ديوانية بيت العمر

[شيوخه]

تسلمين ام وهابي عالصور فروحه امس مريت على قسيمتكم ما شاء الله تبارك الرحمن اللون يهبل والذوق صج راقي بس جني شفت حاطه ديكورات على الطوف بس ما ميزتها اذا عندج صور وريني ومنكم نستفيد

 

[شيوخه]

داوني وينج ابي اسالج الحين انتي تقولين البلاكات طلبيه انزين اذا اخترب عندي البلاك اقعد انطر ثلاث اشهر علشان يوصل وبعدين ام يعدون البلاكات ويقولون كم محتاجه او انا اقولهم وهم يجيبون واذا طلع زايد او ناقص شالحل واخيرا البلاكات فيها دركسيون وبلاك بو اربع الصغير وشنو الماركه اهم الوكيل والا الموزع وادري غثيتج بس كل ما اروح الشويخ تسكر المحلات وما يمديني اجيهم وشاكره لج

 

[اخت فروحه]

شيوخة : هذا من ذوقج حبيبتي

امس خذيت لي جولة مش بطالة اول شي رحنا كملنا الامتار الناقصة من سيراميك الحوش بعدين مرينا المنجرة اللي قلتي عنها طلعت مسكرة كانت الساعة 6 بعدين رحنا غروهي وخذينا جم طقم للعيال والسرداب لكن الباجي بناخذه من ايدل ستاندرد بعدين خذينا من ابيات السبوت لايت الهلوجين مريت ديكورات الخالد 8 ونص طلع مسكر


المهم لقيت لصفاية اللي قلتي عنها في ابيات عند محل اسمه المرجان صوب فهد السويد( هم كان مسكر) بس تخلينه على يمينج تمسين سيده شويييييييييه تلقينه عاليسار وسألته عنها قال ماتصلح لكم هذي حق مشاريع قلت انزين بجم قال يااختي هذي حق مشاريع ومجمعات كبيرة ما تصلح لبيوت



في شغلة بقولكم عنها تونا نكتشفها اسمها الرداد ((كان واحد قالها حق ريلي ولقيناها هم عند المرجان )) وشكثر ناس مايعرفونها
اهيا تنحط في خلاط الشطاف عشان الماي الحار مايدخل عالبارد ويخرب السخان او حل ثاني اذا ماتحطينها لاااااازم تركبين الشطاف اللي بدون دقمة اللي لازم تفتحينه وتسكرينه من الخلاط نفسة

 

[DooNy]

داوني وينج ابي اسالج الحين انتي تقولين البلاكات طلبيه انزين اذا اخترب عندي البلاك اقعد انطر ثلاث اشهر علشان يوصل وبعدين ام يعدون البلاكات ويقولون كم محتاجه او انا اقولهم وهم يجيبون واذا طلع زايد او ناقص شالحل واخيرا البلاكات فيها دركسيون وبلاك بو اربع الصغير وشنو الماركه اهم الوكيل والا الموزع وادري غثيتج بس كل ما اروح الشويخ تسكر المحلات وما يمديني اجيهم وشاكره لج

هلا حبيبتي شي طبيعي راح تطلبين وتخلينهم احتياط مع ان نادر ما تصير هالسالفه وطريقتهم انهم ايون البيت ويحددون النقط والعدد ويسون لج عرض سعر بس ترى عذريني ما أخذتهم من آرت كازا حدي مضيعه لأن الموضوع قديم وناسيه أخذتهم من دار الإضاءه موجود بسن سيتي لأن أذكر افتريت على اكثر من محل أدور البلاكات الي تصير براغيها مخفيه واللون كنت ابي بين الفضي والبرونز بس مايل للفضي أكثر ولقيته عندهم ، أما السبوت لايتس والإضاءات الثانيه من آرت كازا والمحلين البضاعه عندهم طلبيه وألحين أغلب المحلات ما يطلبون الا بعد شهر 8 لأن المصانع في أوربا مسكرين (عطله) ويستقبلون الطلبيات على أول 9
وعذروني إذا طولت عليكم بالرد لأن الشغل موراضي يخلص وانا بمراحل حرجه جدا ووقتي مو لي :eh_s(6):

 

[شيوخه]

مشكورين مشكورين يا احلى داوني وفروحه في العالم اما انا فكملت جولتي ورحت روكا عنده خوش مراحيض ومغاسل اما المعلقه فخذيت من ابل ورحت حق البلاكات عند بانا سونك كلش ما عجبوني وبشوف دار الاضاءه اللي قلتي عليه او الجسار فروحه السبوت لايت ليش ما خذيتي من الجسار يعني شنو مميزات ابيات عن الباجي وداوني الل يعينج كافي ان عندج ربا

 

[شيوخه]

فروحه بتضحكين علي عندي رسمة ديكور بسويها للاستقبال وكله اقول خليها بعدين بس من شفتج مسويه على الطوف تشجعت و اليوم كلمت معلم الديكور وبيبلش فيها من باجر باذن الله

 

[اخت فروحه]

اهلين شيوخة :

بالنسبة للسبوت لايت خذيناه لانه اسباني كله المحول والفريم ولونه احلى من اللي عند الجسار الذهبي ماله ارقى اللي عند الجسار شوي مصوفر ( على فكرة احنا كل شغلنا من الجسار ماعدا هالشغلة )
وهم كان عندنا كوبون مشتروات مجانية من ابيات وهم عطونا خصم حلو



دوني يعطيج العافية والله حاسه فيج

 

[اخت فروحه]

عليج بالعافية شيوخة


صج شخبار لياقة سوالكم شي ؟؟؟؟؟؟

 

[شيوخه]

:eh_s(1)

عليج بالعافية شيوخة


صج شخبار لياقة سوالكم شي ؟؟؟؟؟؟

لياقه انتي مو قلتي يطول بالشغل ومو كل يوم يجي فترددنا وخذينا واحد ثاني والثاني بنص الشغل انحاش وخلانا وما جبناه الا غصب علشان جذيه تاخر الشغل يعني لو ماخذين لياقه ابرك بس هذا هم شغله زوين والله كريم :eh_s(1):

 

[عطاليه بطاليه]

يالبى ولبى ولبى ياسكر ياعسل يامربى هههه

وحشتوني موت والله احس توهنا في زحمه الناس

طمنوني عنكم وعن احوالكم وعن اخر التشطيبات

وايش مسوين مع الصيفيه والله يجمعنا معاكم على خير

ومبروك عليكم رمضان ان شاء الله ويبلغكم الشهر الكريم

فديتكم يالغالين

 

[صعفوقة]

السلام عليكم بنات شرايكم بالبلاط لغرف الاطفال احنا تونا يعنى اسبوع وراح نركب الارضيات احس انها عمليه ودافيه للاطفال شرايكم بسرعه ماعندى وقت

 

[صعفوقة]

يابنات انا دخت من الكتالوجات للديكور وافتريت شكثر بقسايم العالم وللحين مااخترت زوجى يمكن ينتحر يقولى خلصى المهم اذا وحده تفيدنى شنو حط او اطرش صور وشكرا

 

[nono78]

في شغلة بقولكم عنها تونا نكتشفها اسمها الرداد ((كان واحد قالها حق ريلي ولقيناها هم عند المرجان )) وشكثر ناس مايعرفونها
اهيا تنحط في خلاط الشطاف عشان الماي الحار مايدخل عالبارد ويخرب السخان او حل ثاني اذا ماتحطينها لاااااازم تركبين الشطاف اللي بدون دقمة اللي لازم تفتحينه وتسكرينه من الخلاط نفسة

فروحه مشكوره عالمعلومه بقول حق ريلي

عرفت شنو المشكله ريلي يقول لا تخلون الخلاط رافع دايما صكروره عشان الماي الحار لا يدخل عالبارد

الظاهر مو حاطين رداد

 

[صعفوقة]

وينكم ياطيور شلوه

 

[شيوخه]

صعفوقه ما عرفنا لج شلون بتركبين الارضيه وانت مو مسويه الديكور وبعدين الديكور اشتري مجلات فلوريدا ديزاين تهبل واقري الديوانيه من اولها احنا وايد كاتبين عن الديكور
فروحه وداوني اين انتم وما هي اخر الاخبار

 

[شيوخه]

نونو مشكوره عالمشاركه ولازم نجرب منتجاتك

 

[عمار يا كويت]

السلام عليكم بنات شخباركم انا متانعتكم من بعيد الله يسهل اموركم يارب
شيوخة وفروحه فيدونا من وين خذييتو بورسلان الحمامات"للبنات والصبيان والرئيسي" و حمام الاستقبال بعد شنو الجديد .....

 

[صعفوقة]

صعفوقه ما عرفنا لج شلون بتركبين الارضيه وانت مو مسويه الديكور وبعدين الديكور اشتري مجلات فلوريدا ديزاين تهبل واقري الديوانيه من اولها احنا وايد كاتبين عن الديكور
فروحه وداوني اين انتم وما هي اخر الاخبار

اهلين شيوخه ثانكس على الرد بس الحين انا مركبه كرانيش يعنى حافة الديكور والارضيات بشتريها واخليها لان الديكور بسرعه ويخلص:ada::ada:

 

[اخت فروحه]

يالبى ولبى ولبى ياسكر ياعسل يامربى هههه

وحشتوني موت والله احس توهنا في زحمه الناس

طمنوني عنكم وعن احوالكم وعن اخر التشطيبات

وايش مسوين مع الصيفيه والله يجمعنا معاكم على خير

ومبروك عليكم رمضان ان شاء الله ويبلغكم الشهر الكريم

فديتكم يالغالين

حيا الله الغالية خبارج؟

احنا بخير ولله الحمد

وهذا احنا غايصين بالتشطيبات

اللهيبارك فيج ويبلغنا الهر الفضيل ويتقبله منا

 

[اخت فروحه]

السلام عليكم بنات شرايكم بالبلاط لغرف الاطفال احنا تونا يعنى اسبوع وراح نركب الارضيات احس انها عمليه ودافيه للاطفال شرايكم بسرعه ماعندى وقت

اهلين

والله ماعندي فكرة عن البلاط ماجربته