طريقه التحضير
بعد ما تعجنوا العجينه , بأي طريقه تحبون مل عشر دقائق السريعه أو طويلة التخمير ..
هذا شكل عجينتي بعد ساعه من التخمر ,, والجو يساعد كثير بعمل الفطائر من حرارته ..
وما شغلت تكييف إلا لما كنت أحشي الفطائر ,, عسب يكون المطبخ دافي لتخمر العجين ..
نفرد العجين ونقطعه بالطول بعرض 2سم تقريباً ..
نحظر الأقماع (المصنوعه من الإستيل الذي لا يصدأ ونغسله ونجففه) .. وهذا شكله ..
ونلف العجين عليه وهو على السطح المقطع فيه العجينه ,, (لأن لو حملنا القطعه الطوليه من العجينه راح تتمدد وتطول زياده أثناء لفه على القمع ) هكذا ..
وهذي صوره أقرب لكم 
ونلف لحد ما تمتلأ صينيه الفرن ,, وممكن مضاعفه العدد من الصينيه الثانيه بعد نضوج الأولى
أنا كذا عملت ونستخدم الأقماع للفطائر المخبوزه الجاهزه دون الحاجه لإعاده غسل القمع وتجفيفه مره ثانيه..
وندهنه بصفار بيضه وملعقتين حليب طازج بالفرشاه برفق ,, ونزينه بالسمسم قسم منه والآخر بحبه البركه ..
صوره أقرب لعيونكم الحلوا ..
وندخله الفرن من فوق وتحت على نار متوسطه ,, ما يآخذ وقت طويل لأن الفطيره مجوفه بالقمع !!
وهذا شكله بعد ما نضج ..
وأقرب لكم الصوره ,, حتى يسيل لعابكم ..
ونخرجه من قمعه ,, بحركه حلوا وسريعه ما لازم يبرد ,, وببساطه يخروج القمع
وهذا شكله وهو جوعان.. بطنه فاضي
ونحشيه بأي شيء نحبه ,, حشيته بفول بخلطتي السريه ,, وبدجاج بالمايونيز (نفس حشوة الشاورما دجاج بالثوم والليمون مع إضافه خس وجزر مبشور وخيار بقطع صغيره )
وأيضاً سويت حشوة جبن عادي أو مملح ..
وممكن حشوه نقانق ,, تونــه ( ما سويت تونه ريلي ما يحبه يقول أونه أكل قطاوه )
باللبنه والزعتر .... باللحم المفروم والصنوبر .... بالجبن والنعناع .... بشيدر وشرائح زيتون أسود ,,, كل هالحشوات روعه ,, وأفضل تنوعي بالحشوات ليحتار الكل شو يآخذ
الخيار لذوقج وذوق أهل البيت ,,
ملاحظه : الجبن .. أضيفي مثلث كامل ,, ولما تخرج الفطيره من الفرن على طول عسب يذوب شوي الجبن فيه ..
سويت نوعين للأطفال بالقشطه بنكهة الموز والفراوله أو العسل ,,
بعد حلو للفطور لهم ..
