حبيبتي أدري طولت عليج بس صدقيني نسيت وانشغلت بعد ..
بس انتي ما رديتي علي ..
قتلج حاولي توضحين فكرة أساسية من الي ذكرتهم فوق ..
واحنا بنساعدج ..
شوفي كل البنات أتوقع بس يرفعون الموضوع مو قاعدين يتجاوبون لأنج مو محددتلهم شي ..
حبيبتي إذا أسلوبي جنه زف بليييز عذريني بس أنا صدقيني ودي اساعدج بس مو عارفة شنو الي تبينه ..
ولازم بعد تكون لج لمسة بالموضوع ما يصير احنا نزهبلج البرنامج كله ..
فكري شوي معانا وإن شاء الله البنات يساعدونج ..
عالعموم ..
فكرة أنكم تسألون الناظرة وايد حلوة وحتى مجموعتنا قاعدة تفكر فيها ..
سووا مثل استفتاء يعني سؤالين أو 3 عن أي قيمة اخترتوها ..
اختاروا عشرة يجاوبون على الأسئلة من المدرسة ..
ييعني بنات وأبلات وحتى الإداريات بعد ..
وبعدين قولوا نسبة ..
يعني مثلا 4 جاوبوا على سؤالكم ب " نعم " و6 ب "لا " يعني 40% " نعم " و60% "لا " ..
سهلة انج تحولينها نسبة مئوية ..
حلوة انج تسوين مشهد تمثيلي ..
سوي لعبة ترتيبب الحروف ..
تقدرين تسوين بروشورات حق المجموعة المنظمة للبرنامج الإذاعي ..
وييبي جوائز حق المسابقات ..
وعشان ما يصير زعل وزعي الهدايا على الكل حتى الخسرانين بس الفايزين أكيد جائزتهم أحلى وأكبر ..
أتمنى أكون أفدتج ..
وإن شاء الله لي رجعة ..
