- إنضم
- 5 سبتمبر 2008
- المشاركات
- 1,035
- مستوى التفاعل
- 1
- النقاط
- 0
السلام عليكم
شلونكم بنات، هالوصفه سهله و حلوه و شكلها يونس لما تقدمينها، فكرتها انج تسوين جييز كيك عاديه بعدين تكورينها صغار و تقزينها بعود خشب و تغمسينها بككاو سايح و تغلفينها بسولوفان و تربطينه بشريطه ...
المقادير مضبوطه 100% بنات، بس بالاكواب و الملاعق المعياريه، و اهم شي درجه حراره الفرن..
مقادير الجييز كيك:
3 بيضات
علبتين جبنه فلاديلفيا (العلبه 200 جرام)
3 قفشات فنيليا
نص كوب كريما
كوب سكر
3 قفشات كبار طحين
نص كوب ككاو هيرشيز كيسيز مال الكيك (بنات تقدرون تلغون الككاو، او تبدلونه بشي ثاني تحبونه بلو بيري و لا اوريو و لا اي شي ثاني تحبون)
مقادير التغميس:
ككاو الصيداوي الساده
فليك
و راح نحتاج اعواد خشب
سولوفان
شرايط
الطريقه:
1-نسخن الفرن على 140
2- نسوي الكيكه، نخلط البيض و الجبن بمضرب كهربائي ، بعدين نحط الفنيليا و السكر و نرد نخلط، بعدين الكريما و نخلط، عقب الطحين و نخلط، اخر شي الككاو الهيرشيز، عقب نحطها بقالب الجييز كيك و ندخلها الفرن لمده ساعه.
3-نطلع الجييز كيك من الفرن و نخليها تبرد برا عقب ندخلها الثلاجه لمده 3 ساعات على الاقل، انا خليتها ليله كامله.
4-نطلع الجييز كيك و نفجها من القالب، و نغرف مقدار بالقفشه بعدين نكورها بادينا، و نشكها بالاعواد الخشب و نصفها بصنيه مغلفه بالقصدير و نرد ندخلها الثلاجه ساعه على الاقل.
5- نسييح ككاو الصيداوي بعدين نخليه يفتر شوي بس ديري بالج لا يجمد، و تغمسين الجييز كيك فيه و تنثرين فليك و تحطينه بقلاص عشان يجمد، كميه الجييز كيك تكفيج تقريبا 25-28 حبه تقريبا على حسب حجم الكور.
6- بعدين تلفين كل حبه بسولوفان و تربطينها بشريطه و تقدمينها بقلاصات
شلونكم بنات، هالوصفه سهله و حلوه و شكلها يونس لما تقدمينها، فكرتها انج تسوين جييز كيك عاديه بعدين تكورينها صغار و تقزينها بعود خشب و تغمسينها بككاو سايح و تغلفينها بسولوفان و تربطينه بشريطه ...
المقادير مضبوطه 100% بنات، بس بالاكواب و الملاعق المعياريه، و اهم شي درجه حراره الفرن..
مقادير الجييز كيك:
3 بيضات
علبتين جبنه فلاديلفيا (العلبه 200 جرام)
3 قفشات فنيليا
نص كوب كريما
كوب سكر
3 قفشات كبار طحين
نص كوب ككاو هيرشيز كيسيز مال الكيك (بنات تقدرون تلغون الككاو، او تبدلونه بشي ثاني تحبونه بلو بيري و لا اوريو و لا اي شي ثاني تحبون)
مقادير التغميس:
ككاو الصيداوي الساده
فليك
و راح نحتاج اعواد خشب
سولوفان
شرايط
الطريقه:
1-نسخن الفرن على 140
2- نسوي الكيكه، نخلط البيض و الجبن بمضرب كهربائي ، بعدين نحط الفنيليا و السكر و نرد نخلط، بعدين الكريما و نخلط، عقب الطحين و نخلط، اخر شي الككاو الهيرشيز، عقب نحطها بقالب الجييز كيك و ندخلها الفرن لمده ساعه.
3-نطلع الجييز كيك من الفرن و نخليها تبرد برا عقب ندخلها الثلاجه لمده 3 ساعات على الاقل، انا خليتها ليله كامله.
4-نطلع الجييز كيك و نفجها من القالب، و نغرف مقدار بالقفشه بعدين نكورها بادينا، و نشكها بالاعواد الخشب و نصفها بصنيه مغلفه بالقصدير و نرد ندخلها الثلاجه ساعه على الاقل.
5- نسييح ككاو الصيداوي بعدين نخليه يفتر شوي بس ديري بالج لا يجمد، و تغمسين الجييز كيك فيه و تنثرين فليك و تحطينه بقلاص عشان يجمد، كميه الجييز كيك تكفيج تقريبا 25-28 حبه تقريبا على حسب حجم الكور.
6- بعدين تلفين كل حبه بسولوفان و تربطينها بشريطه و تقدمينها بقلاصات
