نتناقش ونجتمع ونستفسر حول الصرع و التشنج(تم دمج جميع المواضيع الخاصة بالصرع والتشنج)

[نشـــامي]

[size="4[color="purple"]"]السلام عليكم

العنوان واضح حبيت كل وحده ادش تشارك بخبرتها وتجربتها ونفيد بعض[/size[/color]]


انا عندي بنتي عمرها سنه ونص من 4شهور بدت معاها التشنجات وكانت مخفيه يعني مواضحه ولايتشنج كل جسمها

طبعا الاكتشاف كان متاخر ماعرفوا للحاله بعدشهرين خذت سابريل

وهي عندها يقعه بالمخ وهم موعارفين سبب البقعه الي بالراس للحين

طبعا ولايمكن اعالجها بالكويت انا اعالجها ع حسابي بره بسبب اللي شفته هني

ونسيت شي مهم للحين ماحبت ولامشت معاها رخاوه وتاخذعلاج طبيعي


شاركووووووووونا

 

[ريناااد]

رد: عندج طفل يعاني من الصرع والتشنجات حيااااااج الله

حبيبتي انا مره شفت برنامج اجنبي يتكلمون عن الاطفال اللي فيهم رخاوه وسوو تجربه نجحت مع كثير من الاطفال الا وهي: انهم يخلون الطفل يمسك الحبل اللي في رقبة الخيل طبعا الطفل مايكون راكب على الخيل يكون بالارض والحبل يكون طويل ويخلون الخيل يركض والطفل طبعا راح يشد فيه وفيه اطفال كثير تشافوا والله اعلم

حبيبتي انا انصحك تروحين للجبيل فيه علاج هناك ان شاءالله ان بنتك راح تتشافى اسمه الشمبر وفيه حرمه بعد تعالج الاطفال انا صديقتي بنت خالها ماتمشي وراحوا للمره وعطتهم علاج ومن بعد ربي مشت البنت

 

[ريناااد]

رد: عندج طفل يعاني من الصرع والتشنجات حيااااااج الله

على فكره العلاج اللي بالجبيل يعالج حتى من اللي فيهم صرع وامراض ثانيه

 

[نشـــامي]

رد: عندج طفل يعاني من الصرع والتشنجات حيااااااج الله

مشكوره بانا شنو العلاج اللي بالجبيل يعني دكتور او اعشاب شرحي اكثر عفيه

 

[ريناااد]

رد: عندج طفل يعاني من الصرع والتشنجات حيااااااج الله

حبيتي هو مستشفى اسمه مستشفى القوات المسلحه انا اخوي انوديه هناك طبعا السكن مجانا انتي ترسلين لهم التقارير بس لازم تكوننين وراهم

لانهم بطيئين والعلاج يدخلون الطفل في الشمبر ..

ارسال التقارير عن طريق الفاكس..
وفيه ناس تشافوا ومشوا من بعد الله

 

[الصابرة المحتسبة]

رد: عندج طفل يعاني من الصرع والتشنجات حيااااااج الله

هلا يالغالية ويارب يطمن قليبج على وبنيتج

 

[نونا العتيبى]

رد: عندج طفل يعاني من الصرع والتشنجات حيااااااج الله

نشامي أذا ماني غلطانه بانا قصدها بالشمبر أهيا غرفة الأكسجين لأني أعرف أنه موجود بالمستشفي عندهم

وأهي غرفة يكون فيه الياهل لمدة معينه ويعطونه أكسجين نقي ,,ويقولون أنههم يتحسنون عليه

 

[فجرالعيد]

رد: عندج طفل يعاني من الصرع والتشنجات حيااااااج الله

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ من التشنجات علي كثر ماشفت ولدي يتشنج موراضيه أتعود أرجف وأبكي وأناديه وأضمه زوجي مايتحمل يشوفه لأن بالفعل يموت ويحيا الله يكون في عونه ويثبتنا والحل كل مره زياده في جرعة الدواء أو إضافة دواء جديد ودي أجرب الحجامه وخايفه عليه ((إن رحمة ربك لقريب))

 

[HearT ChocolaTe]

رد: عندج طفل يعاني من الصرع والتشنجات حيااااااج الله

فديتج إلا التشنجات ما أقدر أفيدج فيها .. سامحيني أحس هذا الشي صعب أبدي رأي فيه

 

[سمسومه الحبوبه]

رد: عندج طفل يعاني من الصرع والتشنجات حيااااااج الله

انا بنتي تجيها تشنجات من الوالده وألى الان عمرها 4سنوات وجربت 5ادويه ومافادت
كتب ربي يشوفها الدكتور عادل في مدينه الملك فهد وقرر يطبق لها علاج بالحميه الكيتونيه هذا العلاج مومنتشر مدري اذا سمعتو فيه بادين يطبقونه بالمملكه والحمد لله بدات تتحسن بنوتي من التشنجات
شوي يعني اول تتشنج عشرين أوأكثر باليوم ألحين أقل بكثير ولله الحمد والمنه وإلي حابه تقرا عن الحميه تكتب في قوقل العلاج بالحميه الكيتونيه وأي سؤال أنا بالخدمه للمعلوميه هذا العلاج للأطفال اللي مانفعت معهم الأدويه ويقدورن الوالدين يتحكمون في أكلهم

 

[الصابرة المحتسبة]

رد: عندج طفل يعاني من الصرع والتشنجات حيااااااج الله

مرة حاطين فلم عن الحمية شلون اقدرت تعالج الولد من التشنجات بس السؤال هل تنفع مع كل الحالات؟؟؟؟؟؟؟

 

[سمسومه الحبوبه]

رد: عندج طفل يعاني من الصرع والتشنجات حيااااااج الله

هلا حبيبتي الصابره الله يجعلني وإياك من الصابرين
أنا بنتي فيها شلل دماغي يعني انا إللي أتحكم في أكلها وماتقدر تاكل لحالها لان يخافون تروح تاكل شي مخالف للحميه عشان كذا الدكتور تحمس يسويها لها
وزي ماقلتلك للأطفال اللي مانفعت مهم الأدويه
والدكتور يحطك تحت التجربه ثلاث شهور إذا بدإيصير فيه تغيير وتحسن يستمر ولا يوقفها

 

[نشـــامي]

رد: عندج طفل يعاني من الصرع والتشنجات حيااااااج الله

سمسومه انا رحت لمدينه فهد الطبيه عند دكتور مصري وجنسيته امريكي شاطر حيل وصفلي
vigabtrain-sabrailبس كانت جرعاته حيل قويه ثلاث حبات باليوم يعني3000باليوم و اتوقع يخدر الطفل
طبعا هذا الدوا اخر علاج مطور للصرع ويوصف حاليا بكل العالم وتأثيره محدود فقط على العين
طبعا الادويه الثانيه تاثيراتها اكبر

وانا الدكتور خيرني بين العلاجات واخترته والحمدلله جاب نتيجه بس رحت لمدينه عبدالعزيز الطبيه عنددكتور احمد الرميان
وعجبتني سياسته يبدا بالتدريج بزياد الكميه لين ماتوقف التشنجات لضمان اقل جرعه ممكنه عشان الاثار الجانبيه
طبعا مايناقشونج بهالطريقه الا اذا كنتي فاهمه وهذا كلام الدكتور لي انا ماخير اي ناس بالدوا

ع فكره بنتي تعاني من تشنجات مخفيه يعني شكلها غير عن التشنج الطبيعي وهذي الاخطر ع المخ

 

[نشـــامي]

رد: عندج طفل يعاني من الصرع والتشنجات حيااااااج الله

ع فكره ليتات النيون تسوي مجال ايونات وتزيد نسبه التشنجات

ويابنات اي سؤال عن ادويه الصرع انا حاضره باللي اعرفه

 

[نشـــامي]

رد: عندج طفل يعاني من الصرع والتشنجات حيااااااج الله

فجر العيد

ممكن تشرحين شنو حالة ولدج وسبب التشنج؟

 

[نشـــامي]

رد: عندج طفل يعاني من الصرع والتشنجات حيااااااج الله

بعض الادويه
الاسم العلمي الاسم التجاري

1 توبيراميد (Topiramide) توباماكس (Topamax))
2 لاموتريجين (lamotrigine) لاميكتال(lamictal)
3 حمض الفالبوريك
(valproic acid) ديباكين\إيبيفال
(depakene - epival)
4 جابابنتين (gabapentin) نيرونتين (neurontine)
5 فينوباربيتال (phenobarbitol) فينوباربيتال (phenobarbitol)
6 فينيتوين (phenytoin) ابا نيوتن
(epanutin-dilantin)
7 كاربامازبين
(carbamazepine) تجريتول (tegretol)
8 فيجاباترين (vigabatrin) سابريـل (sabril)
9 كلونازيبـام (clonazepam) كلونوبين - ريفوتريل
(clonobin-revotril)
10 ديازبـام (diazepam) فاليـوم (valium)
11 بريميـدون (primidone) مايسوليـن (mysoline)
12 إيثوسكساميـد
(ethosuximide) زرانوتين (zarontin)
13 توبيراميد (Topiramide) توباماكس (Topamax

 

[فجرالعيد]

رد: عندج طفل يعاني من الصرع والتشنجات حيااااااج الله

فجر العيد

ممكن تشرحين شنو حالة ولدج وسبب التشنج؟

هلا نشامي وشاكرين لج عالموضوع ولدي مصاب بشلل دماغي ومايتحرك منه شي ومعاه تشنجات تزيد وتنقص حسب الدوا والحمدلله يعني بالشهر 4أو5مرات في أحسن حالاته ومرات تزيد وتصير قويه

 

[سمسومه الحبوبه]

رد: عندج طفل يعاني من الصرع والتشنجات حيااااااج الله

مرحبا أختي نشامي
لو سمحتي الكتور اللي في المدينه الملك فهد أسمه عادل محمود
وديت جودي للدكتور احمد الرميان في مستشفى الحبيب ممتاز ومتفائل الله يذكره بالخير
بسألك عن دوا التشنجات اسمه الكلونازيبام اسمه التجاري رايفوتريل عن اعراضه الجانبيه
من يوم بدينا نستخدمه صارعند جودي ضيق في التنفس وسرعه في التنفس صار صوت تنفسها كان احد خانقها والله قلقانه معها
إذا عندك خلفيه حبيبتي

 

[نشـــامي]

رد: عندج طفل يعاني من الصرع والتشنجات حيااااااج الله

سمسومه
ماعرف اسم الدكتور بس هو مصري يلبس نظاره اعتقد

حبيبتي دورت بقوقل لقيت معلومات كثيره لو ادورين تقرين اكثر بس انا ماق دسمعت عنه

وليه ماستمريتي عند الرميان؟انا تشجعت ممن كلام الامهات اللي القاهم يراجعون وشكثر ناس تسافره له وانا منهم

 

[سمسومه الحبوبه]

رد: عندج طفل يعاني من الصرع والتشنجات حيااااااج الله

هلا حبيبتي نشامى
انا رحت للرميان على حسابي في مستشفى الحبيب
واتابع لبنتي في المدينه لأن لها ملف والدتها فيه ووديتها لدكاتره كثير كلهم نفس الكلام مافيه علاج لمرضها حتى برا
اهم شي السيطره على التشنجات واحسن شي دكتور واحد عارف الحاله ومتابع لها
{بس عجبتني يلبس نظاره }