وين كنتي وقت الغزو ...صامده والا بره الديره ؟؟

[حناينq8]

احنا قعدنا تقريبا اسبوعين ...وكنا ناوين نقعد ليما جندي عراقي مسك ابوي عند الجمعية ويقوله اذا عندك بنات وشباب اهرب بيهم ..الجيش الجمهوري لي وصل عندكم مايرحم ...وبصرااحة ابوي خاف علينا اغلبنا بناااات ماشالله ..وطلعنا لسعودية فبيت جدي بحفر الباطن وماانسى لما تابعنا كلمة بابا جابر المشهورة في الامم المتحدة واللي بكى فيها ونزلت دمعته لاجل الكويت وشعبها .. ولما صارت حرب تحرير الكويت طلعنا وخيمنا لان صار عالمنطقة ضرب بس كان احلى بر خيمناه ماشالله ارضهم حلوة ونظيفة ...بس ياحلاة برنا وقتها كنا مشتااااقين للكويت وكنا نشب نااار ونسمع الاخبار من الراديو ولما تحررت الكويت رحنا انا وخواتي وكتبنا كلمة free kuwait كبيرة على التل وكانوا الهيلوكبترات تمر من فوقنا وتشوفها ...كان عمري تقريبا 9 سنين بس ماانسى فرحة التحرير وماصبرنا اول ماتحررت ب26/2 ردينا اول شهر 3 ...والله ماانساها كانت كويت ظلمة من دخان النفط ...وفيه سوالف وااايد بس سوري طولت عليكم ومشكورة اختي على هالموضوع ..الغزو درس الواحد ماينساه خاااصه لما اهل الكويت كانوا على قلب واااحد داخل الديرة وخارجها.​

اول مره ادري في كويتيين خيموا
وانا اشكرج على سرد تجربتكم الموضوع علشان نقرا كل وحده فيكم شصار لها
يعطيج العافيه حبيبتي

 

[حناينq8]

لا احنا كنا في مصر ام الدنياااا

مشكوره على المشاركه حبيبتي

 

[بنت.المطيري]

السلام عليكم

مادري اذا انا كاتبه بالموضوع والا لا ..

بس صج شي يعور القلب

انا كان عمري تقريبا سنتين بالضبط يوم الغزو

كنت مع امي وخوالي بالكويت ..


بس والله اذكر اشياء بس الحمدالله مو اشياء تخرع..

اسمحولي اذكرها

شوفوا انا كنت اصلا غزو بحالي ..خلال اسبوعين كسرت ايدي وريلي هذا غير ان كذا مرة يسكرون على ايدي باب الدوانية العود
..وصار كسر بصبعي بعد واذكر خالتي الله يرحمها اهي اللي كانت تطلعني وتوديني المستشفى ..اذكر الظلمة والبيوت المكسرة واذكر خالتي كانت خايفة واهي تمشي فيني ..
وبس هذا انا كل يوم طالعتلهم بشي ومعذبتهم بالمستشفيات

اذكر يوم كنت كل يووووووووووووووووم اشوف ليلى والذيب <<مسرحية الغزو المفضلة لكل الكويتين
عاد على يوم واحنا بالسرداب نشوفها وخالي كان يلعبني سمعنا صوت قوي وطاح التلفزيون وانكسر <<اخر احلامي كان

عاد يقولون يومها صار قصف على بيتنا وبغت تموت يدتي..الرصاصة وصلت يمها (هذا واهم بالسرداب)

اذكر يوم كانت السما سودة وماكانوا يخلونا اهلنا نطلع ونلعب ويطيح علينا بالحوش مثل اوراق بيضا من السما !!!<<الظاهر من اثار حرق الابار

اذكر يوم شارعنا كله عراقيين مع رشاشاتهم وكان في واحد جدام باب بيتنا وكنا احنا اليهال نفج الباب عاد سئلني تحبين بابا صدام والا باباجابر قلتله بابا جابر ..قال دشي دشي لا يجتلونج زين كان طيب وحبوب الله يجزاه خير وحتى سوالي قلاده ولبسني اياها ..بس يقولون عدموه <<سمعت غيره كانوا يذبحون اليهال سيدا اذا قالو بابا جابر

اما ابوي مايبت طاريه لانه كان بالسعودية مريض ..7 شهور ماشفته ...وسبحان الله مانسيته

كنت اكثر الاوقات افز من نومي ادوره ..وبيوم التحرير يوم قالوا بيرد اذكر مانمت ذبحتهم حنه متى يرد مع اني كنت صغيرة سبحان الله!!..يوم وصل باليل طلعت من غرفتي بعد ماعجزوا واهم يحاولون ينوموني (كنت انام واقعد) ركضت ركض وحضنته امبيه ماكنت مصدقة بعد عمري ربي لايحرمني منه

خالي العود وريل خالتي خذوهم اسرى وردوا ..اما خالي اللي اصغر منه خذوه اسير وعذبوه وردوه وردو خذوه اسير ايام التحرير بعدين ذبحوه

في شي اذكره وانا حاطه فبالي انه بعد الغزو ! بس مااتوقع يعني شيردهم والحدود مسكرة ؟

كانوا اييبون الاسرى مكلبجين ويخلونهم يسلمون على اهلهم ويردون ياخذونهم

واذكر كانوا يمنعون خالي من الكلام بس يسلم اقل من دقيقة ويجرونه وياخذونه

سوالف وايد ماتخلص ..بس حبيت اكتب واسكر ملاحمي التاريخية

 

[حناينq8]

السلام عليكم

مادري اذا انا كاتبه بالموضوع والا لا ..

بس صج شي يعور القلب

انا كان عمري تقريبا سنتين بالضبط يوم الغزو

كنت مع امي وخوالي بالكويت ..


بس والله اذكر اشياء بس الحمدالله مو اشياء تخرع..

اسمحولي اذكرها

شوفوا انا كنت اصلا غزو بحالي ..خلال اسبوعين كسرت ايدي وريلي هذا غير ان كذا مرة يسكرون على ايدي باب الدوانية العود
..وصار كسر بصبعي بعد واذكر خالتي الله يرحمها اهي اللي كانت تطلعني وتوديني المستشفى ..اذكر الظلمة والبيوت المكسرة واذكر خالتي كانت خايفة واهي تمشي فيني ..
وبس هذا انا كل يوم طالعتلهم بشي ومعذبتهم بالمستشفيات

اذكر يوم كنت كل يووووووووووووووووم اشوف ليلى والذيب <<مسرحية الغزو المفضلة لكل الكويتين
عاد على يوم واحنا بالسرداب نشوفها وخالي كان يلعبني سمعنا صوت قوي وطاح التلفزيون وانكسر <<اخر احلامي كان

عاد يقولون يومها صار قصف على بيتنا وبغت تموت يدتي..الرصاصة وصلت يمها (هذا واهم بالسرداب)

اذكر يوم كانت السما سودة وماكانوا يخلونا اهلنا نطلع ونلعب ويطيح علينا بالحوش مثل اوراق بيضا من السما !!!<<الظاهر من اثار حرق الابار

اذكر يوم شارعنا كله عراقيين مع رشاشاتهم وكان في واحد جدام باب بيتنا وكنا احنا اليهال نفج الباب عاد سئلني تحبين بابا صدام والا باباجابر قلتله بابا جابر ..قال دشي دشي لا يجتلونج زين كان طيب وحبوب الله يجزاه خير وحتى سوالي قلاده ولبسني اياها ..بس يقولون عدموه <<سمعت غيره كانوا يذبحون اليهال سيدا اذا قالو بابا جابر

اما ابوي مايبت طاريه لانه كان بالسعودية مريض ..7 شهور ماشفته ...وسبحان الله مانسيته

كنت اكثر الاوقات افز من نومي ادوره ..وبيوم التحرير يوم قالوا بيرد اذكر مانمت ذبحتهم حنه متى يرد مع اني كنت صغيرة سبحان الله!!..يوم وصل باليل طلعت من غرفتي بعد ماعجزوا واهم يحاولون ينوموني (كنت انام واقعد) ركضت ركض وحضنته امبيه ماكنت مصدقة بعد عمري ربي لايحرمني منه

خالي العود وريل خالتي خذوهم اسرى وردوا ..اما خالي اللي اصغر منه خذوه اسير وعذبوه وردوه وردو خذوه اسير ايام التحرير بعدين ذبحوه

في شي اذكره وانا حاطه فبالي انه بعد الغزو ! بس مااتوقع يعني شيردهم والحدود مسكرة ؟

كانوا اييبون الاسرى مكلبجين ويخلونهم يسلمون على اهلهم ويردون ياخذونهم

واذكر كانوا يمنعون خالي من الكلام بس يسلم اقل من دقيقة ويجرونه وياخذونه

سوالف وايد ماتخلص ..بس حبيت اكتب واسكر ملاحمي التاريخية

ماشالله عليج بهالعمر وذاكره هالمواقف اللي صارت لكم

الله حفظج الحمدلله ورد لكم ابوج بالسلامه

والله يرحم خالج برحمته راح حاله من حال شبابنا اللي يرحمهم
وحسبي الله على الايد اللي انمدت عليهم

وكل الشكر يقلبي على مشاركتج الغاليه

 

[ملك]

انا كان عمري 14 وكنا بالسعودية والله لايعيد هذيك الايام

 

[Abady2005]

والله فشلة اقوول طلعنا
احنا طلعنا وكنت اذكر كل شي ايامنا المأساوية بالسعودية مابقى قرية مابقى شارع ماوقفنا عنده
المشكلة ماعندج احد تعرفينه يدبرج ياويج
حالتنا كسيفة سبحان الله
احسوانا صغيييرة بس احس الهم كبيييير
الحمدالله اللي الله ردها لنا ولا من غيرها مانسوى شي

 

[حناينq8]

انا كان عمري 14 وكنا بالسعودية والله لايعيد هذيك الايام

آمين ومشكوره على مشاركتج

 

[حناينq8]

والله فشلة اقوول طلعنا
احنا طلعنا وكنت اذكر كل شي ايامنا المأساوية بالسعودية مابقى قرية مابقى شارع ماوقفنا عنده
المشكلة ماعندج احد تعرفينه يدبرج ياويج
حالتنا كسيفة سبحان الله
احسوانا صغيييرة بس احس الهم كبيييير
الحمدالله اللي الله ردها لنا ولا من غيرها مانسوى شي

حسبي الله عليهم شردوا العالم
والله لا يعيدها على احد
ومشكوره على المرور حبيبتي

 

[sanforaa]

موضوعج حلو جدا

كنت بدبي دار الحي

الله لايعيد ذيك الايام انشالله

 

[mrs_lonely84]

كنت صامدة مع اهلي و ما كانت عندي وايد ذكريات لاني كنت صغيرة بس اذكر كل شي صار

 

[حناينq8]

موضوعج حلو جدا

كنت بدبي دار الحي

الله لايعيد ذيك الايام انشالله

حلت ايامج حبيبتي
انا عقب التحرير رحت دبي يحلوها ويحلو ناسها

 

[حناينq8]

كنت صامدة مع اهلي و ما كانت عندي وايد ذكريات لاني كنت صغيرة بس اذكر كل شي صار

حياج الله حبيبتي

 

[جوري الكويت]

كان عمري 8 سنين

و سكنا في منطقه مشرف بيت عمي كان عندهم سرداب

مقابل القصر الأخضر اللي جدام ارض المعارض

و كانت براحه كبيره اللي الحين هي غرب مشرف

و لمن يصير رمي الدرايش و البيبان تتبطل

كانت ايام الله لايعودها

 

[حناينq8]

كان عمري 8 سنين

و سكنا في منطقه مشرف بيت عمي كان عندهم سرداب

مقابل القصر الأخضر اللي جدام ارض المعارض

و كانت براحه كبيره اللي الحين هي غرب مشرف

و لمن يصير رمي الدرايش و البيبان تتبطل

كانت ايام الله لايعودها

انشالله الله لايعودها من ايام

ومشكوره حبيبتي على مشاركتج

 

[P!ng P!ng]

الله لا يعيد هالايام والحمدلله ردت لنا الكويت والله مو ناسية يوم سمعت خبر التحرير
الحمدلله

الف الحمدلله

احنا كنا برا الكويت وانا كنت بالابتداءي كنا برا وابوي من سمع الخبر رجع التحق بالقوات اللي شاركت بتحرير الكويت
ورد لنا سالم الله يخليه لنا يارب امين

الله يرحم شهدائنا وشهداء المسلمين
وموتانا موتى المسلمين

 

[Ai-chan]

هلا إختي الغاليهـ

شكلي داشة عرض <<<< ما عليه كملي الحين

إختي الكبيرة لين الحين تقولنا قصص الغزو لأني انولدت عقب الغزو

كانت تقووووووول إن كويت كانت تعتبر من الدول المتطووووووورة كل شي فيها بس لما ياي الغزو خرب كل شي

تقول في كويتيين ما طاعوا يدخلوهم عالحدود فراحوا الدول الجريبة

و تقووووووول إن حتى ولد الممثل عبدالرحمن العقل خذوه أسير

تقوووووووول وااااااااااايد كنا نحاتي و نتريا أخبارهم

وااااااااايد قالت لنا خلتني أعيش هالفترة

الله يبعد عنا و عنكم كل شر

و تسلمين إختي على الموضوع

الله يعطيج مليووووووووون عافية

و الله يرحم بابا جابر له معزة في قلبي

^________^

 

[شيهانه20211]

انا كان عمري 9 سنين
طلعنا و رحنا سعوديه الحسا بعدين شهر 12 رحنا الريااااض

 

[om ali 2009]

الله رحمنا برحمته
بس الغزو له تأثير موطبيعي في نفوسنا
ذكرتيني بأشياء حزينة وقلبتي فيني المواجع ( الحمدلله رب العالمبن ) أنا كنت صامدة مع أهلي طول مدة الغزو كان عمري 16 سنة
اللهم ارحم شهدائنا

 

[^^السندريلا^^]

غير صاااااامده....لان الوالد توه متوفي و امي كانت بالعده فكان صعب عليها تقعد
اتجهنا لدار ابو الفهود...سابقا..ودار بومتعب حاليا..
بس صراحه كان فيها ايام حلوه وبنفس الوقت الغربه شينه

 

[حناينq8]

الله لا يعيد هالايام والحمدلله ردت لنا الكويت والله مو ناسية يوم سمعت خبر التحرير
الحمدلله

الف الحمدلله

احنا كنا برا الكويت وانا كنت بالابتداءي كنا برا وابوي من سمع الخبر رجع التحق بالقوات اللي شاركت بتحرير الكويت
ورد لنا سالم الله يخليه لنا يارب امين

الله يرحم شهدائنا وشهداء المسلمين
وموتانا موتى المسلمين

اللهم امين
ومشكوره حبيبتي على المشاركه