The English School Fahaheel

[طيبة الكويتية]

سلام بنات شخباركم

ساعدوني بالمدرسه هذي. اشرايكم فيها. منو عياله فيها او يعرف احد فيها. اشلون دراستهم و تأسيسهم و مناهجهم و كل المعلومات عنهم.

احس راسي بينبط من كثر ما احاتي سالفة المدارس.
الله كريم يارب

 

[حلم الطفولة]

السلام عليكم ,,, منو تعرف شي عن هالمدرسه ؟؟

http://www.skee.com/index.htm

 

[طيبة الكويتية]

ما تقصرين حلم الطفوله
بس بغيت ملعومات اكثر من الموقع, خو المقع يطيرون لج المدرسه بالسما من كثر ما المستوا زين. ابي احد مجرب

 

[يمامة]

بنت اختي تدرس فيها
اهي مشتركة بالمنتدى...ان شاء الله ترد عليج

 

[حلم الطفولة]

أحد مجرب يا جماعه ..
أحد يسأل وفي ميزان أعمالكم ,, أمانه عيال الناس .. حبّ لأخيك ماتحب لنفسك ..
الدين النصيحه .. يالله همّتكم ..

 

[سيدة الكويت]

ودى اساعدكم بس ولا مره سمعت فيها

احسن روحى سألى اولياء الأمور فى المدرسه راح يفيدونج أكثر

 

[عذاري1976]

انا عيالى فيها

 

[عذاري1976]

صراحة وااايد زينة وقوية المدرسة

 

[طيبة الكويتية]

صراحة وااايد زينة وقوية المدرسة

السلام عليكم
زين الحمدلله اني لقيت احد عياله بالمدرسه
الله يعينج على اسئلتي و حنتي, ميخالف تحمليني الغاليه

اول شي بغيت اعرفه شنو جنسية المدرسين و خصوصا بمراحل التأسيس؟
انتي جربتي غيرها من المدارس علشان جذي قلتي انها قويه؟
شنو يعطون اليهال في جريد 1 و 2 و الريسبشن؟
اشلونهم بالعربي؟
اشلون مبانيهم, يديده ولا داثره؟
ابي كل شي بالتفصيل الممل؟

 

[طيبة الكويتية]

أحد مجرب يا جماعه ..
أحد يسأل وفي ميزان أعمالكم ,, أمانه عيال الناس .. حبّ لأخيك ماتحب لنفسك ..
الدين النصيحه .. يالله همّتكم ..

حبيبتي و الله حلم الطفوله
ما تقصرين. الله يخلي لج اعيالج يارب و يحفظهم ان شاءالله

 

[طيبة الكويتية]

ودى اساعدكم بس ولا مره سمعت فيها

احسن روحى سألى اولياء الأمور فى المدرسه راح يفيدونج أكثر

مشكوره حبوبه على اهتمامج, بس مشكلتي اني بالامارات و مالي غيركم اسأل عندكم و استفسر منكم. علشان ايي الكويت و اسجلهم علطول, خصوصا انه وايد مدارس بدوا خلاص بالتسجيل.

 

[طيبة الكويتية]

بنت اختي تدرس فيها
اهي مشتركة بالمنتدى...ان شاء الله ترد عليج

مشكوره حبيبتي
و انتي لا تنسين ذكريها ترد علي.
و هم لج انتي عندي جم استفسار. اشرايج بمستوى بنت اختج. اشلون اللغه مالتها والآكسنت؟
يعطيج العافيه من الحين

 

[عذاري1976]

هلا حبيبتى لا عادى حيااج اول شى المدرسين فى من انجلترا واسكوتلندا وكندا يعنى جنسيات مختلفة والمبنى مال المدرسة يديد واايد حلوو وانا لا ما جربت غيرها بس اهى اقدم مدرسة وانا اشوف عيالى مستواهم واايد زين وبالنسبة للعربى منهج الحكومة ياخذون

 

[عذاري1976]

واى شى تبين انا حاضر لاى سؤال

 

[عذاري1976]

بقريد 1 ياخذون عربى واسلامية وماث وانجلش

 

[عذاري1976]

وبجريد 2 ياخذون نفس الشى ويبلش معاهم من جريد 3 العلوم والتاريخ والجغرافيا وجريد 4 يبلش الفرنسى

 

[سيدة الكويت]

اختى عذارى العلوم ليش من قريد 3 ؟؟ المفروض من 1 الحكومه والخاص من قريد ون يعطونهم عاد العلوم من اهم المواد واصعبها

 

[طيبة الكويتية]

ما تقصرون حبيباتي
انزين ممكن اعرف اشكثر رسومهم؟
ان شاءالله احنا يايين الكويت على نهاية هالاسبوع و من بداية الاسبوع الياي راح ابدي مراكض على التسجيل, و اهي وحده من المدارس اللي ناويه اروح لها و اشوف صفوفها و مناهجها و كل شي عندهم.

يارب يكون اللي فيه الخير لعيالي و يبنقبلون بمدرسه سنعه يارب

 

[عذاري1976]

انا ولدى من جريد 7 بلش الفيزياء والكيمياء والاحياء

 

[عذاري1976]

الرسوم ترى مو حيل غالية بالنسبة للمدارس الثانية بنتى برسبشن تقريبا رسومها 1400 تقريبا بعد الخصم علشان اخوانها