{ونـــــــــــــــاستنا في رشــــــــــــاقتنا }(تمديد الى 17-7)

[مس يو]

قوه بنات
مس يو عليج بالعافيه ...و أي و الله المنتدى يعلق مني و احنا نخربط لووول

هلا والله مها... شلونج... اي المنتدى صارله اسبوع واكثر بس يعلق بالليل والله يضيق خلقي اقعد اقرا ايميلاتي واحوس بمنتديات ثانية بعد شسوي مااعرف انام مبجر :0bee2e8d89:

والله يعافيج...

 

[مس يو]

مس يو

يعافيج حبيبتي
ويبارك فيج اهوا تشوفينه صعبه
بس انا لا شغله ولا مشغله عرفتي
والله وقتي يضيع مو حاسه فيه وحدي مستانسه الحمدالله لوول

اي فنكيه صح بس انتي وراج تجهيز للعرس شلون بتفضين الله يعينج ...

 

[Bs.ana]

أنتي قاعده تسوين الديتوكس الحين؟؟؟


شلون بتلغين الفواكه ؟؟؟ ما يبقالج شي تآكلينه ؟؟

انا بقولج شنو بسوي

الصبح
كابتشينوا طبعاً بدون سكر

الغدى

2 همبورجر + سلطه
او
صدر دياي مشوي او مفيوح + سلطه

المغربيه
كابتشينوا

العشى
سلطه
او
شوربة
او
بيضه + سلطه

وبس :ggdw:

 

[مس يو]

مس يو أي نادي أنتي مشتركه فيه؟؟

انا مشتركه بمعهد الهلال الصحي..

 

[~ MhMh ~]

من من ياقلبي و الله في سنه من السنين برمضان طلعت منه نازله 8 كيلو بدون ريجيم

تدرين شنو كنت أسوي : أفطر على 3 تمرات و ماي
أقوم أصلي
بعدين أشرب سفن عادي مو دايت مع عصير ليمونه أخلطهم ويا بعض مع كبه و سمبوسه يعني ما أكثر

بعدين نروح التراويح و لما أرجع آكل لقيمات أو من حلو رمضان بس شويه مع القهوه
الساعه 10 بليل آكل توست مع فول أو لبنه أو جبن مع عصير الليمون بخلطة السفن آب
و بس

 

[Bs.ana]

اي فنكيه صح بس انتي وراج تجهيز للعرس شلون بتفضين الله يعينج ...

شكلنا مراح نملج
لانه في سوالف صايره عرفتي فماادري الحين شنو السالفه

فعشان جذي قمت اسكت عن الموضوع وتاركه كل شي بيد اهلي

 

[مس يو]

مس يو بالعافية عليج الفول بس لا تكثرين والزنود اي كلش مو حلوين اذا عراض الله كريم ان شاء الله

الله يعافيج... لا ماكثرت بس كليت اللي شفتيه تقريبا 3 قفاش ولما قلت طحت فيه طيح يعني استمعت بكل لقمة :dddds:

اي والله صاجه كل ماشفت وحده زنودها ضعاف اقول لازم زنودي يصيرون جذي نعومه ولما اشوفهم على الدراريع اقول لا خلهم شوي متروسين حلو شكلهم :dddds: ..<<< احترت بس ابيهم يشدون من تحت لان من فوق معضلين لووول بس مايبن بالعين المجرد<<< عيل بشنو يبين

 

[mn.mn]

مهمها لا جذي يووووووووووووع انا ما اقدر ان شاء الله بحاول ما اكثر والله كريم

فنكية بعد عمري الله يكتب اللي فيه الخير ان شاء الله لا يضيق خلقج اذا نصيبج بتاخذينه

مس يو من الرجيم ينينا ما ندري شنسوي بعمرنا :dddds:

 

[~ MhMh ~]

فنكيه حلو نظامج ... ما شاء الله
بس الكابتشينو العاديه سعراتها وايد... في كافي لاتيه من تروبيكانا حيل حلوة و سهله تآخذينها الدوام و الجيس فيه 60 سعره بس

 

[مس يو]

شكلنا مراح نملج
لانه في سوالف صايره عرفتي فماادري الحين شنو السالفه

فعشان جذي قمت اسكت عن الموضوع وتاركه كل شي بيد اهلي

لا ان شاء الله ماكو الا العافيه .. الاختلاف لا يفسد للود قضيه .. يوووو يوم خطبتي شكثر صارت سوالف.. وكل يوم تتعقد السالفة اكثر لحد مايأست بعدين ملجنا .. بس طبعا مو بيني وبينه لاني ماكلمته وشفته الا بالملجه بس مرة ابوي توفت وامي سافرت ...و و و إلخ سوااااااالف مالها اول من تالي لدرجه اهم فكروا ان احنا صرفناهم بس الحمدلله تمت على خير...

واذا مافي نصيب بينكم بعد شتسوين اللي كاتبه الله بيصير..ماتدرين وين الخيره

 

[~ MhMh ~]

مس يو
حلو النادي بس يبيله فرااااغه
مفكره اشترك دام عندنا الحين عطله بس أخاف زحمه

 

[mn.mn]

انا الحين اخليكم بروح اصلي وبعدين بودي ولدي العود عنده نادي لي رديت اطل >> هذا اذا لقيتكم

وان شااااااااااااااااااااااء الله اليوم امشي قبل العشا

 

[Bs.ana]

فنكية بعد عمري الله يكتب اللي فيه الخير ان شاء الله لا يضيق خلقج اذا نصيبج بتاخذينه

على قولتج حبيبتي
الي الله كاتبه بيصير وانا امسلمه الامور لله

 

[~ MhMh ~]

فنكيه زين تسوين خلي الموضوع بايد اهلج و انتي خليج تطالعين من برا لبرا
اهم افهم بمصلحتج ... و الله يكتبلج اللي فيه خير لج

 

[Bs.ana]

فنكيه حلو نظامج ... ما شاء الله
بس الكابتشينو العاديه سعراتها وايد... في كافي لاتيه من تروبيكانا حيل حلوة و سهله تآخذينها الدوام و الجيس فيه 60 سعره بس

شسوي احلى شي عندي لوووووووول
ايي ادري بس ماينفع بالدوام ايب كابتشينو مالي وامر عليهم عرفتي
:eh_s(6):

 

[مس يو]

من من بخصوص سؤالج امس عن العيش انا رديت بس علق المنتدى وماقدرت ادخله كلش

اول شي مو برياني البرياني مشخول مع زعفران

والدياي مفيوح شلون مو مفيوح انا فحته لمده 20 دقيقة بعدين حطيت عليه العيش وكمل سواه مع العيش ... وبس...

 

[~ MhMh ~]

من من الله وياج
احنا موجودين بإذن الله بس لا يعلق المنتدى هههههههه

 

[Loving Stella]

انا اقولج شتسوين شوفيلج كريم شد حلووو ويذوب السلولايت

واخذي لج اثقال حجم كل واحد كيلوين ونص.. حطي الكريم ولفيه بجيس علشان يحتر بسرعة ويبدا يسوي مفعول

وسوي رياضه الزنود كل يوم اقل شي 100 مره علشان تشوفين نتيجه وتقدرين تشوفين التمارين باليوتيوب.. بس اهم شي الاستمرار واخذي القياسات كل فتره وقبل لا تبدين ...

مشكووورة حبيبتي مس يوو اي والله انا بمشكله
باي كريم تنصحيني فييه؟؟ :0bee2e8d89: و صج تهقين القى نتيجه لاني صج تعبت

 

[FuLL.MooN]

مساء الخير مرة ثانية
واي من من ون اله اله اسة ماشاء الله 8 كيلوات برمضان لااله إلا الله ... عيني عليج باردة جم حزتها وزنج كان ....

 

[مس يو]

مها.. انا النادي اللي مشتركه فيه 3 ايام بالأسبوع بس لان يوم رجال ويوم نساء عرفتي... بس الحين زحمه مووووووت وازعاج.. بس وناسة تغيير جو وحماس لما تشوفين البنات واهم يعلبون تتحمسين وتشدين حيلج...