شكرا بوبا سويت على موضوعج الحلو. استفدت من ردود البنات. :eh_s(7):
أهم خمس منتجات مكياج ما استغني عنها أبدا اهيا
1- مصحح الهالات من بوبي براون bobbi brown corrector in light peach
معاه أنسى شي اسمه هالات سوده استخدمه بروحه إذا الهالات عندي خفيفة أو مع قلم توش إكلا من ايف سان لوران إذا بغيت منطقة تحت العين منورة. قبل لما كنت استخدم قلم توش إكلا كان اللون يتأكسد ويقلب رمادي لكن مع مصحح بوبي براون ما عاد عندي مشكلة. بعد أستخدم مصحح الهالات كبيس لشفايفي إذا بغيت أحط حمرة نيود.
2- بودرة فاونديشن من ديور Dior nude natural glow sculpting powder in 32 sable rose
أحلى بودرة فاونديشن استخدمتها بحياتي. خفيفة وناعمة على الويه لكن تغطيتها قوية. استخدمها كذا طريقة حسب المزاج. أستخدم كل لون بروحه أو كلهم مع بعض إذا بغيت إشراقة مميزة ببشرتي إما البودرة بروحها أو فوق الفاونديشن السائل. الفرشة الموجودة بالعلبة حلوة ودايما استخدمها.
3- شدو من ماك اسمه charcoal brown
ما استغني عنه لحواجبي عشان أعبي الفراغات بطريقة طبيعية. الحلو باللون إن لون محايد ما يميل على الأحمر أو الذهبي عشان جذي لما استخدمه حواجبي تطلع طبيعية مو مرسومة رسم.
4- برونزر هوولا من بينيفت hoola bronzer
أحلى برونزر استخدمته للكونتورينغ. اللون طبيعي ما يقلب أحمر أو برتقالي أو ملبد مثل باقي البرونزرات اللي استخدمتها.
5- بودرة ضد اللمعة من كريولان kryolan anti shine powder
وحدة من بنات المنتدى اكتبت عنها موضوع من زمان ولما شريتها عرفت ليش تستاهل كل المدح اللي اكتبت عنه البنت. تغطي لمعة الويه لساعات طويلة من غير ما تنشف الويه وتخليه بلا روح. أستخدمها كآخر خطوة بالمكياج كمثبت وكماص لدهون التي زون وعشان اغطي أي مسامات طالعة.
أتمنى مشاركتي فادتكم بنات.
