نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[مستقبلي احلى]

وناسة هاللموضوع يالللللللللللللللللللللللليت الكل يطبقه ويلعن ابليس

 

[مزيونه وشقره]

للرفع

 

[© Myй๑๑йα β7ٌbк]

بنات قطر اللي يدوس لهم ع طرف يدوسون ع راسه


اذكـر كنت اتمـشي ف المجمـع الا وحده قآلت لي افصخي الشيله احسن بطت جبدي الا رديت عليها وقلت لجل عيووونش والله افصخها والله تبلعمت


واخبر ف وحده دوم تحب تتحرش واكرهـآ الا شفتها كانت كاشخه ومستانسه الا قلت وييي شلابسه انتي وعع مب حلوو قالت حد طلب رايج عاد انا تبلعمت قلت ويييييي ترا انا افرض رايي عـآلكل الا انطمت عشان مره ثانيه ماتقعد تتحرش فيني


وذاك اليوم كنت اتمشـى الا مرت من صووبي وحده ما ادانيهــــــــــــــــــــــــــــــــا الا قالت لي شحـاطه هالروج بلفيت اغراءات تراا ماينآسبج قلت لهـآ واييييي من صجج ماعجبج الكل قالي حلوو بس تتدرين دام الاغلبيه قالي حلو ماراح اهتم ف رايج وطالعتها بنظره وضحكت الا قالت حمدالله والشكر وراحت _03ba:



.. فديييييييييييت اهل الكويت كلهم على راسي من فووق وربي ...

 

[اطياب طيبه.أم عبدالله]

موضوعج وايد حلو

وانا بجمعات الحريم احب اكون مستمعه او متلقيه اكثر من اني اسولف
خصوصا اذا كنت جديده على الجمعه لأني ما ادري شنو بنفوس الحريم

بسس انا ارد وحده بوحده ...

 

[بنوتة عتيبه]

للرفع

 

[يا حبني لك.!]

يسلموووووووووووووووووو

 

[شوشو الشقيه]

تسلمين اختي على موضوع رائع بصراحه
اهم الكلام الي نابع من قلب = الصدق
كلمه طيبه صدق
مثلا وحده قالت لج تراه فتسان جميل تردين عليها شلون تقولين لها =ما يغلى عليج
مثلا هيه احرجتج بموقف عادي ابتسمي بوجهها
وكان الكلام ليس لج
او قالت لج مكياجك حلو اليوم تردين عليها تقولين لها = عيونج احلى
الحلو ما يشوف الا حلوين

خلي اسلوبج مع ناس طيب هادىء دايم مبتسمه
عادي كلام بين نساء
مثلا مدحتكي في شيء ما تردين عليها تقولين لها = تسلمين يا قمر
تسلمين حبيبتي اختي

والله ما اذكر بصراحه لما يصير الموقف يطلع الكلام هههههههههههه
ينبع من قلب للقلب
هههههههه
خلج بسيطه مع الناس بدون تكلف
مثل ما يقولن بساط احمدي

في بعض الناس لاحظت تحاول تحبطك بشكل غير مباشر
تقولك انتي شهادتك ما فادتك بشيء
ردي عليها انتي مبتسمه
الارزاق بيد الله اذا الله ما كتب لي اشتغل ماراح اشتغل
بعفويه وكاني الموضوع عادي
بعض الاخرين يحبون يستفزونك
تردين على الاخرين برود ومعاها بسمه

او ساعات حق هؤلاء تطنيش افضل لهم
طنش تعش
عشي براحه بال
مكيفه والله ترتاحين
من اختج شوشو الشقيه

 

[شوشو الشقيه]

بنات يوم قريت ردودكم لقيت ان بعض الاخرين ينتقدون ملابس او مكياجكم او روج
اذا قالت لج روجك او احمر شفاتك مو حلوه
شنو تقولين لها بدون جرح احساسها بطريقه لبقه=صدق والله ناس اذواق
بمعني اصح يعني كل شخص له رحيه في ذوقه تختلف الاذواق الاخرين ولا يشترط ذوقي يناسب ذوقك
ولكن بطريقه اوريجنال ولبقه

بضيف في اخت اسرار 2009
تقول ان في بنت او زميله له في الشغل تسالئاها عن حقيبتها
المعروف ان الحقيبه من الاشياء الخصوصيه للانسان
سئلتك عن حقيبتك شنو طريقه الرد على اشخاص فضولين=بله عندي حقيبتي تامرين على شيء يا طيبه

 

[شوشو الشقيه]

تدرون بنات حتا انا في المناسبات ما اعرف شنو اقول
تشوفن لسان عسل مع صحباتي
لكن مع اهلي وناس كبار لو قالوا لي استحي هههههههههههههه
اتذكر قبل سنتين صديقتي رايحه العمره هههههههههههههههههههه

مو عارفه شنو اقول لها ههههههههههههههههههههههههههه
البنت شافتني متوةهقه قامت قالت لي يقولن جذي
ههههههههههههههههههههههه
صدق في مناسبات تراني ما اعرف نفسك
شكلي بحفظ الي كتبه الاخت ما ادري شنو اسمهاا
هههههههههههههه
لو لو احد شاف اني ما اعرف ضحك علي ضحك هههههههههههههههههههه
من اختكم شوشو
بس الحقيقه لازم نقولها
عجل اسوي نفسي فاهمه كل شيء وانا ما اعرف الانسان مو كامل
بس هيا لتطوير الذات ههههههههههههه

 

[شوشو الشقيه]

احب امر مابين فترة و الثانية على هالموضوع اتعلم منه كلمتين


عاد ماني صايره نحيسه .. بقول الكلمات والاساليب الي اعرفها وان شاء الله تستفيدون


لما احد يناديني ارد : سم , امر , تدلل

عند المباركة للوالدة : مبروك ما جاكم جعله الله من ابناء السعادة و الصلاح

في حالة المواساة : الله يجعله آخر الاحزان

عند المدح : حلت دنياك , حلت ايامك , تسلم يطولي عمرك

عند الشكر : ولو عزيز وغالي , ابد ماطلبت شي يا غالي و الطلب رخيص آمر جم فلان / فلانة عندي

اذا كنت افكر في احد و طلعلي فجأة سواء شفته او اتصال منه : القلوب لبعضها شواهد توك على بالي




وي تذكرت موقف صارلي قبل سبوع .... كنت اسولف مع زميلتي عن زميل دراسة معانا , عقبها بيومين والا اشوفه بويهي واسلم عليه واسأل عنه و بحكم صداقتي مع خالته فنوعا ما مابيننا رسميات كثيرة وتكلف , المهم عاد اقوله : تصدق يافلان قبل جم يوم طاريتك ... جان يقولي : لو طارية مليون احسن , جااااااااان اخربها بكل عفوية وبدون اي تفكير : انت اغلى


لووووووووووووووول


امبيه حده انحرج الريال وانا بعد توهقت جان اقلب الموضوع وارد اسأل عن خالته ههههههههههههههههههه


حلاتي ما احلى لساني وايد مشكله هههههههههه

بس تدرين اهل البحرين معروفين بالسان الطيب
بذات اهل المحرق لسانهم عسل
معروفين
يمكن انتي محرقيه
واهل الرفاع لسانهم حلو احلى كانهم عيال شيوخ

بعد لو تكلمج ما تقول لج الا يا شيخه البدور
ترحب فيج هلا وبالغاليه هلا بعمري انتي
كلامهم حلو معروفين
بس انتبهي منهم لو عصبوا
لسانهم بنقط عسل لكن لو عصبوا اهل الرفاع اقول شيلي بقشج وثيابج ههههههههههههههه
من اختج شوشو الشقيه

 

[البنوته تووووته]

:
بنات الساعة المباركة شنو الرد عليها ؟؟؟؟؟ظ
eh_s(1):

 

[prim rose]

:
بنات الساعة المباركة شنو الرد عليها ؟؟؟؟؟ظ
eh_s(1):

الصراحة الموضوع رائع ومرات تحبين شخص من اسلوبه اللبق وكلامه العسل آنا عندي احب الناس اللي لسانهم حلو وردودهم حلوه مو يسكت لما تمدحينه مثلا

حبيبتي بنوته توته تردين وتقولين ساعتج ابرك اذا قالولج هذي الساعه المباركه

 

[حمام شاقني فنه]

اعرف وحده قالت للعروسه
وهي بالكوشه ان نفنوفها ومكياجها قديم
هذي شتردين عليها؟
وشلون تهدين العروس اللي حدها متلخبطه بهاليوم من غير شي!!!!!!!!!!!!!!!!

أحســـن علآج للّي يحآول يستفزك تحقره


أحلىى سكب
ولآ تديرلهآ بآل قولي موضته قديمه لكن آنآ لو ألبس خيشه تطلع علي ولآ أروع


صج حريـــم يآحبهم للبعصآت

 

[**جـلـنـار**]

بس تدرين اهل البحرين معروفين بالسان الطيب
بذات اهل المحرق لسانهم عسل
معروفين
يمكن انتي محرقيه
واهل الرفاع لسانهم حلو احلى كانهم عيال شيوخ

بعد لو تكلمج ما تقول لج الا يا شيخه البدور
ترحب فيج هلا وبالغاليه هلا بعمري انتي
كلامهم حلو معروفين
بس انتبهي منهم لو عصبوا
لسانهم بنقط عسل لكن لو عصبوا اهل الرفاع اقول شيلي بقشج وثيابج ههههههههههههههه
من اختج شوشو الشقيه

فديت البحرين واهلها وخصوصا الرفاع

بس صج كلامج 100% لي عصبوا اهل الرفاع انحااشي :dddds:

 

[البنوته تووووته]

بنات لما وحده تقولج الفال لج
انا وحده قالتلي بملجة اختي توهقت ما دري شقول

 

[شعووووله]

بصراحه موضوع حلوووووووووووووو

 

[عيالي غناتي]

U]بصرحه انا مسالمه جدا جدا جدا وبنفس االوقت ما عرف ارد

بس اذكر موقف صار لي مع وحده من معارفنا كانت تشوف صور عرسي جان تقول مكياجج مو شي جنج وحده من الحضور حده ناعم

رديت عليها بإبتسامه ونظرت الاستغراب وقلت لها صج عاد انتي اول وحده تقولي ان مكياجي مو ذك الزود كلهم امدحوني


(((انا عبالي بتسكت)))))

جان تقول يمكن يجاملونج


والله مت من القهر بس سويت نفسي عادي

وقلت لها انا اهم شي عندي راي زوجي

وبغى ينهبل علي يقولي طلعتي قمر 14

 

[ملك]

والله زين سويتي فيها
وجان زين قلتيلها يحليلهم والله ذربين يجاملوني يعرفون السنع ماشاء الله عليهم

طبعا حزتها الحجي كله يضييييع

 

[* الجليلة *]

اعرف وحده قالت للعروسه
وهي بالكوشه ان نفنوفها ومكياجها قديم
هذي شتردين عليها؟
وشلون تهدين العروس اللي حدها متلخبطه بهاليوم من غير شي!!!!!!!!!!!!!!!!

قوليلها ما الومج مومنج من الواهي (او الحرة) اللي فيج ..مع ابتسامة شقاقية


بس صج قليلة ادب

حرتني :eh_s(14)::eh_s(14):

 

[LoOLoO-17]

والله انا تصير لي مواقف يعني ما ادري الناس شلون صاروا


انا بطبعي بالكليه احب اكشخ والبس والبنات طايحينلج خززز والله العظيم شهالداء اللي طلع عندنا


خززز بخززز وحش والله حرااام يابنات ..يعني اسمع حش البنات اقول شلون جذي جرأه ووقاحه ولو يشوفون روحهم تلاقينهم متروسين عيووووووب اللهم لاشماته

المهم دخلت الحمام وانتوا بكرامه اضبط الميك اب ولا اشوف ذيك المنقبه عيونها طالعه من النقابه وطايحتله خز فيني والله حطيت عيني بعينها وابتسمت قلت لها خير في شي ؟؟ جان تقولي انتي عروس؟؟ قلت لها لاااااء ومشيت يوم سألت اختي قالت لي يمكن لانج ناقشه ايدج حنه عبالها انج عروس وصج كانت النقشه وايد حلوووه وناعمه بس بايدي اليمين ...