Part 2 مــه لـقــا جــابــري و خـواتـهـا part 2

[مـــريه]

شفت الصورة بس منج الصورة احـــــــــــلى
شكرا امـــــــــــدرسه:eh_s(22):

وقلت لــــكم ماراح يطوفون هالمناسبه بدون تصوير واحس هالمره صورهم بتطلع وااااو وخاصه مه لقــــا​

 

[مـــريه]

اريــــــــــزو

​

 

[رقيه حسين]

شووو نمتوا​

 

[امدرسه 2]

هلوووووووو لايوجد احد فى خدامه نزلت صور مافى غير مريه ورقيه ..؟؟؟ يالله اصاحو من نوم شتاء استيقضو صباح اجمل ياللهى منكم شتاء يجعل فتاه وانا نوم ولكن استيقض مبكرنا hhh

 

[همسة حنان]

حلو يالهي منكم ههههههههههههههههه

 

[Madrideya ~]

اذكر هالسنه أيام سفرتنا لتركيا شفت وحده إيرانية كانت قاعده جنبي بالباخره نسسخه مستنسخة من مه لقا
والله العظيم انا مصدومه شنو هالشبه مستححييييل مو بس بالملامح حتى نفس تقسيمه الجسم .. قاعده جنبي لازقه فيني
عاد انا قطعتها خزز عيني ما نزلتها عنها هههههههه .. بس بصراحه لما دققت على فيسها واضح جداً التجميل في خشمهاا

وحتى بعد أنيقه مسويه ستايلها مثل الستينات جد كانت ملفته للنظر بس حسافة ما صورتها منقهرره ;(( ����
بس صج سؤال يطرح نفسه الايرانيات جذي ملامحهم بالفطرة ولا هم يتعمدون بالتجميل يخلون لوكاتهم نفس الباربي الرسمة
لان مو معقولة كلهم نفس قصه الخشم ونفس تقاسيم الجسم ونفس العيون !!


في دكتور بإيران تجميل اسمه صادق بور .. عليه مدحه مو طبيعي يسوي لج نفس لوكها مه لقا
وان ماخاب ظني هو اللي مسوي التجميل لمه لقا ..


يعطيكم العافية بنات وكملو متابعتكم

 

[Madrideya ~]

أكثر شي يضحكني انه التعليقات بالانستغرام على اكاونت مه لقا كلها عربيه
ومو أي عربي مصطلحات ما يفهمها الا الخليجين ولا بعد يقولون ردي علينا هههههههههه على أساس انها فاهمه عليكم
ادش اكاونتها اخز الصور وأقرى التعليقات أتصرع ضحك ..

 

[رقيه حسين]

احسن مكان حق تجميل الخشم إيران
يعرفون حق الخشوم
انا مشكلتي خشمي من تحت دائري من فوق سيده
لما اطلع بره طبعا لازم اصغره بالمكياج
يبي لنا نسافر ونعدل ​

 

[همسة حنان]

أكثر شي يضحكني انه التعليقات بالانستغرام على اكاونت مه لقا كلها عربيه
ومو أي عربي مصطلحات ما يفهمها الا الخليجين ولا بعد يقولون ردي علينا هههههههههه على أساس انها فاهمه عليكم
ادش اكاونتها اخز الصور وأقرى التعليقات أتصرع ضحك ..

ههههههههههههههههههههههههههههههههههههههههههاي

 

[دودي الصغيره]

جمالها مش طبيعي هالانسانه كنها رسمه تهبل تهبل

عاد انقهر من صديقاتي لما اوريهم يقولون مو حلوه مدري ليش عاجبتك شكلها مو راكب على بعض ماتعجبنا

اذا ذي مو حلو منو الحلو امانه ؟ ههههههههههههههههه

من كثر ما احبها مسويه لها فولو بتويتر بس عشان اشوف صورها لوووووول

مافي اجمل منها صراحه

 

[امدرسه 2]

فتيات تريد حاجز عند دكتور ممتاز فى ايران يالله انا موجوده مين اول وحده ههههه؟؟؟ احمد الله وشكرو على حسن تصويركم يافتيات انتم ليست معوقين ولا مشوهين انتبه لاتلعب بخلق رب هذه ايران العمليه عندهم هناك انا شفت مثل دخول الحمام ههه عادى عندهم الانه ما اخاف من رب لايوجد ولكن انتم عرب بنت لماذا هكذه تتكلام افضل عمليه تعملو طريقه اميك اب فقط فهمت وبس وباقى لاتعملو وتجرو وراء اشياء تجملكم فى دنيا والاخر حساب شديد اسفه اى وحده مهو راضى بكلامى ارجوكم هذه حقيقه وصحيح

 

[مـــريه]

اريـــزو



​

 

[(حكاية قلب )]

اب

اب

 

[رقيه حسين]

النحيسه مه لقا متى تنزل صورها
اريزو
تنزل صورها عمال على بطال
​

 

[مشتاقه20]

انا نزلته بموضوع لوك مهلقا بالتفصيل وحبيت احطه اهني عشان نحرك الموضوع :ch12:​

دايما اشوف مقاطع الفيديو خطوات للاجانب والصور في المواقع الايرانيه
هالاستيكر <<<< انا اسميها لان مااعرف شو اسمها لوووول​

بــس انا عندي طريقتي واشوفها حلوووة واطول مده يعنى بعد ماانظف حواجبي وارتبهم اصبغ اطراف الحواجب الي ((فوق )) بس واحرص اخليهم طويله ومرتفعه تقريبا نفس مه لقا بس مه لقا ماشاءالله تعدت خط الاستواء ههههههههه بس احب جمالها
بس الي على بحط الصور للي حابين يعرفون الطريقة الثانيه​

وواضح انه فيه اكثر من طريقة رسم على حسب الرغبه​

اما الشفايف دايما احصل المرطب او الكريم​

وحاطين صورة مه لقا بس اكيـــد دعايه للمنتج هههههه​

واسم المنتج​

Lip Balm - Thailand​

ولما دورت بقوقل طلعلي الف منتج ومنتج ماادري اى واحد فيهم​

واحس مفعوله حلووووو بـــس انا شفت مره فيه استيكر للشفايف الي يعرف وين ينباع فالامارات يقولـــــــــي ><​

سلام عليكم مريه عجبوووني لزقات الحواجب ممكن اعرف من وين احصلهم خاصتن اني ماني فنانه برسم الحواجب ودايمن غير عن بعض :eh_s(2): اتمناااا تفيديني ..؟ عجبوووني حيل ما توقعت في ستيكرات جذي ؟؟

وشنو احلا قلم لرسم الحواجب يعطي نفس شكل حواجب مه لقا وخواتها بليييز ..

ويعطيج العافيه انتي و امدرسه على الجهد الي تسوونه بلمنتدى



حبيتكمممم وربي :eh_s(7):

 

[مـــريه]

سلام عليكم مريه عجبوووني لزقات الحواجب ممكن اعرف من وين احصلهم خاصتن اني ماني فنانه برسم الحواجب ودايمن غير عن بعض :eh_s(2): اتمناااا تفيديني ..؟ عجبوووني حيل ما توقعت في ستيكرات جذي ؟؟

وشنو احلا قلم لرسم الحواجب يعطي نفس شكل حواجب مه لقا وخواتها بليييز ..

ويعطيج العافيه انتي و امدرسه على الجهد الي تسوونه بلمنتدى



حبيتكمممم وربي :eh_s(7):

العفو يا قلبي

اولا ابشركم بنات عرفت اسمها وطلعت منتشره في كل مكان واسمها قوالب الحواجب
وتحصلونها عند محلات المكياج او في الصالون يبعونها بس غالي
بس برا في المحلات العاديه بتحصلونه لحد يلعب عليكم سعره 3 او 7 دراهم / ريال
اما فالكويت حصلت موضوع في منتدى كويتيات لان وحده سئلت
وقالوا لها بتحصلينها عند الهنود<<< فأنا مااعرف واتمنى وحده من الكويت ترد عليج فدديتج
واكتبي بقوقــــــل قوالب الحواجب بتطلع لج اشكال وحتى بالخطوات بالعربي
مع نصـــايح وطريقة استعمالها

والقوالب تستخدم علىى حسب فيه منهم بعد ماينظفون حواجبهم او يحفون او يشقرون .... الخ
يحطون القالب او الشكل والرسمة الي يبونه ويبدأ الرسم يا بقلم الكحل او قلم التاتوو الي يناسبج

وفيه منهم يستخدمون القوالب لتنظيف حواجبهم يعني بعد مايرسمون حواجبهم يبدون ينظفون الجزء الي برا الرسم

واذا حواجب من النوع الخفيف ارسميهم واذا حواجب من النوع ماشاءالله مافيهم فراغ يعنى معبيين على قولت اللبنانيات
ركـــزي على خط الحواجب الي فوق عشان ماتطلع لج عريضه زياده<< اتمنى كلامي ينفهم لان مااعرف اشرح
(بس هاذي طريقتي اركز على خط الحواجب الي فوق بعد ماانظف حواجبي في الصالون واستخدم قلم الكحل من ريميل او مابيليين
وساعات اذا مستعيله اذا خلصت من رسمة عيني بالكحل اهو نفس الفرشاه استخدمها لحواجبي هههههه بس تضبط معي ولله الحمد وحلوة

​

 

[امدرسه 2]

ولكن مريه هذه القوالب فى رسمت هذى متناسب الفتيات ولكن لا مشكله فيه لو وحده منهم حبت ترسم افضل شى تنظفى تحت الحواجبك شعر زياده فى ملقط اول شى ارسمى حوال حواجبك بقلم الابيض قبل قص ارسم الا تعجبك وبعدين ابداء قصى حواجبك وثم مسحى رسمتك الابيض وتحصلى على حواجب مثليه ولكن اذا انتى موهب فى رسم واختارى اما اذا لاتعرفى شى اشترى القوالب التى وضعت مررررررررريه لكم تساعد بس افضل انتى بنفسك ترسمى عائله جابر هكذاه استخدامو رسم الموهب مه لقا هى التى تعمل لهم ولكن اطول رسمت حواجب اريزو ومن بعده مه لقا اها اريدو اذكركم فتيات مه لقا قضت الوقتت العيد مع حبيبه الجديد انه شكله كان رائع فى عيد hhhh مه لقا مشغوله مع حبيب فى تنزيل صوره مهو مثل قبل الانه مشغوله معه فى عيد hhhhhhhh

 

[وقفت لغرورك]

وآآآآآآآآآآآآآآآآآو راهي شالجمال شالجسم شالاناقه بارررربي هاذا الجسم المطلوب حتى الفيس مو ضعيف في خدود مه لقا حيل ضيعفه شكل راهي تبي تصك على مه لقا بس مرريه ومدررسه عفيه تكفون تصرفوا نبي نشوف مه لقا وهي صغيررررررره مدرسه تقول عندي الصور .............’... ياجماعه أحس فيهم تدين وفاهمين ان في حساب بالاخرره وان حررام التجميل.يعني مسيحيتهم مو مثل نجمات هوليود كل شيء عندهم عآآآآآدي

 

[مـــريه]

ولكن مريه هذه القوالب فى رسمت هذى متناسب الفتيات ولكن لا مشكله فيه لو وحده منهم حبت ترسم افضل شى تنظفى تحت الحواجبك شعر زياده فى ملقط اول شى ارسمى حوال حواجبك بقلم الابيض قبل قص ارسم الا تعجبك وبعدين ابداء قصى حواجبك وثم مسحى رسمتك الابيض وتحصلى على حواجب مثليه ولكن اذا انتى موهب فى رسم واختارى اما اذا لاتعرفى شى اشترى القوالب التى وضعت مررررررررريه لكم تساعد بس افضل انتى بنفسك ترسمى عائله جابر هكذاه استخدامو رسم الموهب مه لقا هى التى تعمل لهم ولكن اطول رسمت حواجب اريزو ومن بعده مه لقا اها اريدو اذكركم فتيات مه لقا قضت الوقتت العيد مع حبيبه الجديد انه شكله كان رائع فى عيد hhhh مه لقا مشغوله مع حبيب فى تنزيل صوره مهو مثل قبل الانه مشغوله معه فى عيد hhhhhhhh

اعرف حبيبتي اصــلا انا ما استخدم القوالب وتونى اعرف فيها
انا شخصيا بعد ماانظف حواجبي استخدم قلم الكحل
بس فيه بنات مايعرفون يستخدمون القلم فهالقوالب يمكن تساعدهم
واساسا هالقوالب حق تنظيف الحواجب يعنى ترسمين بالقلم والشعر الزائد الي برا الرسمة تشيلهم ^^​

 

[مـــريه]

اريـــــــــزو


​