p.f.changs restuarant in avenues‏

[marshmelo0o]

تسلمين حبوبه

بس كله زحمه

 

[ام حمادنه]

واي الله يزيد النعمه

انا وحده مدمنه اكل صيني وتايلندي واكل شرق اسيا كله اندونيسي وياباني وكل شي

وكل المطاعم حبيتها حتى مطعم مغل محل احب اكلهم الصيني

بس هذا اللي يزيد النعمه

اول شي انا اعرف الدامبلغ واموت فيه ودايم حلو عندهم جنه سمبوسه نيه

الربيان الكونغ باو اللي موطبيعي وصلصلته تحليه ..جاينا ناشف ويابس

السلطه الله يزيد النعمه

العيش عيش امريكي جنه مصري مو شي

اللي عجبني طبق واحد الكراب القباقب بسسسسسسسسسس بالمقبلات

غير جذي الخدمه تعل القلب ساعه على مايجيبون الاكل وساعه على مايجيبون الجيك الفاتوره

انا خابره انه المطاعم اسرع شي عندهم لاطلبتي الجيك هذول ولا شي عندهم سريع علو وقلبي واكلهم موشي

صج قعدت اسب والعن بلامريكان

اذا هالمطعم الاول عندهم مالت على ذوقهم

 

[Toulin RTN]

الأكل يشوووووووووق

 

[FJ style]

بجربه ان شاء الله لكن بعد ما تخلص هبة الناس فيه
ما احب اروح للمطاعم الزحمة وانطر دور

او اذا كلش بحجز واروح

يعطيج الف عافية ع التقرير كان ودي صج اشوف شي عن المطعم اللي 24 ساعة دعاياته شغالة مع انه الدعاية تلوع الجبد لما يتكلمون صيني لوووووول فاي جونغ واي شي ومادري شنو

 

[Q8 New Style]

upppppppp

 

[Q8 New Style]

uppppp

 

[نماين]

بالعالفية عليكم

شفته آخر مرة رحت فيها للافنيوز

 

[{}{}{ سكرة }{}{}]

وااااااااااااااي يشووق


امووت على الاكل الصيني


انزين اشلون زحمة بالدور

انا ناوية اروح باجر غداااا

 

[Q8 New Style]

upppppppppppppp

 

[جنـــا]

:

اكره شي الاكل الصيني والياباني

شفت المطعم بس ما فكرت اجربه

ويسلموو عالموضوع حبوبه

على فكره الصور موطالعه

:

 

[brettey]

اهو يم مطعم لونوتر بس عموما اشرايج فيه؟ لان ناويه اعزم صديقتي فيه واشراييج باسعاره؟ غالي ولا رخيص ؟

 

[Q8 New Style]

Upppppppppp

 

[Queena_85]

المطعم رووعه
أكلـــــــــه لذيـــــــــــذ ..يمي يمي
يسلمووو عالتقرير

 

[kitten-85]

انا رحت له مرتين اكلة حلو والله ...

وبالنسبة للياباني احسن شي ماكي و ساكورا

 

[ام بنتها]

رحتله مره بعد ماشفت رفيجتي تغص و تمدح فيه و راحتله يمكن بالشهر 6 مرات قلت لااا اكيد المطعم اســــــكـــــــــت و رحناله انا و زوجي مااااااا عجبني كللللش احلى شي السبرينق روول ههههههه ماعلى ماكي و سوشي كلب هذيلا احلى مطعمين ياباني
و اسعاره مو غاليه نفس أسعال سوشي كلب بس عاااد فررررق شاسع بالطعم
اول ماطلعت من المطعم دقيت على رفيجتي و لا تقولي جاان دقيتي انتي ما عرفتي تطلبين يمكن ليش لأ !!

المهم بقولكم شطلبت عشان ما تكررون غلطي لحد يطلب نودلز العيش لأن طعمه جنه نودلز مو مستوي يقروض و الشي الي الكل الكل الكل غص في لأني قبل لاا اروحله سويت سيرج بالنت و كتبت أحلى الأشياء الي مادحينها بورقه عشان نطلبها مااذكر شسمه شي وذ لاتست كل كل كل الي بديرتهم بي اف جانغس مادحينه اناكلش ما تخيلت شنو هالشي الي معاه خس بالمقبلات و لمن يابوا طقتني البوهه لأني طول النطره قاعده اقول حق ريلي هذا احلى شي و لا حمسة دياي مفروم عااد انا اكره شي عندي المفروم مااحب اي شي مفروم لا من لحم ولا من دياي و بصحن ثاني حاطين خس امريكي عااد انتوا اتخيلوا الخس خبز قصوا و شيلوا شوي دياي مااااا عجبني ريلي كلا اول شي مع خس بعدين مل مسك القفشه و كلا خالي و الخس كلا بروحه قتله موشي قال حلو بس لو خبز احلى هههههه بطيني انا حسيت وناسه نشيل بالخس و أخف حق الي مسوي رجيم بس لو مو مفروم

و و طلبنا لحم كان احلى شي بعد السبرينغ روول بس مو قوي قوي و طلبنا كلاماري بالمقبلات هم زين و طلب ريلي طبق كومبو سي فود ربيان و كلاماري و محار محطوط بصوص طماط صاير جنه حمسه هم ما عجبني لأن مثل الحمسه و حلات الشي ناشف مو جذي لغاويط و مع الأطباق الرئيسيه يا عيش اسمر او ابيض و بما ان احنا طبقين اخترنا من العيشين الأبيض عادي بس الأسمر الله يزيد النعمه
يعني ماااااااااااا افكر اروحله مرا ثانيه اهم شي اني جربته و ما خليته بخاطري

اناا داشه الموضوع قبل لا اروحله و الحين دشيته مرا ثانيه شفت الأكل اشتهيته اول شي و فكرت اني باجر اروح اتغدا مع بنتي بما انه ريلي مو موجود بس وانا اكتب شكليت و تذكرت هونت و الحين يا اروح ماكي يا اروح بيرجر بوتيك شراايكم؟ نطييت عرض بس لأن حدي يوعااااانه عااد انشالله يرضا نروح ادعولي لأن نادر ما يرضاا

 

[MaZyOoOoNa]

اكله لذيييد