purelogicol حبوب الكولاجين: طريقة استخدامها الصحيح

[Turquoiseya]

السلام عليكم ورحمة الله وبركاته









سمعنا كلنا عن حبوب بيورلوجيكول بعضكم جابت معاه نتيجة وبعضكم لأ
انا استخدمتها مرة شهر 4 اللي طاف وحسيت ان مفاصل رجلي صارت اكثر ليونة ووجهي صار شوي رطب وقطعتها بسبب عملية خشمي وعقبها التهيت بالدوام وعيالي وخصوصا بجري اللي بالروضة ارتفع ضغطي وانا ادرسه

المهم انا الحين رديت عليها لأن صج انا شفت منها نتيجة مبدأية حلوة
وحبيت اكتب لكم طريقة استخدامها الصح اللي اتبعتها انا وشفت فيها نتيجة:

1- قبل لاتنامين تاكلين كبسولتين ولافضل النتائج اخذي 3 كبسولات وبس مع قلاص ماي وعقبها نامي مو تسهرين
ليش، شنو السبب اخذها قبل النوم؟ لأن الجسم عقب ماتنامين بعد مرور 45 دقيقة تقريبا يبدأ الجسم بعملية الهدم والبناء داخله واذا كليتي الحبوب ونمتي عقبها على طول راح تتدخل ضمن هالعملية ويستفيد منها جسمج بشكل كبير

2- لما تاكلين الحبوب لاتاكلينها مع اي نوع من الاكل لانها راح تعوق امتصاصها، اقل شيء لاتاكلين اكل قبل النوم بساعتين فتكون المعدة نوعا ما فاضية، فلما تبين تحطين راسج خلاص بتنامين اكلي الكبسولتين واشربي معاها قلاص ماي كامل وعقبها قولي للي حواليج تصبحون على خير، فالمعدة اهني تحللها وتمتصها بروحها بسرعة ومنها انج نمتي فدخلت مادة الكولاجين ضمن عملية تجديد خلايا الجسم، وان شالله بتشوفون نتايج حلوة منها: مفاصلج بكل جسمج تكون اكثر ليونة، شعرج بيتعدل ان شالله، بشرتج بتترطب وان شالله بتصير فيها لمعة ويبيلها وقت شوي وبتشوفين وجهج انتفخ وتدور واللي عندها تجاعيد تخف تجاعيدها او تختفي مرة وحدة

اتمنى اني فدتكم

وسلامتكم

 

[ملفتة للنظر]

مشكوووووووووووووووووورة ماقصرتي..بس باي صيدلية حصلتيها..وبجم؟

 

[عرموشة]

مشكورة

 

[أم حووور81]

صج بأي صيدليه نحصلها ؟
ومشكوره

 

[Turquoiseya]

ملفتة للنظر وعرموشة وكويت ستايل نورتوا الموضوع

اللي سالوا وين حصلتها : اول مرة شريتها من صيدلية مركز الخليج وكانت 24 دينار
وجابها لي زوجي من صيدلية الصايغ كلينك اللي بالمنقف وسعرها ب 22 دينار

ترى هالحبوب زينة بس يبيلها استمرار وتاخذينها بالطريقة الصح لدرجة ان مكتوب بالعلبة لو انج اخذتيها الصبح ما تعطي مفعول مثل لما تاخذينها قبل النوم
وعادي تاكلينها ومعدتج فاضية لانها ماتسبب غثيان ولا اهي ثقيلة على المعدة بس اهم شيء انها قبل النوم عشان تتحلل وتدخل في عملية بناء الجسم

 

[kuwaitya_zoGaa]

شنو فايدتها ؟؟

 

[نماين]

يسلموا ع الافادة الحلوة

 

[Turquoiseya]

شنو فايدتها ؟؟

حبوبة انا كنت ابي خدود وزوجي رافض اني اطق ابر قمت وشريت الحبوب
واستعملتها اقل من شهر وشفت فرق مو بس على وجهي الى حتى على جسمي
قبل القعدة على الارض تعور رجولي بالذات عند الركب لكن عقب ما استعملتها اختفى الالم وحسيت ركبي لينة اقدر اوقف واقعد بسرعة وسهولة
وجهي حسيته رطب بس ولأني مدرسة فكان وجهي مصوفر وجاف
واللي مكتوب زيادة على العلبة انها تقوي الاظافر وتدعم الشعر وهالشغلتين ما لاحظتهم لاني كنت اقصص اظافيري وشعري خشن فصعب انه تبين عليه النتيجة بسرعة وخصوصا اني استخدمتها لمدة اقل شهر
انا ما كملت بسبب عمليتي وبعدها شركت ولدي بنادي وعقبها بالدوام وبعدها دوام ولدي فلهيت مرة ثانية عن نفسي
الحين انا رديت لها لأني شايفة نتيجة حلوة بس هالمرة 3 كبسولات وبس عشان يكون مفعولها اكبر
انا بستمر عليها هالمرة وماراح اقطعها ان شالله لأن اذا استمريتي عليها راح تتطلع لج خدود ان شالله وهذا اللي قريته حديثا

وحبيت اضيف سواء حبوب بيورلوجيكول او اي حبوب فيها كولاجين هذي الطريقة لاستخدامها واهي اللي كتبتها فوق
وفايدته الكولاجين اللي تاكلينه انه يدعم بناء الكولاجين في الجسم كله

 

[Turquoiseya]

تصحيح معلومة : انا استخدمتها شهر 6 مو 4 لأن عمليتي كانت بشهر 7
وبسبب العملية وقفتها

 

[((shoOoshoOo))]

مشكوووره خيتوو

 

[Stylist]

مشكوووووووووورة

 

[looooly08]

يسلمو حبيبتي...
كمان انا مره رحت صيدليه المهلب وانصحتني الدكتوره اللي عندهم فيها قالتلي حدها مفيده ونتايجها تبين

 

[فديت قلبه]

~ْ{...

أول مره اسمع عنهم .. وهل متنتي عليهم؟
طيب انا عندي حبوب كولاجين وكنت استعملهم غييييير
بس وحسيت متنت شوي وانا اخذ معاهم فايتمن اي ..
الحين اغير موعد الجرعه وادبلها ولا لا ...}ْ~

 

[Turquoiseya]

~ْ{...

أول مره اسمع عنهم .. وهل متنتي عليهم؟
طيب انا عندي حبوب كولاجين وكنت استعملهم غييييير
بس وحسيت متنت شوي وانا اخذ معاهم فايتمن اي ..
الحين اغير موعد الجرعه وادبلها ولا لا ...}ْ~

والله هذا وزني ماتغير بس اتبع حميه غذائية معينة
وعلى العموم الحبوب اللي عندج او غيرها دام انها كولاجين فيضل استخدامها بنفس الطريقة اللي كتبتها

اما عن الجرعة على حسب تركيز الكولاجين اللي عندج
بيورلوجيكول تركيز الكولاجين في الكبسولة الوحدة 600
وكاتبين لج تاخذين كبسولتين يعني 1200
واذا 3 يكون التركيز 1800 وحاليا انا اخذ 3 كبسولات عقب ما قريت هالموقع :
http://www.lindabriggs.eu/purelogicol/collagen_supplements.htm

Instructions: For optimum results take 3 collagen capsules before bedtime. DO NOT TAKE WITH FOOD as this will not allow the collagen to be absorbed to its optimum level.

اتوقع لاتزيد جرعتج عن 2000 والافضل تستشيرين دكتور احسن اذا انتي تبين تزيدين الجرعة
اما موعدها: لازم اتغيرين موعدها وتخلينها قبل النوم عشان يمتصها الجسم ويستفيد منها بشكل كبير

 

[Turquoiseya]

((shoOoshoOo))

Stylist

eng.lolo

نورتوا الموضوح حبايبي

انصح كل بنت عمرها 25 وفوق تاخذ حبوب كولاجين عشان تحافظ على بشرتها من الشيخوخة والتجاعيد المبكرة اللي تكون اسبابها حرارة الجو والشمس والتغذية السيئة والغبار

 

[انثى عاشقة]

يسلمو ياعسل اخت ريلي تبيها
بقول لها ع الطريقة الصحيحة فديتج

 

[Turquoiseya]

^
^
^

الله يسلمج يا عسولة

 

[CUTE ENGINEER]

تسلمين تركوازية

 

[math2020]

مشكووورة

 

[Turquoiseya]

CUTE ENGINEER

math2020

نورتوا وحياكم الله