coffee
New member
- إنضم
- 13 ديسمبر 2005
- المشاركات
- 2,667
- مستوى التفاعل
- 0
- النقاط
- 0
هالموضوع شاغل بالي من مده وكنت اتحسر ليش ايام المدرسة بالاقتصاد المنزلي ما علمونا ما علينا انا سويت سيرتش وبترجم الحجي علشان كلنا نستفيد.. وطبعا كل ديره لها اتيكيتها وانا ببلش بالامريكان حبايبي 
للاسف ما اعرف احمل اصور جان حطيت الصوره اللي لقيتها عاد عسا شرحي يكون واضح :S
تخيلو نفسكم مجابلين المائدة راح تلقون:
- بالنص الصحن واللي يسمونه service plate وفوقه المنديل (اشرلي بالمنديل فستانه كحلي طويل لول لازم فاصل مصاخه اوكي نكمل) وهالصحن عادة لا يستخدم اما ينحط فوقه صحن الطلب او يستبدل بصحن الطلب.
- ناحية اليمين بالترتيب عاموديا من الصحن نلقى سكينتين تالي ملعقة الشوربة وفوقها شوكه صغيرة تالي باقصى اليمين خمسة كؤوس.
- ناحية اليسار بالترتيب عاموديا ثلاث شوك والمملحة.
الاستخدامات حسب الطعام المقدم:
اولا- المحار: تستخدم للاكل الشوكه الصغيرة اللي موجودة على اليمين فوق القفشة.
ثانيا- السلطة: باستخدام الشوكة واذا كان فيه خضروات كبيرة مثل الخس ممكن تتقطع بالسكينه.
ثالثا- السمك: تستخدم الشوكة والسكينة في التناول وتكون عادة شوكة السمك اقصر من شوكة اللحم.
رابعا- اللحم: الشوكة والسكينه.
خامسا- المقبلات: عادة اييبون عدتهم مع المقبلات يعني ما تكون اساسا موجودة - وفي بعض الحالات تكون موجدة شوكة وقفشه متعاكسين بالاتجاه (القفشه موجهه لليمين والشوكة لليسار) بشكل موازي للصحن من الناحية العلوية. اما في حال القهوة والشاي راح يقدمون معاهم القفشة الخاصة teaspoon .
استخدامات المنديل napkin
اول ما تقعدون (سامتين اظهوركم) تاخذون المنديل وتفتحونه وتفرشونه على حضنكم- في بعض المطاعم الويتر يسويلكم هالشغله بس مو الا تنطرون سوو هالشي بروحكم- في حال اشتطيتاو وطاح منكم المنديل لا تاخذونه ! خلوه وطلبو واحد يديد..
اذا خلصتو وييتو بتشيلونه لا تصفطونه! خلوه مثل ما اهو وحطوه يم الصحن يمين او يسار عادي بس ها مو تحطونه فوق الكرسي! عن الفشيله وفي مثل اوروبي يقول اللي يحط منديلو على كرسيوو مش حايوعد عليه مره تانية مستحيلو ولا يتعزمش ولا حد يقيلووو....
الاكل اللي ممكن ينوكل باليدين:
- الخرشوف (ولو اني ما اعرفه) لان عادة يغمسونه بالسوس
- الهليون Asparagus (ما حصلي الشرف) هم ممكن ينوكل بالشوكه والسجينه
- Bacon (بعيد الشر)
- الخبز ما يصير ينقص بالسجين لكنه يتقطع يالايد - واذا كانت ساخنه نفتحها ونعبيها كلها بالزبدة علشان تسيح وتنوكل كامله- اما اذا باردة فنقطع وناكل قطعه قطعه
- الكوكيز تنوكل دائما بالايد واذا حاطين عليها كاكاو ندور الناحيه اللي مو منتلفه ونرفعها منها وناكلها.
- الذرة قبل لا نرفعها ندهن سطر او سطرين منها بالزبدة تالي نرفعها وناكلها شوي شوي.
- الشبس والبطاطا المقلية والدجاج المقلي والهمبورجر كلهم بالايد لانهم ينعدون من الفاست فووود- لكم اذا كانت الهمبورغر فيها خبصة داخل نقدر ناكلها بالشوكه والسجينه وهم اذا البطاط مقطع قطع كبيرة وسميكه ينوكل بالشوكه.
- خبز محمص بالجبن او الكافيار والزيتون والمكسرات كلهم باستخدام الاصابع.
- الساندويشات الجافة - لكن اذا فيها خبصة واشياء اتسيح تنوكل بالشوكة والسجينه.
- الفواكه الصغيرة مثل الفراولة عادة مع بوزها والكرز مع جزء من الساق فممكن ينمسك منه والعنب مع نتوء العنقود ، اما التوت فعادة ينوكل بقفشة.
اتمنى تكونون استفدتووو لان اكو تكملة بس اخاف ما اعرف اشرحها عدل .....
للاسف ما اعرف احمل اصور جان حطيت الصوره اللي لقيتها عاد عسا شرحي يكون واضح :S
تخيلو نفسكم مجابلين المائدة راح تلقون:
- بالنص الصحن واللي يسمونه service plate وفوقه المنديل (اشرلي بالمنديل فستانه كحلي طويل لول لازم فاصل مصاخه اوكي نكمل) وهالصحن عادة لا يستخدم اما ينحط فوقه صحن الطلب او يستبدل بصحن الطلب.
- ناحية اليمين بالترتيب عاموديا من الصحن نلقى سكينتين تالي ملعقة الشوربة وفوقها شوكه صغيرة تالي باقصى اليمين خمسة كؤوس.
- ناحية اليسار بالترتيب عاموديا ثلاث شوك والمملحة.
الاستخدامات حسب الطعام المقدم:
اولا- المحار: تستخدم للاكل الشوكه الصغيرة اللي موجودة على اليمين فوق القفشة.
ثانيا- السلطة: باستخدام الشوكة واذا كان فيه خضروات كبيرة مثل الخس ممكن تتقطع بالسكينه.
ثالثا- السمك: تستخدم الشوكة والسكينة في التناول وتكون عادة شوكة السمك اقصر من شوكة اللحم.
رابعا- اللحم: الشوكة والسكينه.
خامسا- المقبلات: عادة اييبون عدتهم مع المقبلات يعني ما تكون اساسا موجودة - وفي بعض الحالات تكون موجدة شوكة وقفشه متعاكسين بالاتجاه (القفشه موجهه لليمين والشوكة لليسار) بشكل موازي للصحن من الناحية العلوية. اما في حال القهوة والشاي راح يقدمون معاهم القفشة الخاصة teaspoon .
استخدامات المنديل napkin
اول ما تقعدون (سامتين اظهوركم) تاخذون المنديل وتفتحونه وتفرشونه على حضنكم- في بعض المطاعم الويتر يسويلكم هالشغله بس مو الا تنطرون سوو هالشي بروحكم- في حال اشتطيتاو وطاح منكم المنديل لا تاخذونه ! خلوه وطلبو واحد يديد..
اذا خلصتو وييتو بتشيلونه لا تصفطونه! خلوه مثل ما اهو وحطوه يم الصحن يمين او يسار عادي بس ها مو تحطونه فوق الكرسي! عن الفشيله
وفي مثل اوروبي يقول اللي يحط منديلو على كرسيوو مش حايوعد عليه مره تانية مستحيلو ولا يتعزمش ولا حد يقيلووو....الاكل اللي ممكن ينوكل باليدين:
- الخرشوف (ولو اني ما اعرفه) لان عادة يغمسونه بالسوس
- الهليون Asparagus (ما حصلي الشرف) هم ممكن ينوكل بالشوكه والسجينه
- Bacon (بعيد الشر)
- الخبز ما يصير ينقص بالسجين لكنه يتقطع يالايد - واذا كانت ساخنه نفتحها ونعبيها كلها بالزبدة علشان تسيح وتنوكل كامله- اما اذا باردة فنقطع وناكل قطعه قطعه
- الكوكيز تنوكل دائما بالايد واذا حاطين عليها كاكاو ندور الناحيه اللي مو منتلفه ونرفعها منها وناكلها.
- الذرة قبل لا نرفعها ندهن سطر او سطرين منها بالزبدة تالي نرفعها وناكلها شوي شوي.
- الشبس والبطاطا المقلية والدجاج المقلي والهمبورجر كلهم بالايد لانهم ينعدون من الفاست فووود- لكم اذا كانت الهمبورغر فيها خبصة داخل نقدر ناكلها بالشوكه والسجينه وهم اذا البطاط مقطع قطع كبيرة وسميكه ينوكل بالشوكه.
- خبز محمص بالجبن او الكافيار والزيتون والمكسرات كلهم باستخدام الاصابع.
- الساندويشات الجافة - لكن اذا فيها خبصة واشياء اتسيح تنوكل بالشوكة والسجينه.
- الفواكه الصغيرة مثل الفراولة عادة مع بوزها والكرز مع جزء من الساق فممكن ينمسك منه والعنب مع نتوء العنقود ، اما التوت فعادة ينوكل بقفشة.
اتمنى تكونون استفدتووو لان اكو تكملة بس اخاف ما اعرف اشرحها عدل .....
