نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[q8sweeta]

انزين شقول حق وحده كل ماتشوفني تقولي وينج ماتبينين وماتيين وشالعيارة ..اهي من اهل ريلي شالرد عليها بالله؟ دبروني يا حلوات
وغير هذا في بنات من رفيجاتي اسلوبهم مع سوالف اتقط كلمه حماره او مسبه انا ماحب جذيه وموطبعي اسب اشلون ارد عليهم؟؟؟؟وفهمهم هالشي مايعجبني

 

[Namlah]

يعطيج العافيه...شحلات موضوعج..اكيييد مثلج
تدرين عاد هذا مشكلتي شكثر اعرف كلام حلو...بس ماعرف أقوله بالذات اذا اللي جدامي احبه واحترمه...استحي

 

[أنوار5]

من زمان أدور على مثل هالموضوع
تسلمين أختي عالموضوع

 

[أنوار5]

مره كنت أسولف مع مجموعة بنات
وحده من البنات دايما إذا قلت أنا استحي تضحك و تقول انتي آخر وحده أصدق إنها تستحي
و كل مره اسكت و آخذها ضحك
بس قمت أشوفها كل مره تقول جذي و البنات يضحكون
فمره قالت نفس الشي
رديت عليها باسلوب خلاها ترتبك ولا عاد ردت تقول هالكلمه
تدرون شلون؟
شفتها و ابتسمت قلت الحياء داخلي و أهم شي أنا أصدق إني حياويه
البنت تلعثمت ماعرفت شتقول هههههه

 

[اشراقة المحبة]

حبيبتي ما عندي الا رد واحد ما في غيره ///// انا قبل كنت اقول ان الناس اللي ما عندهم اسلوب هذا طبع و من البيئة (لكن) لما تشوفين وحدة اسلوبها وياج انتي بس مو شي والا مع غيرج ما شالله اللسان ينقط عسل اهني اتحسين ان في شي غلط // انا برايي ما في احد ما عنده اسلوب بس الرد والاسلوب يكون على حسب معزة الشخص اللي جدامج ( وبالنسبة لي) اتعامل مع اللي ما عندهم اسلوب بطريقتين
الاولى بالمثل وهذي نادرا يعني اذا وصلت الى قلة ادب
الثانية اترفع عنهم وما اعطيهم ويه لان مو كفو الواحد ينزل نفسه لهم

و في عندي ملاحظة انا دايما نظرتي ان اللي ما عنده اسلوب انسان عنده نقص و يغار ومو راضي عن نفسه عشان جذي يحب يجرح ويهين الاخرين.

 

[ليانا..]

"و في عندي ملاحظة انا دايما نظرتي ان اللي ما عنده اسلوب انسان عنده نقص و يغار ومو راضي عن نفسه عشان جذي يحب يجرح ويهين الاخرين."
سبحان الله نفس تفكيري الشي الي يخليني اشفق عليهم واعاملهم معامله زينة مهما صار

 

[المعلمة المتميزة]

روووووووووووووووووووووووووووووووووووووووووووووووووعة يسلمو على هذا الطرح

 

[فاشله]

تسلمين على الموضوع المفيد
​

احب دايم اضيف اي شي اقوله ب يا قلبي يا عمري يا الغاليه ....... الخ
​

مثلا بدل ما اقول لا حااااااااف
اقول لا يالغاليه

اما اذا احد قام يقط علي كلام اسوي نفسي مو فاهمه و لا دريت عن هوى داره


اذكر وحده من رفيقاتي الله يشفيها كانت كل ما شفتني تذب علي كلام
و انا اسوي نفسي مو فاهمه
لين البنت وصلت حدها و قامت تعطينها بالوجه بدون لف و دوران و رغم هذا قمت اسيرها
و المصيبه اني اجمل منها بكثير وتحاول تحطمني بشكلي طول الوقت ياويل الى يمدحني قدامها تنجن و تقول وع ما مر من عنده الزين و من هالكلام بس وقتها ما انفصلت انا عن زوجي وهي كانت تغار وقتها لانها متطلقه مرتين الله يستر عليها و يوفقها فكانت بتحاول تقلل من ثقتي بنفسي بس طنشتها و بعد ما تطلقت خطبتني لاخوها :friends:​

 

[нιℓℓ¢]

شيل اللي يقولج ليش وليش



قولي
كيفي
كيفي
على طريقة اليهالوة
عرفتيها
ومعاها حرررررررررررررررررررررررررررة
مثل الياهل
شكو مدخلين عصهم بشئ ما يخصهم
ولا قولي اسرار دولة ما اعلم
ههههههههههههههههه
يعني سويها بغشمرة بس من صجج

هههههههههه

فديتج والله ونستيني بهالصباح

الله يفرح قلبج و يسعدج مثل ما ونستيني ^^

طريقتج حلوة و تنفع بس انا انحرج اسويها .. >_<

و مبرووك عليج الشهر الله يعوده علينا و عليكم كل سنة و كل حووول

و العيد مرة وحدة < اول وحدة تهنيج صح ؟

 

[sara999]

واااي الموضوووع بالضبط احتاجه وابي اتعلم
انا ما اعرف ارد والسبب اني ما ارتب الكلام الي ينقالي
لان ما اتوقع وحده بتغلط والا بتقول كلمه ...... بس للأسف وايد صارت فيني وما قدرت ارد بس لازم اتعلم

 

[الفاتنـــة]

بنات الموضوع مهمه جدا في حياتنا ، و انما العلم بالتعلم ..

فممكن نذكر كتب تفيدنا بحياتنا و تساعدنا على التعامل مع الناس ؟؟

انا بصراحه استفدت من كتاب استمتع بحياتك د.عبدالرحمن العريفي

 

[^صمت الجروح^]

موضوع في قمة الروعه تسلمين على طرح الموضوع

انا بصراحة على حسب مزاجي مرات ارد بوقتها ومرات اسكت واقهرهم زود واردها بوقت ثاني يعني انتظر زلة على الشخص وارمي نغزة وفي كل الحالتين يتأدبون هههههههههه واحيان ترى مو دايم يكون قصدهم سيء يعني مو كل الناس عندهم نية شينة بعضهم يقط الكلمة ومايقصد فيها شي تصير تحرج الطرف الثاني وبعضهم يقصدونها ناس على نياتهم وناس خبيثين

 

[بنوتة ازقرتية]

اب
اب
اب
لي باك عشان اقرا ان شاء الله
مشكوورة مزيوونه وشقره ع الموضوع الرووووووعه

 

[ياحلوني حلواه]

موضوع رااااااااااااااااااااااااااااااااااااااااااائع بمعنى الكلمة

 

[نسكافيه]

موضوووووووووووووووووووووووووووووووووووووووع رووووووووووووووووووووعه لايوقف مزيونه مواضيعج عجيبه

 

[نسكافيه]

انزين شقول حق وحده كل ماتشوفني تقولي وينج ماتبينين وماتيين وشالعيارة ..اهي من اهل ريلي شالرد عليها بالله؟ دبروني يا حلوات
وغير هذا في بنات من رفيجاتي اسلوبهم مع سوالف اتقط كلمه حماره او مسبه انا ماحب جذيه وموطبعي اسب اشلون ارد عليهم؟؟؟؟وفهمهم هالشي مايعجبني

اللي تقولج وينج ماتبينين قوليلها اي وانتي بعد وين غاطه ؟؟؟
واللي تقط كلام وصخ خزيها وانصدمي وسكتي عن السالفه خليها تحس ان مو عاجبج كلامها واذا تمادت قوليلها عاد ليش حماره انا شقلتلج

 

[زينة الشرق]

الله وايد حلو كل ما أطل طله ع الموضوع لا زم أستفيد بشي يديد


مشكورة حبيبتي صاحبة الموضوع المميز الفاخر

 

[فلونة احلى وردة]

هههههههههه

فديتج والله ونستيني بهالصباح

الله يفرح قلبج و يسعدج مثل ما ونستيني ^^

طريقتج حلوة و تنفع بس انا انحرج اسويها .. >_<

و مبرووك عليج الشهر الله يعوده علينا و عليكم كل سنة و كل حووول

و العيد مرة وحدة < اول وحدة تهنيج صح ؟

علينا وعليج عز الله انج اول وحدة فعلا
وينعاد عليج بالصحة والعافية
عيل قولي تصدقين ما ادري
بغباء فاهمتني
لان مبين انج ثقيلة مثلي
مثلا قالت ليش تاكلون هني قولي تصدقين ما ادري
ليش وليش
قولي امبية ما ادري
او حفظي جملتين ثقال قوليهم يصلحون لكل المواقف مثل الله اعلم
بصوت مرتفع وبلكنة مصرية
وحقري
ما ادري شقولج
بس عندي رفيجة دايم تقولي ردوا على غشمرة واستعباط عشان تعبطون اللي جدامكم ويتفشلون ويحسون بقلة قيمتهم عندكم بدوووووووووووووووون لا تحرون نفسكم ولا تبينون الحرة اذا فيكم
بس ردوا بادب واستعباط وغشمرة[:dddds:/SIZE]

 

[بنت ال q8]

يعطيكم العافيه كلكم وخااااصه صاااحبة الموضوع..
صج استفدت من ارائكم..يا بعد قلبي والله

 

[عرش الأنوثه]

لول خوش موضوع