نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[..meme..]

موضووع عجيييب

 

[●° يآإ حِ‘ـبنيً ليَ . . ! «]

اذا ناديتي وحده باسمها وردت عليج ( لبيييييييه) شنو تقولين لها ؟؟

تقولين ، لبى قلبـج :$


:eh_s(21):

 

[%عسولة الحلوة%]

رررررررفع

 

[Bnt.Azmer]

خوش موضوع يبيله قعدة الصراحة لاني حدث ولاحرج بس ضروري بنات بغيت اسال اذا كنتي والدة وقالولج (طالعة من الشر) شرد عليها حدي توهقت وسويت روحي ماسمعت وادري المرة مستغربة بليز لاطنشوني انا بالنفاس واكيد بسمع هالحجي مرة ثانية!!!

 

[vogue grl]

فعلا بنات بالقراءة تتكون عندج حصيلة لغوية كبيرة تنفعج في بعض المواقف
وعموما الثقة بالنفس تفرض على شخصيتج ان تكون هادئة وعندها سرعة بديهة عجيبة
لا تنفعلين لا تعصبين عطي مخج فرصة يفكر وراح يبهرج بالكلام اللي طلع من لسانج

واايد تصادفني مواقف من هالنوع ارد احيانا واحيانا التزم الصمت لان احيانا المتكلم لا يعقل ما يقول!!
بمعنى آخر ماعليــه شره ..

:rerrerek: كلامج حلو

 

[Bent Ameer]

يعطيج العافيه

والله الموضووع حده مفيييد

اذا ناديتي وحده باسمها وردت عليج ( لبيييييييه) شنو تقولين لها ؟؟

عفيه موووو تنطشون السؤال ..

تقولين لبيتي حاجة ,,

 

[مخاويه الزعامه]

موضوعك رهيب يعطيك العافيه يالغلا

احيانا تنصدمين من الكلام اللي تسمعينه وتبلعمين ماتدرين شنو تقولين او شنو تردين

وما تجيك الجراءه الا بعد مايطوف الكلام وساعتها تلومين نفسك انا ليش ماقلت جذي

نفسي يصير عندي اسلوب دائم احيانا عندي واحيانا يطوفني الرد

نفس مشكلتي بالضبط ياليت نلقى حل

 

[الحب يكبر]

الجروح ان جت من أغراب عادي الجرح موت الجرح لاجاء من أحباب


........................................................

تحياتي مزيونه
والله يوفقج


الحب يكبر

 

[الحب يكبر]

خوش موضوع يبيله قعدة الصراحة لاني حدث ولاحرج بس ضروري بنات بغيت اسال اذا كنتي والدة وقالولج (طالعة من الشر) شرد عليها حدي توهقت وسويت روحي ماسمعت وادري المرة مستغربة بليز لاطنشوني انا بالنفاس واكيد بسمع هالحجي مرة ثانية!!!

مشكوره الشر مايجيج << على ما اعتقد

 

[يايبته صح]

في ناس قراب منج حيل تتكلمين معاهم بدون كلفة و تكلف و مجرد انه ما في كلافة بيني و بينهم و الميانة الطايحة تبين لهم انهم مو شوية يعني انا ما اكون على طبيعتي حيل و ماخذة راحتي عالآخر الا مع هالناس اللي ارتاح لهم ..

اما البعاد شوي .. و اللي بالدوام .. فهذيلي يبيلهم معاملة خاصة.. و انني افكر بالكلام اللي اقوله .. يعني اذا شفت شي حلو مدحت و ان شفت شي ما عجبني سكت ..
و اذا احد غاب سألت عنه و اذا رد تحمدت له بالسلامة ..
و السلام بالدخلة و بالطلعة .. على الكل .. مع ابتسامة خفيفة ..

و اسولف مع البنات بس و بسوالف عامة او أشياء عابرة و بسيطة من حياتي الشخصية ..

نفس الطريقة

 

[HoOope]

اب اب

 

[العنود 99]

رد : نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كو

موضوع حلو ومفيد

مممم انا مريت بموقف من شوي نزلت رد على وحده مادري يوم رديت كنت راده بحسن نيه ولما قلت كلمه عيب ما كنت اقصد اجرح البنت

بس تنرفزت من كلمات في الموضوع حسيت انها المفروض ما تقولها قدام الكل بس يوم شفت ردود البعض علي

حسيت ان في شي غلط في ردي ولا ما كان ردوا علي

صج زعلت من الردود بس ما حاولت اكبر السالفه اكثر وضحت لهم قصدي ويوم قالت لي وحده تعلمي اسلوب الحوار سكت وقلت لها ان شا الله

لاني مابي اكبر المواضيع << ومن عقب هالموقف براجع ردي اكثر من مره لان الكتابه مب نفس الصوت يمكن طريقتي في الكتابه كانت قاسيه ويمكن هم حساسين شوي

ومشكوره على الموضوع الحلو

 

[ألماس بنت ابوها]

رد : نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كو

موضوع اينن


بنات انا اعرفت اتكلم واعرف ارد بس بنات استحي مادري ليش

حيل انا سنه اولى جامعه توني متخرجه من الثانويه بس

بنات تقدرون تقولون فيني قليل من عدم الثقه بالنفس

وخصوصا وقت اليمعات مره رديت على وحده برد حلو والكل يطالعني حسيت

اني قلت شي غلط مادرري وهمن بنات السنه الي طافت كانت معاي بنت بثانويه

قالت انا احب املغ ألماس انا انصدمت وانقهرت ومارديت عليها وهالبنت ما احبها

وهي احسها نفس الشعور دايما تحطني بمواقف **** لاني اشطر منها بوايد

والي يبط جبدي اكثر معااي بنفس الكليه الحين ..

 

[jen2n]

رد : نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كو

بنات اذا وحده قالت لج انتي بعض المرات عندج اسلوب وبعض المرات لأ وما تركزين بكلامج شتدرين عليها

 

[مخاويه الزعامه]

رد: رد : نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك

بنات اذا وحده قالت لج انتي بعض المرات عندج اسلوب وبعض المرات لأ وما تركزين بكلامج شتدرين عليها

قولي ماعليج زود

 

[جولينار]

مرة كنت اسولف مع خوات زوجي واقولهم بنتي ان شاء الله بتطلع قمر

تاخذ العقل وبتفتت قلب كل من شافها ومن هالكلام


قالو لي اي هين ,, طبعا انا استغربت من ردهم


بس قلت بعاملهم بطيب وقلت لهم : دام انتو عماتها اكيد بنتي بتطلع قمر أثرت فيهم الكلمة واستانسو


على طول ردو علي وقبل هذا كله امهم جولينار

 

[رآء يآء ميم]

اول شي ثااااانكس مزيونه و شقره ع الموضوع الي في منتهى الروعه والذوق يا ذوق

وادري انو الموضوع قديم بس عجبني

اناواعوذ بالله من كلمه انا << يعني مسويه سنعه خخخخخخ

الحمدلله اعرف ارد ع الي يغلط علي وآخذ حقي وزود

يعني مثلا لا قالوا :

بدلتج مو حلوه ولا ميك ابك اوفر

ارد تلقائيا من غير ما افكر ::

اولا: محد طلب رايج و كفااااايه انه عاااااااااااااااجبني

وذا كانت مره كبيره يعني متزوجه

اقول : أي الناااااااس اذواااااق

في ناس ذوقهم حلو وناس عــاااااااااااااااااادي << امط كلمه عادي يعني نغزه عليها

ومرات جدتي الله يطول في عمرهاويخليها لي تفشلني عند عماتي وبنات عمو
هي ما يعجبها لبسي لان ع قولتها ضيق ووووالخ << طبعا هي ما تقصد بس هذي سوالف الجدات يحبون الشي القديم

ف شسويت ؟؟

حبيت راسها و قلتلها : ما عليتس زوود يـمه .. هذا من ذوقتج يجي منتس اكثر قدااامهم كلهم << من عقب هالحركه ماعلقت ع لبسي استحت يا حبني لها هع هع هع هع

وبعد اول ماكنت اعرف ارد ع الكلام الحلو بس بالهوشات لساني يلوط اذاني

المهم قالتلي عمتي ريـم مكياجج حلو وانا كنت مالي خلق شي

تخيلوا شنو رديت ؟؟؟؟؟؟؟؟؟؟؟؟؟؟؟؟؟؟؟





قلت : ادرررري << انعن ام الغرور يا شيخه خخخخخخخخخخخخخخخخخخ

هي بققت عيونها وقالت: لا والله الناس يقولون عيونج الحلوه .. تسلمين مو ادرررري

انا مت من الضحك << عادي امون



اما يا قلبي وعمري وحياتي الكلمات هذي مستحيل اقولها

لان انا جتني فتره كلا اقول جذي حتى بالهوشات اقول لا ياعمري لا ياقلبي ما يصير

المهم مره قلت حق واحد الله يستر عليه دفعه وحده.. لا قلبي لاعمري لاحياتي هو انصدم وانا تفشششلت ومن عقبها وانا ناااادرا ما اتكلم جذي

 

[رآء يآء ميم]

وهذ بعض الكلمات لعل و عسى تفيدجن هع هع

اذا قالوا

ابشري تقولون تبشرين بالجنه

قره عينج = بوجه نبيج

فرصه سعيده = انا اسعد

تشرفت بمعرفتج / تشرفنا = الشرف لي

هـا = هويتي بير << ترااا اضحك لا احد يقولها وبعدين تدعون علي خخخخخ
استروا ما واجهتم = ماواجهنا إلا كل خير
من عيوني =ما ينعمون

وعندي ملاحظه للبنووووووتاااات

شوفن وانا اختجن ::

في العروس لما يقولون : عقابلج مو تقوووولوون ااامين

غلط قولوا تسلمين

وسلامتكم

 

[رآء يآء ميم]

يعطيج العافيه

والله الموضووع حده مفيييد

اذا ناديتي وحده باسمها وردت عليج ( لبيييييييه) شنو تقولين لها ؟؟

عفيه موووو تنطشون السؤال ..

تقدرين تقولين لبيتي بيوم المنى


او

لبيتي بـمـكـه


اما لبى قلبج ع ما اعتقد غلط

 

[رآء يآء ميم]

رد: رد : نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك

بنات اذا وحده قالت لج انتي بعض المرات عندج اسلوب وبعض المرات لأ وما تركزين بكلامج شتدرين عليها

قولي كيفي اسلوبي بعد تبين تحاسبيني عليه واذا مو عاجبج الكويت متروسه طوف

طقي راسج باي وحده ههههههه


<< بنات ترا انا مو عوبه خخخخخخ :d