**(تجمع امهات 2009 حياكم )** (( تم دمج جميع تجمعات مواليد 2009 من قبل الاشراف))

[أمونة الحلوة]

والله انا خالاتي كلهم قالولي الكمون زين نعطيه اليهال والله انا عطيتها ماشاء الله نفع معاها بس مو بروحه حطيت من كل شي شوي اللي اهم حبه الحلوه والكمون والينسون

 

[om_7san]

ام جنى الحمدالله على سلامتج حبيبتي وتتربى بعزج جنون
بس ليش مانعطي حق اليهال ماي
انا ولدي لازم اعطيه ماي شكر أو ماي خالي لو شوي بس لازم ابلل ريجه شوي
وحتى ماي غريب امس وديته الطبيب علشان الغازات الي فيه قالي عطيه ماي غريب وقتله اخففه جان يقولي لا لا تخففينه عطيه اثنين ملي بس انا خفت وخففته بالماي
وهم امي تفوحله حبة حلوه ويونسون وكراويه ونعطيه
بس اذا عطيته ماي شكر ما عطيه حبة حلوه يعني مو طول اليوم حليب لازم اعطيه شئ منهم
بس ماقتلج الدكتوره ليش مانعطيه الماي اول مره اسمع انه لمه ياكل نعطيه

 

[m6m6m6]

السلام عليكم انا اليوم سهرانه وكنت اشوف تجمعكم ومدام انا والده من اربع شهور حبيت اشارك واسولف معاكم علي طاري الدوا اللي يهدي البيبي عندي دوا اسمه باسوبان من ماركه هملايا الصراحه فضيع

 

[al7noona]

الله يسلمج 6 و7 و9

اي ماشالله كبار علشان جذي انتي ناسيه الله يحفظهم ويخليهم لج

انا بناتي بينهم 3 سنين ونسيت كل شي لوووووووووووول :dddds:

 

[om_3azoz]

ايي حتى انا اول مره اسمع

والحين حر خيسه واكيد الياهل يعطش

 

[al7noona]

السلام عليكم انا اليوم سهرانه وكنت اشوف تجمعكم ومدام انا والده من اربع شهور حبيت اشارك واسولف معاكم علي طاري الدوا اللي يهدي البيبي عندي دوا اسمه باسوبان من ماركه هملايا الصراحه فضيع

اييي هملايا الي تنقطين بحلجه صح
هذا بعد زين اهوا ودوا غاز

 

[om_3azoz]

في دوى غازات يديد يايبينه من امريكا على قوله الدكتوره اهوو صاير خااثر لونه ابيض اسمه dentinox
مرتين باليوم صايرلي يومين اعطيه زين

بس مادري خروجه اسود واايد ليلحين بطنه فيه وصااخه على قوله خاالتي بطنه ماانظف

 

[om_3azoz]

مالي خلق وحدي متضاايقه متهااوشه مع بوعزوز

 

[أمونة الحلوة]

بالعكس الماي وايد زين والحين حر لازم يشرب الياهل ماي

 

[al7noona]

مالي خلق وحدي متضاايقه متهااوشه مع بوعزوز

لا تضيقين خلقج وروحي راضيه :dddds:

 

[أمونة الحلوة]

مالي خلق وحدي متضاايقه متهااوشه مع بوعزوز

هذه بهارات الحياه
وان شاء الله باجر من تقعدون الا طايح الحطب :ggdw:

 

[بحر الغموض]

نيلفار

وايد قفشه ماي غريب للبيبي عطيه اقل وبعدين لا تخلطين شي مع الحليب ترى بعدين يغير عليه طعم الحليب الاصلي ويكرهه

وبعدين اشفيكم مستعيلين على اكل اعيالكم هدوووا اللعب اشوي لاحقين
لاتعطونهم شي غير الحليب ولما يدخل 3اشهر عطوهم ماي اشوي
وعطوهم دوا اعشابلو ىتعبوا من الغازات واشويه برتقال لو صار امساك
ترى الكبد عند البيبي ما اكتمل نموها واذا دخلتوا اكل تمر وغيره ترى يتعب الجسم على المدى البعيد
خلو كل شي عالفطره حليب كافي عليه وزود خصوصا لو حليب الام

بالنسبه للطهاره بعد ما تطيح الحلقه ظليت حطيت ميبو ولما رحت للطبيب باليوم السابع مراجعه قالي من تطيح الحلقه وقفي الميبو وحطي كريم الفيوسيدين الكريم الابيض وفيه خطين احمر واسود قالي هذا بعد ما تطيح الحلقه علشان يمنع اي التهاب
وطبعا لا تنسين تنقعينه بماي وملح


وبعدين البفاق زين للطفل لان المعده تكبر لاتعطونه ماي او غيره خلوه على راحته لا تضايقون البيبي حرام عورتو قلبي على سوالفكم
طبيعي البفهاق خلووووووووووووووووووووووووووهم على راحتهم لا تحاشرونهم
حليب وبامبرز ونوموهم ليش تسوون فيهم جذي؟؟؟,,,,,,,, سوري انفعلت حبتين ههههه ماعليه

ام جنا الف الحمدلله على سلامتج ونورتينا بانضمامج لنا

 

[om__jana]

ام حسن الله يسلمج حبيبتي
انا رايي من راي بحر الغموض وهذا نفس راي الدكتور قاللي الحليب يكفي والياهل بعده على هالسوالف ولو هذي الاشياء مهمه او محتاجها الياهل جان الله خلاها بحليب الام او حطوها بالحليب الصناعي وعلى الماي قال هم ماله داعي الا اذا نتتتتتتفه ورى الحليب عشان بس الحلج ينظف من الحليب لكن يكون احسن اذا بدى ياكل نبدي نعطيه الماي

 

[om_3adoOol]

ام جنى حبيبتي حمدلله على السلامة ومبرووووووك ماياج وتتربى بعزج انشالله

ها شلون الولادة وشلون الأمومة وياج :eh_s(6):

 

[om_3adoOol]

بنات شلوووونكم وشخباركم ؟

وشلووووووون البيبيات ؟

 

[.Rotana.]

روتانا ليش 5 مرات ماي غريب؟؟؟؟؟؟؟؟؟؟؟؟؟
حرام عليج هذا مو ماي عادي

ليش هالكثر تعطينه؟؟ عطيه حزة نومته اذا يننج ومانام مو طول اليوم نايم

انا مازن العيسى قايل لي اعطيه بكل رضعه
انا خففت وقلت مابي اخاف يأثر
لان الغازات مو طبيبعه حيل حيل لعلمج معطيني مع الماي غريب بمبي غاز بكل رضعه يقول مره هذا ومره هذا
شكو تقولين حرام عليج
حسستيني مسويه شي غلط ومايتصلح
ع العموم مشكوره

 

[.Rotana.]

روتانا انا استخدم مال الصيدليه المستوصف ماجربته

ليش شنو فيه اللي يدوخ البيبيات؟

مادري احس في فرق مو نفس الشي
اصلا حتى لونهم غير عن بعض
مال المستوصف على صفار والصيدليه ابيض مثل الماي
اهو معروف ماي غريب ينوم ويهدي بطن البيبي من الغازات

 

[.Rotana.]

السلام
شلووونكم
بسالكم اللي يستخدمون مميات دكتور براون لمن تحطون الحليب واتخضونه ينكت حليب عالارض ولا بس عندي لانه قلت المميه يمكن خربانه بس جربت كذا وحده نفس الحاله شلون؟؟

هلا اي بنك شلونج
بنات تجمع مايو ولكموو
شوفي انا جذي بس لما تحطين العود المصاص الي داخل صكريه حيل
بس بعد يطلع شوي انا نفسج

 

[هــلا الكويت]

السلاااااااام عليكم ..

منورين بنات تجمع مايو .. مشتاقتلكم كلكم ..

بحر الغموض لوووووووووول شكلج طفرتي من عندنا .. ترى اغلبنا بجريه يعني عليميه على قولتهم

طولي بالج علينا ..

:klhfl:

 

[om__jana]

ايوااااااااااااااه بنات التجمع كلهم اهني

ام عدوووول شلونج؟؟ انا تماااااااام والامومه اتينن بس ولهت عالنوم خخخخخخ

هلااااااااااا شلونج ؟؟