Make over Girls Diet عدنا من جديد

[BiiShOoO]

قووووة بنااات شلونكم شخباركم


انا اليوم خربتها و كليت مجبوس ديايييي


واااي بموووت من القهر

 

[كويتيهx5]

هلا بنات شلونكم


لووو حساسه ام خدووج شخباركم


لا تقولين بموت من القهر لوووو اسمله علييج شربي ماي زعتر جاي اعشاب يعني حولي تلغين تاثير المجبوس .
ولا تعاقبين نفسج وحاولي تغير نظامج نومتج وبالعافيه.


انا توني قاعده من النوم ........شربت نسكافيه وببدي رجيم طالب الشمري ان شاء الله

 

[Eng_7asasa]

قوة بنااات شلونكم بنااءا على طلب علويه الحلوة راح انزلكم سر من اسرار رشاقة عارضة فكتوريا سكريت

اليسندرا امبريسو


alessandra ambrosio

طبعا اليسندرا وحدة من عارضاة فكتوريا سكيرت الي اشهر من نار على علم تتميز بلونها البرونزي الاسمر وجاذبيتها

الطفولية

صارلها فترة والدة وايبت بنوتة حلوة خلال ثلاث تشهر بس ردت نفس وززنها القبلي وردت جسمها السمبتيك

جيكوو بس ثلاث تشهر اوكي وردت تعرض لانجري ملابس داخلية بكل ثقة وتألق ماكو ستريج مارك ولا ترهل


اول شي عشان تنزل weight الي اكتسبته من الحمل لازم تكون ملتزمة بدايتس معين حلو قامت تاكل بس اكل صحي
ماتاكل اكل مو صحي junk food وربعااا وهذا يعني بعد انهاا تخلت عن chocolate
ouch يعور الشعور بس صدقوني ماراح يعور اذا صار جسكم سمبتيك

انزين ثاني شي خني حق تمارينها طبعا عندها مدربة خاصة ولانها ولدت قصيرية ماكانت تقدر تسوي تمارين معينة cruches الي اهم تمارين المعدة فكانت بدال هل التمارين تتسلق تمشي وتستخدم ثقل جسمها

الي جانب الكارديو وتمارين الخلفية البرازلية راح اتبلكم عنها بعدين ترفع وتشد الموخرة حتى الي ما عندها تطلعلهاا
طبعا لمدة ساعتين باليوم تسوي تمارين عشان تخلص من baby weights

مدربها قال انهاا كانت تاكل اكل برارزيلي واكيد دسم فلازم الحين تدفع ثمن الاكل الي كلته ههههههههه سمعو يا بنااات

هذا كلام اهيه قايلته

تقول قمت اتمرن واصكر حلجي ماكو حلويات ولا جكوليت اي شي غير صحي مااكله كل اكلي صحي و alots alots

of working out عشان تنزل وزنها الزايد بعد الولادة

تقول اني لمن الحين مرات اخذلي شوية اكل برازيلي ولمن الحين تلعب ساعتين باليوم رياضة

وفي كريمات شد الي ماتستغني عنهم واحد منهن

Yves St. Laurent Total Fitness Slimming Gel
من ايفسلوران تستخدمة على طول

وحق الترطيب VS Angel Moisturizer

وسلامتكم ان شاء الله يزيد الدافع عندكم اكثر

 

[om.5doja]

يقوييييج هلا لووو هلا حبيبتي ماعلييييه يالله علشان لاتعيدينها تكفييين لاتخربين على روووحج وبسج خربطه @_@

صح النوم كويتيه عليج بالعافيه

مشكوووره حساسه حبيبتي يالله عقبال مانصير جذي واحسن اللهم امين

 

[Eng_7asasa]

هلا ام خدوجة ان شاء الله توصلين حق اهدافج وحاولي تبتعدين عن شاني جان شربتيليج صغير اذا خاطرج فيه وايد

هلا كويتية و لوو

لوو حبيبتي عادي جان كليتي 8 ملاحق و شوية صدر دياي وكثري سلطة المطوع يقول جذي سوو وبتجوفين راح تضعفين
ان شاء الله

كويتية اي بلشي مع طالب و اذا نزولج حلو انا الاسبوع الياي اخذا منج واستمر عليه احب كل اسبوع اغير عن المللل

 

[كويتيهx5]

طالب ما يبين الا بعد اسبوعين تنزلين 6 او 8 كيلوو مع الالتزام اذا تخربط 3 كيلووو.
ويعطيج العافيه على المعلومات

انا ابي هايدي كلوم العارضه الالمانيه


صح بدنج ام خدوووج

 

[BiiShOoO]

اي انا حطيتلي كمية صغيرة و انا ما اكل الا الصدر

 

[Eng_7asasa]

ان شاء الله كويتية ادولج عنها معلومات واحطلج اياهاا تامرين امر

منخالف تحطينا كويتية الدايت ماله عشان وقت الدوام في ايام بفطر فيهم شكلي بمشي عليه

ولي السبت مع المطوع ان شاء الله

 

[كويتيهx5]

اي زين لووو ليش عيل تقوليين مخربطه اشوه لا تحبطين عمرج

ما يامر علييج امر حساسه

وانتي تامرين احطه لج وله يهمج

 

[كويتيهx5]

اول شىء اول ما تقعدين من النوم


جاي
نسكافيه+حليب+سكر عادي

شاي اكلييل الجبل روز ماري
الكميه مفتوحه.



2-كوب روب او جبن ابيض مالح من 1_3 او بيض مسلوق
مع خس وطماط جرجير ليمون ورق ملوف بقدونس خل خيار
مع خضروات كوب زهرة بروكلي جزر ودايت.


او شابوره 3 قطع او توست اسمر مع جبن او 2 همبورجر مشوي مع خس وطماط وخيار ودايت.



المغربيه كاكاوو صغير الوسط شاي اودايت





العشا جاي وحليب وشابورة او عكس الغدا وبالعافيه


طبعا هذا رجيم خاص فيني واهو على حسب طلبي يسوي

 

[Eng_7asasa]

مشكورة كويتية بس جنا ريوق مافيه شي ؟؟بس نسكافيه يعني؟

 

[كويتيهx5]

اي مافي لانه تدرين انا انام ما اقوم الا الظهر ما اشتهي اكل شىء اهو يسويه لج على حسب طبيعه اكلج ونظام حياتج.

مرات رجيمي كله كاكاوات لندن وحلو لندن يعني على حسب بس اذا التزمتي فيه ينزلج من غير رياضه 6 كيلوووو

انا رفيجتي انقصت 50 كيلو على رجيمه وصارت عارضه ازياء ما شاء الله بس تزوجت واخترب الجسم هههه بس اهي بعد او 5 كيلو صارت تمشي.

تقدرين تاكليين توست اسمر مع سليز قليل الدسم مع شاي

 

[LoOLoO-17]

بالتوفيق يا بنات وتجمعكم رووعه وهااادي ماشاءالله عليكم كويتيه ريجيمج حلوو وخفيف عالمعده وهذا اللي يميز ريجيمات طالب حتى لوزدتي الكميه ما تخافين من زياده الوزن لان الريجيم اساسا خفيف انا وزني 58 ابي انزل 3كيلو بسسس المشكله ان النزول بطئلانه قريب من المثالي

يالله الله يهونها علينا ونوصل للوزن اللي نبيه

بس ابي اسأل النخي المعلب يمتن ولا لاء؟؟
لاني ما احب اللحوم وايد وابي ابدل اللحوم ببقوليات يعني فاصوليا او نخي شرايكم؟؟

 

[LoOLoO-17]

كويتيه ابي اسأل عن حجم الكاكاو وشنو النوع اللي تاكلينه ويصير اكله بعد الريوق ؟؟

واكنسله بالمغربيه ؟؟ وعادي اكل ساندويتش امريكانا؟؟

وشوربه الخضار مسموح فيها يعني اللي فيها خضار مقطع قرع وكوسا وجزر وزهره وجذي لاني احبها ومووايد مع السلطه؟؟:0bee2e8d89:

<<<يا كثـــــــر اسئلتج:tomato2:

 

[Eng_7asasa]

هلا لولو

والله المعلب معضما فيه املاح و مواد حافضة اخذيليج نخي الفريش او حمص سويه والحمص وايد فيه بروتينات اذا كنتى نباتية

او اكليلج دياي او تيركي

وحياج الله وان شاء الله توصلين للمثالي مابقى شي الفال لنا ان شاء الله

كويتية اي زين مشاء الله شكلي جذي بحطلي توست اسمر الصبح او كورن فليكس فيتنس مع حليب خالي الدسم اي معروفه رجيماته اضعف

 

[كويتيهx5]

هلا والله حياج لوول 17
وترى تقدرين اتنزلينه في اسبوعيين مع حبوب ايزي لاكس

اي تقدرين تاكلين الكاكاو انا اكل سنيكرز لانه يقول اغلبه مكسرا ومافي دهوون وايد بس الوسط مو الكبير او الجكليييت وشوربه اوكي اهو هذا الحلو في رجيماته مرنه وتقدرين اتغيرين فيها

والنخي لا لانه ما يرضى .

 

[LoOLoO-17]

حساسه عدل كلامج بس لو غسلته عدل مافيه مشاكل تروح منه الاملاح صح؟؟

 

[LoOLoO-17]

هلا والله حياج لوول 17
وترى تقدرين اتنزلينه في اسبوعيين مع حبوب ايزي لاكس

اي تقدرين تاكلين الكاكاو الصبح وشوريه اوكي اهو هذا الحلو في رجيماته مرنه وتقدرين اتغيرين فيها

والنخي لا لانه ما يرضى .

حســــــافه يالله مو شكله نكنسله عشان الرشاقه:ggdw:
حبوب ايزي لاكس من وين ايبهم ويسببون اسهال لاني بالكليه اخ اخذهم واتوهق:tomato2:

 

[كويتيهx5]

اي حساسه ترى اذا اضفتي شىء في رجيماته ما تتاثر وايد يعني بدال 6 كيلوو تضعفيين 5 كيلو بس واذا مع رياضه ما راح ياثر ان شاء اللله

 

[LoOLoO-17]

واااااااااااو سنيكرررز اموووووت فيه يا سلااام ياطالب يا مدلعناااا:krkrkr: