HiIiIIiiiIiIiiI
من داخل
MISS U ALL
شلونكم يابنات أحلى منتدى
طبعا موضوعي مبين من عنوانه ..منتجاتي المفضله لعام 2011
ماقدر أقول انها المفضله لهالشهر لاني صارلي فتره طويله استخدم هالمنتجات ومرتاحه عليهم
ولي غيرتهم ان شاء الله السنه الجايه راح احط موضوع ثاني
المهم نبدأ بمنتجاتي المفضله 
:eh_s(9):
:eh_s(9):
(فير أميكا AMIKA)
هالفير حل عقدتي من الفيرات وصرت اتفنن فيه في التسريحات سهل جدا ورائع,,شاريته من دبي مول ب350درهم بس ينباع اون لاين واكيد ارخص.
(كريمات كلينيك)
وايد مرتاحه عليهم وبالاخص كريم حوالين العين ماقدر استغنى عنه صارلي 3 سنين.
(لوريال مزيل المكياج)
كل ماغيرت مزيلات الميكب لازم ارجع له لانه رووعه مع المكياج الواتر بروف واايد جنتل.
(عطري حاليا TEEZ BY PARIS HILTON)
كل العطور اللي تميل ريحتها للفل أو الياسمين ارتاح لها مثل هالعطر أو ماكس مارا القديم الشفاف اللي مايه اصفر اعشششقه بس مادري ليش معاد يبيعونه وطبعا عطر ايلي صعب وايد قريب من ماكس ماراهالنوعيه مفضله عندي .
(البرايمر)
غني عن التعريف وايد ممتاز .
(البيس)
احبه وايد واستخدمه بطريقه عكسيه بدل ماحطه قبل الفونديشن احطه بعده..يعني احط نقطتين بايدي وعقب احطه ع فرشاة الفونديشن الناعمه نفس مالت ماك واوزعه ع ويهي بطريقه التربيت يعطي لمعه ويدمج لج الفونديشن بطريقه رائعه وكل ما اسوي هالحركه يسألوني عن الفاونديشن اللي حاطته !!
(كونسيلر ماك الاورنج)
أحطه كأساس قبل الكونسيلر الفاتح عشان يعطي لون موحد ..وايد حبيته
(الفاونديشن)
غني عن التعريف استي لودر دبل وير بس اهم شي انج تلاقين درجة اللون اللي تناسبج.
(بودرة رد ايرث البيضا)
من داخل
كلمة روعه شوي عليه,,استخدمه أز هايلايت تحت عيوني بعد ماخلص مكياجي بفرشاه ناعمه مو بالاسفنجه عشان مايبين كأنج حاطه جص تحت عينج لانه وايد ابيض,,يعطي نظافه وترتيب للاي شدو ويفضل استخدامه للسهرات .
(باليتة نيكد)
صارلي شهرين شاريه الباليت واستخدمها بشكل شبه يومي كل لون فيها يقول الزود عندي والوانه قويه وواضحه.
(جل ايلاينر من انجلوت )
اتعب وانا اقول رووععععه عن هالايلانير,,الاسود سواده يجنن وواتر بروف والازرق استخدمه داخل العين كلن يسألني عنه فظييييع.
(كحل جيفنشي)
رووووووعه أسود ايلاينر شفته بحياتي استخدامه سهل ويخط بسرعه لانه كريمي ممكن نستخدمه عادي أول بالانقلد براش .
(روج مث من ماك)
لاني هابه في لوك الستينات هالفتره وصوفيا لورين ومادري شنو صايره وايد استخدم مث أو ادمجه مع اي لون لب لاينر عموا انا وايد احب النيود كلرز+الروج البنك النيود من ريفلون ووااايد احبه بس ماحطيت صورته لانه عند اختي رقم 002
(بلاشر جيفنشي)
بلاشري المفضل حاليا استخدمه كل يوم حلو على البيضا والسمرا انصح فيه يجننننن
يتبع
