام .. ان طحتي في هم تراني موجودة اشيلك واطبطب عليك ... حضنيها وقولي لها ربي لا يحرمني منك .

لازم تسوين هالشي اختي الغالية صدقيني بتطيح جبال ولا تكابرين ولا تخافين . كل الي عليك تعزمينها عندك وتكونون لحالكم ومن بعدها ان شاء الله في امور كثيرة راح تتصلح حتى الجمود الي بينكم راح يتغير مع الوقت وبعدين انتي لا تخلينها . كلميها دوم وعزميها على طلعات انتي وهي لحالكم . وبالنسبة للقروب تركيهم عنك الحين مو مهم وضعك معهم في النهاية هم غرب وصدقيني مستحيل يكونون مثل قبل دوم مع بعض الحين كل وحدة ارتبطت وتغيرت حياتها . وهذا يا حبيبتي درس انك تكونين تتعلمين تسمعين وما تتكلمين الا لما يكون عندك الدليل القااااطع الي يسكت الكل . ولكن هذا درس واكيد تعلمتي منه كثير .

ناطرين منك خبر حلو . عسى ربي يفرج همك

 

[so_what]

انا ادري ان العشره ما تهون عليج ، بس هانت عليها اهيا !! 5 سنين واهيا جذي معاج انسي حبيبتي و قطي ورى ظهرج وعيشي حياتج و الله يوفقج برفيجات احسن منهم ما تسوى السالفه !! ودام اهيا شايفه جذي ما تشوف شر عيل والله يهديها ان شاء الله

 

[Tulips]

الله يعينج حبيبتي على بلوتج

اصعب شي لما كل الناس توقف ضدج وتاخذ عنج فكره غلط

بس ما عليج الدنيا دواره وباجر راح تدري انه كلامج صح وانج كنتي تبين مصلحتها .. وانتي عذريها وحطي نفسج مكانها اهي اللحين متصوره انج كتنتي تبين تهدمين حياتها مع حب حياتها

خلاص اقتنعي اللحين لفكره وحده انه اللي انكسر انكسر وما اقولج مستحيل لكن صعب انه يتصلح يبيلج وقت ويبيلها وقت وما اظن عقب ٥ سنين بيتغير شي .. الا اللهم الله يغير ما بالنفوس .. انتي ادعي بينج وبين ربج انه يرجع الماي لمجاريها وانه يظهر الحق و خلاص انتي كفايه مريحه ضميرج قاعده تواصلينها واهي اللي تتصدد ... اهم شي انج جدام ربج صااااجه واذا اهي هانت عليها العشره و الاخوه اللي بينج وبينها مالج غير انج ترضين بالامر الواقع وتخلين العلاقه معاها رسميه مثل ما اهي تبي


بس انا مستغربه من شغله وحده ليش ما شهدتي اللي قالتلج عن خرابيط الصبي حزة الحزة.. ليش ما خليتيها تكلم بنت خالتج مثل ما كلمتج و ورتج خراببيطه عشان ماتطيح السالفه عليج؟

في النهايه حبيت اقولج مثل ما اقترحت الاخت عزميها بيتج وتصافو على بو رمضان وان لازم تتصافون عشان الله يقبل صيامكم واعمالكم و قوليلها خلاص مانبي نتناقش باللي صار و على الاقل تتحسن العلاقه بينكم و كل وحده تحاول تتصرف جنه شي ما صار

والله يوفقج انشالله ويريح قلبج

 

[• قلبه نصيبي •]

انتي مابغيتي الا انج تحميينها منه وماسويتي شي غلط ومردها بتعرف هالششي إذا مو الحيين بعدييين !

ومثل ما اهيا عايششه حياتها من غيرج ومستانسسسه عيشي حياتج وخلييها وتعرفييي على بنات غيرر صديقاتج إلي اهما صديقاتها !

ولا تلومينها الحب عماها