[____أبـــيـــك و مـــا أبـــيـــهــــم____] ** قصة كويتيه واقعيه

[Daloooy]

hi bnat thanks 3la alpart

bs mta alpart ile warh

la t6wlooooooon 3leeeeeeeeeena

a7bkooooom waaaaaaaaaaaaaayd

 

[kity]

الباااارت عجيب مشكورين وماقصرتووو

وهنيئاً لكم الطلعه

وننطر البااارت الي بعدووووووو

وعسى الله لايفرقكم

 

[بعتهم واشتريتك]

الصراحة خووووش قصة واستمتعت بقراءتها يعطيكم العافية

 

[بعتهم واشتريتك]

_03ba:_03ba:_03ba:_03ba:_03ba:_03ba:لايوقف لايوقف لايوقف لايوقف
نبى باااارت
نبى بارت

 

[CuP__CaKe]

3ajeeeb el part :eh_s(6):
ya36eekom el3afia :**
na6ren el part​

 

[cute princess]

تسلمون بنات ما تقصرون :* والبارت مادري متى راح انزله لانه قاعدين نكتبه الحين
متى ما خلصنا راح انزله انشالله...

 

[Om-Yassofy]

والله قصتكم تشووووق
احس ابراهيم راح يتوظف هذي مفاجأته :eh_s(6):

 

[rwanoo]

ثاااااااااانكيوووووووووووووووووووووووووووووووووو



متى البارت اليااي

 

[خـوخه]

واي مو صج مو صج مو صج حدكم موووووووو صج اتيننوووون الله يخليكم حق بعض وناااااااسه فصلاتكم نفس فصلاتنا ..,

 

[كاتي البرينسيسه]

احبكم حدكم تونسوووووووووووووووووووووووووووووووووووووووووووووووون لا يوقف
لا يوقف
لا يوقف
لا يوقف:eh_s(9)::eh_s(9):

 

[UNiQe^PRiNceSs]

TSLMo0o0oN FDiTKuM ;*

 

[[لين]]

ميييييييييييييرسي بنوتاات تؤبروني

:ggdw:


:ggdw:


:ggdw:



​

 

[لمسات فتاة]

لايـــــــــــــــــــــــــــــــــــــــــــــوقف
لا يوقف لا يوقف لا يوقف
لايـــــــــــــــــــــــــــــــــــــــــــــوقف

 

[cute princess]

بارت 19



ابراهيم : عسى دوووووووم و لما تردين راح اونسج اكثر بعد ..
فجر: صج ليش؟؟
ابراهيم: لما تردين اقوووولج ..
فجر: اوكي حبيبي .. باي ...





بنفس وقت مكالمة فجوور .. ديوم كانت تكلم سعووود ..
ديما : سعووووووووودي أحببببببببك اموووووووووواااااااح
سعود : ههههههههه والله شلة الميانين انتوا خلاص هذا اسمكم .. وانا اموت فيييج
ديما: هههههههه تستاهل هالاهداء وصاحبة الاهداء .. واي انت حياتي اروح لك فدوه وارجع بتأشيره خخخ
سعود : خخخخخ ياشقول انا ارجعج ليش تأشيره
ديما : المهم ماعلينا المهم اني ولهانه عليييييييك ..
سعود : وانا اكثر باباتي .. يلا خلصي من رفيجاتج عقب دقي علي ماشي توووتااا؟!
ديما : اووكي حبيبي باي
سعود : باي تاتي





( بيت فجر )

ام محمد: فجووور تعالي ..
فجر: ها يمااا .. خل ابدل و انام باجر وراي دوام ..
ام محمد: حبيبتي لازم تحطين اغرازضج بالكراتييين خلاص ما بقى شي على طلعتنا ..
فجر: اوكي ماما .. باجر ادق على ديوم و لولو ايوم يساعدوني .. و لا نخلص من غرفتي انساعدج
ام محمد : اوكي حبيبتي ..

صعدت فجر غرفتها و دقت على ابراهيييم ..
ابراهيم: هلا بزيني ..
فجر: ها حبيبي .. يلا قوول ..
ابراهيم : شقوول؟
فجر: قول شنو الخبر الي بيونسني ؟؟
ابراهيم : خلاص حبيبي .. توظفت باجر اول يوم دوام ..
فجر: صججججججججج ؟؟؟ واخيراا ؟؟؟
ابراهيم: اي .. خلاص اسابيييع و امي تدق على امج و يتم كل شي وتصيرين لي ... حقي برووووووووووووووحي ..
فجر: واااااااااااااي بيبي .. وووي والله مو مصدقه احس ببجي ..
ابراهيم: ههههههههههههههه .. يلا حبيبتي الوقت تأخر روحي نامي ..
فجر: لا بدق على ديوم و لولو اول بعديين انام ..
ابراهيم: ما يظل شي لازم ينتشر .. روحي روحي ..
فجر: اونت ؟؟ شبتسوي ؟؟
ابراهيم: بنزل تحت بقعد مع اهلي ..
فجر: اوكي بابا .. luvek
ابراهيم : حياتي انا بعد luvech امووواح
فجر: امواااااح .. باي باباتي
ابراهيم: باي بابا ..



دقت فجر على لولو ..

لولو : فجور مالي خلق مصايب .. شفيج .. اهئ اهئ
فجر: جبي مو مصيبه انا مستانسسسسسسسسسسسسسسسسسسسسسسسسسه
لولو: اذوني اذوني ..
فجر: ويت ادق على ديوم و اشبكها عشان اقول مره وحده
لولو: الله يشفيج زين زين
دقت فجر على ديما و اشبكتهم ..
ديما: يلا قولي ..
فجر: خلاااااااااااااص واخيرا حلمي راح يتحقق .. ابراهيم تزظف وامه راح تدق على امي بعد جم اسبوووع ..
ديما و لولو : صصصصصصصصصصصصصصصج ؟؟
فجر: ايييييييييييييييييييييييييي
ديما: واي حياتي انتي ..
لولو: الله يتمم انشالله ..
فجر: و ديما : امييييييييييييين ..
فجر: تعالو صج باجر ابيكم تكونون معاي نحط الاغراض بالكراتيين بعد خلاص ما بقى شي ... بنشييل
لولو: اي صح .. انشالله انا بعد الدوام اي عندج ..
ديما: وانا من الغدا اكون وياااج اطلع من الكليه و اخلي علياء تقطني عندج
فجر: اوكي حبيباتي
لولو : يلا يلا روحو نامو ورانا قعده ..
ديما: اي والله يلا بنات good night
لولو و فجور : good night tati
كلهم مع بعض: باااااااااااي ..








( الصبح الساعه 10 بكلية ديما )

كل خميس ديمه عندها بريك طوييييييييييل .. فكان سعود يمرها كل خميس عشان يتريقون بره ويرجعها الكليه..

سعود : حبيبي انا ناطرج بره
ديمه : اوكي الحين يايتلك
( تروح ديمه حق سيارة سعود .. كان حده كاشخ لابس تي شيرت اصفر من لا كوست و كاب اصفر و جينز .. و ديمه شعرها كالعاده كيرلي ولابسه قميص لونه اخضر مع تنوره هاي ويست جينز ولابسه فلات اصفر و جنطه صفره )
ديمه : وااي فديت كتكوتي
سعود : فديتج انتي واي فديت بنتي عروس عروووس حبيبي جم مره اقولج يعني لا تحطين مكياج !!
ديمه : شنوو مو حاطه وايد والله خفيف!!
سعود : كل هذا وتقولين خفيف .. والله اغار علييج
ديمه : انا قلتلك ان مسكرتي ماقدر استغني عنها شسوي باله اذا كانت تخلي ويهي كله عيون ورموش !!
سعود : والله اخاف عليج من العين.. المهم قولي وين تبين تتريقين ؟!!
ديمه : امممممم مادري كيفك
سعود : لا لا ماكو شي اسمه كيفي .. انتي لازم تامرييين , لا مو تامرين انتي تتدللليييييييييييين
ديمه : بعد عمري والله .. شرايك نروح مرينا كرسنت ونختار من هناك احسن لان ماكو شي فبالي
سعود : ديووومه عمري انا قررت اسمي عيالنا
ديما : صج ؟ شنووو
سعود : الصبيان عزوز و يوسف و عمر و محمد والبنات ريما وريماس وريان
ديما: اهمممممم شيييييييييي !! وانا ما اسميهم يعني ؟!!
سعود : يللا حطي اسامي بعد
ديما : امممممم انا ودي احمد بعد !!! بس لحظه شنو احط اسامي بعد اخاف بس بييب كل هذوووله
سعود : اي لييش لأ !! راح يكونون ذخر وسند لنا بس اهم شي يكونون على قلب واحد
ديما : واااي ان شاءلله الله يكتب لنا اللي فبالنا....



( الظهر بسيارة فجر )

فجر: ها حبيبي شلون اول يوم دوام ؟؟
ابراهيم: افف تعب و ليلحين ما خلصنا بعدد ..
فجر: الله يعينك حبيبي .. بابا لما تطلع دق علي انا بعد اليوم عندي وايد شغل ..
ابراهيم : اي الله يعينج انتي .. البنات بيولج ؟؟
فجر: اي بيووون ديوم و لولو ..
ابراهيم: يعني ما راح ادري عنج ؟؟ بتظلين طول الليل لاهيه صح ؟؟
فجر: بابا انا احاول بعد شسوي ..
ابراهيم: خلاص بابا انا لازم اروح الحينلما اطلع ادق عليج اوكي بااي..
فجر: اوكي قلبي باي باي ..




وصلت فجر البيت و لقت ديما بعد توها واصله ... راحت فجر سلمت على علياء و دشو البيت ... صعدو الغرفه ..

فجر: شسويتي مع سعود اليوم ؟؟
ديما: ماكو رحنا مرينا كرسنت تريقنا .. واخترنا اسامي عيلنا ..
فجر: ههههههههههه ..يحليلكم ..
ديما: متى نبدي ؟؟
فجر: مو الحين العصر انشالله ..




رن موبايل فجر ... ( في شتا عمري الاقي بك دفا )

فجر: ها حبي ..
لولو: فجووور انا بروح عند زيون اول اقط عليها هدية زواجها مو نسيتها ذاك اليوم .. بعدين اييلكم ..
فجر: اي اوكي حبيبتي .. مشتاقتلها زيون الكلبه ..
لولو: هههههههههه .. لاهيه مع صقورها
فجر: اي ههههههههههههههههههههههه .. يلا ننطرج تاتي لا تطولين ..
لولو: اوكي باي ..
فجر: باي ..
ديما: شفيها لولو ؟؟
فجر: بتروح حق زيون تعطيها هديتها و تييلنا ..
ديما: امممممممممم ..
فجر: مو يوعانه ؟؟
ديما: شويه ..
فجر: عيل يلا قومي ناكل ..
ديما: يلااا ..



( بيت لولو العصر )

لولو: يمااااا انا بروح اعطي زيون هديتها مالت عرسها... نسيت اعطيها قبل... وبمر فجور انحط معاها الاغراض
ام لولو: زيون مو مسافره ؟
لولو: امبله بس ردت.... ماراح اطول بس بقط عليها هديتها وارد
نوف: على طريجج عيل روحي الافينيوز ردي النفنوف الي شريته مو عاجبني وييبيلي بداله....
قاطعتها لولو: مالي خلق انزل الافنيوز... وبعدين بيت زيون كاهو يمنا وبمر فجور بطول عندها مابي اطق درب لي الافنيوز! واقعد احوس ساعه بالمحل عشانج...

نوف: شدعوه شهالدلع!! انتي طالعه طالعه...
لولو: اوكي طالعي شلابسه!! بنزل الافنيوز بتريننق ؟ بروحه مصخره اهناك بعد والكويت كلها اهناك!
نوف: افففف ما منج فايده!
لولو: لا انتي الي منج فايده! انا طالعه! باي!


زيون كانت رايحه بيت اهلها وقالت حق لولو تمرها اهناك.... اول ما وصلت لولو دقت على زيون
لولو: زيون تاتي انا بره طلعيلي
زيون: لا لا دشي امي تبي تسلم عليج... حبتج من يوم شافتج بالعرس
لولو: وااااااااي يا كرهج! مو لابسه عدل تبيني انزل جذي!!!
زيون: يلا تاتي ميخالف عشان امي مو عشاني
لولو: زين زين مالت عليج عشان خالتي بس! يلا كاني نازله بطلي الباب

بطلت زيون الباب وسلمت على لولو ودشو داخل.........
ام عبدالله: هلا هلا... هلا وغلا بالحلوه
لولو: ههه شلونج خالتي ؟ ( تبوس راسها )
ام عبدالله: بخير الله يسلمج انتي شلونج ؟
لولو: تمام الحمدلله
ام عبدالله: شدعوه لا تزورينا ولا شي... لو مو قايله حق زيون تقولج نزلي جان ما نزلتي بعد
لولو: لا لا شدعوه... بس ماكنت ابي اتاخر لانه قلت حق امي بس بقط الهديه على زيون وبمشي...
عبدالله اخو زيون كان توه نازل وشاف لولو.... تنح فيها قعد يطالعها وايد عجبته... لولو استحت ونزلت راسها .....
عبدالله: السلام عليكم
الكل: وعليكم السلام.....
ام عبدالله: ها عبيد وين رايح ؟
عبدالله: النادي مع رفيجي ناطرني بره...
ام عبدالله: بحفظ الله يما....
لولو: يلا انا استاذن خالتي....
زيون: قعدي شربي شي شدعوه
لولو: لا لا مستعيله مره ثانيه انشالله....
ام عبدالله: خلينا نشوفج عاد لا تقاطعين....
لولو: انشالله خالتي انتي تامرين... ( باست راسها وسلمت على زيون وعطتها هديتها وطلعت)



طلعت لولو بطلعة عبدالله من البيت ركبت سيارتها ومشت وعبدالله ركب سيارة رفيجة بس كانت طول الوقت عينه على لولو.....



راحت لولو عند البنات .... وصلت .. و صعدت فووق ..

لولو: قووه
فجر و ديما منسدحييين : هلاااااا
لولو: يلا يلا قومووو خل نبدي ..
فجر: واااي مالي خلق ..
ديما: يلا مجبورييين ههههههههههههههههه
و قامو البنااات يسووون ويعدلووووووون و يحطون الاغراض بالكراتيييين ..


( بليل بيت زينه )
زينه كانت قاعده اطالع تلفزيون وحدها متملله وكان صقر بيروح الدوام
صقر: انا ماشي حبيبتي تبين شي
زينه: راحت له ووقفت جدامه: لا حبيبي سلامتك ديربالك بالدرب وديربالك على روحك ترى ماعندي اغلى منك وهالله هالله بالمرضى
صقر: ان شاءالله حبيبتي انتي شنو بتسوين
زينه: مادري حدي متملله
صقر: امممم شوفي تلفزيون .. دقي على رفيجاتج .. جابلي النت
زينه: صقوري ابي باسورد ايميلك بشوف الايميلات اللي عندك انته وايد عندك ايميلات وماتشوفهم بخلصهم يصير :$
صقر: افا عليج باسوردي نفس رقم تلفوني بس اول شي حطي 11
زينه: اوكيه حبيبي (واهيا شاقه الحلج)
صقر: يلا انا ماشي امممواااه وباسها على راسها
زينه: درب السلامه ربي يحفظك
وقعدت زينه جابلت النت وجابلت ايميل صقر




( بيت فجر )
فجر: ووووووي ظهري لا مو صج ..
لولو : اي اي اي مو قادره اتحرك ...
ديما: اهئ اهئ اهئ .
ام محمد : وي وانتو بنات يعني توكم ... خل اقوم اروح المطبخ اسوي عشا عشان ناكل يعنا ..
الكل: اوكي ..
فجر: انا وايد رتاحه .....




تم بارت 19....
يتبع........

 

[marshmallow]

ba3aad naabii part

 

[Bnota_q8ya]

ناطرينج كمليها

 

[MeeMeeYoo_2]

يعطيييييييييييكم العافيه

 

[UNiQe^PRiNceSs]

:ggdw:
:ggdw:
:ggdw:
:ggdw:
:ggdw:
:ggdw:
:ggdw:

 

[[لين]]

:tek: ثانكس تاتي ع البارت



:ggdw: يلااااا اديلووو صفقااااا :ggdw:


​

 

[Engineero-q8ya]

ثاانكس عالباارت حده عجييب بس نبي بعد باارت يصير