ديوانية بيت العمر

[اخت فروحه]

شيوخة شخبارج

شنو جولتج اليوم؟

 

[اخت فروحه]

 

[اخت فروحه]

ياجماعة ابي احط صور وما ابيها تطلع كبيرة

شنو الحللللللللللللللل ؟؟؟؟؟؟؟؟؟؟؟

 

[اخت فروحه]

شيوخ نا قلت لج رسمي لغرف اليهال اقصد مثل جذي بس رسم مو ورق جدران






او مثل هذي

 

[شيوخه]

فروحه هذه الصفايه شنو صورتيها بابيات عجيبه يا احلى فروحه :ggdw::ggdw::ggdw::ggdw::ggdw:

 

[شيوخه]

الصور حلوه والرسم يهبل بس منو اللي يضبطه لج جذيه
المهم جولتي يا طويلة العمر امس شبكت بقولج بس ما لقيتج كانت جوله عجيبه ما خليت مكان اول شي رحت ديكورات الخالد ولقيت مهندسة الديكور وعطتني عرض السعر بس ما ناسبني بعدين رحت البيت الامريكي وشفت اخر الموديلات والخام والموضه الحين كله التفته بس الطقم ب 6و 7 وبعدين رحت احوس على الصفايات لقيت شي مشابه للصوره والصفايه العاديهه بس قالي الريال ما انصحج بهذه للحمام لان ما علي غطا فالمجاري راح تطلع ريحه بالحمام علشان جذيه شكلي راح اخذ العاديه بس الصغيره بو 15 سم مو بو 20 وبعدين رحت محل امدحوه البنات بالنت لورق الجدران والاقمشه وصراحه يهبل الكتلوجات كلها طلبيه نفس معرفي واسعاره حلوه والخام للتنجيد تركي وايطالي وامريكي بس احلى شي التركي كجوده وسعر وموديلات وبعدين وهذا المهم رحت حق منجره واصفينها لي وصراحه ما توقعت الخشب نفس شكل كبتات ابل بالضبطططططططططططططط والسوليد مو قشره نفسهم والكتلوج عنده واختاري اللي تبين اهو هندي له 30 سنه بالكويت والمنجره ما عليها لافته ومت على ما دليتها وقلت له حط لك لافته جان يقول انا زبايني من ناس لناس واهم اللي يدلوني والمهم والاهم ان سعره زوين مو خيال ولا رخيص بس بحدود دريم كيتجن يعني بحدود امكانياتي واليوم الجمعه يعني عندي اجازه و عليج بقراءة سورة الكهف وادعيلي معاج والي اللقاء مع تقرير السبت باذن الله تعالى

 

[شيوخه]

نسيت اقولج اخر شي رحت ايكيا بشوف شغله المهم على السريع وانا ادور والا يلفت انتباهي غرفه ورديه تينن احسبها ورق جدران والا تطلع صبغ محل صابغها بس عجيبه معتق او معرق مادري شلون صايره خذيت رقم المحل ودقيت بس ماردوا يمكن باجر ادق باذن الله لي صارت لج روحه شوفيها

 

[اخت فروحه]

مشكووووووووورة شيوخةه عالتقرير والله يعطيج على قدنياتج ويوفقج ويوفق الكل


اي هذي الصفاية صورتها لج

عفية عفية عفية اوصفيلي المنجرة اللي تقولين عنها او دزيلي رقم الهندي عالخاص

مووووووووتنسين ضروري والله محتاجة


وبالنسبة لايكيا احسن شي انهم يحطون المحل اللي ماخذين منه الصبغ ورقم الصبغ ونفس الشي لورق الجدران والارضيات


ناطرة رقم المنجرة او الوصف بلييييييييييييييز لاتتأخرين

 

[شيوخه]

دزيت العنوان بلغيني بالنتايج وشرايج بالصفايه عاديه بس المهم معقدتني ام غطى بس الظاهر مردي لها

 

[اخت فروحه]

مشكورة شيوخة
اليوم ماكوشي مفتوح وباجر معزومة ان شاء الله الاحد اروح واكتب لج التقرير

الصفاية حلوة بس تصدقين اللي ماشدني لها انها مفتوحة وليما الحين مافكرة لما نخلص ارضيات افكر فيهم
وبالنسبة للعادية اللي 15سم ترى فيه بعد 10سم وتلقينهم بأبيات ارخص من السوق حيييييل لاتشترين من بره

 

[اخت فروحه]

انزين بالنسبة للدرابزين شنو سويتوا ؟؟؟؟؟؟؟؟؟؟؟؟؟

خذيت جولة ذاك اليوم بالمناطق وعجبني واحد وترى يبيله شهرين على مايخلص بس ليما الحين ما اتفقنا

 

[شيوخه]

انا شاريه الدرابزين مع البيبان والله يستر ويضبط بالتركيب والكهربائيات كل ما خذيتي ابجر كل ما كان احسن لان كل فتره يرفعون الاسعار

 

[شيوخه]

الصفايات اخذي الايطالي من فهد السويد جنب الخليجيه اذا تبين ام غطا وابيات صج ارخص بس النوع يفرق

 

[funy_face]

lovelley
but im sorry to write in eng. becuse i can't write in arabic

 

[شيوخه]

lovelley
but im sorry to write in eng. Becuse i can't write in arabic

تكتبين بالانجليزي بالهندي المهم حياج الله معانا وتجربتج حبوبه

 

[ام وهابي]

لسلام عليكم
حابه اعرض لكم فيلا فخمه بالاردن و اللي مصممتها بنت راعي البيت واهي مهندسة ديكور
تفضلوا والطشوا منها بعض الافكار

 

[ام وهابي]

 

[ام وهابي]

ونجي حق غرف النوم شوفوا لفخامه والبساطه بنفس الوقت

 

[ام وهابي]

واخيرا المطبخ

 

[اخت فروحه]

يعطييييييييييييييج العافلية ام وهابي


فعلا انتي مكسب للديوانية