خلاص معزمة على رجيم التمر اللبن منو معاي؟؟؟؟

[حور العيون]

مووفقـين ياارب

 

[Bnt.Azmer]

هاي بناااااااااااااااااااااات انا تحجيت واختفيت كنت مريضة والله

واليوم بلشت بارجيم ودي ابلش عشر ايام واشوف نزول الوزن اوكي ولا لأ واذا مانفع ودي اسوي عشر ايام رجيم هوليود الي بس فواكة

بس حاليا على التمر واللبن ونشوف انشالله نضعف ونصير سمبتيكات بنات مابقى شي على العيد نبي نشري مقاسات صغيرة

يعني اهو السوق بروحة لوعة بكون للعيد تخيلي تفترين ودورين مقاسات كبيرة ونفسية اكس اكس !!!

ا ان شاء الله نبي نروح بكل ثقة نتمشى ونقي على كيفنا

ترى يمدي العيد يمكن 19-9


يعني من الحين نصغر شوي هالمعدة عشان حتى بالصيام مانتعب ونكون نازلين جم كيلو ويالله كل جمعة كل وحدة بس تقوم تشوف وزنها وتحط لنا عشان انتشجع

 

[همامة]

هلا بنات

انا اليوم اول يوم
و الحمد لله اموري لي الحين طيبة
عسى الله يصبرني بس

قبل ساعة تقريبا شربت كوب ماء دافي كأنه جاي يعني
يقولون زين حق الامساك و انا الامساك ملعوزني

بالتوفيق للكل



بندول ضبطي امورج و لا يغريج شي

 

[Bnt.Azmer]

هلا بنات

انا اليوم اول يوم
و الحمد لله اموري لي الحين طيبة
عسى الله يصبرني بس

قبل ساعة تقريبا شربت كوب ماء دافي كأنه جاي يعني
يقولون زين حق الامساك و انا الامساك ملعوزني

بالتوفيق للكل



بالتوفيق حبوبة شدي حيلج وحاولين من الصبح لماتقومين ماي مو وايد حار كافي جونا العجيب:krkrkr:


خليه على درجة الغرفة وعصري علية شوي ليمون عشان ينضف بطنج عدل وانا عن نفسي اتريق 11 الظهر والغدا 3 العصر والعشا خليه بعد المغرب او العشا وعقبها خليج كله شاي اعشاب مرامية ينوسون شاي اخضر لما تنماين وانتي خفيفة:eh_s(6):

وانشالله خير

 

[Bnt.Azmer]

انا بتغدى الحين 7تمرات ولبن كي دي دي ثقيل يشبع

وعقبها بروح النادي بسوي رياضة وارجعلكم نبي اخبار سنعة


بااااااااااااااااااااااااااااااي

 

[همامة]

هلا ام خالد

على قولتج كافي جونا العجيب اسخن الماي ليش بعد

انا توني تغديت 7 تمرات و كوب لبن اكتيفيا
بس للاسف ما رحت الممشى
قلت بروح الصبح على 10 الافنيوز و اتمشى بالبراد احسن بس انشغلت شويه
بس ان شاء الله من باجر بروحله

 

[اختي نحيسه]

سلاااامتج ام خآآآلد بالعدو يآآرب وباللي ما يحبج :dddds:

انا اليوم اول يوم صيآم واول يوم لي رجيم..
ابتديت فيه خلااص وبعزيمه وإرآدهـ ..

توني فطرت سبع تمرآت وحبة فيتامين..و روب أكتيفيآ..وبتعشى على
التسع وبتسحر على الوحده :dddds:

بنات شدو الهمه كل واحده تشجع الثانيه واللي تغيب لاااااااازم نرووح لها
برساائل الخااصه نسألها يمكن يكون حايشها احباااط واحنا نسآعدها ونحمسها برسآلتنا لها
لاننا خوااات ..:ggdw:

<< حيل ماااده الهمه _03BA:

بالتوفيق حبيبااتي

وبالنسبه للإمسآك.. عليكم ببذور القطوينآ..تنوكل على الريق مع كوب ماي داافي
سوو عنها بحث وشوفو عجائبها ​

 

[Bnt.Azmer]

مسااااااااااء الخير ياحلوات شسويتو

انا توني رجعت من النادي مشيت نص ساعة والقاري عشرين دقيقة ماطولت لأن ماخذة برد تعبت ورجعت البيت


قلت لازم أطل على حبيايبي شمسوين صامدين ولا !!


وهمامة حبيبتي شدي حيلج امشي لو عشرين دقيقة والافينيوز يهبل الصبح انا لو مو قاطة 650 على النادي جان مشيت هناك

اختي نحيسة الله يسلمج من الشر ياقلبي بالعافية و زين سويتي ماشية معانا والله يتقبل

 

[توتة حلوة]

بنات انا مشيت في الرجيم من يوم الجمعة بس خربته يوم السبت واليوم رجعت لة
بس بنات توقعون ينحف كل الجسم واللا مناطق معينة اللي عندها معلومة تقول لنا

 

[اختي نحيسه]

منآ وٍمنج أم خلووودي..يسعدج رٍبي
السآعه تسع لعبت شوية رياضه وشربت شاي اخضر
بالزنجبيل والنعنااع..
وتوني خالصه من وجبتي الثانيه وكليت.. خمس تمرٍآت..وشرٍبت وحليب كي دي دي خآلي الدسم
والله يثبتني ويثبتكم

 

[همامة]

هلا فيكم بنات
صاجة ام خلودي المشي بالافنيوز الصبح يهبل فاااااااااااااااضي بس الناس اللي مسويه رياضه هناك

 

[همامة]

بناااااااااااااااااااااااااااااااااااااااااااااااااات
انصدمت

امس مشيت على الريجيم ما اكلت شي زيادة
اصلا اكلت وجبتين الغدا و العشى
كل وجبة 7 حبات و كوب لبن
و ماشية ساعة بالافنيوز
و الصبح على الميزان زايدة نص كيلو

شالسالفة ؟؟
معقولة من الامساك
انا صارلي 4 ايام بطني ماسكة
لاعت جبدي بس بزيد المشي و الله كريم

 

[اختي نحيسه]

همااااامه لاااااااازم تعالجينه ما يصير جذي..اصلا اذا تم
ويآآج ما راح ينزل وزنج عدل..
انزين اشربي سنآ مكي ..ينظف البطن عدل ..او روحي الصيدليه خذي
حبووب ملينه..
وقتها بتشوفين الميزان نازل كيلو الى كيلو ونص..لان الامسااااك ازمه

 

[Bnt.Azmer]

همامة شربي الاعشاب الملينة والغازات بالجمعية شاريته جنه مكتوب عليه بن سينا امس شربته ريحني ولا مري الصيدلية احسن

ها تريقتو ؟

انا توة اتريق وقلت الغدا ست المغرب والعشا 12 لان انا انام الفير

توتة حلوة والله انا الي اسمعه ان هالرجيم فلتة وصج يضعف وطبعا ينظف جسمج عدل اكلج كله فيتامينات وبروتونات وكالسيوم ترى لو

تلاحظين والله اكلنا جذي احسن بوايد من الوجبات والمعجنات والحلويات الي كله مضرة للجسم انا عن نفسي مرتاحة واحس صج قاعدة اكل

شي مفيد ولا قبل كل مطااااااااااااااااااااااااااعم بس الحين احس نفسي صج خفيفة واذا تبون نصيحتي مع ان في لبن للرجيم بس انا ارشح لبن

كي دي دي مكتوب لبن خاثر العلبة البيضة بنات صج يشبع

 

[teenaa]

هاااااااي بنوتات
انا اليوم بلشت الرجيم

الصبح الساعه 7 شربت نسكافي

وتوني تغديت 7 تمرات ولبن

والعشا انشالله 7 تمرات ولبن

وبقيس باجر

وزني واقف على ال 76

 

[***البسبوسه***]

انا كل مانويت خربت السالفه ادعولي بنات الله يسهل علي والتزم .

 

[Bnt.Azmer]

هاااااااااااااااي

تينا شدي حيلج بس ليش ماكليتي 7تمرات الصبح؟ انتي كاتبة الساعة 7 شربن نسكافيه!! لا تقللين التمر استفيدي من البروتينات وغيره من التمر وعشان يعطيج طاقة.


البسبوسة ليش ياقلبي للحين مو شاد حيلج لا انا ما ابي اسمع هالحجي قومي روحي النظرة وشوفي نفسج انتي راضية

صدقيني ترى هالرجيم والله العظيم من السنة الي طافت وانا بطبقه وخايفة ان مايشبع ويدوخ بالعكس ماشاء الله جد جد راحة نفسية وخفة ولا دوخة ولابطيخ شدي حيلج وخليج معاي انا بشجعج

ونصيحة بنات لا تشوفون كل وزنكم ترى بيلكم احباط على الاقل كل اسبوع مرة انا كل جمعة بحطلكم وزني

 

[Bnt.Azmer]

سوري على البدلياااااااااااااااااااااااااااااات

 

[Bnt.Azmer]

نصيحة لوجه الله بنات الي بتسوي رجيم لاتقول لأحد خلي الشغلة بينج وبين نفسج وشرط تستمرين على الرجيم عن تجربة لأأن مرات في ناس
تحبط وفي ناس بس حاطة عيونها عليج ومرات نفسيتج انتي تتعب ها شلون الرجيم يسالونج والي يقول وي ماضعفتي والله اعرف ناس تسوي عمليات ومايتحجون خلج كل جدام الناس مو مشتهية خخخخخخخخخخ نصابة وعن نفسي انا وحتي اختي حاشتنا شغلة باااااايخة مرة سوينا رجيم وصج صج ضعفنا وباين علينا والكل يتحجو ضعفتو وشلون ووووووو

تشققنا من الوناسة واخر كلينا الدبلات وردينا الدبلاااااااااااااااااااااااااات انتي قنعي عقلج الياطن ان هالاكل يشبعج وجدام الكل ماتشتهين وبتشوفين

ان التمر خاشته بغرفتي حتى اليوم بنتي بسم الله عليها ثانية ابتدائي تسالني ليش كله تمر ولبن تسوين رجيم قلتلها لا

اعرفها بتمشي وتحجى امي تسوي رجيم التمر خخخخخخخخخخخخخخخ

 

[* Na3oMa *]

عجبني هالشعار الرشاقه اناقه والمتن ملاقه صاجين خخخخخخخخخخخخخ

انا ببدي معاكم من باجر إن شاء الله لاني وايد خرته هاليومين وجبات وخرابيييييييييييييط امبي والله صارلي 4 ايام اكلي حده خفيف حسيت اني خقيت جسمي عجبني ورحت شريت لي بدله اتينن بس اليومين خرته حدي ف ماكو الا هالرجيم ينزلني شوي شجعوني