bnat tkfooon n8thoony she3ey/seney

[ريماR]

والله ها المعربه يبيله موضوع خاص لو وحده تكرم وتكتب موضوع بالمعرب خاصه الارقام علشان مره ثانيه نفهم

 

[G!RLooNa]

ريما جيكي عالصفحه الاولى مترجمين المعرب

 

[shawagi]

ريما جيكي عالصفحه الاولى مترجمين المعرب

اشكرج

 

[وحيدة نفسي]

رد : bnat tkfooon n8thoony she3ey/seney

ترى مشكله تدرين ليش أعرف وحدع امها سنيه و ابوها شيعي
وكلن أهلهم من الطرفين معارضين هالزواج
آخر شي تم الزواج وسارت مشكله بالأخير تطلقوا والمشكله كانت من الأهل من الطرفين عاد ردوا حق بعض مره ثانيه وكا واحد أهله
مقاطعينه .. ما تسوى عليح العيال كلهم سنه الا اثنين نص ونص بالله عليج هذا الشتات بعينه شلون نص ونص يرضون الطرفين مثلا
صدقيني مشكله .. بس اذا الله أراد وكاتبه لج فمستحيل يسير شي يمنع قضاء الله وقدره استخيري واكثري من الدعاء
ادعي ان اله يكتب لج الخير حبيبتي ركزي يكتب لج الخير لان احنا البشر عقولنا قاصره امام علم الله صدقيني اذا دعيتي الله " ان يكتب لج الخييير " بهالموضوع
راح ترتاحين و تطمئنين لقضاء الله
والله يوفقج و يكتب لج الخير
<<< وانا بجاوز التعليق عن العلاقه المخالفه لتعاليم الاسلام والله يوفقج ويغفر لنا جميعا

 

[Q8Lady]

استخيري احسن شي لان ربج ادرى بالخير لج
ولا تعتمدين على الحب نصيحة ، كلنا حبينا وبجينا و .....الخ وبعدين شوفي اغلب مشاكل البنات شنو ( زوجي تغير علي )
خل اقولج عن نفسي زوجي كان ميت علي وصج ماكنا نعرف بعض قبل الزواج بس بفترة الملجة انا كلمته وكلمني وصار بينا حب جنه نعرف بعض من زمان وصارت مشاكل وااايد ايام الملجة تخيلي وصلت لي الطلاق بس اهوا تحدا كل شي عشاني ، والحين !!!!
اقري مواضيعي .... كلها عن مشاكلي معاه وشلووووون قلب علي وتغير مرة وحده ووصلت فيه لي الطق !! والله اني اقعد اطالع صورنا قبل اقول ويييييييييين راح الحب ؟؟؟؟
لا يغرج الحب مهما طال و مهما شفتي منه كلام حلووو ترى ممكن يتغير بيوم وليله
انا عن نفسي ما أأيد الزواج بين المذاهب
اما اذا انتي راضيه فهذا شي راجعلج
بس كل اللي كنت بوصله لج لو ان شاء الله واحد نفس مذهبج ونفس عايلتج لا توثقين بحب هالايام
واستخيري
وادعي ربج الله ايسهل امروج

 

[شوكولآ]

رد : bnat tkfooon n8thoony she3ey/seney

طيب اتمنى انج تدورين فتوى بالأول قبل لاتسوين أي خطوه ثانيه


والله استغرب من اللي يقولون اهم شي إن ربنا واحد
طيب ماقلنا شي ربنا واحد وحتى المسيحيين يوحدون ربهم
لكن فيه اختلاف كبير وايد وايد بين المذهبين !!
وهالشي محد يقدر ينكره
خلج على مذهبج حبيبتي .. لا سب ولا قذف :eh_s(1):
وباجر ايونج عيال بتكونين مسؤوله عنهم ياقلبي


الحمدلله ان فالامارات ما عندنا الا مذهب واحد مافيه غيره ! :ggdw:

 

[vanilla.21]

انا اقول دامكم تحبوون بعض و متفاهمين وشارين بعض توكلي على الله -- صعب بهالزمن اتحصلين انسان يحبج و شاريج -- الرياييل بهالزمن يخرعوون والله

انا من واقع تجربتي و الله شفته بعايلتنا واكثر من شخص ان الوضع مو بالسووء اللي انتو شايفينه والله حبو بعض و تزوجو و يابو عياال و كاهم عايشين احلى عيشه الله يتمم عليهم -- شدعوه خو مو زواج بين مسلمين و يهوود -- اثنينهم مسلمين وهذا اهم شي

انا اقوول لا تفاتحين اهلج بالموضوع الا لما يتقدم لج رسمي و تالي بلشي حنه و اقناع بالاهل وحاولي تتقربين من امج كثر ما تقدرين و انتي جيسي نبضها بالموضوع و شوفيها شتقول -- صدقيني اذا امج رضت كل شي بكوون سهل انشالله

و اذا ارفضوه اهلج خل يتقدم لج مره ثانيه و ثلاث و اربع اذا صج كان يبيج و يحبج و شاريج

الله يكتب لج اللي فيه الخير انشالله

 

[زوزو النوزو]

رد : bnat tkfooon n8thoony she3ey/seney

حبيبتي انا شيعية وجدا متعصبة لمذهبي وريلي سني والحمدلله وبفضل من ربي عايشين احلى عيشة ومحد يتدخل بمذهب الثاني واهله يحبوني وانا احبهم ومافي اي حزازيات بينا


وبالنسبة للاخوات اللي يشككون بمذهبنا ويقواون فيه اخطاء وايد انا ردي عليهم ان كلن بعقله راضي والواحد لما بينام بقبره بينام فيها بروحه محد راح يتحاسب عنه فأرجووووو عدم التجريح وبسكم حزازيات وفتن الناس وصلت القمر وانتو ليلحين تفتون شيعه وسنة سنة وشيعة

 

[جنون العشق]

اعرف وحده عشقت واحد فوق العشر سنين واخر شي تزوجو



واتطلقو والسبب العيال اهو يبيهم شيعه واهي تبيهم سنه واندمت فوق شعر راسها وبكت دم والحين بالمحاكم عاليهال



وعسي ربي يوفقك

 

[حمره حمرا]

رد : bnat tkfooon n8thoony she3ey/seney

انتي اللي تقوولين مذهبنا كله اخطااء ليش حبيبتي انتي تدرين شنو مذهبنا قبل ما تحكمين؟؟؟
رووحي زييين انتي اللي كلج اخطااء روحي درسي و اقري بعدين تدرين شنو مذهبناا
-----------------

و شواقه حبيبتي الله يوفقج ان شالله و ياارب تتفااهموون و يصير اللي فيه الخيير

 

[live your life]

حبيبتي صاحبة الموضوع اتوقع خذيتي كم كافي من النصايح وياريت تشيلين الموضوع لان صار في تنشن والكل صار متعصب على مذهبه واللي يقول مذهبكم اخطاء ومذهبكم اخطاء

 

[يمة يادلبي]

عن نفسي ماحب زواج المذاهب المختلفة
يمكن الحين تشوفين الوضع عاااادي وسهل انج تتعايشين معاه لأنج حابة الولد وتشوفين ان الحياة بتكون معاه جنة
بس يمكن لا عشتي هالشي راح تحسييين
أول شي نظرات اهله لج شلون بتكون ونظرات اهلج له شلون
وثاني شي عيالكم احس بيتشتتوون وماراح يرسون على بر مايدرون يكونون على مذهب امهم او على مذهب امهم
وماننكر ان في ناس من مذاهب غير اتزوجوا وعايشين احلى عيشة بس هذولا أقلييية الاغلبية للأسف زواجهم كان فاشل فاشل فاشل
بس بالنهاية القرار لج

 

[FOSHIYA83]

مافيها شي اختلاف المذاهب عادي بالاخير انتوا مسلمين واذا اتحبينه امشي على مذهبه وترا هذا الشي اختياري من عندج اذا تبين اتصيرين شيعيه ولا لا شي عادي بس ترا العيال اتعلمينهم على مذهب ابوهم وترا مسأله بسيطه مايبيلها سالفه عوده
انا سنيه واخذت شيعي

 

[مهفهفة]

يمه يالطائفية الي عند الناس !

استحوا .. عيـــب

وضحكتني الي قالت الي مو على دينك ما يعينك ودين غيري خطأ لا يحتمل الصواب !

انتي تعرفين شنو معنى الدين ؟

الدين يختلف عن المذهب

اذا بتتكلمين عن الدين فدينا واحد ودين الدولة واحد .. الاسلام

فلا تقولين الدين

اهي مهي ماخذة مسيحي ، يهودي ، بوذي

والمذهب اهو صلب الموضوع هني

لا تشطون عن صلب الموضوع

انا مريت بنفس مشكلتج بس عكسيها ..

واثنينا من بيئات ملتزمة

فتخيلي الصعوبة ؟

بس احنا الاثنين ما كنا نشوفه عائق وماخذتنا نشوة الحب زي ما يئولوو

7 سنين .. وبالاخير ما صار نصيب

اذا نصيبج بتاخذينه واذا انتي نصيبه بياخذج

لا تقولين صعب ولا تقولين مانسى

النسيان نعمة

انا ان ما نسيت .. سهيت وانشغلت وطلعت لي هموم اكبر

ماكو حب أفلاطوني .. اقصد مثالي

وعقب الزواج الحب ممكن يكبر وممكن يموت وممكن يطفى وممكن وايد امور

انتي شضمنج اي وضع بتكونين ؟ صدقيني اليوم ضامنة باجر لأ

الديرة ماكلتها الطائفية ابسط شي اخذيلج فرة عالمنتدى وشوفيه شلون يغلي !

نقص على نفسنا اذا قلنا محنا طائفيين كلنا فينا هالنفس ويطلع ويبين بوقته

اي موضوع باجر بسير بالديرة بنعكس عليج وعليه بالبيت ولا على اهله

بتسير حزازيات

غير موضوع العيال الشائك

انتي بغنى عن هذا كله

وانا بقولج شغلة

صدقيني مهما يكون زين وتحبينه ما يستاهل التضحية بلي بتمرين فيه عقب

فكري بعقلج وخلج واقعية

لا توقفين حياتج عليه

 

[أم مشْعلْ]

خليه يتسسن وتزوجي وانتهى الموضوع اما اغير مذهبي عشان رجال مع احترامي لج يحترق وبداله الف وهذا رايي

 

[غنج إلعذآرى]

عزيزتي - لاتعندين وتعبين بالج
( لن يصيبنا الا ماكتب الله لناا )
والخيرررررررره عند ربج بس - لاتدعين وتقولين يارب تكتبه لي لا ادعي اذ1 فيه خير وسعاده لي يكتبها لج واذ1 لا يشيله ربي من قلبج لان ربج الوحيد الي يعرف طريق الانساان الصواب - الحب مو كل شي والحياه هذي مو بس يبيلها حب يبيلها عقل ومنطق وحكمه وتفكير سووي موعشان هالانساان ملكني وعبا الفراغ العاطفي ماستغني عنه لايااقلبي لازم يعبي كل شي بحياتج عشان ترتاحين أرد واقوولج الحب مو كل شي استخيررررررررررررررررررررررري ربج بطريق الصواب والله يهديج ياعمري