تجمع امهات 2008 حياكم

[الاستاذة]

صباح الخير بنات شلونكم؟

لوول داريني خدامتج ماتنعطى ويه واي ماحتريني انا كل يوم اقول بقوم افتشها واتكيسل اقولج وين هذا كارتون نتورك؟؟؟؟وخواتم جوسي يونسون انا خذذين 2 من امريكا واحد طلع علي اب 80 دولار اهما 3 يلبسون مع بعض وواحد اب 50 اهيا بجم اتبيعهم؟؟؟ اذا تبين خواتم حلوين بعد هريرا الي بالافنيوز عجيب خوتمه ناعمين

رقي شكلج قاعده اتاثثين بيتكم شنو بنيتو مو جنه توه طالعتلكم ارض؟؟؟

هلا شوقر شلونج؟؟؟ الحمدالله على سلامتج

ام وجيه انا بخير الحمدالله وامي بخير انتي شلونج وليش بتغيرين شقتج ترى الاجار نار الحين

عالم والله اجارج غالي معنه الرميثيه انتو ماخذين دور؟؟ انا اذا باجر ودي ابيان بس مابي اكثر من 300 على كيفي اهو

القاردينيا واي عالخدم بس الصراحه مانستغني عنهم

رقي البنيان هذا منتجع بالبحرين عجيب حده دشيت سايته وشوفيه يهبل بس غالي مصيبه

اقولج داريني يوم الخميس معزومين على عرس جنه نفس عايلتكم ماعندج عرس الخميس؟

 

[داريني]

الاستاذه
الخواتم على عشره تبيعهم
وكارتون نتورك في جمعيه شرق

والله ما ادري يمكن ما يصيرون لنا خو احنا انواع وايد هههههه شنو هالوصف بعد

 

[داريني]

ميته قهر
ما ادري انا بطه سوده بالدوام
حاطين الي معاي كلهم باللجنه
انا لأ
يا ربي وايد انظلمت
والله الفراش محشوم اكثر مني اهني بدوام

 

[رقي]

الاستاذه
قاعده اعدل شقتي اللي بالرميثيه
ومخلين بيتنا علي جنب
وان شالله اخلص
وحياكم كلكم

دردر
الله يعينج
وترا هذا مونصيبج
وان شلله الله يعوضج


بنات
شورو علي
صبغت الصاله كلها اوف وايت وطوفه عنابي
القعده محتاره فيها
اخليها بيجي وذهبي ولا بيجي وعنابي

 

[أم وجيه]

صباحوووووو

علومه وايد غالي الاجار 450 حتى لو واسع بعد شوي بتنزل الايجارات ان شاء الله
آنا على هذا الأمل وآنا بعد الاستاذه ماأبي أكثر من 300 بس مشكلة الفروانية ما أبي داخل وبنفس الوقت برا عند المخارج ماني لاقيه
وداخل مستحيل أسكن ولا على الغزالي مابي أدش لأني أساسا أكرها وآنا على المدخل ناحية العمرية وما أبي أبعد عن الشارع اللي آنا فيه بعد لأني قريبه على بيت أهل زوجي ويطول على اليهال وآنا بالدوام ولاسمح الله صار ما صار دقيقه يكونون عندهم هذا اللي شوي مهون علي قعدتي هناك

رقي إذا للحين ما اخترتي الصالة عيل ليش صبغتي عنابي المفروض تختارين الأثاث عقب الصبغ بس أعتقد اللون العنابي وايد قوي خلي القعده بيجي وذهبي بس عاد البيج وعندج يهال كل يوم يبيله فرك

لا تشيشوني على التغيير كل ما قلت بغير أقول لا حرام آنا مو ناويه أقعد بغير خلي الفلوس للشقة اليديده ان شاء الله عقب العيد برد أشد الهمة وأدور عدل

 

[أم وجيه]

دردر انتي البطه السوده عيل تعالي جنبي تعالي جنبي وآنا بعد كل الوعود والكلام الحلو حقي وكل الأفعال والزيادات والدورات حق غيري

 

[رقي]

الله يعينكم
عاد شعور الطلم موحلو
ولو تكلمتي صرتي من المغضوب عليهم

 

[داريني]

الاستاذه
قاعده اعدل شقتي اللي بالرميثيه
ومخلين بيتنا علي جنب
وان شالله اخلص
وحياكم كلكم

دردر
الله يعينج
وترا هذا مونصيبج
وان شلله الله يعوضج


بنات
شورو علي
صبغت الصاله كلها اوف وايت وطوفه عنابي
القعده محتاره فيها
اخليها بيجي وذهبي ولا بيجي وعنابي

صح مو نصيبي
بس مو قهر انهم حاطين اسامي ناس موجوده
واحد مصري باجازه شهرين
وحده اسبوع الياي اجازه شهر
وانا ماسكه شغلهم !!!
يعني عينك عينك ظلم
حسبي الله عليهم
مو علشان الفلوس والله
بس قهر لما تجتهدين واخر شي ماحد يلقيج ويه

وبالنسبه حق الصاله
بما لون الاغلبيه طوفه بجيه
حطي اثاث عنابي بذهبي
وصوفا ذهبيه على طوفه العنابيه وفوقها لوحه وقوزين عن جنب
تصير وااااااو

دردر انتي البطه السوده عيل تعالي جنبي تعالي جنبي وآنا بعد كل الوعود والكلام الحلو حقي وكل الأفعال والزيادات والدورات حق غيري

اخيييييييييييه سكتي ببجي
وين ما اطقها عوويه

 

[داريني]

الله يعينكم
عاد شعور الطلم موحلو
ولو تكلمتي صرتي من المغضوب عليهم

وصرتي حاسدتهم وعيوني ضيجه

انا من اشتغلت دخلوني مره وحده
وحده اشتغلت عقبي بسنه
دشت اربع مرات !!!!!!!!!!!!
معنى مو احسن مني عليها بالعافيه
بس لاني خامره بمكاني وما اتفرر على مكاتب و اوزع نكت وابتسامات وصباحات خير

 

[داريني]

رقي
ما قلتي شلون اداره النظم وتوجيه عندكم بالماليه ؟
وجم كادر بكالوريس نظم معلومات

 

[رقي]

مادري والله ماعرف الاداره
بس اهيا من الادارات العاديه
واحنا الكادر للكل مو علي نوع البكالوريا

 

[كويتية1]

السلام بنات حدي متنرفزة
امس وانه بالبيت احوس واليهال قاعدين بليل ولا اتفاجا ابجي ريونه بدار الخدم عاد رحت اتسحب ولا الخدامه القديمه طايحلته طق بريون تبي اتنومها وانه ما قلت لها نوميها ولا شي احتريت وانصدمت وقعدت اصارخ عليها واهيا حدها مستقويه وتقولي خلاص سوري اقولها تبين اوديج بوليس تقولي ليش انه سوي موت بيبي!!!! خفت الصراحه ودقيت على ريلي قلتله تعال طقها حرتني ويوم ياها ولا اتبجبج زفها وراح عاد اليوم الفير طيارتها بس اهيا ما تدري حدي محتره احي اني ما طلعت حرتي

 

[كويتية1]

وفهود مسكين يقولي ماما قوليلها ان ريونه كانت ابطنج ويبتيها ليش اتطقها حده كسر خاطري وغورقت عيوني
عاد هذي عندي من 3 سنين وحده ممدللينها واغلب الوقت ما عندها شي صج منكر حسنه

 

[رقي]

امبيه من صجها
لاتتعلم الخدامه الثانيه
وتبلش طق فيها
الله يعينج ويسخرها لج

 

[كويتية1]

اليديده حدها خافت وتلم اليهال ادخلهم دارهم

 

[كويتية1]

احتريت وياني شعور مابي خدامه بس ما اقدر عيالي صغار ويبيلهم مجابل بالزواره ولا لما اقطهم ابيت اهلي انه ما اخليهم بالبيت بروحهم الحمد الله بس انقهرت قلت هذا وانه بالبيت عيل لو اني موموجوده جان علووووم
حسبي الله عليهم مجرمين ومو كفو نعمه

 

[داريني]

مادري والله ماعرف الاداره
بس اهيا من الادارات العاديه
واحنا الكادر للكل مو علي نوع البكالوريا

اها
اوكي صانكيو
بس اذا عرفتي شي بلغيني خيتوو

وفهود مسكين يقولي ماما قوليلها ان ريونه كانت ابطنج ويبتيها ليش اتطقها حده كسر خاطري وغورقت عيوني
عاد هذي عندي من 3 سنين وحده ممدللينها واغلب الوقت ما عندها شي صج منكر حسنه

امبييييييه يا عل ايدها الكسر
قطيعه لازم يستسبعوون قبل لا يسافرووووون
لازم يتركون اثر طيب مالت عليهم
ديري بالج انا الخدم مستحيل اخلي بروحهم بدار والباب مصكر اذا عيالي داخل
لانه ما ادري شنو يسوون !!

 

[داريني]

عاد توني كلمت مسئولنه
توني بتكلم جان عيوني تدفر دموووع
فهم وقالي ادري الحق معاج

 

[داريني]

بنات امس جوجي يقولي سوي شهر 8 قبل رمضان عيد ميلاد حق اليهال

مالي خلق اقوله تعبت حوسه و لويه
شرايكم وين اسويه في البيت ولا مطعم
امس شفت اعلان كارتون نتورك يسون حفله !!

 

[أم وجيه]

كويتية1 الله يعينج أكيد قلبج للحين محتر عليها زين انها بتمشي
والحلو انج ما تخلينهم معاها بروحهم اهم لازم لهم حركات
آنا اللي عندي أمس تبي تنيم فطوم غصب وفطوم تبجي ما تبي أقولها ليش بتنيمينها تقولي الساعه 11 أقولها وانتي شكو مو آنا موجوده
روحي نامي منو قالج تقعدين اهي أساسا ما تنام معاج تقولي علشان انتي تعبانه قلتلها مو شغلك تعبانه مو تعبانه عيالي آنا أولى فيهم

ما أدري دردر بس يبيله لويه العيد ميلاد وتجهيزات والناس الحين تزهب لرمضان والعيد إذا مو لازم لا تسوين