Book Addicts Anonymous

[ScarletteO'Hara]

سي انا بعد مثلج من اول امس مو شغال معاي
ما شاء الله عليج وايد سبقتيني انا للحين مو واصلة لي نص الكتاب
توني عند جابتر 9
بس راح اقدر اني اخلص منها كمية اليوم

 

[đeɱɛɼɑ™]

هآي بنات ،
ماشاء الله سي لا في دايمآ ً سآبقتنآ
تصدقون ما الاحظ الجآبترآت ... لحظة اجيك ايي جآبتر ،

جابتر 7 ،
بس اقدر اخلصه بالوقت ْ المحدد لانه راح يكون عندي ويكند وهم spring break ،

//

وبالنسبة للكتآب اللي ارشحه
امبيه حدي ما عندي فكرة @@ ،
خليني ادور كتاب وان شاء الله يكون موجود بالكويت

 

[m!ss Cute]

hi girls
والله مس يو كلكم شلونكم شمسوين شدعوى ماتسالون عني

يالله كلها جم شهر و تيي العطله واشارك معاكم حدي busy ولاهيه مع الدراسة
miss u all

 

[ScarletteO'Hara]

هلا مس كيوت
طولتي الغيبة
يلا ناطرينج على الصيف تشاركيننا
الله يوفقج ان شاء الله بدراستج و نشوفج بأحسن جامعة و بالتخصص الي تبينه
good luck

 

[C'est La Vie]

هآي بنات ،
ماشاء الله سي لا في دايمآ ً سآبقتنآ
تصدقون ما الاحظ الجآبترآت ... لحظة اجيك ايي جآبتر ،

جابتر 7 ،
بس اقدر اخلصه بالوقت ْ المحدد لانه راح يكون عندي ويكند وهم spring break ،

//

وبالنسبة للكتآب اللي ارشحه
امبيه حدي ما عندي فكرة @@ ،
خليني ادور كتاب وان شاء الله يكون موجود بالكويت

اوكي ناطرين ترشيحج

hi girls
والله مس يو كلكم شلونكم شمسوين شدعوى ماتسالون عني

يالله كلها جم شهر و تيي العطله واشارك معاكم حدي busy ولاهيه مع الدراسة
miss u all

هلاااااا كيوتا
شلونج حبيبتي؟
احنا الحمدلله بخير
حياج تقهوي معانا حدنا ولهنا عليج :nbptr:
ما بقى شي عيل شدي حيلج يا قلبي وانشالله تيبين احسن الدرجات
الله يوفقج ويسهل امورج :friends:
ناطرين مشاركتج can't wait

 

[m!ss Cute]

هلاااااا كيوتا
شلونج حبيبتي؟
احنا الحمدلله بخير
حياج تقهوي معانا حدنا ولهنا عليج :nbptr:
ما بقى شي عيل شدي حيلج يا قلبي وانشالله تيبين احسن الدرجات
الله يوفقج ويسهل امورج :friends:
ناطرين مشاركتج can't wait[/QUOTE]


هلا حبيبتي مس يووو وااايد
فديتج و الله يسمع منج حدي تعبت :eh_s(2):
بس يالله مابقى شي جم شهر و نريح واردلكم

 

[C'est La Vie]

ها بنات شصار عليكم؟
لا تنسون ترا المناقشة باجر

 

[C'est La Vie]

اعلان:

بدأت المناقشة + التقييم

 

[ScarletteO'Hara]

انا للحين ما خلصتها
باقيلي 120 صفحة تقريبا
اذا فيني حيل يمكن اخلصها اليوم يا رب

 

[đeɱɛɼɑ™]

مرحبآ بنآتْ ،

توني مخلصتهآ :$

حييييييييييييل عجبتني القصة

مؤثرة حيييييييييييل .. آعترف اني بجيتْ في بعض الاجزآء خآصة لمآ يموتْ ابوو آمير ْ

وااااايد اشمئزيت ْ بالحآل اللي وصلتْ له افغآنستآن
واللي يصير حق الاطفآل هنآك و الايتآم

" آييسفْ" كررررررهته وييييع مقرف ْ بكل مآ تحمله الكلمة من معنى ،
ومعقولة اكو جذي ناسْ ومسلمين بعد @@ ،
انا حيل اتاثرْ بقصص الاغتصابْ خاصة للاطفال مااااا انسآهم وافكر فيهم جم يومْ واشمئز
ما ادري شلون اتخلص من هالششي ..،

وحتى شخصية أمير ْ شخصية اناااااااااااااااااااااانييية لابعد الحدودْ
كل همه نفسسه وبسسس ، ولو انه حآول بالاخير انه يصلح الامور بسس بعد شنو؟
بسس هم ما الومه لانه كان يآهل!!
بس معقوله يآهل يقدر يكنْ بقلبه كل هالحقد والانانية تجاه رفيجه اللي اساسا اخوه حتى بالرضآعه
يعني مو شرط يعرف انه اخوه بالدم!! ،
صج الاطفآل اطفآل بسس يقدرون يآثرون على حيآة كآملة

عجبتني شخصية رحيم خآن وحتى ابو امير ( بابا)
بسس تغيرت ْ نظرتي لهم لما عرفت انهم جذبوآ واخفوآ الحقيقة ،
ماكو انسآن كآمل .. كل شخص فيه بحيآته اسرآر ْ " ضآرة "
وعلى قولتهم somethings are better left unsaid !

وشخصية حسسن ْ حبيتهآ وآآآيد ، حييل شهم ْ وصج ريآل
بس مآ حبيتْ سذآجته او طيبته الزآيده ..، يمكن تكون موجوده بالكتبْ
بس بالوآقع عملة ناااااادره جدا ً

وبصرآحة القصة ممتعة وفيهآ احدآث مثيرة ليه آخر لحظة

تقريبآ ً كل الشخصيآت حسيت اني كقآرئة got engaged with them
يعني الكآتب ْ كان مبدع ْ بوصف كل شخصية ورسمهآ لنآ

وآعطي الكتآب ْ
9 من 10

،

بالنسبة لي ترشيحي لـ كتآبْ
والله انا احترتْ لانه ما ادري شنو الكتب الموجوده بالكويت
وكان ودي نقره كتآب عن كليووبآترآ وعهدها
سي لا في اذا تعرفين كتآب موجود بالكويت يتكلم ْ عن كليوبآترآ
عشآن الكل يقدر يقرآه .. واذا مو موجووود خلآص انتوآ رشحوآ كتب ْ
لاني بصرآحة محتآرة وما ادري شنو آرشح!

 

[đeɱɛɼɑ™]

^

وحبيت ْ ازيد بعد

السيآسة اللي دخلهآ الكاتب بالقصة
وشلون السنة والشيعة يتعايشون بآفغانستآن والعنصرية
وطآلبآن والمجزرة للـ القرى الشيعية ! حقيقة مآسآآآآآآآآآة
ما توقعت هالشي صاير هنآك ،

و شلون انغزتْ ديرتهم و طريقة الاغتصآب للنسآء والاطفآل
والشهآمة لدى البعض.!! ذكرتني شوي بآيآمْ بالغزو الله لا يعودهآ من آيآم ،

و هم اكتسبتْ معلومآت يديدة مثل اني توني ادري انه افغانستآن لغتهآ اهي الفآرسية ،
و بعض كلماتهم اللي يستخدمونهآ اقرب للعربي لدرجة اني عرفت شنو معناتها من قبل لا اقره الترجمة
الانجليزية ورا الكلمة ،

و ان شاء الله ربي ينصر المسلمين بكل مكان ويوحدهم

 

[đeɱɛɼɑ™]

مس كيووووووووووت ،

مسس يووو والله ومس تعليقآتج الحلوووة ،
ربي يوفقج ويسسهل لج امورج
ونشوووفج مرة ثآنية هني بالـ club

وترى انا بعد توني رديتْ هذا ثآني كتاب لي من بعد الرجعة

 

[đeɱɛɼɑ™]

بنآت وينكم @@

سي لا في و سكآرلت ْ

آين آنتم

 

[C'est La Vie]

سوري تأخرت عليكم
القصة حلوة عن شلون امير ظل ضميره يأنبه ليما لقى طريقة يبري فيها ذمته
امير الاناني الخواف اللي يدور رضى ابوه حتى لو يأذي اقرب الناس له
حسن الصديق الوفي الطيب لي آخر لحظة بعمره
بابا شخصية قوية وثابته على مبادئها واكثر شخصية حبيتها
تسلسل القصة كانت كأنها مكتوبة على شكل مذكرات
تسلسل الاحداث حلو ما عدى نقطتين ودي انقد عليهم
اولا سالفة انهم يطلعون اخوان ابدا ابدا ما حبيتها
لأن هذا يعطي دليل ان امير ما ساعد سهراب عشان يبري ذمته من اللي سواه مع حسن
ساعده لأن طلع ولد اخوه !!
من كثر ما قريت مثل هالفكرة احس صارت مستهلكة
وان الكاتب اللي ما يعرف شلون يرقع السالفة يقول ان فلان اخو فلان
من وجهة نظري كان يستحسن ان امير منه ومن نفسه يعطف على سهراب
وان يلاقيها فرصة يتبناه لأن اصلا ما عنده عيال فيفرح سورايا فيه
ثانيا ليما خذو سهراب امريكا
ظل سنة كاملة على الحالة اللي اهو فيها!!
ليش ما ودوه طبيب نفسي او اي اختصاصي عشان يساعده
ومثل ما قلتي دميرا عجبني شلون شرح عن الاوضاع بأفغانستان
شلون كانت وشلون صارت؟

التقييم 9-10

دميرا انشالله اليوم بدور كتاب عن كليوباترا واعطيج خبر

 

[ScarletteO'Hara]

انا امس بالليل خلصتها
تأخرت فيها شوي
بس عجبتني وايد
ما كنت عارفة الوضع بأفغانستان شلون كان قبل, شلون كانت ملكية و انقلب حالهم جذي
انا كنت احسبهم من عمر الدنيا بحروب
و كلامهم بعد فارسي مفاجأة لي
و ما كنت ادري ان فيها شيعة و صارت عمليه تطهير عرقي لهم
طبعا اكثر شخصية اثرت فيني حسن
امبي على كل البلاوي الي صارت له من ورا راس امير و هم ظل مخلص له لي اخر يوم بحياته
و اكثر موقف اثر طبعا غير الاغتصاب و الاتهاب بالسرقة لما كان امير يحذف عليه رمان
تصرفات امير مع حسن كان لها مبررات لما كان صغير كونه كان يغار منه و من معاملة بابا معاه
بس اكيد حقدت عليه لما سكت و ما دافع عنه اما اغتصبه اسف و لما تبلى عليه بسالفة البوقة
و ما عجبتني شخصية امير شلون مهزوزة و كانت تفتقر الي مقومات الرجولة يعني حتى و اهو ريال ما كان فيه اي ذرة من الشجاعة
و الدافع الوحيد الي خلاه يرجع افغانستان انه بالاخير طلع سهراب ولد اخوه
بس ممكن حبيت تصميمه على انه ينقذ سهراب من اسف
و المأخذ الوحيد الي لي على القصة ان الكاتب وايد مطها بالنهاية
يعني بعد البلاوي الي تعرض لها سهراب عند اسف ماكان له داعي انه فوق هتك العرض و التعذيب يحط له محاولة انتحار
خصوصا و ان سالفة الفيزا بالنهاية ما كانت بنفس الصعوبة الي كان متصورها امير
و انا معاج سي لا في خصوصا بزمننا هذا المفروض انه يوديه عند شخص مختص عشان يعالجه لان الي مر فيه مو شوية
و بالنهاية راح اعطيها 9/10

 

[đeɱɛɼɑ™]

^

اتفق معاكم انه سالفة طلع اخوه وما اخوه سآلفة مستهلكة
بسس اظن الكاتب حط هالشي عشان يبين لنا شكثر أمير انسآن ضعيف
وكان لاااااااااا يمكن يرجع ويآخذ سهرآب لو ما طلع ولد اخوه
لا والمصيبة كان يبي يعطي سهرآب لـ ناس اجانب يربونه !!

واشوه مو بسس انا اللي ماا اعرف انهم يتكلمون فآرسي
صج حسيت عمري انه مو عايشه بالدنيا ههههههه

،
،
،

سي لافي حبيبتي اذا ما لقيتي شي عن كليووبآترا
شرآيكم بكتآب why men love bitches
اهوو اكو بعد why men marry bitches
للكآتبة Sherry Argov

بسس ودي نقره اللي love
واهو اظن نازل من زمآن يعني نازل بالكويت مو؟

اذا لقيتي عن كليووبترآ خلآص
هالكتابْ just a second option

 

[C'est La Vie]

اوكي انشالله اشوف

 

[đeɱɛɼɑ™]

هل من خبر ؟

 

[C'est La Vie]

دميرا رحت ادوره ما لقيته :eh_s(22):
واستحيت اسأل الريال عنه :ssssso:
بسأل عن كليوبترا اوكي؟

 

[đeɱɛɼɑ™]

^

اي صرآحة الاسم احم احم ، بسس ترى المعنى اللي بالكتآب اكييد غير
اهو بس جذب ْ للقرآء ، مو اللي تعنيه الكلمة بالضبط ،،

اوكي .. انااا ودي اساسا عن كليوبآترآ
عاجبتني كـ إمرأة وشلون قدرت تحكم وشخصيتهآ
قريت عنهآ بالنت انها محاورة ممتآزة وانه اللي يجذب فيهآ شخصيتهآ
ومااااااافي اي شي يشير لـ جمآلهآ ،، فشدتني

وآسفه تعبتج معآآي