.::. Hit the pan منتج خلصتيه ورأيج فيه .::.

[سكر_قطر]

السلام عليكم

شلونكم يابنات

الموضوع جدا بسيط وفكرته متواجدة في اغلب منتديات التجميل

HIT THE PAN

يعني المنتجات التجميليه اللي خلصتيها لين اخر العلبه

فكرة الموضوع تتلخص في هالنقاط:

1- صورة المنتج اللي خلصتيه او قريب تخلصينه
2-حبيتيه او كرهتيه
3-تفكرين تشترين منه مرة ثانيه ولا لا
4-نقاط توضيحيه اكثر عن نوع بشرتج وليش ناسبج او ماناسبج

الموضوع يشمل كل المنتجات التجميليه ومنتجات البشرة ماعدا منتجات العناية الشخصية لان كل بنت وطريقتها

الموضوع للمنتجات اللي خلصتيها او قربتي تخلصينها مب للمنتجات اللي توج شريتيها لان البنات ماقصروا خصصوا موضوع للمشتريات

ياليت ترفقون صور توضيحيه ومشاركه ممتعه للجميع :eh_s(8):

بسم الله نبتدي

المنتج اللي بأعرضه عليكم :

بودرة ماك ستوديو فكس
رقم nc30
عندي درجات وايد بس هالدرجه احبها وايد مع انها شوي غامقه علي
طبعا من سنين اشتريها
بشرتي دهنيه الى عادية
كل ماتخلص هالدرجه ارجع اشتريها

البودرة الثانيه من محل اسمه faceshop
وايد احبها وعندي منها باك اب تغطيتها جدا عاليه وسعرها رخيص وماتحسس البشرة

تحياتي لكم وانتظر مشاركاتكم​

 

[fafona]

بصراحه كريم اساس كوليستار وايد حبيته وكررته

 

[fafona]

وناسه اول مره احط صوره هياااااا

 

[MakeupAholic]

لييييش مو قادره ارد عالموضوع :eh_s(16):

 

[&موناليزا&]

مشكورة حبيبتي على الموضوع الحلوووووو

انا استعملت ماسكرا لانكوم ما عجبتني !

عزيزتي رفع لعيوووووووووووونج

 

[سكر_قطر]

fafona

مشكورة عالرد حبيبتي

makeupaholic

غريبه يمكن المنتدى معلق معاج ^_^

 

[Sparkle]

لي رد بالموضوع,,,الفكره وايد حلوه

بس لازم يكون شىء له قاعه(بلشر,بودر أو شادو) ولا عادي أحط جميع المنتجات؟

 

[مراوي22]

عجبني موضوعج حبيته :rerrerek:

فكرته يديده ووايد حلوه

للأسف مستعيله بطلع ألحين بس إن شاء الله أصور لج اليوم وأنزل الصور بكره :eh_s(9):

 

[عذبـة الاطبآع]

الفكره حيل حلوه يعطيج العافيه حبيبتي


بالنسبه لي اول منتج واحب اكرره بودرة ماك المنيرال ناتشورال درجة الميديوم بلآس واحيان ميديوم

وبشرتي مختلطه

 

[سكر_قطر]

موناليزا

مشكورة عالمشاركة والتوضيح

sparkle

لاعادي اي منتج تجميلي سواء حبيتيه او كرهتيه بس قربتي تخلصينه

مراوي

انتظر رجعتج ان شاء الله

عذبة الاطباع

مشكوره عالمشاركه حبيبتي

انا دوم استخدم ماك مينرال ميديوم بلاس وافكر اغير الدرجه احسها غامقة علي بس المنتج وايد روعه

 

[MakeupAholic]

يعطيج الف عافيه الموضوع سكر
بالنسبه لي انا
فاونديشن ماك

ياااابووووووي يلووع الجبد ماحبيته مابلعته ووع ووع
كللش حده كتلة دهن عالووي
شي يخرع امبي والمشكله لمن احطه يبين كل شي بالوي يعني تغطيته زيروووو
بس صج مبتلشه فيه مادري شسوي فيه
اللي تبيه تقولي ههههه
بس صج ماانصح فيه كلللش ملللللش


بس العسسسسل ميكب فورايفر
والله توني شاريته جربته مرتييين
حده خفيييف وروعه حق الاستخدام اليومي
وتغطيته حلوه للامانه وانصح فيه بشددده

​

 

[كريستال]

روعه الموضوع

كحل ايف سان لوران السائل دايما اخذه احب سواده وريشته الضعيفه ومايضايق عيوني لاني اعاني من حساسيه

 

[#تولين#]

كحل ديانا

فاونديشن فور إيفر مع أني افكر أجرب غيره

 

[foshia girl]

الموضوع روووعه ..

حبيبتي بحطلج المنتج اللي أموووووووووت عليه وادمااان واتذكر لما وقفوا ايبونه من جم شهر ينيت صرت جني مدمنه ابجي عشانه لوووول
الحمدلله حاليا" رجعووووه فديته

اهو فكس بلس من ماك


اهو يثبت الميك اب ويسوي رفرش حق الميك اب
انا من بديت اعرف ماك وانا استخدمه ارشه بعد ماأخص من مكياجي يثبتلي المكياج ويخلي الفونديشن زبده ماشالله


شكثر علب خلصتها وحاليا" اخذ وايد منه باك اب
حيل ينعش البشره ..




كاهو حبيبي

 

[! Miss.Q8 !]

mac Msf Natural

وبودرة ماكس فاكتور الذهبيه

وفكس بلس اكيد (تذكرته لما شفت رد فوشيا)

هذولي اللي استخدمهم على طول واخلصهم وارد اشتريهم

 

[سوسو حبيبتى]

حلو الموضوع

فاونديشن بودي شوب اخلطه مع معظم انواع الفاونديشن وهو مناسب لكل البشرات

وروج نيفيا بس حسافه شالوه من السوق

 

[foshia girl]

وبعد تذكرت شغله

شكثر خلصت بودرة ماكس فاكتر هذي البودره استهلاااااااااااااااااك امووت عليها تهبل


العلبتين اللي مبطلين هذول وصلوا القاع
والعلب اللي تحت هذوول خلصوا بح

وهم اخذ منها وايد باك اب

 

[مملكه الرشاقه]

يعطيج العافيه عالموضوع

احب ماسكرات بوبا وما استخدم غيرهم

 

[M!$$_BLinG]

روعه الموضوع

صورت لي موجود اما الباجي ف عقيته

فاونديشن استخدمته لان بشرتي تحولت لبشره جافه فجأه
حلوه تغطيته بس يناسب البشره العاديه


بودرة جيرلان قبل لا اتعرف عالمنرلايز من ماك





بودره نزلت من سنيييييييييين و ما عقيت البوكس للذكرى كثر ما هالبودره كلمة روعه قليله في حقها يا ريت ترجع يا ريت






حبيبة قلبي المنرلايز هذي وحده من لي اخذهم يمكن خلصت منها ٤





بلشر شماش بوكس ولا اذكر شو اسمه انمسح





شيمر بودي شوب وعندي منه باك اب





و بعد فاونديشن ستوديو فكس خلصت ٢ منه
في بلشر من ماك كلته وخلص بس ما لقيته اذا لقيته بصوره
مسكرا ايف سان لوران سينقيولر خلصت وحده والحين عالثانيه
مسكرا بينفت باد قيلر خلصت وحده

 

[سكر_قطر]

Makeupaholic

صاجه انا شفت بنات وايد يذمون هالفاونديشن من ماك
وبالنسبه لفورايفر في وايد يقولون مناسب للبشرة الصافية لانه خفيف
شنهي درجتج ونوع بشرتج؟

كرستال

انا معاج في سالفه كحل سانلوران
ناوية احط صورته في ردودي القادمة لاني دوم اشتريه

تولين
اي واحد تقصدين كحل ديانا ياليت تحطين صورته
اعتقد انه عندي بس بدوره
فاونديشن فورايفر ماجربته بس اي درجة تفضلين؟