DallY ReferencE

[Killer^Girl]

هذا البلشر فظييييييييييييييييييييييييييييييع هاللون كنت ادور عليه من زمان ولما جربته بدبي وشريته وكان اخر واحد كل يوم احمد ربي اني لحقت عليه لوول لانه هالماركه موموجوده بسيفورا عندنا
البلشر شي مو طبيعي واللون غريب وحلو عجبني وايد
من شريته وانا ماستخدم غيره

 

[DALLY]

Killer Girl

معاج حق حدها عجيبه الاضاءه وانا من بين كل الاضاءات تعجبني اكثر من غيرها

عليج بالعافيه حبوبه وتسلمين عالمرور الطيب

 

[al7lwa` `]

ناطرين التكمله

 

[DALLY]

يمكن الخميس انزل الStep

منورتني Al7lwa

 

[كويتية وكيفي]

يسلموووو على الموضوع الروعة
ننتظر جديدك لا تتأخرين علينا

 

[DALLY]

حياتي كويتيه وكيفي

نورتي حبوبه بمرورج الأروع

ان شاء الله باجر احاول انزل الStep

 

[كويتية وكيفي]

وينج دااالي حياتي
مختفية لج يومين عسي المانع خير ؟

 

[عاشقه مودي]

بصصصصراحه ...



روعه روعه روعه .... ماشاء الله عليه ..
عجبني صصصصبغ الاظظافر الي أشششتريته من الموقع وفي أروع غير الي عارضضتهم ..؟

كملي فديتج وأحنا متابعين ... :aha:

 

[DALLY]

كويتيه وكيفي

امس حيل كنت تعبانه واليوم شوي بيزي وغير ان ذكرى ميلادي

راح احاول بالليل متأخر شوي انزل الStep

واعذروني حبايبي

يسعدني مرورج وسؤالج الغاليه

 

[DALLY]

عاشقة مودي

والله ان مرورج الاروووووع تسلمين لي

اصبع الأظافر سوري مو متذكره اي واحد تقصدينه بس بالنسبه لصبغ الاظافر اكوا اكثر وراح اعرضهم ف Step الNail Polish وعنايتي بالأظافر


ويسعدني تكونين متابعه على طول عسوله,,,,

 

[DALLY]

لوووول سوري عاشقة مودي قصدج صبغ الاظافر ماركة Zoya يهبلون

راح اتكلم عنهم ف ستيب الNail Polish

وكلج ذوق

 

[عز النفس يغنيني]

وااااااااااااااااااااو روعه البارت الجديد ..

بغيت أسألج عن الاتسوس .. شكله غريب شلون انتي تحطين كريم ولا هو فيه كريم ..؟؟

وما قصرتي فديتج .. وررررررررررررررررفع

 

[Mona Lisa]

يا مال العافيه وتسلمين عالبارت الرائع والمفيد وحبوبه حيل محتاجين نستفيد منج ومن هالذوق الراقى صدقينى ما ادرى شقولج بصراحه

ابدعتى وايد تابعتج من اول الموضوع لاخر الصفحه واى وناسه كملى ناطرتج حبيبتى وبغيت اسئلج ما عليج امر ابى بيس ولا مرطب

قبل كريم الاساس عشان تجاعيد خفيفه ملوت الابتسامه ملوعين جبدى وابى للنضاره ومشكوررررررررررررررررررره

 

[DALLY]

Step7 تطبيق ميك أب حصه اللوغاني

بسم الله الرحمن ابلش

وصلنا لStep7 واللي يتعلق بتطبيقي الشخصي لMakeup المذيعه حصه اللوغاني

من باب التوضيح : الStep هذا تحديدا طارحته لان حيل اللي حبوا Makeup حصه وودهم يعرفون اساسياته وكل معلومه مطروحه من باب اطلاعي مو اكثر....
وهم شغله مهمه التطبيق راح يكون مو شرح تفصيلي كثر ماهو طرح معلومات وصور توضيحيه....

:aha:

من بداية ظهور المذيعه حصه اللوغاني كانت مهتمه بلوكها ف برامجها وتحديدا اول برنامج لها كان ف رمضان على قناة الوطن خبيرة التجميل الكويتيه حنان دشتي ....

وهذا فيديو لاني ماحصلت صور ....

http://www.youtube.com/watch?v=9fpJu_1DIO0


لو لاحظتوا لوكها ماتغيير حيل الMakeup نفسه ولمسات حنان دشتي غنيه عن التعريف

مكياجها معتمد على ان الالوان تتغيير على حسب اللبس وهم على حسب الوقت يايكون ثقيل او ناعم


وهذي الصوره لنفس طريقة الMakeup طبقته عليها خبيرة التجميل القطريه منيره الانصاري خصوصا ان حصه لما سألوها مره ليش ماتغيير طريقة مكياجها كان جوابها انها مؤمنه ان هذي الطريقه هي اللي تناسب عينها وويها....

وهذيل بعض الصور من البحث اللي سويته فيه نفس مكياج حصه على ويوه بعض الفنانات ودققوا ان اللون بس اللي يختلف وطريقة العين سبحان الخالق لان المكياج يعتمد على قصة العين وعلى كل عين يطلع بشكل ....

ميزة عين حصه انها مو واسعه واغلب المشاهير يعتمدون عالعدسات والرموش غير المكياج طبعا....وحصه مااقدر اقول دايما تحط رموش لان هالشي مو مبين ....

العدسات تعطي اتساع للعين والرموش تخليهم جذابات والحلو ان حواجب حصه طبيعيين يعني لا سووت تاتو ولاغيرت فيهم....ولاتنسون انها كانت مسويه دعاية عدسات....

مرات تحط كحل ابيض بداخل عينها ومرات ازرق المهم ان اللون اللي تعتمده داخل العين فاتح غير عن الاسود عشان يعطي اتساع بحكم صغر عينها....


هم لانها تطلع بالتلفزيون يعني اضاءات وكاميرات ولويه فالطريقه واضحه راح يكون عالعين من فوق مو برايمر لا.......كونسيلر او ستيك ****


شوفوا هالفيديو معاي لخبيرة التجميل ايمان السيد ومن المعروف انها استغلت بنفسها بعد ماكانت بصالون حنان دشتي معناتها نفس اللمسات كونها متمرسه على يد حنان دشتي....

http://www.youtube.com/watch?v=GhSzzXjcuf4

بنات هالطريقه تعتمد للعرايس وهم للمشاهير بحكم تسليط الأضواء عليهم
احنا ممكن نتبعها بس للحفلات والاعراس مو للنهار
اذا للنهار لازم مانستخدم كونسيلر للويه كله اذا الويه مايستدعي يعني عالبقع والهالات وعالعين نحط برايمر مو كونسيلر او ستيك
واذا لليل نفس اللي بالفيديو.....

مكياجها يصنف للمكياج الوحشي بس هالشي لما تكون قصة العين من تحت مفتوحه ونازله
اما اذا مسكره يصنف للخليجي كونه نفس خطوات المكياج الخليجي
واذا كانت مفتوحه بس من غير خطة الكحل النازله يميل للبناني
تقدرون تدققون الفرق بالصور

تفضلوا التطبيق.....​

:tongue22:

 

[DALLY]

يتبع Step7 تطبيق ميك أب حصه اللوغاني

:tongue22:

راح اطبق لكم اللوك على 3 مراحل ....

بسم الله على الله اتوكل ولاحول ولاقوه الا بالله

(ماشاء الله)


التصوير تصوير كاميرة Sony
بعض الصور سويت عليها تأثيرات بالفوتوشوب عشان اوضح الالوان والخطوط

بهالصورتين حطيت خط بسيط من الكحل الابيض فوق الاي لاينر وعليه شادو فاتح لان مرات لو تدققون بلوكات حصه ببرنامجها يسوون لها نفس هالخطه

الالوان اللي راح تستخدمونها لازم عالاقل 4 اذا مو 5


تحت الحاجب لون فاتح مثل الابيض او الصدفي
الجفن المتحرك لون فاتح حلو على ذوقكم مثل الزهري او البيج
عظمة العين لون اغمج مثل الموف اوالبني وعالطرف حطوا اسود خفيف بالدمج عشان مايبين
الاي لاينر مهم
كحل ابيض او ازرق او أي لون فاتح داخل العين
ماسكرا سودا
عدسات (استخدمت عدسات شوارفسكي من التاجره قطاوي وعدسات حصه معروفه انها عدسات سنواويت)
رموش ع حسب الرغبه

:aha:

وكل لوك وانتوا بألف خير​

 

[DALLY]

عز النفس يغنيني

ياحلاة هالمرور والله اهم شي ان الStep عجبج

بالنسبه للقفازات محتواهم شمع شوي ثقيل غني بمواد مثل الماده هلاميه وزيت الجوجوبا وزيت الزيتون وفيتامين5 وغيره

جربيهم راح يعجبونج ان شاء الله

وكلج ذوق عالرفع حبوبه

 

[DALLY]

Mona Lisa

كلامج احرجني ماني عارفه بشنو ارد

اولا الله يعافيج عالمرور والمتابعه الواااااو

ثاني شي ردج اعتبره توقيع مهم ف صفحاتي

الحمدلله اني قاعده افيدكم

والراقيات انتوا بأخلاقكم

وطول ماقاعده القى تشجيع وردود تونس راح اكمل واواصل معاكم وعشانكم

دام عندج خطوط معناته جربي تعبين هالمنطقه بالابر عند اي طبيب مختص وحده من اهلي جربت وحيل طلع حلو يعني تعبئة خطوط مو اكثر مو تتفخ ويظل فتره طويله من 6 شهور تقريبا

اذا مو مقتنعه بهالفكره بلاها
سمعت عن عصاره من ماركة استلودر جربي سألي عنها لاني مو متذكره اسمها بس هي تعبي لج هالخطوط واتوقع من مكوناتها الكولاجين واي كريم او جيل او بيس يحتوي عالكولاجين راح ينفع معاج ان شاء الله لان هالماده تعبي الخطوط والحفر

للنضاره شفتي Step الماسكات اكوا اقنعه وفرتهم لي نبوضه حيل نفعوني لانهم يحتووون عالكولاجين اللي يعطي نضاره غير ان يعبي يمكن ماتلقين هالاقنعه بسهوله بس الماسكات اساسا تعطي نضاره....

هذا بحكم معرفتي الشخصيه وف النهايه انصح اي وحده تلجأ لطبيب او طبيبة جلديه هم اخبر منا وانا نفس ماذكرت لازم بالشهر مره استشير....

وحياج متابعه....:sfg:

 

[Asrarie]

فناااااااااااانه صراحه واايد عجبني الميك اب

 

[DALLY]

صج مريووووومه!!

يااااااي يابختي والله شهادتج فخر حبي


كلج نظر حلو ياحلوووه

 

[مس فاشن]

ماشاء الله عيني عليج بارده فنانه
لوكج يهبل