Make over Girls Diet عدنا من جديد

[Eng_7asasa]

يا حلوين انا رايحه

اتغدا برا مع اهلي اجوفكم على خير

 

[Loving Stella]

جمعه مباركه عليكم بناااااات

انا قبل نص ساعه قعدت تريقت كورن فليكس فتنس+ حليب خالي الدسم
3 تمرات
و نص خبزه شعير فيها جبن سلايس لايت و تيركي حدها خفيفه


بأخر غداي ان شاء الله

 

[Loving Stella]

ام خدوج ما تشوفين شر حبيبتي روحي الطبيب مره ثانيه اذا الحراره استمرت

هلا فيييييج فل مون ولهنا عليج من زمان ماطليتي علينا بالمنتدى شلونج شلون امور الرجيم

حساسه عليج بالعافيه و ان شاء الله تستانسين بالطلعه

لووو عليج بالعافيه

علويه الله يعينج عالمسعده انا ليلحين ما زارتني

 

[Eng_7asasa]

ادعولي ما اخربط ان شاء الله انروح مطعم لبناني فيه مطعم لبناني على البحر يديد بس مادري وين صاير

 

[FuLL.MooN]

have fun عليج بالعافية وخربطي خفيف كلش ميخالف بس طقيها مشية

 

[Loving Stella]

ان شاء الله ما تخربطين
انا احب فيلا فيروز اكله لبناني خفيف

 

[كويتيهx5]

هلا بنات شلونكم وشخباركم

علويه وفوول وستيلا مااف وهنوف وحساسه لووو

ام خدوج ما تشوفيين شر وروحي الطبيب طقي ابره واتوقع يعطونج ادرب عشان ينزلون الحراره ترى مو زين ترضعين بنتج وعليج حراره وماجوره ان شاء االله.
والله لحد الحين ماكو اخبار عن الوظيفه تبون الصج ياست خلاص ملييت.


حساسه شربي ماي من الحين لحد الطلعه وان شاء الله ما تشتهين تاكلين.

فوول شدي حييلج لازم تلتزمين لو اسبوع ترى انتي تنزلين بسرعه اكثر منا

انا عن نفسي انزل بطء لاني ما فيني زياده كبيره يعني لو يصير وزني 75 الكل يقولي بسج ضعف لانه عظامي عريضه وما خذه وزن.

بالعافيه علوي ومااف وحاولوا ما تخربطون يالله بلش العد التنازلي بقى 18 يوم بس

 

[Eng_7asasa]

قوة يا حلوييين

اخوي الله يخلييه لنا انا ونفرح فيه الا يودينا fish market وعازمنا مايصير انرده عاااد رحناا كليت تبولة و شوية حمص و متبل و حبتين مقبلات مادري شنو اسمهم وماطلبتلي طبق رئيسي طلبتلي ربيان ايكون مادري شلون مقلي بس ماكثرت وايد

حتى امي واخوي اذبحوني قومي نقي اسمجة شنو بس مقبلات وماكنت مشتهيه صج وبس حمدالله شبعت بس وايد حلو المطعم حق اي يحب السمج يستمتع وخدمتهم حلوة بعد

 

[Eng_7asasa]

كويتية الله كريم ان شاء الله و تفرحين بالوظيفة لا تياسيين الي توظفو مو احسن منج

انا ان شاء الله بعد المغرب بطلع وبمشي كلوووبي هههههههههههه عندي جلب صغير بوجي ماقتلكم عنه قبل اسمه كروز اونسه و واتمشى وبسسس

 

[Loving Stella]

كويتيه باذن واحد احد تشتغلين و الله اينولنا كلنا الي ابالنا اللهم امين والله ماكو شي بعيد عن رب العالين




علييييج بالعافيه حساسه زين تسوين

صج ونااااااسه توني ادري انه عندج جلب انا خوااافه لوووول

 

[Eng_7asasa]

هههههههه ستيلا عندي جلوب صغير و بعد قطو شيرازي عكسي تمام انا اموت على شي اسمه حيوانات

 

[Loving Stella]

لووووووووول ما شاء الله انا كلش مو هالسواف خوافين احنا بس انا عندي القطوه اهون من الجلب ههههههههههههه

 

[Eng_7asasa]

اي عادي معظم الي اعرفهم يخافون

 

[Loving Stella]

اي صج نسيت اسألج حساسه ماي الزعتر ليلحين تستعملينه ؟؟ و ايهو افضل البحريني ولا التركي

 

[Eng_7asasa]

لا وقفت لانه خلص وكل ما بشتريه انسى والله فيه ناس مرتاحين على التركي بس يقولون مركز ماجربته

انا جربت البحريني وكان همن فيه تركيز

 

[Loving Stella]

انا جربت التركي اخففه بماي و طعمه مركز

 

[كويتيهx5]

بالعافيه حساسه

ههه على كروز
انا ما احب لا القطاوة ولا جلاب عزكم الله احب النمور والذياب هههه اقول حق امي وابوي ابي ذيب يقولون وين انحطه .

الله كريم بس كل من اعرفه توظف الا انا يمكن الله مو كاتب لي لحد الحيين واللع زهقت:0bee2e8d89:

 

[Loving Stella]

لا لا حرااام تقولين جذي كويتيه باذن الله تتوظفين قريييب و تفرحين والله ما يرد دعواتج ان شاء الله

 

[Eng_7asasa]

لا تأيسين كويتيه

ماتدرين امتى ربج بيفرجها و وين صبري مافكرتي تقدمين على شركة ايكويت مالت النفط او سامسنوج الي بالشويخ

 

[Eng_7asasa]

http://q8yat.net/showthread.php?t=493027

عفية بنااات ساعدوني اهني اذا قدرتو