^_^شنو الهدايا اللي انصدمتي فيها بالنفاس^_^

[AVE.NJ]

لا تدققون على الهدايا انه مايهمني
بس انه صار لي موقف محرج امي دقت على قالت لي روحي افلانه ولدت ويابت ولد وبس اليوم استقبالها وكان السالفه المغرب
عاد انه توني والده وعندي وايد هدايا جان اغلف اغراض ولدي واحط كرت وارح المستشفى
والصدمه المره يايبه بنت
صج فشله امبين اني يايبه من ملابس ولدي صج احرج

 

[حلا الرووح]

تو ما ولدت ان شاء الله اولد بسلامه

 

[ELFAD3Ah]

انا باستقبال ولادتي كل الهدايا كانت سنعه ماعدا هدية مرت خال ريلي يايبتلي طقم ملابس حق البيبي من المحاميد ولا متروس دبابيس

 

[بنت ذآك الأمير!]

هههههههههههههههههههههه

 

[أم الغاليات]

هههههههههههههههههههههههههه
انا في اخر ولاده لي مرت جيرانا عجوووز
عطتني حب مخلوط وفيمتو وخمس دنانير ملفوفه بكلينكس ياحلاتها وتتعذر بعد
انا بصراحه عادي عندي الانها كبيره حيييييييييل بالعمر ووجبتني وجت لي عندي
الله يلبسها ثوب الصحه والعافيه

 

[كويتيه مذهله 87]

موضووع عجييب

الحمدالله الهدايا كلها شي عدل وتبيض الوي

بس انا انقهرت من وحده تصيرلي حيييل حيييل حييييييييييل والده مرتين ويبتلها هالشي السنع ولمن انا ولدت حتي ما ارفعت السماعه وقالت لي مبرووك معني الكل يدري انا تأخرت بالحمل والكل ناطر يشوف ولدي وقلت يمكن عندها ظروف او مشكله بس الحمدالله مافيها الا كل عافيه وماتشوف شر!! ولمن شافتني لمن طلعت من الاربعين سلمت علي وضحكت مبين انها مفتشله

 

[جولينار]

موضوع يجنن


زوجة عمي جتها هدية مناشف للمطبخ + 20 ريال + صابونة كامي + عطر ابو عشرة ريال


ماادري هالمرة شاكة ان عمتي ماتتنظف والا شلون ؟؟




بالنسبه لي لو ناس مايهموني ولاقراب مرره عادي عندي لو يحيبون كراتين صابون تايد وكلوركس

 

[marshmelo0o]

انا توني بجر اذا ولدت بسلامه انشاء الله بقول لكم

بس اذكر اول ماتزوجت يارات بيت حمولتي يايين بشوفوني وله وحده منهم يايبه قميص نوم من المحاميد لا سعره عايه دينار ونص مت من الضحك والله مو مهم الهديه كافي ييتهم ليش الواحد افشل نفسه ويدخل بشي افشل

 

[فراقك نكاده]

انا ولدت وزوجي يدرس بره ويبت ولد
خالتي ام ريلي من الونااااسه يابتلي اكبر حلو بالمحل
بس عقب اسبوووع استوعبت انها يايبه وردي واتفشلت بس انا كانت عاجبتني الهديه لانها مسكينه من الفرحه ماتدري شتسوي يايتني من س7 الصبح المستشفي*

 

[بربيره]

انا الشغله الي تنرفزت منها وحده يايبتلي دبوس ذهبي و تقول يبتلج ذهب و قايله للكل انها يابتلي ذهب بنات جد ترا دبوووسسسس خفيييييف حيل و صج للحين مستغربه

ووحده يابتلي مال البيبي الي تكرمون يبول لما بنعوده يقط الحفاظه و بدون تغليف ولا شي و لا ماركه ولا شي يعني جنه من مكان شعبي

و شغله ثانيه اممم وحده ولدت عطيتها اربعين دينار مع انها بعيده حيل بس ريلي و سوالفه لووول ولما ولدت يابتلي بدله من مذركير اقل من اربع دنانير فانا خذيتها درس الي ييبلي شي سنع اييبله شي سنع

 

[أعشقه]

انا في ولادتي ناس تجيب فلووس تلفهم في مناديل وتحطهم في لبس الياهل اذا خذته
منهم جابو لي سله حلوياات
بس جات لي 5 هدايا لبس وكلهم نفس الشي نفس اللون يعني تخيلو 5 لبسات نفس الشي
بس في وحده لافه 3 ريال في منديل يوم شفتهم ضحكت قلت شكلهم مصروف عيالهااا وحطتهم

 

[HaMboOoSha]

هههههههههههههههههههههه والله يضحكون
ان شاءالله اذا ولدت اقولكم لاني بجر

 

[توحه1]

انا بولادتي بولدي الاخير وحده من زميلات الدوام ياتني المستشفى والله الكيس من زارا والتغليف الداخلي زارا والكرت بعد وهي يايبتلي بدله بمستوى المحاميد ومغلفتها بزارا والله افتشلت اوريها زوجي وعطيتها خدامتي تلبسه

اساس البدله مومستوى حتى محلات النقره

 

[Om_Ftooo7]

انا لما ولدت بنتي كان على آخر شهر 3 يعني باول الصيف ... وحده يابتلي هديه بدلتين حلوييين بس شنو ..... شتويين!! وقياسهم من 3-6 والثانية من 6-9 يعني بالضبط متى تلبسهم بنتي بعز الصيف والمحل ما يبدل

شكلها يوم شرتهم ما دققت عالقياس :eh_s(10):

 

[سارة_kw]

في ناس وايد ما تستحي على ويها يعني انتي تقدرينهم وتوجبينهم على ابسط الامور واهم مناسبة كبيره ولا كأنهم يعرفونج ينسون الواجب شي يحر

صح والله نوجبهم باحسن الهدايا واخرتها نصير منسيين :rgewrg:

 

[حليبه]

ههههه

 

[واي بفضفض]

ما تدرون الناس شنو ظروفهم يمكن ما عندها احد يوديها او الفلوس مقصرة معاها شوي

الحمدلله الله غانيكم عن هذي الهدايا الله يخلي لكم معاشاتكم ورياييلكم

كفايه وجبت ويت

 

[دمثة]

الحمدالله ماجاتني الا هذايا زينه


الحمدالله الكل اهداني فلوووس


القريب والبعيد


ماقصروا

 

[q8sweeta]

انا بولاداتي
يتني هدايا غريبه
قميص نوم في ريحه عطر وحاطه العلامه بجلاب الملابس
بدله ياهل ملبوسه وعليها بقعه حليب او شي على جنب
دبدووب ومكتوب عليه هابي فلانتاين وانا والده شهر 4
دراعه وملفع وحنه والله من مره كبيره
ماي زمزم بس حبيته ماعتبرته غريب
خوات يايني ويايبين كل وحده عربانه فصار عندي 4 عربانات بس اشوه مذركير عندهم خدمه الاسترجاع رديتهم واخذت بفلوسهم لبس
بدله ياهل وبنتي بالشيشه والبدله عمرها 5 سنين
بدله من محاميد مكتوب على التاق مالها نص دينار
كرتونين ماي وكرتون عصير تفاح كي دي دي
ماكنتوش علبه الصغيره ام 990 فلس
بدله حق ولدي ومكتوب عليها مبروك يافلانه داخل البدله الظاهر ماشافتها وكانت لها في ولدها
كرتون حفاضات ومميه
واحاول اتذكر

لووول لا امبيه كسرتي خاطري هداياج تحفه الصراحه
بدله الياهل تترقع وماي زمزم والعربانات تترقع بس الباقي لا
الله يعينج

 

[om MaRyooM]

مشكورين بناااااات
...

ما تدرون الناس شنو ظروفهم يمكن ما عندها احد يوديها او الفلوس مقصرة معاها شوي

الحمدلله الله غانيكم عن هذي الهدايا الله يخلي لكم معاشاتكم ورياييلكم

كفايه وجبت ويت

كلامج عدل طبعا



بس احنا نقصد الهدايا اللي ماتنهدى حتى لو حق خدامة !!!!!!
يعني معقولة وحدة تييب حق والدة دراعة بو دينار وشي !!!

الواحد يا يسوي بأصله ويوجب عدل ومو شرط شي غالي لا طبعا .. او الوحدة لاتروح احسن

يعني بالنسبة لي افضل ان الوحدة تييني خالية وتوجبني .. ولا انه تييب شي يفشل