تجمع المسافرات الى لندن شهر 7 وشهر 8 ؟

[ombadra80]

بالنسبة لهارودز هذي الباصات اللي توقف يمه:

9, 10, 14, 19, 22, 52, 74, 137, 414, c1

137 يوقف بشارع اكسفورد، و414 يوقف بشارع اجواررود

أماعين لندن، فما عندها باص معين إلا رقم 77، بس هذا ما له محطة في اكسفورد أو اجواررود، ما لج إلا باص رقم 139 يوقف بين ماركس سبنسر وسلفريج، يوصلج عند محطة قطار واترلوو القريبة من عين لندن
ومن موقع عين لندن في النت يقولون ان الباصات اللي توصل هي 211, 24 , 11 والله أعلم وين توقف هالباصات

ويبقى متحف الشمع، واقرب باصاته 13.18.27.30.74.82.113.139.159.274

 

[MissChoco]

بنات بعرف مصنع الكادبوري وين؟؟؟ بخاطري اروحله


ومانشستر جم ساعه على ما اوصلها؟





وبنات صج اذكر قبل رحت المزرعه الي اقطع فيها فراوله ومن هالسوالفه حدها عجيبه,, عرفتوها؟؟
اذا بغينا ناجر سياره وانروح اشلون؟

 

[MissChoco]

حيااااتي والله تسلمييييين :**





بنات اشلون اسعار الشقق؟؟

 

[ombadra80]

بنات أحد راح هذي المدينة؟

chessington

هي مدينة ألعاب ومنتزه وحديقة اسماك وحيوانات

يا ريت تفيدونا اذا تسوى أو لأ؟

 

[mr000]

أختي أم بدر منطقة تشيزينجتون هذي مدينة ألعاب وديت لها عيالي بس بصراحه من زمان يمكن قبل 10 سنين حجزت لها من مكاتب السياحه اللي بأجوررود ودونا من الصبح لي المغرب بس جنها كانت بعيده بالباص!هي زينه حق اليهال استانسوا بس عيبهم أنه طوابير هاللعبه! يمكن ألحين تغيرت أو زادوا فيها ألعاب أكيد نظموها أكثر!

 

[mr000]

أختي مس شوكو أعتقد مصنع الكادبوري في برمنجهام مره قالولي عنه وأنهم يبيعون كرتون الفليك رخيص كلش بس قالولي بالقطار من لندن 3ساعات وشوي فمايسوى أروح يوم واحد وأرجع! بعد تأكدي من المكان بالأنترنت أحسن!

 

[mr000]

حبيبتي فديت روحي طمنينا عالوالده أشلونها ألحين؟ وأنتوا اشلونكم عسى محد فيكم تعادى بعد؟ أتوقع فلونزا عاديه لاتخافون هذا من البرد ديروا بالكم لاتتسبحون وتطلعون!!! بنات محد راح كوفينت غاردن ترى حلوه تونس حق التمشي وهي سوق ومحلات خل أقول لكم على محل فيها مثل لاسنزا يبيع بجامات وتيشيرتات مع شورتات شغلات حلوه حق البيت أسمه ديفيد أند غولياث وألحين عنده تنزيلات! خل أتأكد من السايت مالهم وأحطه لكم ألحين

 

[mr000]

خواتي اللي تحب تشوف الملابس والبجامات عند محل ديفيد آند غولياث تفتح عالسايت مالهمwww.davidandgoliathtees.com

 

[q8tia27]

مشكوره مروو صراحه تفاعلج مع البنات كبير ماتقصرين ويعطيج العافيه انتي وباجي البنات

 

[aldana]

الاخت الي سألت عن مصنع الكادبري في برمنجهام ترا قريب من لندن مو بعيد يمكن ساعه او ساعه ونص بالقطار و لما توصلين هناك تاخذين باص او تكسي الى المصنع و صج وناسه تجربه وايد حلوه بس ترا ماراح تلاقين كل انواع الكاكاوات هناك لان هذا مو المصنع الحالي ه

 

[moone GRL]

الباصات اللي تودي لعين لندن rv1 ، 139 ، 59

واحسنهم ال rv1 لانه يمر قريب حيل من لندن اي .. الباجي يوقفون عن الويترلو الاندرقراوند قريب من عين لندن


الباصات اللي تودي للهارودز 9 ، 10 ، 14 ، 74 ، 414

متحف الشمع باصات رقم 139 ، 13 ، 74 ، 274

وترا باص رقم rv1 يسوي جولة حلوة لو ما عندكم شي بس ركبوا بالباص يمركم على لندن اي و تور اوف لندن ويمر صوب النهر اخر شي ينزل بالكوفنت قاردن

 

[aldana]

مصنع الكادبري تحجزين تذكره دخول و تدخلين اول شي يقصون لج قصه المصنع ومنو اسس هالمصنع بعدين تروحين صاله ثانيه فيها شاشه و يورونج شلون تصنيع الكاكاو من البذره الى ان يكون كاكاو كادبوري
و بعدين تشوفين المصنع و تذوقين الكاكاو السائل واكو كاكاو غير مخصص للاكل بس تكتبين فيه و تسوين اشكال ........واي وناسه خوووش تجربه ان شاءالله تروحين و تجربين وبالنسبه للفليك ترا سعره نفس السوق مو ارخص

 

[فديت_روحي]

بنااات اشلووونكم شخبااركم


فديت روحي يااحياتي مايشوفون شر وترا عادي لا تخافوووون انا بنت خالتي وعيالها وزوجها وخدامتها بلندن قاعدين جم سنه لانها تدرس ويا ريلها واتقول من طلعت انفلونزة الخنازير واحنا ماسمعنا عنها خير شررررر
وتخيلي بنت خالتي الثاني همن تدرس بامريكا واتقول ابدااا ماكو شي ولا كمامات كلشششش,

وترا هذي اشاااااااعه صدقيني ,, والدليل انه بدة باول العطله عشان الناس لا تسافر دول اوروبا وامريكا ,, وليش ماتكلمو عن شرق آسيا والدول العربيه؟؟؟ فكري فيها
هذي سياسه تراا ,, وشوفي شرق آسيا انا رايحتلها وخصوصا تايلند استغفرالله الخنزير وانتو بكرامه بالشوارع يبيعون لحمه وعالشارع قمة الوسااخه اوووف :×

هلا والله بعد قلبي
لا ما اعتقد لان احنا بعد صار فينا وصار بولد خالتي وربعه كلهم بالكليه صار فيهم
صج بس عادي مايخرع مثل انفلونزا العاديه بالضبط وقال يبيله جم يوم عشان تتشافى كلش
وصاجه ماكو كمامات ولا شي

فديت روحي حبيبتي انشالله الاحد نسوي الاوكي انا يايه عالخليج بس اتأكد من الحجز و الوقت اقولج قوليلي شنو اخذ لبس معاي والله احترت ناس تقول صيفي و ناس تقول لازم ملابس ثقيله شوي

انشالله

اخذ1ي معاج هدوم صيفيه او ربيعيه عادي وفوقهم ييبي جاكيت ,اذا صار برد لبسيه
وبالحر فصخيه

بس عموما الحين صاير الجو بارد

 

[al5aldee]

يعطيج العافيه ام بدره ويعطي محمود العافيه علي معلوماتكم الحلووووه واتمني لكم سفره موفقه بعيده عن الخوف والمحاتاة وسلمي علي بدرية ودلول ونوره لوووووووووووووووول

 

[معلمة روضه]

بنات بعرف مصنع الكادبوري وين؟؟؟ بخاطري اروحله

موجود في برمنجهام

تروحين له عن طريق محطة ماريلبون او ايستون ستيشن

بس يصلح حق الاطفال يستانسون فيه بس حلاته تنامين ليله هناك مو تردين بنفس اليوم عشان تتمشين في برمنجهام

 

[فديت_روحي]

حبيبتي فديت روحي طمنينا عالوالده أشلونها ألحين؟ وأنتوا اشلونكم عسى محد فيكم تعادى بعد؟ أتوقع فلونزا عاديه لاتخافون هذا من البرد ديروا بالكم لاتتسبحون وتطلعون!!! بنات محد راح كوفينت غاردن ترى حلوه تونس حق التمشي وهي سوق ومحلات خل أقول لكم على محل فيها مثل لاسنزا يبيع بجامات وتيشيرتات مع شورتات شغلات حلوه حق البيت أسمه ديفيد أند غولياث وألحين عنده تنزيلات! خل أتأكد من السايت مالهم وأحطه لكم ألحين

هلا والله مروه


الحمدلله الحين اشوا خفت الحراره بس ليحين كله دايخه ومنسدحه وحاطه كمام عشان ما تعادينا

واهي بعيده عننا مسكينه
ويدتي عطوها حبوب تامي فلو نفس مالت العلاج بس كل يم حبه عشان ما تتعادى يعني وقايه

واليوم رحت سلفرجز امبي ينييييييييت
اشياء تيييييينن موطبيييه

بس مو كل شي علييه سييييييييل!!

بس شريت اكسسوارات
قلوب وجذي والهدوم بس قعدت اشووف والجنا بس لقيت عليهم نظره ماعرف اشتري بروووحي :0bee2e8d89:

كنت اتسوق بروحي اليوووووم

ورحت عند قسم الميك اب وكل شوي رايحه عند ماركه واشوف الكولكشن اليديد والبيست سيلر

واجرب علي هههه ورديت

بس شفت دور واحد

الارضى

ماشفت الادوار الباجي!! تعبت ودار راسي ههههههه

 

[فديت_روحي]

كويتيه 27

رحت قوتشي بسلفرجز ماكو ولا جنطه زرقه!!

سألتهم قالو كان فيه وحده كبيره زرقه مطفيه مربعه بس خالصه

وفيه بعد جناط بيوصلون بس الاسبوع الياي يقول تشكيله يديده

 

[معلمة روضه]

فديت روحي
وناااسه اليوم استانست صراحه بكوفنت جاردن لاتطووووفج
وشريييييت كوكييييييييز عجييييييييييييييييب يم يم من محل اسمه بينز كوكيز bens

صراحه خوووش سوق ودي جدتج راح تستانس حتى اذا معاكم يهال راح يستانسون عالعروض الحيه (ببلاش إلا اذا تبون تعطونهم من خاطركم ...شحاذه ذربه)

رحت مع اخوي هناك تغدينا جاكيت بوتيتوووز (بطاط مشوي) ومعاها سور كريم والثانيه شيز اند بتر
يم يم

وحجزت لنا حق وندسور من محطة بادنجتون حق باجر لسوق و قلعة وندسور

صراحه بلاش التذاكر للعوايل عكس تذكرتي مع اخوي فرق يعني اللي معانا 4 وطفل ب 18 باوند وانا واخوي 17 باوند!!!
لا تطووفكم وتقدرون تروحين لليجو لاند اللي يبون يونسون عيالهم

 

[فديت_روحي]

هلا والله معلمه

عليكم بالعافيه ياقلبي

اليوم رحت سيفلرجز وضعت هههههه

انا يايه حق سوق بس مو هامني الا المشترى ههههه

ماعرفت شنو اشتري من السيل ولا من الشغلات اليديده؟

المشكله الاشياء اليديده غاليه وايد ماقدر اشتري كل شي منها

شرايكم
وبنفس الوقت ابي شي اخر موديل خخخخخخخخ

والليحو لاند شنو فيها
احنا اصغر واحد عندنا 14 والثاني 17 وانا 22 يعني ماكو يهال

 

[moone GRL]

بنات شنو فيه مطاعم حلوة بلندن غير مطاعم الاجور لاعت جبدي منها

مشكلتي احاتي الاكل حلال ولا لا .. لو حتى بطلب كيكة من مطعم مو حلال اقول اكيد حاطين فيها دهون او جيلاتين حيواني واكيد مو حلال


قولولي شنو تاكلون ومن وين ... ومابي مطاعم غااااليه حيل