نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[>>مرووم<<]

:dddds:انا بعض الاحيان انصدم وينبلع لساني مدري وش اقول

امس كنت رايحه لبيت عمي ومرت عمي تقول والله والله احبك >عاد استحيت وماعرفت ارد
ردت عني امي :krkrkr:

مره يوم كنت صغيره جانني تحطيم بالعيد كنت مسويه شعري جدايل :dddds: وانا عادي عندي بزر من بينتبه الا اروح اسلم على مرت خالي شافت شعري تقول وش مسويه بشعرك مره تفشلين :eh_s(2): عاد كنت بزر ماعرف ارد :0bee2e8d89: قلت طيب وش اسوي فيه قالت :eh_s(2): قالت :مادري :jumpon: المهم حطمتني ولا سوت شي

المهم انا كل ما يجيني تحطيم اسكت ولا ارد لان بلحظتها مااكون افكر :0bee2e8d89:
:ggdw: بس الحمد الله بديت اتعلم الذرابه شوي بس امس ماكنت ادري وش اقول تفاجأت :krkrkr:

يالله نتعلم من الحلوات _03BA:

 

[الروح المتوهجة]

بس تدرين اهل البحرين معروفين بالسان الطيب
بذات اهل المحرق لسانهم عسل
معروفين
يمكن انتي محرقيه
واهل الرفاع لسانهم حلو احلى كانهم عيال شيوخ

بعد لو تكلمج ما تقول لج الا يا شيخه البدور
ترحب فيج هلا وبالغاليه هلا بعمري انتي
كلامهم حلو معروفين
بس انتبهي منهم لو عصبوا
لسانهم بنقط عسل لكن لو عصبوا اهل الرفاع اقول شيلي بقشج وثيابج ههههههههههههههه
من اختج شوشو الشقيه

مشكورة على التعليق حبيبتي كلج ذوق يالغالية


حلوة كلمة ياشيخة البدور عجبتني

بستخدمها الايام اليايه واشوف نتايجها

واتشرف اكون بحرينية .... اهلنا و حبايبنا

وانا كويتية وما على البحرينيات زود

 

[ana cute]

ويييي هالموضوع كنت ادوره وماحصله لوول

ثانكس مزيونه عالموضوع الزين ما يطلع منه الا الزين

انا بالنسبة لي دايماا ابتسم وويهي بشوش ومع الكل اوكي احب أسئل وأسلم بس حاليا مو مع الكل اسوي هالشي لأن اكو ناس وايد ما تستاهل

وللأسف مروو علي بناات وااااااااااااايد مو كفو تصيرين ذربه معاهم .. رسميات وبس خصوصا اذا كانو يعرفون انج حبوبه مع الكل الا معاهم راح يحسون انه منهم الغلط مو مني

واحنا المفروض ما نتوقع ان كل الناس تكون ذربه طبيعي في ناس يفتقرون لهالشي وبشده .. مايخالف خل يتعلمون مناا دام بيئتهم ما علمتهم

مع ان الذرابه والاسلوب الحلو له علاقة كبيره بالانوثة وشخصية المره الراقيه مادري شلون في بنات مايهتمون لهالشي

 

[مزيونه وشقره]

بعد قلبي مشكورين عالمشاركه واتمنى الفايده لكم ياحياتي ي ي ي


مع تحياتي ياحياتي

مزيونه وشقره ​

 

[نهى الأحمد]

يشرفني يا الغاليه اني اشارك في موضوعج
الأكثر من رائع
وتسلم يمناج

بالفعل بالكلمة الطيبه والزينه والأسلوب الراقي
ممكن عن طريقهم نكسب محبة الناس

تقبلي مروري

 

[متميـ بكل شي ـزة]

موضووووووووع عجييييييب :ggdw:
بنات
لما تقولون حق احد ( اخر الاحزان ) تكونون قاعدين تدعون عليه بطريقة غير مباشرة
مرة سمعت هالشي من داعية ... تقول لان طالما انتي عايشة راح تقابلج احزان غصبا عليج .. و لما تقولين اخر الاحزان جنج تقوليلها اخر حزن يمر عليج و تموتين ... فصيروا نفسي و تجنبوا هالكلمة
ووووو بعد
اذا وحدة قدمتلج شي تقدرين تقولين لها .... تسلم يمناج
و مرات افصل اذا وحدة قالتلي يا حلوج اقولها والله يا حلو لسانج :dddds:



يسلموووووو صاحبة الموضوووووع :ggdw:

 

[green tea]

ماي بنات سوالفكم تهبل

واستفدت منكم وااايد


عنابه اذا احد اسالج ليش للحين ما تزوجتي خلي روحج مستحية ونزلي راسج بالقاع وقولي نصيب ( هذا مع الناس اللي كفو )

العيون عفستيها مع ماعليج شرها لوووول ساعات الواحد ما يقصد يقط الكلمه هاللللللللللللللللللللللللكبر


مع تحياتي يا حياتي

مزيونه وشقره​

​

لووووووووووووووووووووووووووووووول امبي انا توني نفس الموقف لوووووووووووووووول امبيه شنو معناها فشله

 

[ليتني مت بدالك]

اي والله بالكلمة الطيبه والزينه والأسلوب الراقي
ممكن عن طريقهم نكسب محبة الناس

 

[нιℓℓ¢]

وايد حلو موضوعكم

اذكر مرة كنت - تكرمون - في الحمام و ييت بعدل شعري.

جان تطلعلي الفلبينية و تقولي : نايس ، لونق هير (هو كنت لافته بس عشان ماحب افتحه يعني لا يروح فكركم بعيد)

قلتلها : ثانكس.

و فخاطري بس عااد فااارجي ، مب مرتاحة.

لكن الاخت شسوت ؟ يت و حطت ايدها على طاولة المغسلة و يلست تتاملني ف يالمنظرة وهي مستانسة.

انا شوي وانجلط ! و انحرجت .. جان مرة وحدة اقوللها :

please i don't like it, don't look at me
< انفعلت !

شعبالها فلم ولا مسلسل ؟! استغفر الله


و ثااانكس حبايبي على الموضوع الحلووو

و الكلمة الطيبة صدقة و يا بخت من يتعلمها:klhfl:

(=

 

[нιℓℓ¢]

بنات احنا عندنا وحده كل مازارتنا لما نصب لها قهوة او شاي او نقدم لها اي شي ترفض < تعقدت منها
تقول مااشرب لا قهوة ولا شاي شلون اتعامل وياها < صج تبط الجبد

ممكن تقوليلها : شو تبين نضيفج ؟ (ابتسامة)

هي : لا لا ولاشي.

قوليلها : لا ، لازم ما يصير هذي أصول ، و لو عالقهوة و الشاي انتي ما تحبينهم. قولي ، شتبين و نحن نيبه لج ؟

يعني .. بس طبعاً بأسلوبج راح يطلع أحلى.

و إن شاء الله قدرت أفيدج.

 

[ابلة ديكور]

ممكن تقوليلها : شو تبين نضيفج ؟ (ابتسامة)

هي : لا لا ولاشي.

قوليلها : لا ، لازم ما يصير هذي أصول ، و لو عالقهوة و الشاي انتي ما تحبينهم. قولي ، شتبين و نحن نيبه لج ؟

يعني .. بس طبعاً بأسلوبج راح يطلع أحلى.

و إن شاء الله قدرت أفيدج.

وتقدرين تقولين لها بعد


ما يرد الكريم الا اللئيم علي ضحكه _03BA:

:eh_s(6):

 

[нιℓℓ¢]

وتقدرين تقولين لها بعد


ما يرد الكريم الا اللئيم علي ضحكه _03ba:

:eh_s(6):

ههههه حلوة منج بس ما أنصح فيها.

مب عدلة اقوللها جيه عقب ما اضيفها فاهمة عليه ؟

خلي نيتج صافية قد ما تقدرين يمكن الحرمة ماتحب تشرب لا شاي ولا قهوة.

يعني مو تسويييينها هههه

 

[>>روضـة الحسـن<<]

اب اب

وياليت الموضوع يتثبت تعبت وانا ادوره

مشكوره مزيونه ع الموضوع

 

[нιℓℓ¢]

بنات .. شو تردين على شخص كل ما سويتي شي يقولج :

لييييييش صكرتي التلفزيون ؟!
ليييييييييش مبندة الليت ؟!
لييييييييش ، و لييييييش ؟!

لانها هالاسلوب يرفع ضغطي بس ماعرف شو ارد ؟ بس بطريقة محترمة تحفظ حقي ..:eh_s(14):

 

[فلونة احلى وردة]

واي امبية بنات
امي توها رادة من السفر ولا يقولي ريلي قرت عينج على ردة الوالدة
ولا اقولة
عين نبيك
امبية
ضحك علي
المفروض
بويه نبيك



انتبهوا يا حريييييييييييييييييييييييييييييييييييييييييييم




واللي يبخرج



قولي
طاب طيبك وعاش حبيبك



واللي تولد
الحمد لله على سلامتج ومبروك ما ياج



واذا طلعت من الارعين طلعتي من الشر
وتقول الشر ما ييج



واللي مسوي حادث
خطاك السو



والمريض اجر وعافية

 

[فلونة احلى وردة]

شيل اللي يقولج ليش وليش



قولي
كيفي
كيفي
على طريقة اليهالوة
عرفتيها
ومعاها حرررررررررررررررررررررررررررة
مثل الياهل
شكو مدخلين عصهم بشئ ما يخصهم
ولا قولي اسرار دولة ما اعلم
ههههههههههههههههه
يعني سويها بغشمرة بس من صجج

 

[فلونة احلى وردة]

بقول شي
كل ما كتبتوا موضوع عن تعلم الذرابة والاسلوب تحول الموضوع
لتعلم اساليب الرد على الحريم اللي لسانهم طويل
يبة تكفون لا تطلعون برة الموضوع نبي نتعلم الذرابة والاسلوب الحلو مو المرادد
واللسان الطويل
نبي اللي لسانهم ينقط عسل يدخلون ويعلمونا
مثل دانسينق كوين عزميها برونزية على موضوعج
وغيرها من العضوات
عرفتوا هدف الموضوع
الذرابة مو المرادد
بليز اللي لسانها مو طويل تكتب موضوع ثاني والبنات ام لساناتطويلة ماراح يقصرون معاها
بس نبي اللسان الحلو
حل لسلنك وكل الناس خلانك
!!!!!!!!!!!!!!!!!!!!!!!!!!

 

[غيدآء]

يعطيكم العافيه

 

[q8sweeta]

مشكورة مزيونه على الموضوع
ذكرتوني بوحده من رفيجاتي يبنا طاري موضوع طاقة الجذب وشلون تجذبين اللي تبين .. المهم مامداني اقول كلمه الا اطنزت وعيبت ولمه خلصت جان اتقولي اي قولي وشلون ..قتلها اسفه ماراح اتكلم بالموضوع لانج ماسمعتني بالبدايه وعلقتي من اول شي فماله داعي اتكلم فيه جان اتقولي قولي قولي قتلها لا مابي اتكلم بهالموضوع واشرح وخلاص ..اهني طنقرت وعصبت حدها وطول القعده تمت معصبه حييييييل ونفسيه
يعني لا تعلقين اول سمعي بعدين علقي وطنزي لكن اذا من البدايه مو متقبله الموضوع ليش اتحجى وعور راسي وافيدج وانتي همج الطنازة والتعيب


عاد بنات حدي استفدت منكم باسلوب التجعيم ..لانه مرات مايحضرني رد
واغلب شي اقول حق اللي يمدحني عيونج الحلوة كلج ذوق وهالكلامات وجزاج الله خير
واذا وحده اتقول شي بحقد وكره اقولها قولي ماشاء الله او اقول بويها الله واكبر
وهم مرة وحده اتقولي عن اليهال ايي لاحقه على الهم ..جان اقولها ان شاء ماكو هم ..جان تفتشل واتقولي لا مو فصدي هم هم قصدي اليهال والغازات والامراض قتلها ان شاء ماكو هم اعوذ بالله الله واكبر ..عاد افتشلت وعصبت بنفس الوقت لاني دقرتها حيل واطلعت اتقولي ترى ماحب احد يقول بويهي الله واكبر..قتلها بس انا احب وذكر الله مافي شي
وايييييي ووييه منشب
ومشكورين

 

[q8sweeta]

بقول شي
كل ما كتبتوا موضوع عن تعلم الذرابة والاسلوب تحول الموضوع
لتعلم اساليب الرد على الحريم اللي لسانهم طويل
يبة تكفون لا تطلعون برة الموضوع نبي نتعلم الذرابة والاسلوب الحلو مو المرادد
واللسان الطويل
نبي اللي لسانهم ينقط عسل يدخلون ويعلمونا
مثل دانسينق كوين عزميها برونزية على موضوعج
وغيرها من العضوات
عرفتوا هدف الموضوع
الذرابة مو المرادد
بليز اللي لسانها مو طويل تكتب موضوع ثاني والبنات ام لساناتطويلة ماراح يقصرون معاها
بس نبي اللسان الحلو
حل لسلنك وكل الناس خلانك
!!!!!!!!!!!!!!!!!!!!!!!!!!

اي بس الموضوع فيه الذرابه وطولة لسان بس بذرابه ..يعني اشلون تجعمين بستايل (حلوة بستايل)
لانه مرات مايحضرنا رد ولا نعرف نرد ونسكت ونقعد ونحر بعمرنا
ومشكورين على الموضوع