)i!(راعو مشاعــر الناس بكلامكم وبتصرفاتكم)i!(

[Melazlaza]

الجرح اذا كان من شخص غريب او علاقتج فيه سطحية مايكون مؤلم بقدر جرح المقربين من الاصدقاء والاهل

اعمق الجروح من اقرب الاصدقاء و تسبب فقدان الثقة بالمجتمع ..

الله يمن علينا برجاحة العقل الي تمنعنا من جرح الناس،،

 

[نهى الأحمد]

اتصدقين نهوووي كل شي ع التربيه
أمي معلمتنا ماتطلع كلمه من حلجنا تجرح الناااس لو اهم اجرحونا بكلامهم
والله تلاقيني ابي ارد عليهم ماااااقدر ماتطلع الكلمه الجارحه منى

هلا حبيبتي شدونه

اي والله صدقتي ياقلبي

التربية تلعب دور مهم

 

[HaAaDoOol]

وعليكم السلام

موضوع في قمممةة الرووعهه مو مسستغربه لأن نهى الأحمد مواضيعها كلهاا رووعه ومفيده

أنا أأيدج بالكلام هذا

وحده أعرفها أمها وأبوها متطلقين ورفيجاتها يقولون جدامها كلااام يجرح حيييل يعني راعوا مشاعرها مابي اذكر شنو الكلام لأن ححيل حيل يعور القلب اذا أنا شوويه و أبجي أهياا شلوون حالتها أمبيييه ماعندهم احساااس عديمين احسااس صراحه مابي اسب بسكت

وياريت بعض البنات الي اسلوبها شوي جريئ تفككر قبل لا تكتب

وفي قبل هووشه بالمنتدى قوويه وفي عضوتين مابي أذكر أسماؤهم كلااامهم حييل ينرفز ووصخ مااقول غير حسبي الله ونعم الوكيل

يسلمو نهووي ع الموضوع الجميييييل ويعطيج العافيه

 

[miss.42]

تسلمين عالموضوع و صح لسانج عالكلام الحلو

 

[نجداويه نجد]

~

السلام عليكم

كُل عام وانتم إلي الله أقــرب .. وكالعادة في جُعبتك الكثير وجميل هو طرحك .. للأســف أننا نعاني من شرذمة من البشر تظن جرح الآخــرين نوع من أنواع ( الميانه زي مايقولون ) ولكنها في الحقيقه قلة آدب تجدين في المجلس من تستخف بمشاعر الأخرين بحجة الضحك والأنبساط ومجرد ان تردي عليها تغضب وترد بكل تبجح أنك لا تعرفين ( المزاح ) .. هل هذا مُزاح وإلا قلة أدب .

..


شاكر الله لك ِ

 

[¤§ زيتونة §¤]

تسلم الايادي حبيبتي نهوي
وبارك الله فيج يالغاليه على هالمواضيع الراقيه برقي تفكيرج واسلوبج الحلو في طرح كل المواضيع وبمختلف مجالاتها



انا اشوف ان الانسان اللي عنده كلمه ولا نصيحه يقدمها باحترام واسلوب مهذب او يغلفها بموقف معين عشان توصل للمطلوب
وهالموقف لااااازم يكون مراعي فيه مشاعر الناس ويبتعد كل البعد عن التجريح لانه تقديم النصيحه نوع من الافادة للاخرين وفيها بعض الخوف على مصلحتهم فليش نضيع قيمتها الذهبية بالتجريح وانتهاك العقول وهتك القلوب بالقسوة ؟؟!!



واشكرج مرة ثانيه نهوي الراقية عالطرح المفيد

 

[sakura-san]

موضوع مهم جداً واشكر صاحبة الموضوع على الطرح

انا مرت علي اشكال وانواع ناس يعرفون ينصحون بأدب وناس الله يسامحهم بدل ما ينصحون يفضحون الواحد وهالنوعية موجودة عندي في الدوام وخاصة الموظفات يجتمعون ويحشون حش في الموظفات حتى الموظفين ما سلموا لا والمشكلة يوم ينصحون موظفة يفشلونها جدام الموظفات :rgewrg:

 

[بروانا]

احسنتى اختى للاسف مجربه من هالتصرفات اشكال الوان لدرجه اصبحت انطوائيه ولايوجد لدى اصدقاء
اكثير جرحونى وسببولى بعقد في حياتى للاسف لم يعد في احترام لمشاعر الاخر
تحياتى الك

 

[نهى الأحمد]

حياكم الله ياخواتي

وشاكره لكم مشاركتكم بالرأي


ولي عودة لردودكم باذن الله

 

[نهى الأحمد]

صح لسانج بكل كلمة قلتيها اختي نهى وللاسف البعض يشد حيله بالتجريح ولما تواجهينه وتقولينله ليش يقول انصح وهذا دوري ..!! طبعا عقب مايفضح الادمي جدام الله وخلقه ويخلي اللي مايشتري يتفرج ونسى الحبيب النصوح ان من اداب النصيحه انها تكون بالسر مو بالعلن واذا صارت بالعلن وبهالطريقه بتكون رياء ونفاق وعلى قولتهم استعراض للعضلات جدام الناس ..

ساعات انصدم من اسلوب بعض الناس لما اشوف طريقتها بالكلام والتهزيء والتطاول واقارن بين اسلوبها وعمرها واتكون ام عيال للاسف احس انها مو صاحيه وتعاني من مشكله بعقلها ..!! واقول بقلبي الله يعين اللي عايشين معاها باللبيت اذا هذا اسلوبها تجرح وتشخط وتمشي ..!!

وتقول بكل فخر انا صريحه .. مع ان في فرق كبير بين الصراحه والوقاحه وقلة الادب والهلاقه

هلا ياقلبي باتشي
صح بدنج حبيبتي

وكلامج عدل ياقلبي

النصيحة لازم تكون بالسر حتى نبتعد عن التجريح واذا كانت بالعلن راح الاجر وجنه ما نصح ولا سوا شي زين

احيانا انصدم من صراحة البعض القاسية

الصراحة اذا تعدت الحدود اعتبرها وقاحة

شنقول ياقلبي

عسى ربي يهدي الجميع

 

[كريستال]

في ناس ماعندهم اي نوع من الاحساس الا على نفسهم وبس

يعني اقل كلمه تجرحهم بس هم يقطون كل كلمه اكبر من الثانيه

مشكوره حبيبتي نهى على الموضوع الرائع

 

[روانتي 12]

يوم لك و يوم عليك
تعبنا واحنا ننصح بس عمك اصمخ .

 

[نهى الأحمد]

منورين يا خواتي




وعسى ربي يهديهم


ومايعرفون انه الدنيا دواره ويمكن يجيهم منو يجرحهم