Mac brush collection

[Sparkle]

هااااااااااااااااااااي ​

أول شىء مبارك عليكم الشهر :eh_s(22): فديتكم من زمان ما أدري عن المنتدى حبيت أنزل هل موضوع يفيد كل بنت عن فرش ماك :friends: هذا تجربتي خلال تجميع فرش ماك كلهم​

خن نتكلم أول شىء عن الأرقام كل فرشة ماك لها رقم
الأرقام الي تبدي بال 1 للويه Face مثل 187
الأرقام الي تبدي بال 2 للعيون Eyes مثل 217
الأرقام الي تبدي بال 3 للبراطم Lips مثل 316​

أسعار الفرش من 8 لي 20.500 يبيلها ميزانه شوي ومو ضروري تاخذين كل الفرش في كذا فرش تسوي نفس الغرض 3 في 1 مثل فرش 109 للفاونديشن والنحت والبلشر ​

ماك ينزلون فرش سيت صغار مثل هذوول في ال Holiday سيتز بس جودتهم مو مثل جودة فرش الأحجام العاديه
​

ماك ما يبيع سيت فرش كامل مستحيييل واذا شفتي سيت كامل جذي بالنت تأكدي 100% أنهم تقليد

ماك يبيع سيت واحد فقط بس ما فيه كل الفرش يمكن 10 أو 12 فرشه مو متأكده بالضبط بس مو كلهم وسعره 100 و شىء دائما أشووفه ينباع بالمرينا​

اخيرا في فرش ليمتيد تنباع اب كولكشنات وما تنباع على طوول مثل ال 226 و ال 165 ويردوون وينزلوونهم كذا مرا
​

فرش الويه
109,116,129,129SH,134,138,150,168,182,187,188,189,190,191,194,195​

فرشة 129 مكرره مرتين لان في وحده صغيره وفي وحده كبيره​

فرش العين
204,208,209,210,212,213,214,217,219,222,224,227,
228
231,239,242,249,252,263,266,275​

فرش الشفايف
316,318​

Total of all mac brushes= 39 فرش ماك الأجمالي​

اذا تبون تقرون أكثر عن الفرش دشوا www.maccosmetics.com على اليسار تلقون كلمة Brushes وبيطلع لكم 3 خانات لفرش Face,eyes,Lips​

**Face brushes**
109 تهبل للفاونديشن والبلشر والنحت يعني 3 في 1
​

116 فرشة بلشر
​

129 فرشة بودره\بلشر
​

129SH هل فرشه اهيا 129 بس حجمها أصغر شكلهم غير عن بعض ما أدري ليش ماك يبيعون 129 صغيره بس أستخدمها للبلشر فقط

134 حلوه للبوده و البلشر والأضاءه

138 للكونتور ووضع الأضاءه
​

150 للبودره

168 للنحت ووضع الأضاءه
​

182 فرشة الكابوكي استخدمها لتوزيع بودرة المينرال فوق الفاونديشن تهبل
​

187 الكل يحبها للفاونديش بس أنا أستخدمها للبودره والبلشر فقط
​

 

[Sparkle]

188 أستخدمها ويا البلشرات الكريميه ووضع الأضاءه في ناس يحبونها للفاونديشن

189 حلوه للفاونديشن لو كان فاونديشج ثقيل هل فرشه راح توزعه اب طريقه روعه ويخففه حلوه لو تبين لوك طبيعي

190 ما أستغنى عنها ويا فاونديشن ماك Studio sculpt بس في ناس ما يحبونهاا علشان تخطط الويه نصيحتي وزعي فيها المرطب أو البيس وبعدين الفاونديشن وما راح يتخطط

191 حلوه للفاونديشن تقدرين توصلين للمناطق الصعبه أنصح أحد بشرته فيه عيوب يستخدمها

194 فرشة كونسيلر : ) ومرات أوزع فيها الحمره

195 فرشة كونسيلر




**Lip brushes**
316 فرشة للبراطم ويا غطاها

318 تسحبينها وتتبطل وتتسكر أريح من 316



**Eye brushes**
204 للحواجب وتفرق الرموش ورا ما تحطين ماسكره

208 فرشة للحواجب

209+210 فرشة اي لاينر 209 فرشه عريضه و 210 فرشه ضعيفه الأثنين حلوين

212 فرشه مربعه ترسملج خط كحل ضعييييف بمعني الكلمه وتقدين تدمجين كحل ويا شادو فيها

213 فرشه حلوه لوضع الشادو

 

[Sparkle]

214 أستخدمها اذا حبيت أوزع شادو على عيوني من تحت أو أحط فيها اضاءه تحت الحاجب


219 فرشة السموكي أحب أرسم عيوني بالكحل وأستخدم هل فرشه صج يعطي افيكت السموكي وحلوه للرسم البنانا

222 فرشة دمج فاشله ما حبيتها

217+224 أحلى فرش ماك للدمج عن نفسي أحب ال 217 للدمج و ال 224 للكونسيلر : )



227 حلوه لوضع شادو لون واحد على العين بالكامل

228 حلوه للبيغمنت واذا حاطه كذا لون على الجفن المتحرك وبتدمجينهم ويا بعض أو تحطين شادو عن مدمع العين

231 أحبها لوضع شادو عند المدمع

239 أحلى فرشه لوضع الشادو على الجفن المتحرك

242 حلوه لوتزيع البينت بوت والبيغمنت

249 أحبها لتوزيع البينت بوت

252 حلوه لتوزيع البينت بوت وشادو لون واحد على العين بالكامل

266+263 فرشه المشطووفه ماكو فرق كبير بينهم بس هل فرش حلوه لرسم الحواجب عن نفسي ما أستغني عنهم

275 فرشة دمج زووينه


هذا أقتراحاتي للفرش ال Must have
للعيون
209 أو 210 للأيلاينر اثنينهم حلوين
217 فرشه للدمج
228 فرشه صغيره للشادو والبيغمنت
239 فرشه للجفن الثابت
242 للشادو الكريمي أو البينت بوت أو البيغمنت
263 أو 266 للحواجب
للويه
109
187
188
190
182
للبراطم
318


صوره جماعيه لفرش الويه


صوره جماعيه لفرش العين


صوره جماعيه لفرش الشفايف

 

[Cruella Devil]

ya36ech alf 3afya , tslam eedch 7abebty

 

[أسيرة_أحزاني]

واااااو سباركل عليج بألف عافيه حبي

 

[مدام فاشن]

خوووووووووووووش موضوووووووووووووووووع

تسلمين حبيبتي

ويستاهل موضوعج التثبيت

 

[بنت احلى ديرة]

عليج بالف عافيه حبيبتي

 

[DALLY]

ما شاء الله الله سامسوم

كفيتي ووفيتي

تسلمين عالطرح حبي


وعليج بالعافيه اخيرا جمعتيهم

 

[rozzz]

رد : Mac brush collection

:nbvppw:

يعطيكي العافية و شكرا كتييييييييييير إلك على هالموضوع المفيد​

 

[BaiTotia]

رد : Mac brush collection

عليج بالعافية

أبي جم فرشة للعيون وايد فدتيني

 

[عز النفس يغنيني]

عليييييييييييييييييييـج بألف عافيـه حبيبتي .. موضوع ممـتع ..

فرشه الايلاينر 210 موجوده بالكويت ؟؟ وبجم سعرها :d إذا تذكرين

وما قصـرتي ..

 

[over love]

علينا وعليج يتبارك وعساج من عواده

ولهت على مواضيعج من زمان عنج

مشكوره حبيبتى

 

[كويتية وكيفي]

واااااااااااااااااااااو
كولكشن عجيب عليج بالف عافية

 

[UNICORNA]

يعطيكى الف عافيه سباركل

وعساكى من عواده الموضوع حلو ومفيد

تسلمى (=

 

[يازمان العجايب]

يعطيج العافية

 

[سكر_قطر]

ووولكم باك
وكل عام وانتي بخير

تتهنين بالفرش
وعليج بالعافيه

 

[Makeup addicts]

روعه ما شاء الله مررره استفدت منك خصوصا اني حابه اجدد فرشي واشتريها من ماك

 

[eva beach]

دخـــت

بس بصرااااااحه مجهووود تشكريــن عليه

انا حدددي متشووقه على فرشه 187 .. واحس 109 حلووة بعد

يعطيـــج العافيـــــــــة سباركل موضووعج حدده رووعه ومرتب

 

[foshia girl]

رد : Mac brush collection

رووووووووووووووعه

تبارك الرحمن

اخيرا نزلتي الموضوع سوسو حدي كنت متشووقه ابي اشوف كولكشن الفرش ملوتج اللي من مااك ,, والله شقووول وشخلي موضوع متكااامل وياليت يتثبت لان فرش ماااك واايد عليهم مدح وفي وايد بنات يستفسرووون عن فرش ماك فهالموضوع راح يكون مرجع لهم ,,

انا اللي ابي اخذهم انشالله هالشهر :-

فرشة النحت 168 سوسو تنصحيني استخدمها بعد حق البلشر لان شفت makeup geek تستخدمها حق البلشر بعد ؟؟
وفرشة الدمج 217

صرااحه شوقتيني على فرش ماك شكلي ببتدي شوي شوي ايمع ,, يعطيج العافيه على هالمجهوووود

:*

 

[~*~الملكة~*~]

افتر راسي وايد فررش

يعني اخذ فرشه 109 حلوه 3 في 1

يعطيج العافيه ولهانه على مواضيعج