purelogicol حبوب الكولاجين: طريقة استخدامها الصحيح

[طفولية]

الله يحفظج اذا ما قيها لقافة انتي جم عمرج !؟
لان امي عمرها 46 وتقول ان شاء الله تطلعلها نفس التايج اذا استخدمتهآ =) ..

 

[Turquoiseya]

انا عمري 29

ان شالله تلقى نفس النتايج بس يبيلها وقت وصبر
واكثر شيء فيها ممتاز اهو المفاصل
قبل حتى الصلاة ركبي تعورني
ولما استخدمتهم حسيت بفرق كبير
ارتحت من عقب استخدامها

الله يخلي لج امج ويحفظكم لبعض ان شالله

 

[al_reef]

للرفع

 

[نسمه بارده]

يعطيج العافيه حبيبتي
انا الدكتور كتبهم لي بس للحين ماشريتهم شوقتيني اخذهم
حاليا استعمل هير فيت بس يخلص باخذهم

 

[Turquoiseya]

نسمة باردة
الله يعافيج يا قلبي

اخذيهم ولا اطوفينهم
اي حبوب فيها نسبة الكولاجين قوية اخذوها ترى تقاوم تجاعيد الوجه
ياما بنات اعمارهم باول العشرينات وعندهم خطوط الحزن وتجاعيد عند العين

هذي الكبسولات تحافظ على طراوة البشرة وماتخلي عامل الشيخوخة ينشط بالوجه

ان شالله بس اكمل اربع اشهر وراح اكتب لكم شنو بالضبط لاحظته اكثر على هالكبسولات

 

[أحاسيس دافئه]

امتابعينج حبيبتي
وبروح اشتريهم واشوف

 

[Turquoiseya]

lulyyy

شرفتينا بطلتج وحياج الله

 

[نارنجه]

مشكورة حبيبتي .. عندي تركيز 3000 شاريتها من برا الكويت
و مكتوب عليها للاظافر و الجلد و الشعررر
احس ان الجرعه وايد كبيرررة .. قاعدة استخدم بس حبة

في تأثير جانبي للكولاجين ؟

 

[Turquoiseya]

نارنجه

ما اعتقد ان لها تاثير جانبي
لان العلبة اللي عندي كاتبين فيها لاتزيد الجرعة اليومية عن 7 كبسولات يعني تقريبا 4200 تركيز الكولاجين
واذا الحبة بروحها تركيزها 3000 هذي كافية ولاتاخذين وحدة ثانية زيادة نهائيا
لأن اذا صارت 6000 جسمج ماراح يتحملها
ولاتنسين تاخذينها قبل النوم ولاتاكلين معاها اي شيء

ونورتي الصفحة

 

[نارنجه]

مشكوورة حبيبتي ^_^ ...

 

[انواروه]

دورت عليهم مالقيتهم بس الحين بروح الصيدليات اللي ذكرتيهم وباخذهم طيرااان لأني امووت بالكولاجين كنت ماخذه حبوب كولاجين من وحده تبيعهم تييبهم من برا بصراحه وااااااااااااااااااااااااو

 

[Turquoiseya]

نارنجه
حياج حبيبتي

انواروه
ان شالله تلقينهم
ونورتي الموضوع

 

[غصن الغلا]

حبيباتي انا مستخدم الحبوب نفسهم قمه بالرووووووووووووووووووووووووووووووووعه للاظافر للشعر للبشره شيء موطبيعي


بس عيبهم اني خلصت علبتين ورحت بشتري العلبه الثالثه ما حصلتهم فريت الكويت فر خالصين

 

[khkhkh]

اب

اب
نبي خبراتكم لاني ناويه عليهم

وبنتضار تجربتج تركوازيه

 

[Turquoiseya]

غصن الغلا
توني امخلصة العلبة الثانية وشريت العلبة الثالثة من صيدلية الصايغ كلينك على دربي وانا رايحة للكوت
تلقينها عندهم ارخص من صيدلية الخليج اللي بالسالمية

khkhkh
ان شالله راح اكتب تجربتي فيها وبحبوب انفيرجن على نص شهر 6 لأن راح اكمل 4 اشهر بالضبط واعطيكم النتيجة صح باذن الله

 

[نسمه بارده]

انا لقيتهم بصيدليه جمعيه الاندلس وناويه اشتريهم
بعدين في جي ان سي عندهم وايد كولاجين
شي بودرة وشي سائل وشي حبوب
بصراحه احس جي ان سي متخصص اكثر وكل منتجاتهم طبيعيه
شرايج تركوازيه اوقفهم واخذ بيورلوجيكال
ولا اكمل واكتب لكم تجربتي فيهم
مع اني موحاسه بتغيير قوي

 

[khkhkh]

انابعد ناويه علي حبوب انفرجن وخبوب الكولاجين محتاره بشنو ابدي

يلا بنتضار تجربتج

 

[Turquoiseya]

انا لقيتهم بصيدليه جمعيه الاندلس وناويه اشتريهم
بعدين في جي ان سي عندهم وايد كولاجين
شي بودرة وشي سائل وشي حبوب
بصراحه احس جي ان سي متخصص اكثر وكل منتجاتهم طبيعيه
شرايج تركوازيه اوقفهم واخذ بيورلوجيكال
ولا اكمل واكتب لكم تجربتي فيهم
مع اني موحاسه بتغيير قوي

حبيبتي كملي اللي عندج لين اتخلصين العلبة حرام اتقطينها
قارني المنتج اللي عندج وبيور لوجيكول بتركيز الكولاجين00 بيورلوجيكول تركيز الكولاجين بالكبسولة الوحدة 600 وانا اكل 3 كبسولات يعني 1800
اذا طلع اللي عندج اقوى معناتها انها اكثر فعالية من بيور لوجيكول واذا صار العكس اخذي بيور لوجيكول
انتي كم صار لج تاكلينها ملوت جي ان سي؟
النتايج اللي انا اشوفها اولية وصار لي تقريبا شهر من استعمالها وان شالله على شهر 6 بتبين اكثر عدل
الكولاجين بيله فترة يبين خصوصا بالوجه لأن الشمس اللي عندنا اتسيح اللي ماينساح

 

[Turquoiseya]

انابعد ناويه علي حبوب انفرجن وخبوب الكولاجين محتاره بشنو ابدي

يلا بنتضار تجربتج

شوفي حبيبتي
حبوب الانفيرجن ان شالله ما تتعارض مع الكولاجين
اول شيء بديت بالكولاجين وعقبها تقريبا باسبوعين بلشت بالانفيرجن، والحين انا اكلهم ثنتينهم بس باوقات متباعدة
حسين ان شعري تساقطه خف بس للحين يبيلي وقت، لأن على هالجمعة الجاية يصيرلي اسبوعين للانفيرجن
وللامانة ماقدر اقول انها روعة ولا سيئة يبيلي فيها كورسين كل واحد فيه 4 اشهر (يعني 8 اشهر)
على نص شهر 6 اكون خلصت اول كورس وبقول لكم ان شالله شنو اللي لاحظته

 

[dla3_princess]

عنندي سؤااال بلييييييييز


يعني تعطي استدااره و تفخه للويه ؟؟

و اشكثر يبين مفعوولها ؟؟؟ تكفين رديلي خبر