ملفي للسلطات المبتكرة والسندويشات المميزة ...

[جوري وبنفسج]

السلام عليكم

حبوووبه هاذي السلطة الخطيره ودي اسويها بس بسإلج حمستج مالت الربيان شلون حمستيها يعني مع شنو لآن شكل الربيان في لون احمر شوي ...؟

حياج الله يا قلبي وتسلمين على ذوقج الحلو

الربيان حمسته بدون زيت بس لين يشرب مايه . أو ممكن تسلقينه مع شوية بهارات عدلة بس ما يطول سلقة لدقايق وبس أو ممكن تحطين شوية زيت وتحمسينه على حسب نوع الربيان أنا أستخدمت الربيان الفيتنامي المثلج . بس لا تحمسينه وايد علشان ما يصير يابس حلاته يكون نص ونص جوسي والنوع اللي أستخدمه ما يحتاج بهارات لأنه مو زفر واللون الأحمر هو لونه لأنه يختلف عن الربيان الخليجي ​

 

[مستكي*]

واو خطيرة هالسلطة:

 

[اسراء205]

السلام عليكم .... تسلم ايدج اختي والله لا يحرمنا من طبخاتج العجيبه

 

[رووري]

السلام عليكم





حياج الله يا قلبي وتسلمين على ذوقج الحلو

الربيان حمسته بدون زيت بس لين يشرب مايه . أو ممكن تسلقينه مع شوية بهارات عدلة بس ما يطول سلقة لدقايق وبس أو ممكن تحطين شوية زيت وتحمسينه على حسب نوع الربيان أنا أستخدمت الربيان الفيتنامي المثلج . بس لا تحمسينه وايد علشان ما يصير يابس حلاته يكون نص ونص جوسي والنوع اللي أستخدمه ما يحتاج بهارات لأنه مو زفر واللون الأحمر هو لونه لأنه يختلف عن الربيان الخليجي ​

تسلمين يا الغالية وانشالله اذا جربتها_03ba: بصورها .....

 

[رووري]

حبوبه انصحج اتسوين لج كتاب --- صدقيني راح ينجح

 

[حور الحلوة]

الله يعطيج الف عافيه ياقلبي

بس انا ما لقيتهم في مركز سلطان ؟؟ يمكن بالارفف لان انا كله ادورهم بالثلاجات

 

[القرآن ربيع قلبي]

يه يه شهالزين ضاق خلقي توني اشوفه
صدفه وصدفه خير من الف ميعاد
قاعدة اسجل كل السلطات وتطبيقها ان شاء الله قريب ياعسسسسسل
موضوعج يسوا له قسم من روعته الصراحه
ماشاء الله تبارك الرحمن عليج

 

[ام سحلي]

ماشالله عليج
انا شفت موضوعج من اول صفحة لاخر صفحة
حييل عجبوني السلطات تسلم ايدج وانا استفدت منج اشياء واجد كنت اتمني اعرفهاااا
مشكورة يالغالية علي هالموضوع وانشالله راح ننتظر منج اكثر

بالتوفيق

 

[عبيطة ما تستعبط]

بصراحه موضوعج هذا كنز


الله يعطيج العافيه وتبارك الرحمن عليج

 

[جوري وبنفسج]

السلام عليكم

الغالية مستكي ... حياج الله يا قلبي وتسلمين على المرور الحلو


الغالية اسراء205 ... تسلمين يا قلبي والله لا يحرمنا من مرورج الحلو

الغالية رووري ... حياج الله يا قلبي وناطرين تطبيقج الحلو . وبالنسبة للكتاب ما أفكر فيه وأفضل أن الكل يستفيد من الوصفات ويدعي لي دعاء حلو

الغالية حور الحلوة ... حياج الله . جان سألتي الموظفين ويدلونج . بس مثل ما قلت أفضل شيء أفرع السالمية والفحيحيل الصناعية وشرق

الغالية القران ربيع قلبي ... حياج الله يا قلبي وتسلمين على الكلام الحلو يا ذوق ومنورة الموضوع يا حلوة

الغالية ام سحلي ... حياج الله يا قلبي ونورتي الموضوع من أوله لآخره وننتظر تطبيقاتج الحلوة

الغالية عبيطة ما تستعبط ... حياج الله يا قلبي وتسلمين على ذوقج

وأنتظروني بعد شوية راح أحط لكم سلطة عجيبة وراح تعجب اللي يحبون الناتشوز . بس أصغر الصور وأضبطها وارجع لكم ​

 

[جوري وبنفسج]

رقائق التورتيلا بالدجاج

السلام عليكم

اليوم جايبة لكم طبق لذيذ .أنا ذايقته بمطعم دجاج تكساس بس ما عجبني طبقهم لأنه مو ذاك الحد بس أستوحيت منه فكرة الطبق وطبقته أمس بطريقة ألذ حتى أختي اللي ما تأكل دجاج أكلت الطبق وعجبها والحين بحطه لكم بعد ما أجازته لجنة الذواقة ... فديتهم

* رقائق التورتيلا بالدجاج *


تحتاجون

كيس رقائق التورتيلا >> أو ممكن تستبدلينه بالناتشوز





صدور دجاج تقطعونها مكعبات وتتبلونها لمدة ساعة وبعدها تشوينها بالشواية الكهرباء



أنا تبلت الدجاج بخلطة لقيتها جاهزة بس وايد حلوة وأسمها تتبيلة جمايكا وأضفت لها صلصة صويا وملح الثوم
وهذي صورة التتبيلة " موجودة بمركز سلطان "





أفوكادو + فلفل بارد أحمر >> تقطعونهم مكعبات صغيرة




والحين دور الصلصة نحتاج
شوية مايونيز + لبنة حامضة + كتشب + كتشب الحار من ماجي



نحط مكونات الصلصة بخلاط صغير ونضيف لها ملح الثوم + بقدونس أفرنجي




والحين نجيب طبق تقديم مسطح ونحط رقائق التورتيلا



وبعدين نحط الصلصة وبعدها قطع الدجاج ونحط فوقها مكعبات الأفوكادو والفلفل البارد وهذا هو الشكل النهائي للطبق


وأتمنى أن الطبق يعجبكم وصحتين على قلبكم ​

 

[جارة القمر]

تسلم هالأيادي


من زمان ما مريت

علي موضوع السلطات


رووووووووووووووووعه


تبارك الرحمن



ومشكوووووووووووووره



موضوع رووووووووووعه


ومتكامل

 

[حور الحلوة]

الله يعطيج الف عافيه


يالمبدعه


\\\\\\\\\\\\

 

[جوري وبنفسج]

السلام عليكم

الغالية جارونة حياج الله يا قلبي ونورتي الموضوع بطلتج الحلوة وتسلمين على ذوقج

الغالية حور الحلوة ... حياج الله يا قلبي وتسلمين على ذوقج . هاي بشري لقيتي جبن البارميزمن أنا أمس رحت مركز سلطان شرق وحصلته وحتى موجود في بعض الجمعيات مثل القرين .​

 

[ABEER FLOWER]

ما شاء الله تبارك الله
تسلم الأياااااادي جورية
و يعطيج ألف عااافية
الطبق حده يشهي
و تحياتي لـ لجنة الذواقة
يابختهم فيج مو لأنج تطبخين لهم لأنج عسسسسسسسل

 

[المتفائله دائماً]

يعطيج العافيه
ابي وصفات مطعم فدركرز

 

[المتفائله دائماً]

ما شاء الله وتسلم الايادي

 

[sweet noni]

مشاء الله تبارك الله فعلا مبدعه :ggdw:

واللي يعجبني انك تسوين اكثر شغلتين احبهم السلطات والسندويشات يمي يمي

وشغلك نظيف ومرتب ويفتح النفس ومفعم بالكلور غير انك تكثرين من الخس بأنواعه والجرجير والمرتديلا والتشيز

واكثرها ماتاخذ وقت وانا احب الأكلات السريعه والسهله

هالورد تقديرا لإبداعك :eh_s(7):

 

[اسراء205]

مشكوره وتسلم ايدج

 

[رووري]

حبوبه يعطيج العافية وجربت سلطة الربيان حدهااااا خطيييييييييييييييره وقلت بصورها عشان اتشوفينها

بس ماحطيت خس هولندي ماكان عندي ونسيت احط ذره ... ومع ذالك ... هم خطيره
ويعطيج الف عافيه