طبقين لرمضان طبق حلو (كريم كرمل بالزعفران)+مالح(سبرنغ رول بالخضار والجبنه)

[ريمه الكويت]

اولا بسم الله الرحمن الرحيم


ببدي بالحلو واهو كريم كرمل بس بالزعفران طريقته سهله


اولا
تاخذين علبه حليب نستله المكثف الحجم الكبير وتحطينه بالخلاطه+ نص قلاص ماي مغلي مذوبه فيه نص قفشه وسط زعفران وتخلطينهم عدل الى ان تتجانس الخلطه بالخلاطه

ثانيا

تكسرين 4 بيضان مع نص قفشه صغيره فانيلا + قلاص كبير ماي فاتر وتحطينهم على الخلطه الاولى بالخلاطه وتخلطينهم عدل مده 3 الى 5 دقايق تقريبا


ثالثا في صينيه بايركس او صينيه الكيك تحطين الكرمل ممكن الكرمل الجاهزه او اذا عندج كرمل الموجود بعلب كريم الكرمل زايد ممكن تحطين 2 كيس في قاعده الصينيه او ممكن تحرقين شكر حسب الرغيه وتصبين عليها الخلطه الي بالخلاط

وبالاخير تكونين مسخنه الفرن وحطي البايركس في حمام مائي ودخليه بالفرن مده ساعه الى ساعه ونص وبالاخير ممكن تحمرينه من فوق بالفرن
انا كملت طبخه بعد الساعه على الجوله فاستوى اسرع وخليته يبرد بره بعدين دخلته الثلاجه مابين ساعتين الى ثلاث الى ان برد بعدها قلبته

هني قبل لااقلبه




وبعد ماقلبته






قصصتها



وتفضلو





++++++++++++++++++++++++++++++++++


الطبف المالح
السبرنغ رول بطريقه جديده ولذيذه

اولا تاخذين عجينه السبرنغ رول

انا استخدمت الكرامه بس الافضل تستخدمين العجينه المستطيله اسهل انا قصصتها الى مستطيلات



وتحطين المستطيلين على شكل زائد او صليب



الحشوه عباره عن بطاط مسلوق وشويه اشبنت اهرسهم + جزر مبشور+ كوسا مبشوره+ ملفوف مقطع بالطول + ذره مسلوقه

اولا تحطين شويه زيت بالمقله وحطي عليه مكعب ماجي( انا اشتريه من دين ان ديلوكا اومركز سلطان خالي من المواد الضاره وطبيعي) لما يذوب المكعب احط الجزر مع الكوسا احركهم شويه بعدين احط المفلوف مع رشه ملح وفلفل اسود وقفشه صويا صوص وقلبهم وبالاخر احط البطاط المهروس مع الذره المسلوقه وظبطي الملح وبالاخير سكري النار وبشري عليهم جبنه شدر العلبه الزرقه الي حجمها صغير





حطي قفشه من الحشوه على العجينه



ولفيها وسكريها من الاجناب



وبعدين كملي لفها وسكريها مع ترطيب الطرف الاخير بالماي علشان تلزق



وبالعافيه جربوهم

 

[snfora]

يعطيج العافيه
الكريم كراميل واااااااااااااااااااو

 

[ريمه الكويت]

هلا وغلا بسنفوره مدي ايدج تفضلي

 

[جارة القمر]

ماشاء الله

تبارك الرحمن



تسلم هالأيادي

 

[هجاين]

يعطيج الف عافيه

 

[جرح الليالي]

ريووم اليوم انا بمر القادسية


زهبي سهمي زيييييييين؟؟


عوافي حبي

 

[@ام ضاري@]

تسلم ايدج حبيبتي

 

[F.A]

تسلم ايدج

 

[ريمه الكويت]

هلا والله جارونه

 

[ريمه الكويت]

يعافيج هجاين

 

[ريمه الكويت]

جرح الساعه المباركه تنورينا

 

[ريمه الكويت]

ام ضاري الله يسلمج

 

[ريمه الكويت]

تسلم ايدج

الله يسلمج

 

[<<لمار>>]

تسلم ايدج والكريم كراميل شكلة عذاب

 

[زهرااا]

تسلم الايادي ياااارب

 

[ريمه الكويت]

لولو كاتي وطعمه بعد لايطوفكم

 

[ريمه الكويت]

الله يخليج زهرا

 

[pama girl]

يعطييييييييييييييييييييييييييييييييييييييييييييييج الف عااااااافيه


الكريم كراميل شكله وااااو ما شاء الله

 

[*_*cute bug*_*]

تسلم ايدج حبيبتي

 

[dalal]

تسللللللم الايادي يا رمرم

اشتهيت كريم كراميل حديي.. بس ياربي مرتين سويتها وفشلت فشل ذريع !! مادري وين المشكله ..

بجرب طريقتج وان شالله تظبط وياي

اي وعندي سؤال: انا اسويها بالقوالب الدائريه الصغيره .. ارصهم يم بعض واحطهم بحمام مائي

هل الوقت نفسه ؟؟ ساعه ؟؟ ولا اقل؟