Wink شسالفة هذا الإعلان السخيف

[الحنونهـ]

ترى الهنود اهم الي يوزعون الاعلانات وياليت يحذرونهم مايحطونها يم المساجد..

 

[روح مغليهآ]

اول مرة اشوفه
شكله اعلان سخيف وزين رشوه

 

[قـہۈه فـرنسيـہ™]

أول مره أشوفه ,,, بس عادي ماشوف فيها شي ,,,ليش مكبرين الموضوع !

 

[law girl]

شدعوه شدعوه
اعلان عادي مافيه شي
بالعكس في عنصر جذب
يخلي الواحد عنده فضول عشان يعرف السالفه
خليتوها مسخره و قله ادب
و اهم شي وصلت لدرجه التخريب..............و تقولون تبون بلد حضاري
في مليون وسيله الواحد يعبره عن اسياءه و رفضه مووو بالتخريب
بالذمه شوفو المنظر العام شلون صار شكله بعد ما خربوا الاعلان و قولو رايكم !!!!!!

 

[كريستال ليدي]

أمبيه ليش في ناس عقلياتهم مريضة جذي و كل شي يفسرونه تفسير وصخ و كل شي يعتبر ايحاءات بالنسبة لهم !!

والله لما اقرى هالتعليقات استغرب و يضيق خلقي .. شنو هذا

اعلان عادي مافيه شي سويتوه ايحاءات و قلة ادب و مادري شنو ..!!

و الاعلان حق خدمة يديدة من الوطنية اسمها wink

 

[_ظل الياسمين _]

يزاك الله خير عالتنبيه وياليت المسؤولين عن هالامور ينتبهوون ويراعون حرمه المساجد.

 

[سمسمة كويتية]

عفوا شنو قله الأدب بالموضوع اسم الخدمه في الوطنيه للاتصالات "wink" يعني غمزة ، عشان جذي يحطون صبيان او بنات يغمزون مو قصدهم شي قليل أدب ليش كل شي نفسره انه غلط و مايصير خل ناخذ الأمور ببساطه شوي

 

[Turquoiseya]

يعني ادفعي مكالماتج بكثر الغمزات اللي تقدرين تسوينها :dddds:
هذا اخر الدعايات

 

[دلوله_العسوله]

يعنيييييييييييي اثاره وتشووووووووووق هههههههههههه


الحين مالقوو طريقة يروجون فيها العاناتهم الي بلغمزااااات ومادري شنووو

 

[أخصائية تغذيه]

لووووول...
اول مره اشوفها ...

 

[kekat kakaw]

مااااااااااشفت هالاعلان !!!

 

[LuLiTa]

[حبيبتي شنو قلة الادب والمسخرة اللي موجودة في الاعلان ؟؟؟ ويه المرة و الريال و اهمه يغمزون شنو المسخرة بالموضوووع ؟؟ لا اهم حاطين وحدة مرصرصة بلبس و لا حاطين احد بدون ثياب !

حاطين صورة وحدة و كاتبين كلام (بيني و بينج )يعني حاطين وحدة تعلن حق حريم ,, شنو الغلط ؟ ليش بالكم كله يروح صووب قلة الادب و المسخرة ليش التفكير ياخذكم لأوسخ المواضيع ؟؟

و بصراااحة شي مو حضاري انه الناس يخربوون اللوحات ,, الواحد يحاول يسنع بديرته مو يخربها ,,, مو عاجبهم الاعلان يروحون يشتكوون و الحكومة اتيي اشيله من عرجه و ما يخلوونه شعره منه ,,

بصراحة انتووو جذي اتحبطوون شركااات التسوووويق و شركاات الاعلانات ,, عسى ما حطوو فكرة الا دقرتووهم و تطنزتو عليهم و حقرتووهم ,,, ترا اغلبهم موظفين كويتيين من خيرة شبابنا المتعلمين الواعين ,, انتوو جذي اتكسروون مياديفهم ,, انتووو للحين ما عرفتووو شنو اهوو المنتج ما عرفتوو خيره من شره بس مسرع ما نتفتووو الاعلان و طلعتووه ضد الاخلاق و يحرض على الرذيلة و الفسق و الفجووور و طلبتووو القصاص !!

شوي شوي عليهم ,,,, خفووو عليهم ,,,,/quote]

حبيبتي اهم حاطين الاعلان بطريقه سوقيه يقدرون ايسوون دعايه بشكل ارقى من جذيه ليش ايخلون الناس تفهمهم غلط؟؟؟
واتصدقين صدمتيني لمن قلتي ان الي يسوون هالاعلانات من شباب هالديره اذا هذا فكر شبابنا ما اقول غير الله يهديهم
وتقبلي ردي عليج بديموقراطيه وحريه << مو هذا ديدن الناس الحين

حبووبة شرحيلي الشي السوقي بالاعلان اللي يخلي الناس تفهم غلط :tomato2: ,,, اهي خدمة للشباب و المراهقين ف اكيد راح يخاطبونهم بلهجة قريبة من عمرهم ,,, wink يعني احنا مسويين الخدمة عشانك انت بس عشاان اتناسب اسلوب حياتك,, و حتى العارضين يايبينهم عمرهم صغير و مكياج البنات بسيط :ada:,, خوو ما رااح يسوون لهم اعلان يقطوون عليه فلوووووووس و بالاخير ما يجذب المستهلك ,,,و الناس اللي تفهم غلط لأنه كل واااحد يرى الناس بعين طبعه ,,

 

[سارونات]

لووووووووووووووووووووووووووووووول من امه الدعايه تفشل وزين سووا رشووو إلاعلان = )

 

[انا خطر]

قمة السخااافه

ماكو شغل

 

[على وجهها سمة الأبرياء]

دايم اسمعه بالراديو اول مره ادري انه حاطين له اعلان

بس صج سخافه حتى مو فاهمه شنو الاعلان عنه

 

[عندي رب كبير]

[quoteحبووبة شرحيلي الشي السوقي بالاعلان اللي يخلي الناس تفهم غلط ,,, اهي خدمة للشباب و المراهقين ف اكيد راح يخاطبونهم بلهجة قريبة من عمرهم ,,, wink يعني احنا مسويين الخدمة عشانك انت بس عشاان اتناسب اسلوب حياتك,, و حتى العارضين يايبينهم عمرهم صغير و مكياج البنات بسيط ,, خوو ما رااح يسوون لهم اعلان يقطوون عليه فلوووووووس و بالاخير ما يجذب المستهلك ,,,و الناس اللي تفهم غلط لأنه كل واااحد يرى الناس بعين طبعه ,,][/quote]

الغمزات وتقرص العيون مو اسلوب سوقي ؟؟ اصلا الاسلام نهانا عن الغمز واللمز لازم انكون واضحين بتصرفاتنا
الله يالدنيا الحين الغمزه صارت اسلوب حضاري ؟؟؟؟ واسلوب حياة ؟؟
ليش يعطون ايحاء ان حياة المراهق غمزات
انزين بدل هالسوالف ليش مايزرعون فيه شي ديني او وطني او حتى اجتماعي مو سوالف مااااااااصخه
يعني اشلون يخاطبونهم بلهجه قريبه من عمرهم ؟؟؟
الحين الغمزه صارت شي عادي؟؟؟؟ ولا بعد بين المراهقين ؟؟؟؟؟
هل اسلوب الشباب والمراهقين الغمزات ؟؟؟؟
اما موضوع كلن يرى الناس بعين طبعه ؟؟؟ هذي حجة الي ماعنده حجه
احنا مو اطفال حبيبتي احنا بالفطره انعرف الصح من الغلط هالقاعده عيب تنقال منيه والطريج لا اتعرفيني ولا اتعرفين اخلاقي عشان تحكمين علي ماشاء الله ذمتج وسييييييييييييعه وربي فوقنا وعارفنا وصدقيني اختي انا مضايقني حييييل تفكير البنات الحين صار كل شي عادي الحين الغمزه صارت اسلوب جذب ؟؟؟؟ كلمة الخدمه بحد ذاتها اي شي ليش مالقواا كلمة سنعه
ما اقول غير الله يهدينا واياهم ويهدي الجميع

 

[جوري الكويت]

خل يرشون على صوره الولد اللي قاعد يغمز حق البنت بعد

لووووول

 

[قهوة برية]

وهذا اهم الي يبونه .!

بمعنى ان الأعلان نجح وخير دليل عدد الصفحات

اهنيه بالمنتدى ومنتديات ثانية .!



وصباحكم خير .!

 

[LuLiTa]

[quote
الغمزات وتقرص العيون مو اسلوب سوقي ؟؟ اصلا الاسلام نهانا عن الغمز واللمز لازم انكون واضحين بتصرفاتنا
الله يالدنيا الحين الغمزه صارت اسلوب حضاري ؟؟؟؟ واسلوب حياة ؟؟
ليش يعطون ايحاء ان حياة المراهق غمزات
انزين بدل هالسوالف ليش مايزرعون فيه شي ديني او وطني او حتى اجتماعي مو سوالف مااااااااصخه
يعني اشلون يخاطبونهم بلهجه قريبه من عمرهم ؟؟؟
الحين الغمزه صارت شي عادي؟؟؟؟ ولا بعد بين المراهقين ؟؟؟؟؟
هل اسلوب الشباب والمراهقين الغمزات ؟؟؟؟
اما موضوع كلن يرى الناس بعين طبعه ؟؟؟ هذي حجة الي ماعنده حجه
احنا مو اطفال حبيبتي احنا بالفطره انعرف الصح من الغلط هالقاعده عيب تنقال منيه والطريج لا اتعرفيني ولا اتعرفين اخلاقي عشان تحكمين علي ماشاء الله ذمتج وسييييييييييييعه وربي فوقنا وعارفنا وصدقيني اختي انا مضايقني حييييل تفكير البنات الحين صار كل شي عادي الحين الغمزه صارت اسلوب جذب ؟؟؟؟ كلمة الخدمه بحد ذاتها اي شي ليش مالقواا كلمة سنعه
ما اقول غير الله يهدينا واياهم ويهدي الجميع

الله يسامحج حبيبتي,,, بس اعتقد الرد الاول كفى و وفى و يا ريت هالمرة تقرينه مرة ثانية و تفهمينه عدل هالمرة بدال ما اتحرقين عمرج مني و الطريج :tek:
​

 

[عندي رب كبير]

الله يسامحج حبيبتي ..........الحين (( الغيره على الدين )) ينقال لها (( تحرين عمرج)) ....