wii fit يونس ويضعف

[الجودي]

بنات صارلي 10 ايام مخففه اكلي

وشاريه جهاز wii مع البورد اللي يعلمج شلون تسوين تمارين بصراحه يونس

واحس اني خقيت شوي و انصحكم فيه لانه جنه نادي صغير في بيتج كل انواع التمارين

اليوغا وال ايروبك و التوازن و الشد

 

[ii DareeN ii]

بجم سعره عفوا ومن وين شاريته وممكن تحطين صورتة

 

[ذره في المجره]

هذا الجهاز و ممكن تلعبين في العاب مو بس رياضه




وهذا البورد للرياضه

 

[Eng_7asasa]

انا جفته مرة حسيته يونس بس بجم سعرة واتشغلينة على التلفزيون عدل ؟؟

 

[بنت من الكويت]

شفته بجرير وبيوريكا ... بجم كله على بعضة وبجم الألعاب الي فيه

مشكورة حبيبتي

 

[janirek]

حبيبتي من وين اشتريتيه وبجم سعره ؟

 

[ام بنتها]

شلوون طريقته ؟؟ و بجم سعره ؟؟
وضحي بلـــيييز
اول مره اشووفه و اسمع عنه

ناااااااطرتج

 

[جوري أحمر]

نفس الأسئله
من وين ؟
جم سعره؟
يشتغل عالتلفزيون ؟

بالاضافه كم عدد الألعاب الي فيه

لأني ما يصلح لي أي لعبه تأذي الركبه

 

[امونه 81]

وانا بعد وياهم نفس الأسئله
من وين ؟
جم سعره؟
يشتغل عالتلفزيون ؟

 

[شيهانه]

انا شفته بكاتلوج جرير حاطينه ب 50 دينار .. ما ادري اذا يوريكا ارخص ..؟؟؟

بس اهو يعني لازم نلتزم بالوقفه على هل الجهاز او على الاقل ريل وحده .. بس احس جدذي الحركات محدوده

ما ادري ودي اشتريه واخاف يكون صعب ..

 

[bo6aa6ee]

ترى هبه كاهو عندي مقطوط مادري عنه هبيت فيه جم يوم بعدين مليت منه

 

[ضحكة بريئة]

شلوون طريقته ؟؟ و بجم سعره ؟؟
وضحي بلـــيييز
اول مره اشووفه و اسمع عنه

ناااااااطرتج

me too:eh_s(6):

 

[اعييز]

لازم تكون عندي wii صح ؟
اقصد يصير عندي هالــ وي فت .. والوي الجهاز الاصلي صح؟

 

[أسرار الطبيعة]

مافي على الرياضه المشي في الهواء الطلق ، وما عدا ذلك هبه بشد الباء

 

[C'est La Vie]

امبييييه تينننننننننننننننننن شويه عليها هاللعبة
وصج تصير ادمااااااااااااااان
تخيلي انا بعطلة الصيف جابلتها عدل
الكرش راحت اللي ورا راحت والزنود خفت
حتى الناس فرقو علي
عجييييبة
لازم كل ما تشغلينها يجيك وزنج
فتحسين بالذنب اذا خربطتي مني مناك
بعدين الالعاب تونسسسسسسس
تحسين تحرك كل عضلات الجسم
غير اليوغا عجيييييبة تحسين بلياقة وليونه مو طبيعية
لعبة الكاراتيه اموت فيها تحرك كل الجسم
ولا لعبات الثلج هم حلوة وتحسين تشد الجسم
وغيرها وغيرها
اول مرة تجربينها راح تحسين ان جسمج مو رياضي ذاك الزود
بس مع الاستخدام يعطيج نصايح تفيدج
ويقولج شنو اكثر تمارين تناسبج
ومع الالتزام راح تحسين بفرق انشالله
انصح فيها صراحة للي لها خلق وتجاااااااااااااااابل
انا لهيت بدراستي هالكورس لهيت عنها لعبتي المفضلة
بس انشالله اول ما اعطل برجع التزم فيها

 

[bintmishref]

ادورها دواااااااااره هالفت.. من وين شريتوها وبجم

 

[sugar&spice]

من الغانم بالفنيوز توني شايفته

 

[كتكوته551]

أول مره أسمع عنه بس اشلون طريقته ماني فاهمة ؟؟؟

 

[local]

واااااااااااي جنكم نشفتو ريجنا .. نبي شرح وافي لاستخدامه . ومن وين وبجم
وكم نزلتوا بشكثر من الوقت ؟؟؟؟؟؟؟؟؟؟؟؟

 

[ام بنتها]

اهو بالانجليزي ؟؟؟
و النصاح الي يقولها بالانجليزي ؟؟
ومووو معقد يعي لمن اشتريه ما اتوهق و اقطه من تعقده ولا بسيط و سهل ؟؟؟
و بجمممممممممممم ؟؟؟؟؟؟؟؟؟؟؟؟؟

سولفو عن اكثر