وين كنتي وقت الغزو ...صامده والا بره الديره ؟؟

[حناينq8]

اخخخخخخخخخخ على ذكرياتكم والله لا يعود ذيك الأيام ..
احنا كنا صامدين وكان عمري 4 سنين ..
بس ما انسى دخولهم علينا لا احم ولا دستور ..
ويعطونا كاكاوهم المعفن ..
يكسرون الموجود ..
وما يحترمون الكبير ولا الصغير ولا حرمة البيت ولا شي ولا شي ..

اذكر لما امي ويدتي وخالاتي قاعدين نطالع التلفزيون .. ورويشد يغني اشكوو اليك يا واهب النعم .. بلدي النظلم بلدي الكويت ..
ويبجون وانا معاهم ابجي ..
حتى اغنية يما لا تبجين ..

امبييييييييييييييييييييييييييييييييييييييييييييييييييييييييييييييييييييييييييييييييييييييييييه والله ايام الله لا يعودها ..

الله يحفظ الكويت وشعبها من كل مكروووه .. ومن كل حاسد ..

كلنا بجينا على هالاغنيه لان كلماتها يت بالصميم

ويعطيج العافيه حبيبتي

 

[حناينq8]

انا كنت في تركيــــــا ولمـــا صــــار الغــــزو رحنــــا البحريـــــــــــــن وسكننــــا في مدينــــة حمــــــــــــــد

وكــــانت أســـوأ أيـــام حيـــاتي الله لا يعيييد هالايااام وييييييييع (( على فكره البحرين وأهل البحرين تاج على الراااس انا ماااقصدهم ))

ما قصروا اهل البحرين ولا حكومتهم مع شعب الكويت

وحياج الله حبيبتي

 

[حناينq8]

صامدييييييييييييييييييييييييييين
والله لا يعود هل ايام كان عمري 5 سنين واذكر لما يات خالتي مقعدتني من النوم والله اني ماني قادره انسى هل يوم ولاني قادره انسى شنو كنت لابسه خالتي قعدتني تقولي قومي قومي حرب حرب بنروح بيت يدج وانا اقول لها اي حر عادي خلينا قاعدين هني ليش نروح بيت يدي ولا استوعبت شنو يعني حرب الا لما طلعنا بالشارع وشفنا الجنود وطريقة تفتيشهم للسياير ماهمهم حريم او يهال
واذكر بكل تفصيل شنو صار بالضبط وياريتني ما اذكر لانها جد اسواء ايام حياتي لي درجه اني لي الحين ولي هل عمر اخاف من صوت الرعد يذكرني بالغزو واحلى شعور لما تحررت الديره والله رجعها لنا وظهر الحق

نفس الكلمه اللي امي قعدتي من النوم فيها (قومي صار حرب )
وعليه علينا احنا وين والحروب وين

يعطيج العافيه حبيبتي

 

[حناينq8]

انا بالغزو كان عمري 12 سنه وكنا بالامارات شعب ينحط عالراس وشيخهم زايد الله يرحمه

اكييييييد
حبايبنا بالامارات ما قصروا انا رحت الامارات عقب التحرير وشفت بعيني

عساهم على القوه

ومشكوره على المشاركه حبيبتي

 

[ToOTOoWa]

صااااااااااااااامده وراسي مرفوع :q8:
وكان عمري 7 سنوات
واتذكر كل شي واالله
وكنا قاعدين في بيتنا العود بالرميثيه
وابوي كان بالمقاومه يوزع منشورات وخبز بمخبز الرميثيه
وصعدنا فوق السطح وكبرنا وهللنا :q8:
وقعدنا طول فتره الغزو الله لايعيدها من أيام
وبعد أتذكر لما الشيخ جابر قال كلمته فيه هيئة الامم المتحده
والله كنا نبي نتعشى لما سمعنا كلمته الكل قام وصفق وسوينه مسيره بشارع المدارس بالرميثيه بس طبعا مارحنا لانه كنا يهال:eh_s(16): ​

 

[حناينq8]

صااااااااااااااامده وراسي مرفوع :q8:
وكان عمري 7 سنوات
واتذكر كل شي واالله
وكنا قاعدين في بيتنا العود بالرميثيه
وابوي كان بالمقاومه يوزع منشورات وخبز بمخبز الرميثيه
وصعدنا فوق السطح وكبرنا وهللنا :q8:
وقعدنا طول فتره الغزو الله لايعيدها من أيام
وبعد أتذكر لما الشيخ جابر قال كلمته فيه هيئة الامم المتحده
والله كنا نبي نتعشى لما سمعنا كلمته الكل قام وصفق وسوينه مسيره بشارع المدارس بالرميثيه بس طبعا مارحنا لانه كنا يهال:eh_s(16): ​

عسى كل كويتي راسه مرفوع

ومشكوره حبيبتي على المشاركه الحلوه

 

[مرام2009]

السلام عليكـــــــــــــــــــــــــــــــم

قريت كثير من الردود والكثير كتب انه كان بالسعوديه بس ما سمعت مدح بالسعوديه وأهلها

أنا سعوديه وبصراحه زعلت أن ما أحد أثنى على السعوديين مع انهم أطيب ناس

والله يحمي الكويت وأهلها

هل من رد على كلامي

 

[حناينq8]

السلام عليكـــــــــــــــــــــــــــــــم

قريت كثير من الردود والكثير كتب انه كان بالسعوديه بس ما سمعت مدح بالسعوديه وأهلها

أنا سعوديه وبصراحه زعلت أن ما أحد أثنى على السعوديين مع انهم أطيب ناس

والله يحمي الكويت وأهلها

هل من رد على كلامي

عيل حبيبتي ما قريتي عدل

مو من شيمة الكويتيين التنكر لجميل اي احد
والموضوع اساسا مو للشكر والامتنان
الموضوع واضح من عنوانه : سؤال عن كل وحده من العضوات وين كانت

وحياج الله

 

[حناينq8]

للرفع

 

[Cander]

انا صامدة جداً

واتذكر كل تفاصيل الغزو مع اني كنت صغيرة

الله لا يعيدة آمييييييييين

 

[pop corn]

احنا كنا صامدين الله لا يعيد هالايام علينا وعلى ديرتنا الغالية والله شفنا الويل مع ان كان عمري 6 سنين بس ذاكرة كل شي

الله يحفظنا ويحفظ ديرتنا من كل مكروه

 

[كويتية و عتيبية]

أنا كانت أمي نفاااااس فيني.. :krkrkr:

بس سافرنا على طووول ثاني يوووم...

 

[حناينq8]

انا صامدة جداً

واتذكر كل تفاصيل الغزو مع اني كنت صغيرة

الله لا يعيدة آمييييييييين

حلوه صامده جدا


حبيبتي يعطيج العافيه

 

[حناينq8]

احنا كنا صامدين الله لا يعيد هالايام علينا وعلى ديرتنا الغالية والله شفنا الويل مع ان كان عمري 6 سنين بس ذاكرة كل شي

الله يحفظنا ويحفظ ديرتنا من كل مكروه

اللهم امين
وشاكره مرورج حبيبتي

 

[حناينq8]

أنا كانت أمي نفاااااس فيني.. :krkrkr:

بس سافرنا على طووول ثاني يوووم...

حبيبتي حياج الله

 

[حناينq8]

الله لا يعيد هذذاك اليووووووووووووووم
انا كان عمري 9سنين يعني افهم بس ما قعدنا بالكويت طلعنا و رحنا سعوديه و سكنا في الاحساء بعدين الريااااااض
الحمد لله ان ديرتنا الحبيبه ردت لنا عسى الله يحفظها و يحفظ لنا شيوخنا قولوا امين

آآآمين
ومشكوره على مشاركتج يقلبي

 

[جوري الخاطر]

الله لايعيد الشر
كان عمري عشر شهور ماأذكر شي
بس اهلي راحو المملكه
جوري الخاطر تحيكم جميعا

 

[ذكرى الفراق]

احنا قعدنا تقريبا اسبوعين ...وكنا ناوين نقعد ليما جندي عراقي مسك ابوي عند الجمعية ويقوله اذا عندك بنات وشباب اهرب بيهم ..الجيش الجمهوري لي وصل عندكم مايرحم ...وبصرااحة ابوي خاف علينا اغلبنا بناااات ماشالله ..وطلعنا لسعودية فبيت جدي بحفر الباطن وماانسى لما تابعنا كلمة بابا جابر المشهورة في الامم المتحدة واللي بكى فيها ونزلت دمعته لاجل الكويت وشعبها .. ولما صارت حرب تحرير الكويت طلعنا وخيمنا لان صار عالمنطقة ضرب بس كان احلى بر خيمناه ماشالله ارضهم حلوة ونظيفة ...بس ياحلاة برنا وقتها كنا مشتااااقين للكويت وكنا نشب نااار ونسمع الاخبار من الراديو ولما تحررت الكويت رحنا انا وخواتي وكتبنا كلمة free kuwait كبيرة على التل وكانوا الهيلوكبترات تمر من فوقنا وتشوفها ...كان عمري تقريبا 9 سنين بس ماانسى فرحة التحرير وماصبرنا اول ماتحررت ب26/2 ردينا اول شهر 3 ...والله ماانساها كانت كويت ظلمة من دخان النفط ...وفيه سوالف وااايد بس سوري طولت عليكم ومشكورة اختي على هالموضوع ..الغزو درس الواحد ماينساه خاااصه لما اهل الكويت كانوا على قلب واااحد داخل الديرة وخارجها.​

 

[بـريـق الـمـاس]

لا احنا كنا في مصر ام الدنياااا

 

[حناينq8]

الله لايعيد الشر
كان عمري عشر شهور ماأذكر شي
بس اهلي راحو المملكه
جوري الخاطر تحيكم جميعا

حياج الله يقلبي