ll الصفحه الثانيه ll
صوتن اختفى مع ونت زماني
اختفى .. واختفت معه هيبته
..
يا أبوي يا عزوتي ويا تاج راسي
جعل روحك ماتنس الوحده
شلون نتأقلم بعد موت احبابنا .. صعبه فقدانهم فجأه ..
من دون لا تعتذرين ..أو تبررين لتصرفاتك ..او تقولين لهم مقدار حبك لهم ..
في امور كثيره ودك تسوينها معاهم ..
بس فجأه اختفوا من دون سابق انذار ..
صوته .. ريحته .. وجوده بالبيت .. ملابسه ..
مهما احتفضنا بالبس وريحته .. مصيرها تختفي .. ..
الدنيا فانيه ..
ممكن تقولون عني .. سلبيه .. بس هاذي الحقيقه المره
لا احد يتعلق بالدنيا .. عشان ما يتأذى .. ما ينجرح .. ما يتالم
افكاري مضطربه .. مشاعري متقلبه ..
انتقامي يجري في عروقي وينخر عظامي
من كل قلبي صممت اني ادمر حياتها مثل ما دمرت حياتي ..
أنا معصبه من كل عماق قلبي معصبه منها ....
أنا ولله الحمد بحياتي ما اذيت احد ..صح اني ارتكب بعض الاخطاء .. بس مو شنيعه او فاحشه ..
بس هاذي المره
قررت اني اسويها
الي خلاني .. أعيش بعد موت ابوي .... أهي ..
الانتقام مدمر .. بس له لذه.. وله تغير في ... شخصيتك ونفسيتك الى الأحسن والأسوء بنفس الوقت ..
شعور اتمنى محد يحس فيه ...
لذه الشيطان وتغير الملاك ..
الغضب .. الكره .. الحقد .... المكر .... كلها مكونات جنين الشيطان ..
وللاسف ..
عمر الانتقام ماحل المشاكل بالعكس كبرها ودمرها ...
ايام العزا
كريها لابعد حد لازم تقعدين تقابيل ناس ماتعرفينها بس مجرد قيامها للزياره .. وللواجب ...!!!
والبعض عانوا نفس وضعنا فقدوا لهم شخص عزيز .. فكانت ألمانا واحزنا تواسي بعظها البعض ..
..
اللون الاسود .. بعد موتت ابوي من احب الالوان عندي ..
سبحان الله الناس تلبس الاسود بالعزا .. كانها توحد ألمنا مع ان الابيض اهو اللون الي الوحيد للكفن ..وللميت .. اللون الوحيد الي يعبر عن الصفاء ..
في العزا
مجرد يذكرون محاسنه ..يزيد الوضع اكثر تدميرا للنفس وتشتت للذهن ..
ليتني بها الفتره اكون صماء ..
شعور سعيد رغم الوضع الحزين .. انك بها الظروف تعرفين منو الي معنا ومنو لا ..
للاسف ما نقدر نعرف الاصدقاء الحقيقون الا في ظل هاذي الظروف ..
وصدقيني ... بها الفتره محدب ينفعك الا
صلاتي ..
دعائي
استغفاري
اذكاري
كانوا داااايم معي .. وانا معاهم ..
تبعث الراحه والسكينه والطمائنينه لروح
بس روحي كانت ميته من قال لي الدكتور : عظم الله اجركم
مذكرتي العزيزه ..
اكره تغير نفسي ... عشانها ..
بس كل ما اتذكر وجهه الحزين .. كلماتها .. دمرتني .. ودمرته .. خلت اخر لحضاته اتجاهي فيها نوع من الشك ..
تغمرني قوه خارقه لجعل حياتها جحيم ..
لمده سنه ..
مالقيت حل الا شي واحد من دون لا ارتكب اثام أو أذي الي حولي ..
اقدر ادمرها ..
سعود
نقطعه ضعفها
سعود حيلتي الوحيد لتدميرها ..
اسفه يا سعود
انت مالك ذنب ..
اكرها واتمنى موتها ..
ليش صرت بها الوحشيه .. مدري ..
لي سنه مقدر انام نفس الناس .. ماقمت احس بلذه الحياه .. ما اقدراكمل حياتي ..
في غرفه منيفه وشيخه
شيخه ومعاها التلفون وهي منسدحه على السرير وتناظر الدريشه :
هلا .. كيفك ... الحمدالله .. ايه .. كلمتيه .. امااانه نوره ... الله يبشرك بالجنه ... ههههههه
شب .... لا ما استحي .. نوني ... هاذا اخوووكي جنني لنا 4 اشهوور نحاول فيه
يع حسسني اني انا الرجال وهو البنت ... هههههههههه يلا عاااااد ..
لحضه صمت وحزن ..
... لا تخافين من ها الناحيه .. ببلغ امي .. وبخليها تقنع خواني وبعدين .. انا من زمان ودي اتهاوش معاهم .. واعرف طريقه تخليهم يوافقون .. لا والله ... لا تحلفيين ... ماراح اقول ...
تنهيده ونفس عميق ..
شوفي هاذي اخر مره اقولها لك .. والله العظيم ان حلفتيني بالغالي .. والله والله ما اكلمك طول منا حيه ...
هاذي المره بقولها لك بس تراها اخر مره راح اسامحك
ماني زعلانه والله بس ما احب تحلفيني في ابوي الله يرحمه .. خلاص والله ماني زعلانه
يا ليل ياكثر ما تحنين ... هههههههه والله لذبحك ..
اسمعي
بس توعدني ما تدخلين ... احلفي بالله العلي العظيم
فيصل مايهمه تزوجت سعودي أو كويتي بحريقه .. بقوله بكل عقلانيه ... انزين اسمعي .. لا تقاطعيني
بروح اوكل فيصل بكل ممتلاكاتي وافلوسي ..بعطيه توكيل عام .. محدب يدري طبعا الا انا وانت واهو بس ..
وصدقيني مثل ثقتي بالله قويه .. ثقتي بان فيصل ماراح يردني اذا قنعته اني مرتاحه وبتزوج من سعود واني ما ابي اقعد بالديره واني واني و ههههههه الله يقطع عدوك لا ماتوصل كذااا .. واسويله شويه دراااما
وامانه ادعي ان الله يتمملي على خيييير
هدوء وصمت .. انتهت بتنهيده
هههه مو حب يا هبله .. بس انا مقتنع هان وجودي معكم احسن واريح من غيري وخصوصا ان طلاقي علمني اشياء كثير ..
يلا نوره اسمع صوت منيفه .. عزالله مو بنت ...صبي ... مع السلامه
منيفه تفتح الباب بعصبيه
منيفه وهي تقط جنطت المدرسه : ا
ووووف يا ربي .. زهقت من عذاري ( بنت جيرانا ) الظاهر عبالها ان الباص ملك ابوها تضحك وتمصخر ... احرجتني .. قدام البنات
تقلدها بحركاتها
عايشه وهدى ( بنات جيرانا بعد .. ) مسوين حفله وعازمتني
الحقيرا تخزني .. تدري ان عايشه وهديى ما عزموني .. مايحبوني ... دااايم تقهرني .. هم يرحون و يطلعون الا احنا ..
اخواني ... لا عيب ماعندنا بنات يطلعون مع رفيجاتهم ... ماعندنا بنات يتعشون بالمطاعم .. ماعندنا ماعندنا
عشان كذا حنااا معقدات
شيخه وهي تقوم بتنزل تحت لمها عشان تنفذ خطتها :
اقول انتي المعقده .. لولا اخواني .. كان صرنا مثلهم .. انت باعتقادك باننا معقدات لاننا ما نطلع مع رفيجاتنا ... اصلا من متى نطلع .. هذا سلمنا .. هذي عاداتنا .. من زمان وحنا كذا .. ابوي ربنا على كذا .. بتزورين رفيجتك امي معك عادي .. ماعمرها منعتك .. بتمشين معاهم عندك المدينه الترفيهيه ايام الحريم لمى نجمع مع امي تروحين تتمشين مع صديقتك .. محد منعك بس تكفين .. تكفين .. لا تغمسين بعادات غيرنا .. هم بكيفهم ..
منيفه نزلت راسها ..
يلا انا بطلع بخلي كوماري تحط الغدا .. بدلي وتعالي تحت انا ميته من الجوع انطرك
بعد 5 أيام
في صاله بيت ابو فيصل
ام فيصل :
لا يعني لا ... فهمتي .. أنا محذف بناتي عند
قاطعتها شيخه وهي معصبه :
يما .. لو سمحتي ..
نسيتي ولا اذكرك ..
يوم انصدمت في الكليه هوانا اسوي اوراق الاعانه .. اني متزوجه !!!!!
بعدتي خالد ولد خالتي لانه سعودي !!! وزوجتيني محمد
كل هاذا عشان ورقه ... وكاني خذيتها مع ورقه طلاقي ومن دون اطفال
ام فيصل وبت ملامح الحزن :
وش تقصدين اني انا السبب طــ
قاطعتها شيخه وهي تنهد :
يا يما انا موقصدي كذا ..
افهميني .. تكفين
انا عادي ابي سعود وبالاخير عند عمي واختي هناك ..
انا ابي ابتعد عن اهل محمد تعبت من سوالفهم
تكفين افهميني يا يما
قاطعتها ام فيصل :
وش دخل اهل محمد .. اذا قصدج مرت بندر ( عفاف اخت محمد ) بلعنتها والله لخلي بندر يادبها اذا مضايقتج ..
شيخه ودموعها تنزل :
لا يا يما تكفيين .. لا تحرميني من عماني ... والله اني مرتاحه .. ابيهم
تنزل دموع ام فيصل وهي تقرب من شيخه :
شيخه يا قلبي هو عنده مره ، انا مزوج وحده ع مره ... مرضها ع بناتي وعلي .. وشلون ترضينها
شيخه وهي تمسح دموعها الي تنزل لانها خافت ان امها تخرب عليها خطتها ويتدمر كل شي وتموت بحسرتها :
يما بياخذ غيري نفس الشي
قاطعتها ام فيصل :
هو بياخذ غيرك بس مو بنتي .. بنات خلق الله بكيفهم ... انت وش فيج ؟؟
شيخه وهي تحضنها :
تكفيييين يمااا لا تقطعين رزقي كافي محمد انت و ابوي الله يرحمه .. اتخذتوا القرار من غير لا تعلموني او حتى تستشيروني .. تكفييين لا تقطعين رزقي .. ابوس رجوك يمااا
ام فيصل تبكي وهي تقومها :
خلاص .. مع اني يا شيخه ماني مرتاحه ... بس يا شيخه .. فكري تكفين وانا ماراح امنعج
بس اوعديني ...
شيخه وهي مستانسه وتحب راسها :
الله يوفقك يا يما ... الله يخليكي لي ولا يحرمني منك .. يا رب العالمين
بعد يومين وبعد ما قررت شيخه وعلمت أمها بقرارها الي مستحيل تخلي عنه .. بلغت اخوانها بعظهم راضين والبعض معصب والي يحتج والي الخ
ونجحه خطتها اقنعت فيصل بالتوكيل العام وهو اقنع الباجي بما انه الكبير ..
انتهت صفحه التخطيط ... بعد الم ومعاناه ... وبتبتدي معاها صفحه الفعل ..
