souvenirs من سفراتكم

[اوركيدا]

السلام عليكم ..
احترت وين انزل هالموضوع ..
بالتصوير الفتغرافي الصور او بالسفر ..
لكني شفت انه انسب مكان اهني .. منتدى السياحه والسفـر ..

قبل كنا دايما نسافر لكن مافكرنا ناخذ شي من هالديره .. تذكار يذكرنا فيها .. العادة مشترياتنا شناط وملابس .. تروح مع الوقت ..
لكن السوفنيرز غير ..
وتجميع هالاشيا وايد ممتع وتستانسين لي شفتيهم بعدين .. وشفتي ذكرى من كل منطقه زرتيها ..
في ناس من قبل ييمعون وناس توهم يشترون ياريت كل وحده سافرت مكان او عندها سوفنير منه تصوره .. وتكتب لنا عن سفرتها لهالمكان ..

انا بابتدي ..

هولندا مشهوره .. بمزارعها وطواحنها والجواتي الخشب ..
شريت هالجوتي من مطار هولندا .. للأمانه الديره ماشفتها كنا مسافرين سويسرا عن طريق الـKLM فمرينا ترانزيت مطارهم .. لكن من دخلنا اجوائها بالطياره .. نزلت الطياره وااااااااايد وقعدنا نشوف الورد .. سبحان الله روووووووعه الالوان ..
وشلون الورد عندهم مزرووع بترتيب .. من الطياره مبين ..

احنا نزلنا فيها ساعتين بس .. او كنا بالمطار .. يعني ماتعتبر من الدول اللي سافرتها .. لكن لي نيه فالمستقبل ان شاءلله

هالساعه من سويسرا ..
طبعا سويسرا معروفه بالساعات .. وعندهم هالنوع من الساعات اشكال او الوان ..
في منها الرخيص والغالي جداً .. والمنحوت ..
وايد حلوه هالساعه وتعطي للطوفه شكل اينن ..

سويسرا رحت لها مرتين .. واتمنى ارجع لها .. لاني ماشفت منها غير جينيف ومونترو او لوزان فقط ..
في ناس وايد ماتعجبهم سويسرا ويملون من هدوئها .. لكن انا اعشقها .. ووقت الكرنفال ينكسر هدوء سويسرا .. وتصير حيه بالناس والزحمه ..
راااااااائعه هالديره ..

كايمين ايلاندز .. او قراند كايمان
Cayman Islands او Grand Caymen
هالجزيره .. تقع فالبحر الكاريبي .. عندي لها سوفينير ثاني بعرضه ان شاءلله بعد ماشوف تفاعلكم مع الموضوع ..
رحنا هالجزيره لمدة 8 ساعات تقريبا .. عن طريق الكروز ..
من ارقى جزر الكاريبي .. عملتهم دولار بس عليه صورة ملكة بريطانيا .. لانه الدوله تابعه لبريطانيا! :eh_s(1): مع انها وااااااااايد بعيده عنها
راقيه جدا .. وكل بيوتهم حلوه ومرتبه .. شعبهم الاصلي قليل .. لكن يسكنها الكثير من المهاجرين .. خصوصا من البرازيل وجنوب افريقيا ..
مع انه الديره غاليه على قولت السكان لكن مشهوره بألماسهم وجودته ورخصه .. وبعض الامريكين اللي معانا فالكروز قالو لنا انهم يايين الرحله وهدفهم الرئيسي شراء الالماس من قراند كايمن ..

ديتونا بيج ..
ساحل يبعد ساعه تقريبا عن اورلاندو بفلوريدا ..
ساحل ديتونا مشهور بجماله ورمله الناعم وبحره اللي من بعيد كأنه كرستال يتلامع .. وبالفلامينقوز ..اللي تشوفونهم فالسوفنير اللي انا خذيته ..
ديتونا من اشهر الشواطئ في امريكا .. ودايما الزوار الاجانب يحرصون انهم يشترون لهم تذكار من اهناك .. فتشوف الاماكن منوعه ومتروسه وفيها الكثير من البضائع المتخصصه بس حق السوفنيرز ..

لندن طبعا غنيه عن التعريف .. هالصيف نزلت فيها 4 ايام بس .. وحمدت ربي اني ماطولت اكثر ..
خصوصا انه صادنا رمضان .. فصادتنا غلقه من المناظر اللي نشوفها والعرب اللي قاعدين ياكلون بعز النهار ..!
حتى لو عليهم سفر .. احترام هالشهر على الاقل! .. مادري ماارتحت لا حق النظافه ولا المعامله .. خصوصا اني توني كنت يايه من امريكا والويوه السمحه .. والاسعار الحلوه حق الغلى اللي مب طبيعي! ..

بس مادري ليش الواحد اللي يروح لندن .. ماااااااااايقدر يقول هذي اخر مره .. في شي يجذب فيها! للحين مب لاقيته :gr4uu:
تخليني اناقض نفسي هالمدينه!

ماليزيا .. انا ماقط رحت لها بصراحه ..
بس اختي راحت او ماشجعتنا فشلناها من البال بالمره ..
وهالتوين تاور ستاتو ياني هديه من ام رفيجتي

بكمل اذا شفت مشاركاتكم ..
ملاحظه: الصور من فلكري .. عشان جذي فيهم توقيع غير اسمي اوركيدا ..
تحياتي

 

[جاي الضحى]

قبل كنا دايما نسافر لكن مافكرنا ناخذ شي من هالديره .. تذكار يذكرنا فيها .. العادة مشترياتنا شناط وملابس .. تروح مع الوقت ..لكن السوفنيرز غير ..وتجميع هالاشيا وايد ممتع وتستانسين لي شفتيهم بعدين .. وشفتي ذكرى من كل منطقه زرتيها ..
في ناس من قبل ييمعون وناس توهم يشترون ياريت كل وحده سافرت مكان او عندها سوفنير منه تصوره .. وتكتب لنا عن سفرتها لهالمكان ..

بكمل اذا شفت مشاركاتكم ..
ملاحظه: الصور من فلكري .. عشان جذي فيهم توقيع غير اسمي اوركيدا ..
تحياتي

وعليكم السلام ورحمة الله وبركاته

خوش فكره...صح لسانج...ما شاء الله...حلوين السوفنيرز و إن شاء الله راح يكونون مصدر يذكرج بايام حلوه...عليج بالعافيه...اتوقع موضوعج راح يلقاه إستحسان طيب جداً من الجميع..وأنا أولهم...عطيني فرصه أصور جم شغله واشارككم فيها. مشكوره اوركيدا وما يحتاي تبررين أي شي....كملي عسوله ​

 

[اشراقة الحياة]

يسلمووووووو على الموضوع .....

انا ولامره فكرت اشتري السوفنيرز...... كنت اكتفي بالصور

راح احسب احسابي باليايات......

:eh_s(8)::eh_s(8):

 

[غيمه صافيه]

خوش موضوع وأنا هوايتي اجمع سوفينيرات بس مالي خلق اصورهم الحين بس صج صج ذكرى حلوه خصوصا لي حطيتهم في كورنر معين في بيتك

 

[MassComm]

مشالله حلوين السوفينيرات
انا كلش ما افكر اخذ سوفينير ركضه عالجناط والخلاجين جنه مفصخين اللهم ياكافي،عندج اختي تحب هالسوالف

 

[الاسطورية]

انا غرامي التجميع وعندي جم شغله ان شاءالله بصورهم

ممكن تقوليلي شنو كامرتج مشاءالله التصوير عجيب

 

[اوركيدا]

يسلمووووووو على الموضوع .....

انا ولامره فكرت اشتري السوفنيرز...... كنت اكتفي بالصور

راح احسب احسابي باليايات......

:eh_s(8)::eh_s(8):

الحمدلله وعيناج وبتشكرينا .. لانهم ذكرى حلوه ..
وانا من بعد الموضوع قمت اتلفت فالبيت او شفت انه عندنا وايد اشيا .. وان شاءلله اعرضهم بعد ماشوف تفاعلكم .. وماتصير الصفحه الاولى بس صوري :jumpon:

خوش موضوع وأنا هوايتي اجمع سوفينيرات بس مالي خلق اصورهم الحين بس صج صج ذكرى حلوه خصوصا لي حطيتهم في كورنر معين في بيتك

اللحين مالج خلق .. بس لين تذكرتي الموضوع صوريلنا او شاركينا بلــــــــــــــــــــــــــيز ...
وايد ذكرى حلوه .. ويستانس الواحد لي شافهم! ..

مشالله حلوين السوفينيرات
انا كلش ما افكر اخذ سوفينير ركضه عالجناط والخلاجين جنه مفصخين اللهم ياكافي،عندج اختي تحب هالسوالف

بالضبط .. واحنا نفسج ترى .. بس عقب وعينا يوم شفنا هالنجليز يطخطخوون ..
صوريلنا من عند اختج واللي يسلمج خل نشووف

انا غرامي التجميع وعندي جم شغله ان شاءالله بصورهم

ممكن تقوليلي شنو كامرتج مشاءالله التصوير عجيب

لاتنسيــــــــن صوريلنا ناطرينج ..
وكاميرتي Canon D400 .. :eh_s(8):

 

[اوركيدا]

وعليكم السلام ورحمة الله وبركاته

خوش فكره...صح لسانج...ما شاء الله...حلوين السوفنيرز و إن شاء الله راح يكونون مصدر يذكرج بايام حلوه...عليج بالعافيه...اتوقع موضوعج راح يلقاه إستحسان طيب جداً من الجميع..وأنا أولهم...عطيني فرصه أصور جم شغله واشارككم فيها. مشكوره اوركيدا وما يحتاي تبررين أي شي....كملي عسوله ​

الله يعافيج حبيبتي .. وصاجه .. شوفتهم ترد الذكريات ..
ان شاءلله يلقى استحسان .. وناطره صورج على احر من الجمر على قولتهم ..
وهذي صوره ..

هالسنو بول .. شريتها في اول سفره لي لأمريكا ..
من ديزني ستور .. في داون تاون ديزني ..
والسنه شريت بس للأسف ماخذيت السنو بول .. وايد تحسفت! ..
لأنه سنة 2008 ماعندي غير على تي شرت ..
والاجانب يعتبرون التي شرتس من السوفونير .. ويستانسون يمعون تي شرتات بالمناطق .. مثل الجامعات اللي دشوها .. المناطق اللي زاروها افرع المطاعم المشهوره بالعالم ..
وان شاءلله بوريكم تي شرتاتي فالمستقبل ..

 

[bambena]

احب ايمعهم اصورهم واحطهم ان شاءالله

 

[اوركيدا]

بانتظارج بامبينا

 

[SupeR-GirL]

موضوعج يونس
الحييين برووح اصور اللي عندي

 

[SupeR-GirL]

اول شي هذا من النمسا


حق المطبخ يتعلق شكله حلو

وهذا من الريف الالماني



يحطون البيض داخل الفتحه ويسكر جنج تطلعين من بطنها

واذا لقيت بعد بحط

 

[الاسطورية]

شغلات حلوه الحين بحط الي قدرت اصوره ولقيته

بروشات من فرنسا حبيبتي



بروشات من ديزني




قلوب من لندن



كرت لصوره احبها وايد



من اليابان


وبس

 

[rawona]

خوش فكره اوركيدا ..

انا عندي من هولندا طواحين خشبيه وجوتيهم المشهور الخشبي لونه احمر ..

من لندن عندي ساعة بيغ بين ومفجاجه على شرطة لندن المشهور وعلى التلفون بوكس الاحمر مالهم

ومن اسبانيا عندي نفانيفهم اللي تشوق وهم عندي "حمير ميخس المشهورين" مصنوعين من قش وعندي كبابيسهم الكبار

ومن فرنسا برج ايفيل طبعا وتي شيرت منه بعد

ومن تايلند مجسمات الحريم اللي يبيعون فواكه بالقوارب

اممممممممم شنو بعد اي من مصر سوالف اهرامات وابو الهول

الاغراض هذي كلها في بيت اهلي لووول بس اروحلهم انشالله اخذهم واصورهم وانشالله باصور الاغراض اللي عندي اهني من امريكا ولندن وتايلند واحطهم باقرب فرصه :eh_s(8):
​

 

[اوركيدا]

وناااااااااااااااااااااااااااسه بنات فرحتوني ..


:33_1185028183:


Super Girl اغراضج اتينن او مفيده اليايه عجيــــــبه ..

الاسطوره ماشاءلله فضيعيـــن .. البروشات فكرتهم حلوه .. انا كان خاطري فالابجوره اللي على برج ايفيل بس تثيقلت اشيلها واللحين متحسفه ان شاءلله اذا رحت لازم اخذ وحده ..
وماروكو تينن .. شلون اليابان حلوه؟ يقولون غالــــــيه تحسين تسوى؟ انا احس من اهم دول العالم اللي الواحد لازم يشوفها لو مره ..

راونا بعد عمري .. مشكوره على اضافتج وننتظر صورج .. عندج اشيا عجيـبه لاتنسين تجك جكين لنا جم صوره ..

وعشان وايد فرحتوني قمت صورت لكم ..

هذي اللعبه تنباع بالمكسيك بجميع الاحجام .. انا اخذت لصغيره وسميتها كسندرا
طبعا المكسيك رحت لها بالكروز .. ورحت لتحديداً كوزمل وصادتني سالفه ويا الشارك فيها اللي قرو تقريري شافوها
"اهم شي اني قاعده اسوي دعايه حق تقريري :eh_s(3):"

واللحين نفرتيتي .. مصر ..
على قولتهم ام الدنيا! :cxxxp:

 

[اوركيدا]

وبضيف بيت ميني ماوس ..
خذيته من احد الاكشاك في ديزني داون تاون ..
اورلاندو .. فلوريدا ..

وهذا من جينيف .. سويسرا ..
للأٍف انكسر او طلع الماي اللي فيه .. قبل كان فيه حبات .. كأنها ثلج لين اهزه ..
عورني قلبي .. الله يكتب لي واروح مره ثانيه وشتري شي مشابهه ..

 

[اوركيدا]

وهذا جزء من كلكشن المديليات اللي عندي ...

من اليمين 2006 من ديزني ستور
اول سفره لي لامريكا ..

بعدها من لندن اشارة الادر جراوند ..

بعدها شكل النمبر بليت لسيارات فلوريدا

وراها من جمايكا خذيت هذي فيها من ألوان جمايكا وخذيت بعد هالجفير ..
جمايكا وحده من الدول اللي تقع على الكاريبي ورحنالها بالكروز ..

واخر وحده من مصـــر

هذول خذيتهم من فلوريدا ديزني او ميامي سنة 2006

 

[rawona]

يشوقون اغراضج اوركيدا ..

بتضحكين على اغراضي حاليا عندي سوالف لندن وامريكا في بيتي الباجي في بيت اهلي لان ماصارلي فتره من سكنت شقتي بارجع اليوم انشالله واصور اللي عندي _shh_:​

 

[اوركيدا]

هلاااااااااااا براونا ادري كلشيج حلو مثلج ..
واغراضي ماتغلى عليج افا عليج ..

ولاتنسينا لي رحتي البيت صووري ..

 

[زيـنـه]

خوش موضوع .. عندي شوي سوفونيرات .. و في بعضهم للاسف يتوزع و الا مع الوقت يضيع او ينقط
بشوف اللي اقدر عليه .