_-_- الجالكسيات فقط _-_- هنا التجمع

[shai5at al3arab]

بانتظار نزول العربي بالسوق

ان شا الله اخر هالشهر يااارب ينزل بسرعة

 

[شاكيرآ]

بنات واللي يعافيكم ابي رابط تحميل الواتس اب لاني ماحصلته بالماركت

 

[ذهب اصلي]

بنات ياحلويين بسالكم
في خدمه للمسن مثل البيبي بلاك بيري مثل مسن الايفون مو مسن الهوتميل
لااني بصراحه محتاره بين الايفون 4 والجالكسي


اتمنى تردون علي

 

[4eEver]

^^

أي حبيبتي فيه برنامج اسمه Live profiles

للتواصل مع البلاك بيري والايفون والجالكسي


ويكون لـج pin خاص فيج

 

[ღ ƒḋảіŧňėỷ ღ]

صوره الجالكسي اس 2

طبعا شريته بتاريخ 6-6-2011 واليوم 13-6-2011

مده استخدامي للجهاز بسيطه بس اقدر اقول اني تعبثت فيه وايد والجهاز حبيته بقوه



:: ::



:: ::



السموحه لأني مارديت بسبب ان اخر سنه لي بالثانويه وما عندي وقت اشبك فقلت ان باجر الثلاثاء عطله فقلت اكتب رد عن الجهاز (( بس طبعا ماراح اتكلم عن الجهاز وايد )) لأن بعد الامتحانات بكتب موضوع كامل عن الجهاز بمدونتي


:: ::


اول شي الجهاز سريع وممتاز ومثل ما قتلكم من بعد استخادمي للايفون 3 سنين فقلت بجرب شي يديد فشريت جهاز جالكسي اس 2 اللي اهو نظام اندرويد ( نظام قوقل )

ما شاء الله ماراح ابالغ بس الجهاز اقل ما يقال عنه روعه جهاز كامل اقدر انزل اغاني وفيديو من نفس الجهاز .. مو مثل الايفون لازم ايتونز

دقت الالوان بالجهاز اعلى من دقت الالوان بالايفون + كامره الجالكسي اس 2 اقوى من كامره الايفون

الجالكسي كامرته 8 بكسل اما الايفون 5 بكسل وطبعا كامره الجالكسي لا يعلا عليها عجيبه

:: ::


والحيين للأسأله اللي يمكن راح تنطرح للجهاز

الجهاز معرب ولا مو معرب ؟

الجهاز للأسف مو معرب والتعريب الرسمي راح ينزل للجهاز احتمال نص 6 او اول 7 .. وطبعا في مواضيع بالمنتديات عن كيفيه تعريب الجهاز

نصيحتي اللي تبيه تشتريه من الحين وما تنطر دفعه الشرق الاوسط لأن قريت ان ماراح اتكون فيه مميزات نفس الدفعه الاولى والله اعلم اذا كان الحجي صج ولا لأ .. لأن ما اتذكر وين قريت ان ماراح يكون نفس الدفعه الاولى

خط الكتابه متقطع بالجهاز ولا لأ ؟؟

لا مو متقطع لأن لم شريت الجالكسي امنزلين كيبورد فيه عربي وانقلش وطبعا كيبورد الجهاز بس انقلش (( لأن الجالكسي حاليا مافيه تعريب ))

الجهاز يسوى اشتريه ولا اشتري ايفون ؟

انا اقول اللي اتحب عوار راس وجهاز ناقص واهي اتكمله عن طريق الجيلبريك واتعابل فيه تشتري ايفون

اللي تبي اتريح بالها وتبي جهاز كامل تشتري جالكسي اس 2


طيب من وين اشتريه ؟

في طريقتين

الاولى تشترينه من مواقع موثوقه مثل الباي بال

الثانيه محل هاتف 2000 اللي بمنطقه قيروان << لأن انا شريته من هاتف 2000 اللي بقيروان مادري اذا فيه بالافرع الثانيه ولا لأ

جم سعر الجهاز ؟

225 دينار .. ولا اتيي وحده واتقولكم انا ابيعه ويطلع السعر Hot :eh_s(4):
​

 

[shai5at al3arab]

شلون هاتف ٢٠٠٠ يبيعه والوكيل للحين ما نزله

واااي احترت استري هذا الانجليزي واعربه ؟ ولا انطر العربي ؟!


مادري شرايكم

 

[ღ ƒḋảіŧňėỷ ღ]

ملاحظه للكل

بليز بنات مو اتوهق كل بنت شنو تاخذ ايفون او جالكسي ياللي عندها خبره ومجربه الجهازين اتساعد البنت

(( مو اتيي وحده اتقول ايفون احسن واهي مو مستخدمه الجالكسي

او وحده اتقول الجالكسي احسن واهي بالاساس مو مستخدمه الايفون ))

لأن حرام بتضيعون البنت وتحتار اكثر
​

 

[ღ ƒḋảіŧňėỷ ღ]

شلون هاتف ٢٠٠٠ يبيعه والوكيل للحين ما نزله

واااي احترت استري هذا الانجليزي واعربه ؟ ولا انطر العربي ؟!


مادري شرايكم

بالنسبه لسؤالج الاول يحق اي محل او شركه اتييب الجهاز من بره او تطلبه من المواقع واتبيعه بالكويت .. ومو شرط ان الوكيل الرسمي اييبه قبل المحلات والشركات .. وطبعا الكل يبي يكسب ابأي طريقه سواء المحلات او الشركات اللي اتييبه من برى او تطلب كميه واتبيعه بالكويت

وشنو يضمن ان الكويل الرسمي ماراح يكون اغلى من هاتف 2000 اللي قاعد يبيعه 225

وطبعا المحلات والشركات اذا جافوا الوكيل الرسمي عنده الجالكسي مرتفع سعره اهم راح يرفعون اسعارهم

وبالنسبه لسؤالج الثاني تقدرين اتقوليلهم يعربون الجهاز مافيها اي مشكله او انتي تعلمي شلون اتعربينه مافي شي مستحيل

انا بس خل اخلص الامتحانات بغير روم الجهاز واركبله تعريب بدال المحلات اللي ما يسوون بذمه وضمير بس همهم الفلوس

​

 

[ذهب اصلي]

^^

أي حبيبتي فيه برنامج اسمه Live profiles

للتواصل مع البلاك بيري والايفون والجالكسي


ويكون لـج pin خاص فيج

م


مشكورره حبيبتي على اخر الاسبوع راح اشتريه :eh_s(7):



بس شنو افضل موديل

 

[فـيـونـكـا]

الافضل شراء جالكسي اس 2 من بره لان مواصفات الجهاز الي بنزل بالشرق الوسط مو شي مع اختلاف بجودة الشاشه
بس الله يعينكم على تعريب الجهاز يذل الواحد ​

 

[ღ ƒḋảіŧňėỷ ღ]

الافضل شراء جالكسي اس 2 من بره لان مواصفات الجهاز الي بنزل بالشرق الوسط مو شي مع اختلاف بجودة الشاشه
بس الله يعينكم على تعريب الجهاز يذل الواحد ​

خيتو الجهاز اللي ينباع من هاتف 2000 مواصفاته كامل لان اييبونه من برى

 

[~عيون الحب~]

يعني شلون بنات انا ناطره اللي بينزل بالكويت
من صجكم راح يطلع مو شييي ؟

 

[~DeeM~]

بنات جم رقم محل هااتف 2000 ؟

 

[ღ ƒḋảіŧňėỷ ღ]

اللي تبي رقم هاتف 2000
99005949
99006415

 

[shai5at al3arab]

انزين يعني عقب التعريب يصير اوكي يعني كللل شي يقراه عربي النت والكيبوررد والبرامج اكيييييييد ؟؟؟عفية ردوا علي

 

[الاميـرة]

بنات انا محتارة حيل مترددة بيو الايفون4والجالكسي اختي تنصحني بالبلاك بيري تقولي جامع المسن وحاجة ثانية نسيتهاالمشكلة كلهن ماعرف استخدمهن بشنوتنصحوني انامايلة عالجالكسي شنوعيوبة واللي مومتوفرفية عن البلاك

 

[^غلاي أنت^]

بنات .. قولولي شسوي ولا اكسر الجالكسي..
ابي برنامج ينسخ ويلصق الكلام ..مايطلعلي الكلام معفس..
ليش اي كلام ابي انسخه مايطلع عدل ..

 

[^غلاي أنت^]

جالكسي 1..وماخذته معرب من يوريكا..
الواتس اب خليه .. اذا نسخت عادي يطلع اوك.. بس اي موقع ادشه ابي انسخ شي ..يطللعلي الكلام معفس..

 

[shai5at al3arab]

انزين ما يخالف سؤال ٢

اذا عربته يصير نفس الجالكسي اللي ينزل معرب وخالص ولا ذلك احسن

 

[shai5at al3arab]

والله اختي يمكن يكون نسبة التشابه 98% ، المعرب من الشركه يكون ضايفين له ملف التعريب ، وهذا الملف موجود على النت و اللي هاتف 2000 يستخدمه ، فجميع البرامج و المسجات و الانترنت ، وحتى لما تضيفين شي بالمواعيد و التاسك بيكون عربي 100 % بدون مشاكل ،
بس في نقطه:
الجهاز اللي مو معرب من الشركه مو معناته انه طول عمره ما راح يتعرب !! اول ما الشركه تنزل التعريب ، و تنزل اصدار للشرق الاوسط ، تقدرين تسوين update للجهاز و يتعرب من نفسه ، اذا تتذكرين ال ipad ماكان معرب و قعدنا اشهر على ما نزل التعريب ، و بعدين سوينا تحديث و نزل الكيبورد العربي .
انا اقول عربيه موقتا و لما ينزل التعريب الاصلي حدثيه ،

اهااا اذ جذيييه حلو


مشكووورة وايد حبيبة قلبي وايد فدتيني :eh_s(7):