70 ألف دينار قرض إسكاني من دون فوائد للكويتية المطلقة... والأرملة

[ماما فله]

بنات دام ان الكل عنده استفسارات ليش ما نسوي صفحه خاصة حق هالموضوع ونخلي وحده من أهل الاختصاص ترد عليها
ياليت تساعدنا مشرفة القسم​

لأني عندي سؤال
هل الأرمله ولها عيال متزوجين تستحق القرض ولا لأ؟؟​

 

[الـــريـــم]

بنات منو عنده فكره عن الموضوع
المطلقه شنو شروطها عشان تاخذ قرض وشنو قصدهم طلاق بائن
انا مطلقه طلقة اولى !!

 

[hhateek]

السلام عليكم

احسن شى اللى يبى يعرف ويستفسر زين يروح لهم يراجعهم ويسأل
فى بنك التسليف المواعيد من 4:30 مادرى يمكن ل 7 او 7:30

اليوم اول يوم فى التقديم ..
هم قايلين فترة 3شهور للتسجيل وبعدها بيحددوا الاعداد وبعدها بيعطوا القرض او السكن المخفض

 

[om.googi]

بنااااااااااااااااااااات رحت قبل شوي الله لا يوريكم الزحمة يقولج الأفنيووووووز يوم الخميس :krkrkr:​

شنو هذا .. ههههههههههههههههههههه الموقع ( بنك التسليف ) ما تشوفين فيه إلا بنات وحريم كبار ماكو ولا ريال​

أبي ألقى مسفط مااااااااكو نص الحريم صافطين بالشارع وبرصيف الإشارات !!
يبووووووي اخذت فوق تحت ورديت البيت باجر بروح ​

شفت جم بنت ويهها ما يبشر بخير اول ما طلعت قاعدة تتحلطم حق وحدة الله يستر :eh_s(2): مادري شقالولها وفي بنات شقت الحلج من
بو حليفة لي الجهرا ..​

بنات اللي بيروح يطق كرته اهناك قبل الـ 4 اوف حتى الدوريات ماقدرت تسوي شي إلا انها تسكر الدخلة ههههههههه .. ​

بس باجر واللي بعده .. قااااابل للزيااااااااادة .. موفجين​

 

[تذكر خافقي رمحك]

الله يعز الكوووووويت مو مخليه قاصر على عيالها

 

[$حبيبة عبودي$]

الله يعز الكويت ..ماقصرو يستاااااااااهلون بنات الكويت

 

[@سوسن@]

ماتغير من القانون القديم اي شي هو هو نفسه خمسة واربعين الف بس زادو عليهم المطلقه من غير كويتي

وبالنسبه للمتزوجه من غير كويتي بيوت منخفظة التكاليف هي تيماء والصليبيه ومجمع الصوابر شنو الجديد في الموظوع
والله اني مستغربه !!!!!!!!!!اكبر دليل على فشلهم انهم مو عارفين البيوت اللي بيسكنون فيها المتزوجات غير كويتين
شنو؟ للحظه ولا راح يسون لهم اي شي
اللي تسأل عن الشروط
اللي اعرفه
انها كويتيه ماده اولى تأسيس "مو تجنيس" اللي تجنيس لاتروح
واللي مطلقه لازم يكون مر على طلاقها مو اقل من 3 سنوات ها اللي اعرفه وبس ..

والله يوفق الجميع

 

[الميآسية]

ماتغير من القانون القديم اي شي هو هو نفسه خمسة واربعين الف بس زادو عليهم المطلقه من غير كويتي

وبالنسبه للمتزوجه من غير كويتي بيوت منخفظة التكاليف هي تيماء والصليبيه ومجمع الصوابر شنو الجديد في الموظوع
والله اني مستغربه !!!!!!!!!!اكبر دليل على فشلهم انهم مو عارفين البيوت اللي بيسكنون فيها المتزوجات غير كويتين
شنو؟ للحظه ولا راح يسون لهم اي شي
اللي تسأل عن الشروط
اللي اعرفه
انها كويتيه ماده اولى تأسيس "مو تجنيس" اللي تجنيس لاتروح
واللي مطلقه لازم يكون مر على طلاقها مو اقل من 3 سنوات ها اللي اعرفه وبس ..

والله يوفق الجميع

:eh_s(16)::eh_s(16)::eh_s(11)::eh_s(11)::eh_s(16)::eh_s(16):
اللي يقهر اكثر ..انا الكويتيات المتزوجاات من غير كويتي ( خليجي ) , صاار مالهم حق باي شي , مع انه زوجها و اهله مقيمين بالكويت من سنين واساس اهله الكويت وبعد كم سنه يهدون الشعبيات , يعني جذي و جذي ما سووا شي , وقسسم بالله شي يقههر بقوه , :bbbiu:

الله يعز بن صبآآح ويحفظ الكويت

 

[om.googi]

ماتغير من القانون القديم اي شي هو هو نفسه خمسة واربعين الف بس زادو عليهم المطلقه من غير كويتي

وبالنسبه للمتزوجه من غير كويتي بيوت منخفظة التكاليف هي تيماء والصليبيه ومجمع الصوابر شنو الجديد في الموظوع
والله اني مستغربه !!!!!!!!!!اكبر دليل على فشلهم انهم مو عارفين البيوت اللي بيسكنون فيها المتزوجات غير كويتين
شنو؟ للحظه ولا راح يسون لهم اي شي
اللي تسأل عن الشروط
اللي اعرفه
انها كويتيه ماده اولى تأسيس "مو تجنيس" اللي تجنيس لاتروح
واللي مطلقه لازم يكون مر على طلاقها مو اقل من 3 سنوات ها اللي اعرفه وبس ..

والله يوفق الجميع

اختي انتي متأكدة انهم ما غيرو شي ؟ يعني رحتي وتأكدتي !!
لأنج كاتبة ( اللي أعرفه ) يعني خبرج مال أول
بس قوليلي عشان ما أتعنى عالفاضي وأجابل شغلي >>>:dfgl:​

 

[انصاريه قمره]

وووووووووويع وووووووووووويع وووووووووويع انا رحت اليوم مع عمتي لا تشوفون المسخراااا جنج طاره منعهم زكاااه يصرخون عالحريم ويدزونهم ومو راضين يدخلونهم والصحافيين يصورون الحريم والرياييل ما يستحوون لاصقين بالحريم والمرا تقول عيب وخروا احنا حريم لو سمحتوااا مالج امل يوخرون يحككون بالحريم حسبي الله ونعم الوكييييييل والبنك مالت عليهم مو مهيئين انفسهم لاستقبال المراجعين الحريم واعليااا برااا ينطروووون وصاكين الباب ويدخلووون على مزاجهم اللي يعجبهم يدخلونه لا وياليت لي دخلواا في شي بس يعطونج استماره علشان تعبينها انا عمتي موعدها شهر 3 _2012 يعني انطر يا حمار لي جاك الربيع
شكلهم جذابين ما بيسون شي يلعبون بأعصاب الناااس

 

[ورع البدو]

اخت دنياي الشكر موصول للنائبين الحربش والطاحوس فهما عضوان بلجنة المراه بالاضافه الى معصومه وسلوى

وهالقانون فكرة الحربش وكان يتكلم فيه من ايام حملته الانتخابيه

الله يجزاهم خير جميعا وكل من ساعد على انجاز هذا القانون

عسى الله يحفظ ديرتنا من كل مكروه ومنها للأعلى

أنا أقووووول مستحيييل يكون هالقانون أقروه النائبات :eh_s(10):

لأن كل قانون لصالح المرأة وقفوا النائبات ضده مثل قانون معاش ربة المنزل وقوانين كثيره :rgewrg:

الله يجزا الحربش والطاحوس خير :yaaaaaarb:


معصومه للأمانه دااايما" تدافع عن المرأة اللي متزوجه غيــــــر كويتي فقــــــــــــط
وما عمري سمعتها تدافع عن المرأة الكويتيه وقضايانا المختلفه

أما سلوى اذا أبتكلم عن انجازاتها ما راح أخلص :rgewrg:

ما اقوول إلا عسى الحريم ما يوصلون للمجلس الجاي :yaaaaaarb:

أما بالنسبه للقرض فهو خبر حلو وان شاء الله يستفيدون منه نساء الكويت :ggdw:

 

[بكره أحلى وأحلى]

الله يحفظ الكويت من كل شر ويديم عزها

بنات احمدوا ربكم غيركم مو حاصل لهم شي ربي لك الحمد والشكر

 

[@سوسن@]

اختي انتي متأكدة انهم ما غيرو شي ؟ يعني رحتي وتأكدتي !!

لأنج كاتبة ( اللي أعرفه ) يعني خبرج مال أول

بس قوليلي عشان ما أتعنى عالفاضي وأجابل شغلي >>>:dfgl:​

بموجب القانون والمواد اللي فيه بحاول اطلعه وانسخه

 

[@سوسن@]

الله يحفظ الكويت من كل شر ويديم عزها

:krkrkr:
بنات احمدوا ربكم غيركم مو حاصل لهم شي ربي لك الحمد والشكر

كويتيه تأسيس تعيش مع الفيران في الصوابر والماي يقطر على عيني وانا نايمه او تحترق القه اللي يمي وانا باالوام او تقصدين القبور اللي يقولون تيماء ..يابنت خافي ربج .اتعس امرأه بالكون الكويتيه:eh_s(2):

حتى السعود يه اللي تقولون هاظمه حقوق المرأه المره لها حق في بيت وبيوتهم رخيصه

 

[الحبيبه الدبيبه]

وووووووووويع وووووووووووويع وووووووووويع انا رحت اليوم مع عمتي لا تشوفون المسخراااا جنج طاره منعهم زكاااه يصرخون عالحريم ويدزونهم ومو راضين يدخلونهم والصحافيين يصورون الحريم والرياييل ما يستحوون لاصقين بالحريم والمرا تقول عيب وخروا احنا حريم لو سمحتوااا مالج امل يوخرون يحككون بالحريم حسبي الله ونعم الوكييييييل والبنك مالت عليهم مو مهيئين انفسهم لاستقبال المراجعين الحريم واعليااا برااا ينطروووون وصاكين الباب ويدخلووون على مزاجهم اللي يعجبهم يدخلونه لا وياليت لي دخلواا في شي بس يعطونج استماره علشان تعبينها انا عمتي موعدها شهر 3 _2012 يعني انطر يا حمار لي جاك الربيع
شكلهم جذابين ما بيسون شي يلعبون بأعصاب الناااس

يعني شلون بس يوزعون استمارات؟؟؟؟؟؟؟؟؟؟؟؟؟؟؟؟؟؟؟؟؟؟ مايستلمون مستندات
السالفه خرطيييييييييييييييييييي:ch12::krkrkr::ch12:

 

[جــــود]

بنات حتى الكويتيه اللي ماخذه خليجي وساكنه بالكويت يعطونها الـ 70 والا لا

 

[الحبيبه الدبيبه]

احد شروط الحصول على قرض ا
ان اكون الام مع اولادها يقيمون اقامه دائمه بالكويت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا الشرط من وين نثبته ونجيبه والله حاااااااله

 

[ياشايل الظبى]

الله يعز ديرتنا

 

[ديمــــــــــه]

مبروك ان شاء الله

يستاهلون بنات الكويت

 

[@سوسن@]

احد شروط الحصول على قرض ا
ان اكون الام مع اولادها يقيمون اقامه دائمه بالكويت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا الشرط من وين نثبته ونجيبه والله حاااااااله
............................

من صجهم انجنو؟؟ من وين بالله نجيب لحظرتهم الاثبات ؟؟

حبوبه كتبي الشروط ...خلينا نستفيد للامانه انا مارحت للحين ..عارفه اني بنصدم والله طايب خاطري

واللي يقولون ماقصرت الحكومه اوكي .... نطرو بنشوف الوظع بالاول وبعدين احنا اللي نقول لكم ولو اني مستبعده
بعد سهيل عن الجدي ....