wii fit يونس ويضعف

[AnOoSh STyl!sh]

بنات الجهاز مو جهاز رياضي اهو اصلا video game ومنها تلعبين الالعاب الرياضية.. خفيف وحلو ولا تحاتون مايطيح بجبودكم ..

والجهازر انجيليزي حاله من حال السوني وغيرها .. ولاهو معقد ولا شي وتلقينه كامل ومع اشرطة بمجمع الرحاب بحولي



وايد حلو ويغير الروتين

 

[جوري الحلوة]

والله شكلي بجربه شكله يونس

 

[C'est La Vie]

انا اقولكم
انا شريتها من الرحاب الجهاز الرئيسي ب 60؟ واللعبة wi fit ب70 دينار تقريبا
المهم الحين طريقة الاستخدام
وحده من الخوات حطت صورة اللعبة فوق
اهي شكلها مثل الصندوق الابيض توقفين عليه وتسوين فوقه حركات
معاه ريموت عشان تختارين
اول شي لازم تسوين لج شخصية باسمج وتحطين طولج وعمري
اهو على هالمعلومات راح يقيس وزنج ويقول اذا انتي ضعيفة ولا زينة ولا سمينة
وشنو الوزن المناسب لج
وراح يطلب منج تحطين هدف جم كيلو تبين تضعفين خلال فترة جم اسبوع؟
اهو كله بالانجليزي بس سهل حتى اليهال راح يفهمون عليه
الحين التمارين
التمارين راح يطلعلج مدرب او مدربة يورونج حركة وتقلدينهم
اخليكم مع الفيديو شوفوه يمكن توضح لكم الصورة
http://www.youtube.com/watch?v=_iYBmAVuBns

 

[كتكوته551]

الله يعني كله يطلع ب130 غالي والله اخاف اشتريه ويطيح بجبدي

 

[Dress Me Up]

مافي على الرياضه المشي في الهواء الطلق ، وما عدا ذلك هبه بشد الباء

معاج 100% ** ياحلات الهواء الطلق والله يرد الروح ويشيل الهموم ** ​

 

[unknown-q8ia]

والله انا من فتره شفته وحنيت عليه بس محد شجعني بس صج شكلي راح اخذه منه رياضه وتسليه

 

[الجودي]

ب ن ا ت اسفه عالتأخير

انا شريته من الكتروزان الجهاز مع جنطه و رموت مجانا يعني 2 رموت اب 132

و البورد مال الرياضه اب 50

و يتركب عالتلفزيون

 

[GAP^^الكبيرة]

ونااااسه صج يونس
ان شاء الله اذا خلصت امتحانات اختي اخذه

 

[BlackRose]

امبييييييييييييييييه

هذا يبي له مجابل

 

[banota]

بنات انا عندي منه والله يونس والالعاب اللي فية حلووووووووووة
جنج بنادي بالبيت وايد حلووووووووو

 

[C'est La Vie]

ها حبيبتي جودي بشرينا شلونها الفت معاج؟؟

 

[فراشة نونو]

^__^ مشكوره شكله حلووو ويفيد

 

[موزة ام فارس]

عاااااد صج ودي فيها من زمان

 

[الجودي]

هلا والله

والله يوم و يوم بس الحلو فيه كل مره يفتح لي تمارين يديده ف اتشوق اكثر اني العب رياضه وياه

 

[موزة ام فارس]

بنات شريت ال Wii Fit من يومين

بس الريموت مو راضي يتعرف على الوي وحتى البورد

اللي اشوفه يشب لون ازرق بس ماشوفه يتجاوب معاي

اللي تعرف بليييز خل تعلمني اشلووون اعرف الريموت والبورد بالضبط