نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[أبواب الخير]

الموضوووووووووووووووووع وااااايد حلو ....

يعطيكم العافية بنات

أنا نوعي ما أعرف أرد بالمواقف ,,, يغني أفضل إني أسكت و لا أرد

المهم أنا دايما يقولولي أنا شكلي صغير يعني يقولولي جنج بالمتوسطة مع أني أنا بالجامعة!!!!

عاد أنا ويهي يعطي ألوان و انحرج ما أدري شنو أرد .... ساعدوني شقووول؟؟؟
[/b]

 

[واثقه خطاي]

مرااااااااات لما اكون مضغوطه ومشغوله وفجأه اشوف وحده اعرفها وانا مستعيله وابي اعطيها حقها في الترحيب ,,,,,,,,, وتفكيري هم بالضغوط اللي علي,,,,,,,,,,, احس اني اعفس الكلام واخربط واذا كانت المره تتشكرني بشي انسى الرد يااااااااااااربي,,,,,,,,,,,, لما خلاص اروح اقول بنفسي ياليت قلتها عندي شغل وانا مستعيله بدال العفسه اللي سويتهااااااااااااا .

 

[زينة الشرق]

أحب الموضوع

يرفع المعنويات بس عسى نتذكر شئ منه بالوقت المناسب كله انتبلعم وننسى لووول


لي عودة

 

[нιℓℓ¢]

الموضوووووووووووووووووع وااااايد حلو ....

يعطيكم العافية بنات

أنا نوعي ما أعرف أرد بالمواقف ,,, يغني أفضل إني أسكت و لا أرد

المهم أنا دايما يقولولي أنا شكلي صغير يعني يقولولي جنج بالمتوسطة مع أني أنا بالجامعة!!!!

عاد أنا ويهي يعطي ألوان و انحرج ما أدري شنو أرد .... ساعدوني شقووول؟؟؟
[/b]

بقول : هههه لا أنا في الجامعة.


و قري على عمرج ^_*

 

[LuLiTa]

يسلموووو عالموضووع الحلو ,, و انا قاعدة اتعلم من بعض ما عندكم من ذرابة ,,جوود نتعدل شوي p;

 

[شمس 20]

انا اذا وحدة تطنزت علي والا تنتقدني بطريقة غير لائقة اتنرفز وتقرقع السالفه بقلبي واحطها من ضمن القائمة السوداء

ويستمر معاي الموفق ليييه مادري متى

والمشكلة اني ماارد عليها بضحك لا اكون جادية والله يا بنات مااعرف
واتحاشاها ماعرف شلون مرات اعتبر انها خلاص تبي تخرب علي

يمكن يكون السالفه من ناحيتها عااادية وتنسى بس انا

لالالالالالالا

مادري شلون اتخلص من هالعادة ​

 

[شمس 20]

بنات ياليت كل وحدة تقول عن فن الكلام

يعني اذا احد سلم عليج والا يتحمدلج بالسلامه والا ............ و............

شنو تقولين

والله مرات لما ارد برد منطقي

افكر اقول اللي قلته صح والا مو محله

 

[miss_mzajya]

عاد سالفت الدوام هاذي سالفة انا توني موظفه يديده وانا نوعي ما اعرف اجعم يعني بسرعه اندقر وانا جيمي متروس وعندي وحده مشالله ناشبتلي نشبة على جسمي الا فيج والا فيج وشلون انتي بعدج ابنيه وشلون اذا تروجتي لدرجه والله حايشتني كآبة مو صج من جسمي مع اني مو بذاك المتن بس متروسة وحدى مكتأبة من هالسالفه وحايشتني لوعه من جسمي وما اعرف ارد واجعم

 

[شمس 20]

والله المووضوع يستاهل التثبيت

 

[لمسه مخملية]

Up
up
up
up
بقراها كله ان شالله وقت ثاني ويسلمووووووووو

 

[قطرة ندى كويتيه]

إختى "مزيونة وشقرة " شلووووونج أنا عضوه يديه بس حبيت موضوعج وايد عن الذرابه وما تلاحظين أنا إحنا شعب نفتقر الى ترتيب كلماتنا وما عندنا مخزون من الكلمات على الرغم إن كلشى متوفر لنا بس قله ما نعطى من عمرنا بالتثقيف ..................

 

[أغلى الأثمان]

الاسلوب ناتج من فكر ............. الاساس في الافكار ........... فالازم تكون افكارة ايجابية ....... ونبتعد عن الافكار السلبية

الافكر ........... السلوك ............ عادة ............ شخصية .......... اسلوبي

على حسب اعتقادي فكرة معينة احولها من سلبية الى ايجابية ينتج الاسلوب


-----------------

اشوف الموقف اذا احتاج للناقشو اتناقش واتحور في الموضوع نفس اما اذا شفت اللي اممامي حولت النقاش للجدل انسحب للابتعاد عن التفهات حتى لايظيع الوقت وتصبح خلافات

لاني اخاف اجرح مسلم او ازعلة من اجل الله وحدة

يسلمووووووووو

 

[حـوريـه]

شكرااا حبيبتي ..

 

[kuwaitya_zoGaa]

upupupup

 

[&& دعاء &&]

موضوع حلوووو

 

[F.L.O.N.A]

رد : نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كو

يعطيج الف الف الف عافية مزيونة وربي يزيدج زينة وحلات ( دنيا وآخرة )

انا مشكلتي مشكلة ... الحمد لله اسلوبي حلو مع الكل وعندي من هالحجي القوي اللي تدورينه ، بس مشكلتي اني ما عندي ثقة بنفسي <<< الله يرحمها الثقة ويغمد روحها الجنه ، وهالشي يساعد اللي تبي تنتقد او تحرجج ..


يعني صار لي موقف مرة مع وحده حيييييل لي مواقف حلوة معاها واوجبها ووقفت معاها وقفات ، شفتها مرة بالكلية مع صديقتها وقفت اسلم عليها سلمت بس تعرفين اللي ( وينج يالقاطعه ؟؟ ياللي وياللي وياللي ) كلتني بقشوري

طبعا اعتذرت منها وجذي بس هم ماكو فايدة ، وكنت من فترة مغيره طريقة لبسي للشيله واهي اول مرة تشوفني بالطريقة اليديدة جان تقولي ( وشنو هاللي مسويته براسج حمد الله والشكر روحي روحي شوفي شكلك امبيييه ) طبعا مو على غشمرة من صجها وجدام رفيجتها ......
طبعا اهي لو تشوفين شكلها (( اللهم لا شماته )) من الميك اب و اللبس والشيله (بقشه يدتي فوق راسها)

طالعتها من فوق لي تحت وانا منقهرة بس بالعة وساكته وقلت لها عن اذنج مستعيله .


ومن يومها كل ما اصادفها ... اسوي نفسي ما شفتها او بس اسلم من بعيد لبعيد ، او ابتسامه



عورت راسج ادري


لا يوقف هالموضوع الحلو ... ويعطيكم الف الف عافية يا كويتيات عسل

 

[F.L.O.N.A]

رد : رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك

الموضوووووووووووووووووع وااااايد حلو ....

يعطيكم العافية بنات

أنا نوعي ما أعرف أرد بالمواقف ,,, يغني أفضل إني أسكت و لا أرد

المهم أنا دايما يقولولي أنا شكلي صغير يعني يقولولي جنج بالمتوسطة مع أني أنا بالجامعة!!!!

عاد أنا ويهي يعطي ألوان و انحرج ما أدري شنو أرد .... ساعدوني شقووول؟؟؟
[/b]

حياتي والله نفس المشكلة اللي اعاني منها << بسبب الطول ( قزومه ) والوجه الطفولي على قولتهم :wqedqw:

قبل كنت لما وحده تقولي جذي اعصب :rgewrg: ( من داخلي طبعا ) ، اما بالفعل اظل ساكته او ابتسم وما اقول شي (( فيني طبع ردي على اي شي يصير --> ابتسامة هادية )) مادري عاد اذا هالشي زين او لأ

بس بعدين ( لما كبرت وعقلت ) << تعلمت ان اتعامل مع هالموضوع بصورة ايجابية ، شفيها اذا كان شكلي اصغر من عمري بوايد ؟؟؟؟ بالعكس كيوووت وزي اللوز بعد ( اصك السبعين ولا بالبال )


فصرت دايما ارد على اللي يقولي ( واااي جنك بالمتوسطه ) ( حدج دقمه ) ( طولي طولي ) ( انتي متى تكبرين ؟؟ ) بواحد من هالردود :

- واااي انتي بالجامعة ، ماصدق جنج بالمتوسطه ----> (اذا بعمري او اصغر ) اقولها : صج ! ( مع ابتسامة طفولية اكثر ) زين الله يبشرج يعني بتعيزوون واظل شباب

( واذا اكبر مني ) اقولها : بس جذي احلى والا شرايج ؟؟


** ومثل ما قالت وحده من الخوات فووق : الرد يعتمد على نظرتج انتي للموقف او الموضوع ، ومدى ثقتج بنفسج ، انا للاسف امتلك النظرة الايجابية للموضوع بس ما امتلك الثقة بالنفس وهالشي يعيقني بوااااايد شغلات ويحطني بمواقف محرجة وايد .

 

[F.L.O.N.A]

رد : رد: نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك

سلامي للكل ..

امراتية ملقوفة كثرررري فديتج من هالمشاركات ^_*

بنات اليوم انا توهقت و لا عرفت ارد معني حسيت اني ابا ارد .. !

يتنا حرمة عيوز و ماشاء الله لسانها كله ادعية يزاج الله خير و جيه .. بس هالمواقف اللي ماعرفت ارد فيها

يعني مثلا طلبت مني غرشة ماي .. فمليتها كامل و عطيتها في ايدينها ... ( بغيت اقول شي يعني شربة هنية و جيه مادري ما عرفت شاقول )

><

جان تقولي الله يعافيج و مشكورة

و انا ما عندي غير كلمة : العفوووو

روحت الحرمة ، و قالتلي يالله مع السلامة .. و انا ^^ ياللا باي ههههه

افتشلت ساعدوني ....!

ماحب اطيح الميانة وياها لانها كبيرة بنفس الوقت ابا ارد عدللل

و سووووري اذا كثرت فالرمسة

حيا الله أهل دبي دار الحي :eh_s(21): كثري من اللقافة فدييييتج

حبوبة ، إذا بغيتي تقدمين ماي او عصير او اي شي لاي احد (( كبير ، صغير ، عيووز )) لما تبين تعطينها لازم شوي جم كلمة حلوة (نفسج ) عشان يحلى طعم الكوب من ايدج

يعني مثلا ، مليتي الكوب ماي ، وييتي تبين تعطينها اول شي قوليلها ( تفضلي خالتي ) ،،، ( تفضلي يمه ) << اذا كانت تقربلج حيل وكبيرة بالسن ، ولما تاخذه وتقولج ( مشكورة حبيبتي ) او حتى لما ما تقول ، قولي :

- بالعافية .
- هني وعافية .
- عوافي يمه .

- العفو شدعوه خالتي ماسويت شي .
- العفو خالتي.

يعني من هالكلام العسل يا عسل .


تحياتي
:aha:

 

[%عسولة الحلوة%]

رفع للفايدة

 

[كويتية ولكن]

يعطيج العافيه

والله الموضووع حده مفيييد

اذا ناديتي وحده باسمها وردت عليج ( لبيييييييه) شنو تقولين لها ؟؟

عفيه موووو تنطشون السؤال ..