pregnan plan مقطوع من الشركة شنو البديل+ دعائكم

[Diva-Q8]

صباح الورد خواتي الحوامل

اولا:

انا كنت استعمل حبوب pregnan plan للحمل

ولمن رحت الصيدليه اليوم اخذهم قالولي مقطوعه من الشركة

انزين شنو البديل لهم

ابي حبوب فيتامينات فيها فوليك + حديد+ اوميجا 3

الخبيرات يفيدوني بليز


---------------------

ثانيا :

وارجو من كل خواتي الدعاء حق المولوده اللي ماتهنينا بولادتها (غلا) تصير بنت بنت خالي

مسكينه بالشيشه توها مولوده صارلها 6 ايام وشريانها مسكر ماتتنفس طبيعي لازم كمام وحالتها صعبه والحين راح ينقلونها الصباح لانه المستشفى الخاص قالو ماعندنا لها علاج تكفون بنات دعاءكم لها عن ظهر قلب مو شرط تكتبون الله يخليكم ويطول بعمر عيالكم :**



-----


يارب لاظيع فرحت ولادتها يارب لاظيع فرحتها ببنتها يارب تقوم لها بالسلامه ياربي امين

 

[نونه الزعفرانه]

اللهم اشفي ( غلا ) وابعد عنها كل شر والله يخليها لكم يارب

......

وايد في بدائل لبرجنابلان كل الصيادله عندهم خبره بالهسوالف

 

[Diva-Q8]

رد : pregnan plan مقطوع من الشركة شنو البديل+ دعائكم

حبيبتي نونا الزعفرانه كلج خير وبركه

وماتقصرين في ميزان حسناتج يارب هل دعوه الطيبه :*

 

[IPod1]

روعة الفيتامين شاريته قبل اقل من شهر من المواساة كاتبه لي دكتوري
بس ليش قطعوه ؟!

اليوم عندي مراجعة بروح اشتري 2 حق نفاسي
وبسال الدكتور
أخاف فيه شي مو زين

عموما اذا لقيته بالمواساة بردلج خبر

والله يشفيها ويطمن قلب أمها عليها

 

[Diva-Q8]

رد : رد: pregnan plan مقطوع من الشركة شنو البديل+ دعائكم

روعة الفيتامين شاريته قبل اقل من شهر من المواساة كاتبه لي دكتوري
بس ليش قطعوه ؟!

اليوم عندي مراجعة بروح اشتري 2 حق نفاسي
وبسال الدكتور
أخاف فيه شي مو زين

عموما اذا لقيته بالمواساة بردلج خبر

والله يشفيها ويطمن قلب أمها عليها

ماخليت صيدليه بمنطقتنا والمناطق اللي يمنا مادورت عليه كنت بشتري 3 باقيلي هل شهرين واولد بس معروف من سنين يستعملونه اشمعنه الحين قطعوه تعالي دوري على غيره

الصيدلي يقولي في بديل بس اخذي معاه حبوب حديد

والثاني يقولي في بديل غير عن الاولاني بس اخذي معاه حبوب كالسيوم

والثالث يقولي في بديل بس اخذي معاه اوميجا 3 وحديد

مو حاله اكل 3 كبسولات باليوم هذا تعذيب


ومشكوره على الدعوه يارب الله يسمع منج ياقلبي ماتقصرين فديتج

 

[Violetta]

رد: رد : رد: pregnan plan مقطوع من الشركة شنو البديل+ دعائكم

ماعتقد قطعوه شوفيه بصيدليات المستشفى واذا عن البديل روحي حق دكتورتج وقوليلها لا تعتمدين على كلام الصيادله

 

[أم عبداللطيف]

الله يشافيها ويشافي كل مريض يارب وتخليها لامها ولاتحرنا يارب على ضنانا ولاتخسر تعبنا يارب

شوفي انا قبل فترة قصيره رايحه شاريته من بوتس جمعيه الفيحا روحي بوتس وشوفي

وفعلا مثل ما قالوا البنات سالي دكتورتج احسن اهي تعطييج البديل لاتاخذين وبس

 

[om MaRyooM]

نصيحة لاتاخذين ادوية ولاشي


غيير التغذية الصحية تغنيج عن مليون حبة

 

[MissChoco]

حبيبتي الحبوب موجوده وانا قبل يومين محصلتهم بصيدلية جمعية المنصوريه


والله يشافي غلا يااااارب العالمين وتقر عيونكم فيها يااارب

 

[ღ TőOőma ღ]

لاتقوولين عاد هالحبوب وايد زينين كنت شاريه كرتونين الحين الثاميه بتخلص

سألي الدكتوره !!

او انا اليوم عندي موعد بساألها اشوف شتقولي واعطيج خبر

لانها كانت قايله هذول حتى حق بعد الولاده زينين حق الشعر ولااظافر والدم

والله انشالل يشافيها يارب وتقوم بالسلامه وتفرحون فيها بعد عمري *:

 

[fatma911]

حبيبتي انا توني شايفته عند صيدليه الغانم وكانت الدكتوره واصفتلي يااه وبعدين غيرته لي وعطتني برجنا كير تقوول افضل من الاول و اهوه فيه كل الفيتامينات اللي تحتاجها الحامل وانشالله تجربينه لانه مقارب جدا حق البرجنا بلان :rerrerek:

 

[Roty]

ياحياتي الله يشافيها ياااارب

منو قال انقطع دوريه بصيدليه ثانيه توني شريته م صيدليه جمعيه الزهرا

 

[bambena]

انا باجر موعدي بالسلام اشوف اذا موجودين اقولج

الله يشافي بنيتكم ويخليها لاهلها

 

[q8 83]

ما انقطع توني الاسبوع الي طاف شاريتهم من بوتس مال جمعية الفيحا

 

[Om Ghalia]

روحي بوتس عندهم ..................

 

[أم عبود 2011]

رد : pregnan plan مقطوع من الشركة شنو البديل+ دعائكم

ما انقطع حبيبتي الصيدليات ترس الديرة
وتوه ريلي يايبه لي من قبل جم يوم
وترا صج عجيب دكتورة خالدة المجيبل تحبه وتحرص عليه وكل توصفه للحمل قبل وخلال وبعد الولادة
تبارك الرحمن تعالي شوفي أظافري المعفنة شلون صارت عليه ههههههههههههههههههههه ووزني أصلا ولا زاد مع إني بعد 4 أيام إن شاء الله بدش السابع يمكن زاد بس 500 جرام وآنا آخذه قبل حملي بفترة طووووووووووووويلة

ويااااااااااااااااارب تشافي غلا يااااااااااااااااااااااااااارب وتفرح قلب أهلها فيها اللهم آآآآآآآآآآآآآآآآآآآآآآآآمين

 

[Mednight Rain]

رد : pregnan plan مقطوع من الشركة شنو البديل+ دعائكم

الله يشفي غلا ويقومها بالسلامة ويتمم فرحة أهلها .
وعن الفيتامين صج مقطوع قبل اسبوع رحت بشترية قالي خالص ومقطوع من الشركة
واخذته من صيدلية المواساة

 

[N0oNa]

حبيبتي انا اليوم شاريته من صيدليه بووتس بحولي بمجمع بلازا
و رافعين سعره سالتها ليش
قالت عرفنه ان مقطوع من كل مكان عشان جذي رفعنه
و قالت اهيا فتره و يرد عادي

 

[MiiMoo]

رد : pregnan plan مقطوع من الشركة شنو البديل+ دعائكم

انااا شاريه منه قبل اسبوعين من مستشفى السلام ما انقطع

 

[*فدك*]

انا قبل اقل من شهر شاريته,,,
واذا ماحصلتيه كله ,,في بعض الدكاتره يعطون ماتيرنتي بس ماعتقد فيها اوميجا 3 فاحسن لج دقي على دكتورتج قوليلها مو حصلته وشنو البديل,,