Book Addicts Anonymous

[Q8NanY]

لصت القصه ب 4 ايام لووول تعبت
القصه وابد حلوه والصراحه تشد ما ابى اخرب عليكم ان شاء الله لما الكل يقرا نتناقش وماراح ابدا قراءه الفصه الثانيه الا معاكم
اكثر شخصيه حبيتها نيك البريطانى حده عجيب وعلى قولتك كيوت حمش

 

[m!ss Cute]

شوقتيني بصراحه اخيار موفق بالكتاب بط جبدي اللي بجرير اساله يضحك بالتلفون يقول بعد اسبوعين قتله يعني تاريخ 30 يقولي و لاااااااا منصدم يقول لا شهر 8 في غباء اكثر من جذي

 

[Q8NanY]

ماقلتى لخالك يشترى لك الكتاب جنه قلتى اهوا ياى من امريكا اتوقع الاقيه فى المطار بعد
انا طلبته من الامازون الخط صغير عيونى عورتنى انا احب الكتاب شوى كبير بس كتابته وايد سهله وخلصته بسرعه
عكس الكتاب الى كنت شاريته جوزيف بالساموك قرائه حدها صعبه اول كم صفحه ومليت

 

[m!ss Cute]

انا بصراحه وصلت chapter 3 روعه روعه واكثر شخصية عجبتني Nick Hopewell البريطاني ههههههههههه

وهم شخصية براين و موقف عجبني لما قال للي لابس كوت رياضي هههههههههههههه متاثرة حدي المهم لما قاله طل من الدريشه شوف شنو في بعدين مالقا شي

 

[m!ss Cute]

دزيتله مسج بس خطه الظاهر مايشتغل بس اليوم دقيت ولا مفتوح عادي اقزرها على الاوراق وبعد جم اسبوع بيوصل الكويت واذا كلش كلش بطلبه

 

[Q8NanY]

احلى شى اسلوب الكاتب اخليك تندمجين جنك وياهم
ما ابى اخرب عليكم فى اشياء وايد اثرت فينى بس اكثر موقف خرعنى دينا لما مالقت خالتها وتحسس بالى يمها ماكو احد
صج اخرع

 

[m!ss Cute]

اي و في موقف بعد لما Nick مسك خشم الثاني هههههههههههههههههههههه

 

[~Luxury]

قوه بناااات جمعه مباركه


الحين ببتدي في الجزء 3 بطيئه صح

 

[C'est La Vie]

لالالا عادي حبيبتي luxury ماشية عدل
انا امس وقفت عند ch3 واليوم بكمل

 

[m!ss Cute]

اي حتى انا واصله 3

الورقه وايد كبيرة اتوقع صفحتين بصفحه عشان جذي تحسين انج بطيئه لوووووووووول

انا بعد اسبوع راح اروح دبي انشاالله اكيد عندهم مكتبات سنه بشتريه من هناك و راح اكمل

 

[C'est La Vie]

كيووتا لااااااااااااااازم تمرين المكتبة اللي بدبي مول
اتينن احلا مكتبة عندي بالعااااااااااالم
اسمها kinokuniya
كبيرة وتضيعين فيها
تروحين وتردين بالسلامة يا قلبي

 

[Q8NanY]

تروحين وتردين بالسلامه كيوت
انا ماراح اقرا القصه الثانيه الا لما تخلصوون

 

[m!ss Cute]

سي لافي

احنا بنسكن بفندق داخل مول دبي تخيلي دخلت السايت و سويت Search على المكتبه وشفت صورها (( انصدمت )) هذي يبيلها يومين عشان تمشين فيها هههههههههههههههههههههه ونــآآآسه اول مادخل بتذكرج هههههههههه بصراحه توقعت في مكتبات بدبي بس مو هالكبر خلف الله علينا

كويت ناني
اي احسن عشان نكون مع بعض

 

[C'est La Vie]

الله وناسة عليكم بالعافية
وفي مكتبة boarders بامارات مول مو تنسينها

 

[m!ss Cute]

ههههههههههههههههههههههههه لا توصين

 

[ScarletteO'Hara]

بنات شلونكم؟
مشاء الله شكلكم بديتوا
انا للحين
ما اعرف اقرا بالكمبيوتر لازم الكتاب يكون بيدي
شكلي ببلش لما يوصل الكتاب من الامازون
يعني احتمال راح اكمل معاكم على قصة the secret window
و اذا كانت بنفس اثارة الفلم ماراح تندمون انكم قريتوها
عموما الف مبروك على الافتتاح
سي لا في عساج على القوة
و مس كيوت تسلمين على التوقيع
فنانة

 

[m!ss Cute]

سكارليت حبيبتي فديتج العفو ولو المهم عجبكم

واذا تبين تكونين معانا بس ماتحبين تقرين من الكمبيوتر طبعي الاوراق انا جذي سويت على ماشتري الكتاب على الاقل احسن من الكمبيوتر لاني ماعرف اركز بالكتاب الا لما بكون بايدي لوووول

 

[ScarletteO'Hara]

انا احتمال اسوي جذي بس بنطر لي بداية الاسبوع اذا ما وصل للحين امري لله راح اسويله برنت, انا عموما بالنت ما احب اقرى المواضيع الكبيرة ما ادري ليش ما تشدني القراية على الشاشة لازم اكون ماسكة الكتاب و احلى شي لما اكون منسدحة جلى جنب قبل النوم و الكتاب بيدي
بس اذا سويت له برنت راح اضطر اني اقراه و انا قاعدة على مكتب و لا ظهري بينكسر ا

 

[m!ss Cute]

ههههههههههههههههه اي والله حتى انا

 

[đeɱɛɼɑ™]

هاااي .. سوري عالتاخير **

m!ss Cute
تسلم ايدج عالشعار الحلووووو صج اينننن ~..

..

بنات شفينا على chapter 3 .. همن انا واصلة نصه

:

و اتفق معاكم انه Nick اهوه الشخصية الـ cool بالقصة من اول ما صارت الحادثة
واهوه هاادي وموو خايف (معظم الاحيان ) ويحاول يهدي الوضع وهالشي خلاني او يخلي معظم القراء ينجذبوون له ولشخصيته
وهم خلاني احاول اعرف شنو شغلته بالحياة ولما قال بعدين i wasn't surprised
لانه شغلته تتطلب هالشي اساسا ..

حبيت السلاسة والـ flow العجييب بين المشااهد مثل كاميرا قاعدة تصور لنا
كل شي وكل تفصيل .. ما اذكر اني وقفت على مشهد وما استوعبته الا مشهد حلم Albert حسيت
انه دااش عرض لول وما فهمت اول شي شنو ووين هالاحداث !!
وبعدين المشهد اللي وراه استوعبت

عجبتني وااايد طريقة الكاتب في وصف كل شخصية بناءا على اللبس !!
صراحة هالشي سهل لي موضوع اني اتذكر الشخصيااات
لانه شخصيات واايد واضيع مرات بالاساامي بس لما الكاتب ربط كل اسم بلبس الشخص
صرت اعرف كل اسم وحفظتهم ! صج A SMART THING TO DO !

بعد حبيت سالفة انه تفصيل صغير قالته المضيفة Melanie Trevor
حق الكابتن براين اول القصة .. وشلون الكاتب بنى عليه امكانية انه يكون السبب ورا الحادثة وليش صارت ..~

و ككل القصة صج مثيرة ومشووووقة وساعات ودي اروح اخر chapter عشان اعرف شنو النهاية
بس اتعوووذ من ابليييس ​