500 دينار عملية خشم..

[..كويتيه قديمه..]

سلام عليكم ورحمة الله وبركاته..

أنا تعبت من موضوع الخشم هههههههههههه بس اليوم دقت علي رفيجاتي وتناقشنا بهالموضوع..

تخيلوا تقول رفيجة اختها مسويتها عند مستشفى الهادي 500 دينار وتقول صار خشمها فضيع بس مادري اي دكتور لانه البنت سافرت لسعوديه..

الي يعرف بنات مسوين عند مستشفى الهادي تقول لنا شلون خشومهم هههههههههههههه :d

ومشكوررررين مقدما

 

[ii DareeN ii]

ماعنديش خبر في عمليات لخشوم للاسف

 

[*دبدوووبه*]

والله انا مانصح ولا عمليه بمستشفى الهادي
لان كلهم تجار درجة اولى

 

[كويتيه رزتها ملكيه]

حتى دار الشفاء اااكبر نصااابين خاصه الدكتور ندا ، ولا عادل نور الدين فيه ناس تمدحا

 

[..كويتيه قديمه..]

يعني صج يسون ولا لا..

ودار الشفا هم 500 بعد حلو ولا لا؟

 

[Bamya]

دييييري بالج تسوين عند مكان رخيييص ، حتى بايران احسن الدكاتره اللي شغلهم نظييف ومظبوط وروعه مو اقل من 600 دينار

الرخيص تلاقينه بوايد اماكن ، بس كل شي الا الخشــــم قطي عليه لا تستكثرين عليه هذا دعامية الويه <<طاع التشبيه

نصيحة من اخت تحبلج الخيير ومابيج تتحسفين بعد ما تسوينها لان مافي مجاال ترقعين بعدين ويصير خشمج مثل نوال الزغبي خخخخخ

احسن دكتور بعملية الخشم الحربيييي ماكو غيره اللي عيادته بالشعب ، هذا حريييييف فنااان ، صج ياخذ مبلغ محترم بس خشومنا تستاهل

 

[حبيبته آنا]

الحربي بحولي مو بالشعب انا مسويه عنده خشمي من اروع مايكون صج فنااااااان ولاتدورين الرخص دوري الشغل المضبوط هذا خشم يعني شي بالويه واجهه والكل يشوفج

 

[..كويتيه قديمه..]

مشكوره على النصيحه اختي..

حبيبه انا بكم سوها لج وشنو كان في خشمج؟؟

انا بس كبير وطويل وابي اصغره وارفعه بكم توقعين يسويها لي؟؟

 

[blue diamond]

نصيحه من أخت : لا تسوين العملية وتغضبين ربج اذا ماكان فيه ظرف طبي

 

[روحـ روحه]

ودي افيدج ... بس حرام

 

[ريـ الغلا ــم]

شوفي سويهاا واذا اوكي انا بسوي لان عندي ضيق تنفس من خشمي معن حلو

 

[شكنوومه]

500 دينار ..

الظاهر خشمها مايحتاج شغل وايد تري خشم عن خشم يفرق اصلا انا اول مره اسمع انه عملية تجميل الخشم 500 العاده فوق الالف والنص زين والله اذا حصلتي الدكتور واللي يعافيج دزي لي مسج ودي اعدل خشمي انا بعد اهو الجيوب الانفيه ومره وحده تجميل

 

[أم منصور]

إذا تدورون الرخص لبنان أرخص وأضبط
ما تحسين عملية
لكن إذا في الكويت ترى انتي وحظك الموجودين مع ناس زينين ومع ناس عادي ومع ناس يخربون
انتي وين حظج في هذه المنظومة
أما رخص السعر مومبدأ
شوفي سكرتيرات الدكاترة أول ما يشتغلون خشمهم كأنه فقع
بعد مدة شوفيهم شيقولون خشمي خلقة ربي

بس أحسنهم د.جمال الحربي على مستوى الكويت والعمليات نسبة نجاحها حسب طبيعة الخشم

والدكتور مومعصوم لا تنسين إن الله الخالق
والعمليات حرام إذا ماكانت مسببة أذى نفسي مع الشكر


أم منصوووووووووور


ولي في تخصصه كلام كثير
بعدين أقوله

 

[LuLiTa]

ما كنت ادري انه مستشفى هادي يسوون تجميل خشم :/

 

[أم منصور]

إذا تدورون الرخص لبنان أرخص وأضبط
ما تحسين عملية
لكن إذا في الكويت ترى انتي وحظك الموجودين مع ناس زينين ومع ناس عادي ومع ناس يخربون
انتي وين حظج في هذه المنظومة
أما رخص السعر مومبدأ
شوفي سكرتيرات الدكاترة أول ما يشتغلون خشمهم كأنه فقع
بعد مدة شوفيهم شيقولون خشمي خلقة ربي

بس أحسنهم د.جمال الحربي على مستوى الكويت والعمليات نسبة نجاحها حسب طبيعة الخشم

والدكتور مومعصوم لا تنسين إن الله الخالق
والعمليات حرام إذا ماكانت مسببة أذى نفسي مع الشكر


أم منصوووووووووور


ولي في تخصصه كلام كثير
بعدين أقوله

وانا صاجة بالخشم اهو احسنهم والدليل شكثر يسالون عنه ويبونه بس يرد ويفتح عيادته مرة


الله يوفق الجميع يارب ويصلح حالهم والي ما عندها مشكلة في خشمها خليها تستغفر ربها وترضى بخلقة الله افضل لها وما له داعي الانسان يدخل في متاهات اهو في غنى عنها

 

[cuta_saroona]

لا جمال الحربي ولا هم يحزنون

وبعدين جمال الحربي مو كل مره صح

وايد مرات يخرب الخشوم والدليل عندي

والله انه رفيجتي توها مسويتها عنده والله دافعه المسكينه 1300 دينار مو مسوي شي بس سواه شوي سيده ولا مثل ما اهو متين وعريض ومافيه شي عادي وايد عادي حرام هالفلوس كلها اللي راحت

وبعدين لمن رحتلها المستشفى كان اكو بنتين توأم يم غرفتها وامهم يايه حق غرفة رفيجتي تسلم والله انها صاكه فيها الدنيا وقاعده وتسب الحربي تقول بناتي الثنتين وحده ضابطلها خشمها والثانيه والله تقول مخرب خشمها فوق تحت تخيلي تقول خشم بنتي ماله ملامح ههههههههه تقول والله بس شكل كره ماله ملامح ماله قصه ولا شي ودافعه 1200 تقول العب الساعه اللي رحتله

وثالث شي بنت عمتي راحتله واشكثر نصحتها لاتروحيله طيعيني ترا وايد مخرب خشوم قالت لا عادي الكل يمدحه قلتلها اوكي كيفج

رحت والله يا بنات ليه يومكم هذا واهي تبجي لمن تشوف خشمها وتقول ياريت سويتها بره ولا عند هاللي ما يتسمى ، تخيلوا خشمها مافيه شي حلو قالتله بس ابيك تسويه سيده شوي

لاعب لعب تخيلوا رفع خشمها والغضروف مالها اللي بالبوز مسويه متفوخ جنه كره خو معروف الحربي يحب الغضروف يكون متين مادري ليش ، غير جذي متين صار خشمها عرض وايد تقول والله ابجي لمن اشوف الخشم هذا والحين بتروح ايران تعدله لانه معروف هناك رخص ورووووووووووووووووووووووعه بالخشوم يرمونه رسم

وانا كاتبه بالموضوع عن دكاترت النجميل بايران اتمنى تقرون ردودي

نصيحتي حبيبتي لاتسوينها هني طيعيني هني ماتهمهم الا الفلوس لا تجازفين بخشمج وروحي ايران والله فنانين ماشالله عليهم اصلا ايران اول دوله بدت بفن التجميل للخشم وشي معروف

روحي هناك وصدقيني ماتندمين

وتبون اقولكم معلومه؟؟ تدرون الحربي هذا عند منو متعلم؟؟ تدرون تلميذ منو اهو؟؟

دكتوري الايراني الله يخليه يارب ، اهو اللي يعلمه فن التجميل مع انه الحربي مو راضي يسوي ربع اللي يوسيه دكتوري الايراني لانه مشهور بايران وخاصه مشهد وفظييييييييييييييييييييييع كل اهلي راحوله من بعدي وكل وحده تقول للثانيه انا احلى والله ردوا جنم العاب باربي ماشالله عليه روعه شغله ونص سعر الكويت مو هني نهيبه عالفاضي وتجازفين مره يمكن شضبط ومره لا

روحي ايران واذا تبين اي معلومه عن الدكتور هذا اقري موضوع دكاتره التجميل بايران وتعرفين كل شي عنه او راسليني عالخاص ومن عيوني او اذا تبين هني مو مشكله علشان لايزعلون ناس ويقولون ماله داعي الخاص على راحتج

لكن نصيحه لاتسوينها هني وتندمين سويها بايران فظيعين

تخيلي والله قسما بالله كل يوم مو اقل من بنتين ثلاث يسالوني عن خشمي لدرجه مره وحده لحقتني بالسياره الا توقفني وسالتني عن خشمي انا ضحكت

والحمدالله كل الليي راحوله ولا وحده ردت زعلانه او تذم فيه الكل يدعيله لانه صج يرسم خشمج رسممممممم يدرس ملامح الوي عدل ويقولج انتي اي نوع من القصه تلوقلج الحمدالله الله وفقني والكل يمدح بخشمي وكافي

اتمنى اكون فدتج حبيبتي حبيت بس انصحج وانبهج علشان لاتطيحين بنفس المشكله اللي طاحوا فيها البنات

الله يوفقج

 

[أم حمـــــودي]

هلا فيكم خواتي وانا بعد اايد راي اختي سارونه ان عمليات الكويت خراب اب خراااااااااااااااااب وقصابين وعالحظ بس انا ما اقول الا (( بور صااااااااااااااااااااااادق )) وبس والباجي خس ههههههههههههههههههههههههههههه
وتعالي وشوفي خشمي وخشم اختي وزوجة اخوي وبعد اسبوع بتروح اختي وخالتي وصديقتهم وهم بيسوون خشم صديقتهم

 

[دنيا جديده]

ترى حتى ايرااااان مخرب خشووم بنات شوفة عيني
بالعربي كل دكتور فيه الشين والزين يعني ياتصيب ياتخيب

 

[أم منصور]

الا شغل ايران --- انتي لج راي واحنا لنا راي بعد -----

بعد هالدعاية الي صارت حق الدكتور اخاف البنات يردون من ايران ويدورونج ما يلقونج :dddds:

نفس الشي كل الكلام الي ينكتب بالمنتدى كله مدح بالحربي والحين ما اعرف منو الي قاعد يكتب عنه

بالطريقة هذي ومرة وحده الكل قلب عليه وعلى شغله .

روح يالحربي ربي يوفقك وين ما تروح ويقولون الشجرة المثمرة هي الي تقذف بالطوب


الله يوفق الي بايران والي بالكويت ومحد ياخذ نصيب احد وما شالله الى الآن الناس تسال وبالهبل عن مكانه


في مركز العيادات التخصصية ووين راح والي بالاستقبال اقوله الى الآن يسالون عنه يقول يامدام ما بطلوش سؤال واذا ماكان زين ماله داعي الى الآن يسالون عنه _03BA:

 

[دنيا جديده]

رفيجتي مسويته بأيران وعععععععععععععععع جنه مايكل جاكسون اللهم لاشماته الحمدلله على كل حال