{ ...الدكتورة رشا الصفي تجيب على استفسارتكم ..} استضافة اسبوعية

[pe-engineer]

السلام عليكم

دكتورة بغيت أسأل , ولدي بيكمل السنة انشاء الله متى أقدر أعطيه المكسرات و القيمر و العسل و الربيان؟

وشلون طريقة المكسرات؟ يعني أنقعه بالماي أو اني ابشره وأعطيه؟ والكمية؟

اشرايج أعطيه فيتامينات " كيدز اسكيمو" ؟

مشكوووورة

 

[pe-engineer]

و بغيت أسأل عالسمسم؟ و زبدة الفول السوداني؟

 

[نـــــ أم ـــــور]

دكتورة انا بنتي عمرها سنة ونص وزنها 8.6


اعطيها حليب بدياشور

بليل تقريبا 250 الى 300 مل

والظهر 100 مل

يكفيها


واكلها مثل اكلنا بس يعني ماتاكل وايد واذا عطيتها شوي اكثر تطلعه او ترجعة يعني مثلا الغدا صحن الاستاكنة احط فيه عيش والايدام ( سمج او لحم او دجاج او ربيان ) العيش والايدام كلهم بهالصحن الصغير

والريوق اوقات كرواسان وخيار او كورن فلكس

وبين الوجبات بسكوت كريم كراميل

بس كل شي بكمية صغيرة

وجم المفروض يكون وزنها وطولها بهالعمر


والسؤال الثاني الله يجزاج الف خير

وديتها الرازي لاني لاحظت مشيتها غلط انا علا بالي العيب بركبتها بس الدكتور قالي ان كل شي سليم ما عدا الكعب بريولها اليسرا صاير لي داخل شوي الدكتور يقول في ناس لما يكبرون بروحة يتعدل وفي ناس لا يبيله شي يساعدهم يعني اروح افصلها جوتي طبي وشسوي


وبنتي بهالعمر ما تتكلم وايد والله تقول بابا دادا بطاطا حبة هاته وماتناديني ماما كله تناديني دادا الا اوقات بالاسبوع مرة

شسوي ما شاء الله تبارك الرحمان بنت حماتي اصغر من بنتي ب 5 اشهر وتسولف وتنادي بنتي بأسمها وتقول جدي واشياء وايدة

عفية شسوي بنتي احس نموها متأخر وخايفة عليها حتى اني احس انها اقصر من اللي بعمرها


ومشكورة وسامحينا على الاطالة

 

[مليت الغربة]

عظم الله اجركم ويعطيكم الصبر

 

[^kloOot^]

قوه دكتوره شلونج
وحشتينى والله

دكتوره طبعا يمكن عافه موضوع بنتى (جوري ) وقلتيلي الافضل انج تسوين تحاليل لها

بس الحمدلله الحين طلعلها اسنان 2 تحت
وقامت تتقلب عادي


بس في مشكله دكتوره انها ليلحين ماتمشي سنه و4 شهور والاسبوع الياي يصير سنه و5 شهور

ماااااااااتمشي دكتور
المواساه وطيبه كلينك يقولون مافيها شي اهي خوافه
اوقفها بروحها توقف دقيقتين وطيح وتموت من الخوف وتصارخ وتقعد
وتمشي طبيعي وتمسك القنفات والطوف والى مسكتها بيد وحده تمشي معاى بس اذا هدتيها تمشي خطوتين وطيح او تعاند
شسوي شالحل


كل يوم تمرين وغير الحضانه

بس اشوف اغلب اليهال بعمرها يمشون
هل اهو عادي
ومتى مايكون عادي دكتوره باي عمر اذا تعدت سنه ونص مثلا ؟؟ لانه في دكتور قالي انها مدام متاخره بكل شي فطبيعي

 

[نور-الكويت]

جزاج لله خير يا دكتوره وجعله الله في ميزان حسناتج اللهم امين
انا ولدي عمره شهرين ونص والحمدالله يرضع طبيعي بس تخيلي اربع ايام وحزه خمسة ايام ما يخرج هل هذا طبيعي واذا لأ شالحل

 

[الولو]

السلام عليكم دكتوره يعطيج العافيه

ولدي عمره ٥ شهور و عشر ايام و صار له اسبوع خروجه وانتي بكرامه زيتي و سااائل و بكميه كبيره و احياناً يكون متقطع :0bee2e8d89:

يخرج مكرم السامع ٤ مرات باليوم

مع العلم انه يرضع طبيعي و ياكل مره باليوم فاكهه او عيش ميلوبا او بسكوت ميلوبا <<< هل في حاجه اوديه الطبيب؟

 

[الولو]

و عفوا دكتوره بس حبيت اضيف انه خروجه اليوم كان فيه قطع حمرا و انتي بكرامه و اسفه ع الوصف بس شسوي :$

 

[ام سلومd]

السلام عليكم دكتور عندي استفسار الله يسلمج طالع في ولدي الوسطي عند خصية جيس ماي لدرجة انها وحدة صاعدة و حدة نازلها هذي تاثر بعدين اذا كبر لانه صج تحسن وحدة صاعدة و حدة نازلة ازيادة عن اللزوم وايد ناس يقولون ترى اذا مالحتي عليه بعدين اذا كبر اكثر اراح يصير وياه عقم
الصبي عمرة ثلاث سنوات

 

[د. رشــا الصفــي]

مشكورة دكتورتنا

ويعطيج العافية

العفو حبيبتي

الله يعافيج

سلام دكتوره حبيبتى اول شي حبيت اشكرج وثاني شي بسالج انا بنتى خدج ولدتها 30 اسبوع قعدت بالشيشه شهرين وزن الولادة كيلو وميتين عطاني الدكتور حليب سيميلاك نيو شور بس كلش ما تقبلته وقعدت ترجع الحين عطيتها نو فلاك للامسام بس بنتى مشكلتها بالمساك ما تخرج الا بتحاميل وثالث شي شلون احسب عمر بنتى من تاريخ ولادتها ولا من يوم طلعتها من المستشفى اهيا الحين ثلاث شهور ونص وقصب قصب تشرب درجتين متى اقدر اضيف الاكل لها

بالنسبة للحليب اذا متقبلته ووزنها يزيد زين معاه مو مشكلة

أول ما كان عندنا نيوشور و اليهال كانوا ممتازين و الحمدلله المهم تقبل الطفل للحليب و استفادته منه

العمر ينحسب من تاريخ الولادة

بس التطور و الأكل يفضل انج تحسبين من يوم طلعة المستشفى

الأكل نضيفه بعد ما يكمل الطفل 6 شهور

مشكوره دكتوره عالرد ماقصرتي حبيبتي

حياج يا قلبي

ولدي يحب الفواكه يعني اهرسها له وياكلها و يعرف يبلع بس الخضار ما ياكله يسوي روحه غاص

و بستفسر منج شغله ..
خالتي تعطي ولدي نوتيلا ( الكاكاو السائل ) كامل الدسم و مرات قيمر و حلاو مصاص و فطاير و فيه سمسم و أي شي موجود

و ولدي 6 شهور ونص ولما اقولها تقولي عادي خل ياكل مو صغير ..

حتى البطاط المقلي تقول عادي
والسؤال يقول .. هل صحيح نوع الاغذيه إلي تعطيها ولدي ولا مو زينه ؟؟

وانا لما اعطيه من الخضار كلشي مفيوح و نوع من الفاكهه فمرات اقول يمكن لانه تأسس على الكاكاو و الحلويات فقام يكره الخضار لأنها مو حاليه

اتمنى الرد على رسالتي و شكراً .

اول شي كلامج انتي صح

ولدج تعود على طعم الحلا فبالتالي طبيعي انه يرفض الماصخ و المالح

الأكل اللي تعطيه اياه خالتج مو صحي نهائيا

الأشياء هذي مثل النوتيلا و القيمر و البطاط المقلي كلها بعد السنة

المفروض ولدج الحلين اكله معتمد بشكل كلي على الخضار فقط

الفواكه بهالفترة راح تخليه يكره الخضار

حاولي تعطينه الفواكه اللي فيها طعم الحلا مثل البطاطا الحلوة و الجزر و القرع في البداية و عقب دخلي معاها الأنواع الثانية بالتدريج

و عقب رديله الفواكه

السلام عليكم..شلونج دكتورة يعطيج العافية على التعب معانا...انا بنتي عمرها شهر وترجع بشكل كبير مع اني ارضعها طبيعي..بعض الأحيان ترجع الرضعة كاملة مرة او مرتين باليوم؟؟؟بصراحة خايفة عليها

هلا حبيبتي الله يعافيج

الارتجاع المريئي شي شائع جدا بالأطفال

يكون الترجيع بشكل كبير بعد الرضعة و لكن الوزن يزيد بشكل طبيعي

و المشكلة تنتهى غالبا على الشهر السادس لما يبدا الطفل يقعد بروحه و ياكل اكل غير الحليب

في حلول طبعا

اول شي بالنسبة للرضاعة الطبيعية لازم تستمر

تخلين البيبي على كرسي الأطفال اقل شي ساعة بعد الرضعة

بالنسبة للصناعي اكو حليب خاص بهالحالات موجود بكل انواع و ماركات الحليب مكتوب عليه مضاد للأرتجاع

و الكرشي طبعا و اذا ما نفع في ادوية نعطيها للبيبي

السلام عليكم

ولدي عمره 8 سنوات من بدا الصيف واهوه سهر ولعب بي اس بي ومن فتره اشتكى من عيونة تحره وقال الطبيب انه التهاب وعطانا قطرات ومرهم واليوم يشكي من دوره براسة هل العرضين لهم علاقة مع بعض مع العلم انه الكل يقول انه ضعفان حيل

التهاب العيون ماله علاقة بالدوخة

و لكن

اذا يشتكى من زغللة بالعين او يشتكى انه ما قام يشوف زين مع الصداع او الدوخة

لازم

تودينه طبيب أطفال يقيم حالته

بالنسبة للوزن مع العطلة و لخبطة النوم و الوجبات

اضطرابات الوزن صارت شي اساسي من شكوى الأمهات سواء نزول الوزن او زيادته

حاولي تنظمين نومته اكثر و تعدلين وجباته

و ما يشوف شر

طمنينا عليه

السلام عليكم

دكتورة بغيت أسأل , ولدي بيكمل السنة انشاء الله متى أقدر أعطيه المكسرات و القيمر و العسل و الربيان؟

وشلون طريقة المكسرات؟ يعني أنقعه بالماي أو اني ابشره وأعطيه؟ والكمية؟

اشرايج أعطيه فيتامينات " كيدز اسكيمو" ؟

مشكوووورة

المكسرات بعد 3 سنوات علشان نخاف الطفل يشرق فيهم

القيمر و العسل و الربيان بعد السنة

المكسرات ما عندنا طريقة لها : بعد 3 سنوات باكلها عادي

الفيتامينات كلها مثل بعض و نعطيها للطفل الهزيل جدا وا اللي عنده مشكله معينة

بس الطفل السليم نحاول ما نعطيه فيتامينات

و بغيت أسأل عالسمسم؟ و زبدة الفول السوداني؟

زبدة الفول السوداني ممكن ياخذها بعد السنة اذا كانت ناعمة

و السمسم ممكن اذا كان مع الأكل مثل الصمون و التوست

و بكميات قليلة

دكتورة انا بنتي عمرها سنة ونص وزنها 8.6

وزنها قليل شوية بالنسبة لعمرها المفروض اقل شي يكون 9 كيلو

اعطيها حليب بدياشور

بليل تقريبا 250 الى 300 مل

والظهر 100 مل


يكفيها


لا ما يكفي تحتاج زيادة رضعة الظهر مثل الليل




واكلها مثل اكلنا بس يعني ماتاكل وايد واذا عطيتها شوي اكثر تطلعه او ترجعة يعني مثلا الغدا صحن الاستاكنة احط فيه عيش والايدام ( سمج او لحم او دجاج او ربيان ) العيش والايدام كلهم بهالصحن الصغير

والريوق اوقات كرواسان وخيار او كورن فلكس

وبين الوجبات بسكوت كريم كراميل

بس كل شي بكمية صغيرة

انا بصراحة لاحظت ملاحظة شخصية ان الأطفال اللي ياخذون بيدياشور او بروجرس بلذات تكون شهيتهم قليلة للأكل لأنه مغذي حيل و سعراته عالية و سويت وايد فيقلل شهيتهم

اذا تبين ممكن تغيرينه الى نوع حليب عادي رقم 3 للأطفال بعد السنة و تشوفين شنو يصير معاج

وجم المفروض يكون وزنها وطولها بهالعمر

اقل شي الوزن 9 كيلو و الطول 70 سم

والسؤال الثاني الله يجزاج الف خير

وديتها الرازي لاني لاحظت مشيتها غلط انا علا بالي العيب بركبتها بس الدكتور قالي ان كل شي سليم ما عدا الكعب بريولها اليسرا صاير لي داخل شوي الدكتور يقول في ناس لما يكبرون بروحة يتعدل وفي ناس لا يبيله شي يساعدهم يعني اروح افصلها جوتي طبي وشسوي

ممكن تلبسبنها جوتي طبي يساعدها


وبنتي بهالعمر ما تتكلم وايد والله تقول بابا دادا بطاطا حبة هاته وماتناديني ماما كله تناديني دادا الا اوقات بالاسبوع مرة

كلامها طبيعي لعمرها

شسوي ما شاء الله تبارك الرحمان بنت حماتي اصغر من بنتي ب 5 اشهر وتسولف وتنادي بنتي بأسمها وتقول جدي واشياء وايدة

ما شاء الله بنت حماج كلامها سريع مو بنتج متأخرة

عفية شسوي بنتي احس نموها متأخر وخايفة عليها حتى اني احس انها اقصر من اللي بعمرها


ومشكورة وسامحينا على الاطالة

ما قلتيلي جم طولها ؟

هذا اقتراح مني و لج الاختيار تسوينه ولا لأ

ااول شي غيري الحليب الى نوع عادي بعد السنة مثل ميلوبا 3 او سيميلاك 3 او نان المهم

غير البيدياشور و البروجرس

و شوفي اذا في تغيير من ناحية الشهية و لا لأ

انا شخصيا جربت هالطريقة بعد ما لاحظت فقدان الشهية عند عيالي و الحمدلله الحين تحسنوا وايد

و بعدين بالنسبة لحجم بنتج شوفي حجمج انتي و ابوها اذا كانت اجسامكم صغيرة و لا كبيرة راح تطلع مثلكم

خبريني شنو يصير معاج

ناطرة ردج

عظم الله اجركم ويعطيكم الصبر

يزاج الله خير

 

[د. رشــا الصفــي]

قوه دكتوره شلونج
وحشتينى والله

هلا و غلا

و انتي بعد وحشتيني

دكتوره طبعا يمكن عارفه موضوع بنتى (جوري ) وقلتيلي الافضل انج تسوين تحاليل لها

بس الحمدلله الحين طلعلها اسنان 2 تحت
وقامت تتقلب عادي

الحمدلله ممتاز


بس في مشكله دكتوره انها ليلحين ماتمشي سنه و4 شهور والاسبوع الياي يصير سنه و5 شهور

ماااااااااتمشي دكتور
المواساه وطيبه كلينك يقولون مافيها شي اهي خوافه
اوقفها بروحها توقف دقيقتين وطيح وتموت من الخوف وتصارخ وتقعد
وتمشي طبيعي وتمسك القنفات والطوف والى مسكتها بيد وحده تمشي معاى بس اذا هدتيها تمشي خطوتين وطيح او تعاند
شسوي شالحل


كل يوم تمرين وغير الحضانه

بس اشوف اغلب اليهال بعمرها يمشون
هل اهو عادي
ومتى مايكون عادي دكتوره باي عمر اذا تعدت سنه ونص مثلا ؟؟ لانه في دكتور قالي انها مدام متاخره بكل شي فطبيعي

من اهم اسباب تأخر المشي عند الأطفال الطبيعيين هو

الزحف على المقعدة Bottom Shuffling

يكونون اطفال فحوصاتهم كلها طبيعيةو فحصهم سليم بس مشكلتهم الخوف فيزحفون على المقعدة و يأجلون المشي

ما تحتاجين تسوين شي

غير انج تمسكينها و تمشينها بالتدريج بعيد عن الأثاث خطوتين او ثلاث مو وايد ما نبيها تخاف

و بس تدريجيا راح يروح منها الخوف

و تمشي بروحها

 

[د. رشــا الصفــي]

جزاج لله خير يا دكتوره وجعله الله في ميزان حسناتج اللهم امين
انا ولدي عمره شهرين ونص والحمدالله يرضع طبيعي بس تخيلي اربع ايام وحزه خمسة ايام ما يخرج هل هذا طبيعي واذا لأ شالحل

اذا انتي عندج امساك و ترضعين طبيعي راح يصير مع البييب امساك

انتي كثري سوائل و فواكه و خضروات و عالجي الامساك اذا كان موجود عندج و راح يتحسن البيبي

السلام عليكم دكتوره يعطيج العافيه

ولدي عمره ٥ شهور و عشر ايام و صار له اسبوع خروجه وانتي بكرامه زيتي و سااائل و بكميه كبيره و احياناً يكون متقطع :0bee2e8d89:

يخرج مكرم السامع ٤ مرات باليوم

مع العلم انه يرضع طبيعي و ياكل مره باليوم فاكهه او عيش ميلوبا او بسكوت ميلوبا <<< هل في حاجه اوديه الطبيب؟

و عفوا دكتوره بس حبيت اضيف انه خروجه اليوم كان فيه قطع حمرا و انتي بكرامه و اسفه ع الوصف بس شسوي :$

يفضل انج تودينه حبيبتي

ممكن يكون عادي بس دام ما شفت بنفسي ما اقدر احكم و اقول لج عادي لا تودينه

و القطع الحمرا شنو يعني دم مثلا ولا شنو ؟

وديه الطبيب احسن يشوفونه و يسوون لج فحص للخروج

السلام عليكم دكتور عندي استفسار الله يسلمج طالع في ولدي الوسطي عند خصية جيس ماي لدرجة انها وحدة صاعدة و حدة نازلها هذي تاثر بعدين اذا كبر لانه صج تحسن وحدة صاعدة و حدة نازلة ازيادة عن اللزوم وايد ناس يقولون ترى اذا مالحتي عليه بعدين اذا كبر اكثر اراح يصير وياه عقم
الصبي عمرة ثلاث سنوات

وديه ابن سينا جراحة الأطفال بتحويل من المستوصف

يشوفونه فعلا جيس ماي ولا الخصية طبيعي وحدة صاعدة ووحدة نازلة

بالنسبة للعقم يصير اذا الخصية كانت داخل البطن و مو نازلة بالكيس كلش

بس طالما اهي موجودة تحت بس مرتفعة شوية ما منها خطر

 

[نور-الكويت]

دكتورتنا العزيزه انا مافيني امساك واروح الحمام عادي بس البيبي خمسة ايام ماخرج واهو الطبيعي البيبي في عمر شهرين ونص جم مره يخرج ؟؟؟

 

[نور-الكويت]

مشكوره على المجهود المبذول وجزاج الله خير

 

[daloola]

السلام عليكم
يعطيج العافيه دكتورتنا الغاليه

لو سمحتي بسئلج ...بنتي عمرها 4 شهور بالضبط وتشرب سميلاك ادفانس...بس 4 مرات باليوم ترضع 120 مل !!!1 هل الوضع طبيعي؟
اذا كانت نايمة ما اقعدها اخليها تكمل نومتها.... والخروج كل 3 ايام بس عادي مو امساك
وبالنسبه لعمرها متى ابدي احطها على كرسي؟ رقبتها رخوة واااايد لما جربت اقعدها راسها يطيح يمين ويسار الرقبه مو شادة كلش
سامحينا على الازعاج ومشكورة وايد

 

[لايكسرك همك]

بنتي عمرها أربع سنوات ولم أعلمها على الحمام إلا بعد ثلا ث سنوات لانها مرت بعملية خلع وفي أثناء تعليمها البنت أصابها إسهال قوي إلى أن أحمر جلدها والتهبب وإلى يومنا هاذا وهي تخاف من الذهاب إلى الحمام وتحب ان تخرج في البامبرز مع العلم أن البنت مرات يمسك بطنها ومرات يمشي وتشتكي في بعض ت الأحيان من ألم في مقعدتها وعملنا لها كل التحاليل الطبية وكلها سليمة ولم يبقى إلا تقرير أشعة الرنييم المغناطيسي على الظهر

 

[الولو]

يعطيج العافيه دكتورتنا

 

[شاطىء الامل]

السلام عليكم
يعطيج العافيه دكتوره على مجهودج
عندي جم سوال
ولدي بعد 6 ايام يدش التاسع 1-شنو ممكن اعطي اكل انه اسويله كوسه وجزر مسلوق بس مايحب طعمهم علشان جذي احطله موز معاهم يصير وله لا ومرات احطهم مع ملوبا فواكه علشان طعمه حلو ويغطي 2- يصير اسلق الخضار واحطهم بالثلاجه لثاني يوم واعطيهياه 3- اهوه للحين مايقعد عدل يعني لمن يقعد مايوقف ضهره بسرعه ينام على بطنه بس دايما يمسك اي شي ويحاول يوقف على اطراف اصابعه عادي يسوي جذي ولا مبجر يوقف الحين

 

[نـــــ أم ـــــور]

ما قلتيلي جم طولها ؟

هذا اقتراح مني و لج الاختيار تسوينه ولا لأ

ااول شي غيري الحليب الى نوع عادي بعد السنة مثل ميلوبا 3 او سيميلاك 3 او نان المهم

غير البيدياشور و البروجرس

و شوفي اذا في تغيير من ناحية الشهية و لا لأ

انا شخصيا جربت هالطريقة بعد ما لاحظت فقدان الشهية عند عيالي و الحمدلله الحين تحسنوا وايد

و بعدين بالنسبة لحجم بنتج شوفي حجمج انتي و ابوها اذا كانت اجسامكم صغيرة و لا كبيرة راح تطلع مثلكم

خبريني شنو يصير معاج

ناطرة ردج



دكتورة بنتي طولها 72 بس يمكن لاني كنت اقارنها مع يهال اعمارهم سنتين احس اطول منها بفرق تقريبا 15 سانتي او 20

وانا الحين غيرت حليبها الا ميلوبا 3

اول يوم هذا اشوفها تشربه بس احس بدياشور لانه طعمه احلى تشرب كمية اكبر

والأكل مادري ليلحين مالاخظت ان شاء الله عقب اسبوع ابلغج بالنتيجة

انزين دكتورة ميلوبا يعطيها فايدة البدياشور وأيهما افضل


وجزاج الله الف خير ياقلبي تعبناج معانا

 

[pe-engineer]

سلام دكتورة:

ممكن تعطيني جدول اسبوعي ل (ريوق, غداء, عشاء) طفل عمره سنة؟ أو تنصحيني بسايت فيها هالشي؟

مشكووووورة بعد عمري